馬祖 (海之戀商場)

營業中

休息中

Happy sunday!去邊度行好呢..?就去荃灣啦…去到荃灣梗係去激安周圍行下買1野，行完一輪有點肚仔餓，就嚟咗呢間台灣- 馬祖 e下肚仔先午市套餐有好多種類， 令我都心思思唔知食咩好。。。最後就選擇左藥膳古早牛肉湯🤤我就轉左要新竹米粉，新竹米粉同果湯底好夾，湯底好濃牛肉味，令我好似去左台灣咁。牛肉好大舊，而且有好多就咁1碗麵係滿足唔到左，仲加左小食添加左2樣haha~鹵水雞翼好濃鹵水汁，好入味麻辣白菜豬肉餃😍🤤辣一辣醒下胃，咬一啖d 肉汁出曬嚟柑桔檸檬特飲夏日炎炎一定要飲杯凍飲，柑桔檸檬酸酸甜甜好岩飲

【馬祖台灣養生湯麵館】今日一朝早做完嘢，中午獨自去午餐，去食下藥膳雞湯，平平地補下身！📍蟲草花藥膳農場雞飯（$58）藥膳湯香味撲鼻，味道濃郁，而且容易接受！雞件份量好多，食極都有，雞件好嫩滑，肉厚，極之好味😋！📍滷水雞翼五隻（+$32）雞翼相當入味，軟林同時不會爛，高質！如果食量細可以叫三隻，如果好似我食量咁大就叫五隻啦、📍愛文芒果茉莉花茶（+$8）冰冰涼涼，好解暑！芒果味濃郁，茉莉花茶味道也不會被蓋過，個人認為超好飲

無得出走台灣既你我 係米好掛住呢？？ 午市主打養生湯麵 未食聽到個名已經覺得好滋補滋潤走進店內 原本以為是打邊邊的 原來午餐主打養生湯面 今日就讓大家健康一下 這裡選擇亦多 可以慢慢楝自己喜愛的 香辣藥膳牛肉湯手工麵 湯底非常香濃惹味 辣味亦足夠 牛腩炇得好淋又入味手功麵吸湯後味道好夾 好有麵香 又可以食辣又可以養生藥膳桃膠農場雞湯配新竹米粉 感覺好滋補好養生似的 桃膠份量足料 湯底清香甜味 雞件鮮嫩及好有雞味 新竹米粉好吸湯 好好食 材料豐富又養生 台式花枝丸 絕對係台灣名物 入口彈牙 配上藥膳湯份外滋味 養生健康而味道兼備 這裡會是不二之選

去完隔離的激安之殿堂行街，再坐西鐵線回家前和朋友吃個午餐才回家於是就選了海之戀這間馬祖台灣養生麵，地理位置方便正正就是荃灣西C出口.有多款麵食可以選擇，主要是農場雞或牛肉，湯底主打養生湯⭐️藥膳桃膠農場雞（$58）這碗麵supersize! 一出現嚇壞了我和朋友，分量多到兩個人都可能吃不完。這個碗的大小就似平時吃酸菜魚一大盤魚的那個尺寸，平時酸菜魚全部都是水，不過今次認真的都是食物，根本上一個人吃不完！店員給了我們一個碗仔，我把米粉放滿，本來的大碗還有不只一人份量的粉！除了份量多質素也很不錯，湯底是鮮甜鮮甜的藥膳味，隱隱約約有紅棗的香。而且桃膠超級多，彈牙又有營養。雞件有好幾塊，養到肥肥白白肉多多，肉質是有質感的那一種，不是軟林林，相信他們在農場跑了好多個圈、做了很多次健身吧？.因為面的份量實在太多，我朋友就只叫了一份蔬菜，蔬菜的湯底也是藥膳，貫徹主題。.作為台灣餐廳，當然少不了養生的台灣飲品，包括黑糖薑母茶、荔枝烏龍、柑橘檸檬等。.這大碗面真的好抵食！

今日因有要事到荃灣西站附近辦理，所以攞半日假去處理。辦完正經事，就睇下有咩食去醫下肚先。眼見荃灣西站呢度都有好多食肆，而本人就偏好食麵，所以最後都黎左呢間~馬祖台灣養生湯麵館。呢度的主食配以麵類的米線及手工麵為主，亦可配飯。而湯底都以藥膳養生湯底為主打，亦有為好辣人士的香辣養生湯底。藥膳古早牛肉湯手工麵~本來我好奇點解呢碗野賣$70之際，上到枱見真章，牛肉真係好足料夠份量，牛肉夠淋，亦好入味，兩塊蘿蔔又淋又甜；手工麵夠彈牙；湯底係好濃郁的古早牛肉湯，再加上紅棗，龍眼等藥膳材料，$70係值嘅。藥膳桃膠農場雞米線~首先試左個湯底先，藥膳湯底好清，好飲；雞件的件頭比平時的大件，今日好好彩，比左雞翼位同少少上脾位，都滑嘅，有雞味；桃膠浸得夠，養生之寶最喜愛，而米線亦都煮得好彈牙，我喜愛的口感，還有雲耳作配，紅棗，杞子等藥膳材料，我好喜歡這個配搭，最後我差不多飲哂成個湯底。藥膳上湯墨魚春卷~呢個小食的藥膳湯底最濃，紅棗的份量超多，而墨魚卷，似炸魚旦的做法，同藥膳湯底好似唔係太夾。整體而言，養生係現代香港人追求，有呢個諗頭係唔錯，而麵食比飯類容易上口，呢間店係我杯茶。

下午兩點仲未食晏，超肚餓，路過見有位，食物幾吸引，兼且我一直都鍾意食台灣料理，所以即刻入去試吓。佢有午市套餐，大部份都可以揀白飯或者米線，我就叫咗個「藥膳古早牛肉湯米線」，5分鐘左右就嚟到。湯有啲藥材味，小小似肉骨茶，不過偏甜。牛肉竟然有七、八件，牛肉有牛肉鮮味，兼炆得幾焾，呢個要讚；仲有兩件大大件嘅炆白蘿蔔，味道就淡咗一啲，又偏硬，炆嘅時間唔夠長。$70有一碗咁樣質素嘅牛肉麵，再加幾蚊仲可以配埋飲品，唔知係唔係真可以養生，但係可以再嚟返尋味。

台灣人最注重健康,而依間正係台式餐廳,招牌以養生湯為主,一見餐牌全都是藥膳雞湯、蟲草花、桃膠、黑蒜、麻油雞等補湯,相當健康。蟲草花藥膳農場雞飯湯底飲落有少許當歸味,加上紅棗、杞子、圓肉、雲耳等好足料,至於雞肉鮮嫩肉滑,有口感,配上白飯撈埋一起食,清甜滋補。而且價錢又唔貴,值得再嚟。

好開心呀今日老公竟然可以請半日假陪我去donki 玩一日，我哋曾經試過星期六日去donki,完全入唔到去，所以我哋今日平日十一幾去，咁啱要喺荃灣維修架車我哋就周圍行吓海之戀嘅新商場搵吓食，荃灣而家真係越嚟越多好嘢食。咁啱我哋嚟到呢一間台灣藥膳餐廳，由於老公不嬲都鍾意藥膳食物😂(可能佢底子入邊係女仔🤣) 我叫咗藥膳雞米線，佢叫咗台式牛肉手工麵，老公鍾意我嘅藥膳雞，一邊有香濃嘅紅棗味，而且味道濃郁。食完之後覺得成個人血氣運行。我覺得冬天嚟食應該會超正個價錢仲要唔貴，五六十元就有一個餐。老公嘅牛肉麵直頭有台灣風味，我覺得可以媲美系台灣食牛肉麵嘅水準。而且手工麵非常彈牙煙韌，好有口感。我同老公都非常滿意呢間餐廳希望下次可以嚟打邊爐啦

上次食過馬祖晚市打邊爐留下美好印象，今日又黎到荃灣行街，就決定第一站係呢度就個午餐先😚。-午市主打養生湯麵，仲可以追加小食同飲品。假日都幾多人排隊等位，當日二點半去到出面都仲有人等緊位，但記住佢地三點就會落場架喇。-1⃣ 藥膳古早牛肉湯配手功麵 💰72（👅: 7.6/10）牛肉相當有份量，仲有兩件蘿蔔。 牛肉口感有嚼口得黎又帶點香焾入味。手功麵吸收左湯頭嘅鮮甜，幾有嚼感，麵條扁壓，幾有麵香🤤。2⃣蟲草花藥膳農場雞米線 💰58（👅: 7.8/10）湯底有紅棗、木耳、桂圓、蟲草花等配料，令湯頭香甜入味；雞肉係用農場雞，而唔係冰鮮，食落都幾滑；米線偏淋身，能吸收到藥膳湯底既甜香。.3⃣鹵水雞翼 💰24（👅: 6/10）睇落鹵得不錯，但入面偏生，好似唔係煮得太熟。-4⃣ 麻辣白菜豬肉餃 💰28（👅: 7/10）唔算好麻辣，豬肉餃🥟餡料都幾充足，正常發揮😉。-5⃣ 愛文芒果茉莉花茶 ＋💰8（👅: 7/10）芒果味幾香，味道偏甜少少-6⃣ 蜂蜜茉莉花茶 +💰8（👅: 7.3/10）味道較清新涼快-✨整體黎講，性價比幾高，好足料，而且order完好快就有得食😚。

車爸爸找到這間吃台灣粉麵的馬祖台灣養生湯麵館跟我星期日吃午餐，味道須然一般不過面對海景也只花費無幾總算不錯的。 連個筷子筒都是心形感覺好溫馨，熱辣辣的週日選了杯冰凍的愛文芒果茉莉花茶配麵加＄8，車爸爸彷郎樹一條心繼續喝他喜歡的港式熱奶茶配麵加＄6。 愛文芒果茉莉花茶有點過甜而且有些藥水味不算好喝，反而港式熱奶茶味道更討人歡喜。 不消一會兩大碗養生米線已來到我們面前，香氣撲鼻令我們也帶著了期待！ 車爸爸藥膳麻油雞米線＄57呷一口湯帶有好濃的藥材味，不知是否圓肉太多的關係湯味甜得有點過火，而雞肉亦未算好嫩滑可以接受啦！反而米線的口感很爽滑成為全碗的焦點。 我則選了香辣養生湯墨魚春卷拼白菜豬肉餃米線＄57，基本上湯底跟車爸爸那碗無異而香辣味道則來自那辣椒油，辣味不討好之餘更弄至成碗米線油淋淋吃得我很不爽！ 白菜豬肉餃皮薄餡亦靚吃得過但那墨魚春卷就麻麻哋！首先口感是鬆鬆散的而且吃下味道師傅好重很不推介！這兒我覺得環境招呼也很不錯食物就可以做得更加好，不要求太高的也可以一試！

今日要去海之戀做嘢第一次嚟呢個商場完全諗唔到食咩好咁啱見到呢間冇乜人而且有我最鍾意食嘅米線所以諗都冇諗就沖左入去😂😂餐牌上面都有好多選擇米線又有飯又有最後我決定食蟲草花藥膳農場雞米線套餐飲品我就選擇左金桔檸檬特飲杯嘢飲都幾大杯 而且可以選擇少甜夏天飲消暑解渴一流👍🏻👍🏻👍🏻佢個米線份量都幾大而且雞件數量都多 不過可惜係俾咗我唔鍾意食嘅雞胸😂😂佢嘅湯底比較清 食落去都好舒服不過重口味人士應該會覺得冇乜味雞件一般 正正常常冇乜特別瑞士雞翼雞翼反而好出色調味啱啱好 呢個小食有驚喜

之前一直都以為馬祖係打邊爐，今日經過先知原來有米線🍜食，仲要個湯底係養生藥膳，好似好吸引咁！仲要午後時間都仲好多人排緊隊，咁我哋又去排下，估唔呢個時期都有咁多人！全部湯底都有藥膳，仲要米線可以轉白飯，咁就變咗湯飯啦😆！大食嘅都唔駛擔心，不過本身米線都好大碗，份量好足夠！今次揀左藥膳養生湯墨魚春卷拼白菜豬肉餃米線，一上來已聞到藥膳味，不過唔會太濃，原全接受到！而且墨魚春卷好有口感仲食到墨魚肉，真材實料！仲有另一碗係藥膳古早牛肉湯配手功麵，牛肉仲多過麵🤤，牛肉炆煮得非常入味仲要好淋，手功麵食落有咬口，唔會煮過頭，讚！而且上菜速度勁快加埋兩杯冰涼清爽嘢飲，熱辣辣嘅天氣至岩！

本身都有這個📱GULU等位取票應用程式，但是沒有打開來看看，原來用這個應用程式可以先拿票等位，那就不用在門口才拿實體票然之後等位等那麼久😪。終於入到去，店方提供紙袋給食客盛載口罩，亦都會量體溫。湯底選了一個麻辣以及另一個沙嗲味的。午餐肉夠厚，大塊，吸湯都挺美味；🤗菜有羽衣甘藍，時常覺得這菜用作火鍋不錯，雖然有時太大棵會顯得中間的部分太硬，但兩邊的葉吃來菜味濃香湯底味道，起初端來，試試一細口，味道還有輕微甜味，更見特別。😽外邊也有其他調味料，例如是醬油、荵粒、辣椒、生蒜等等。這兒的豬肉片，偏向瘦，沒有什麼脂肪，因此吃起上來難免比較柴皮；牛肉就顯得好吃得多，肥瘦均勻，有點脂肪在內，雖然不算極上盛的雪花肥牛，但它的質地也不錯的。平日都不多會自己主動去買甜筒，但通常遇見自助餐或是放題等等有飲食的矜貴甜筒，倒可以一試。😻看到這個DREYERS的柚子味甜筒，挺為特別，亦都因為他沒有其他比較吸引的味道，於是亦都毅然一試。反而，這個柚子味甜筒，輕微酸味，非常開胃，亦都不會令人覺得太酸，或是太過嬌柔做作的味道，因此顯得格外出色。這間火鍋店的員工，服務非常快，亦都不會出現漏單，或是故意不給肉的情況，因此，

因為要減肥所以要戒飲珍珠奶茶今日很懷念台灣食物所以就去到樓下一間養生的台灣店食午餐.藥膳早古味牛肉手工麵見到碗湯色水豐富，你就知道味道濃郁，是十分正宗的台灣牛肉麵。而且加入藥膳的成份，包括有紅棗及木耳，濃郁得來又帶少少自然的清甜。手工麵及蘿蔔都很吸湯，每一口都是滿載的牛肉味。牛肉同樣地也釀製得很正宗，就是令人吃上癮再多都不會膩的感覺。而且牛肉選用帶有筋的，令到肉質不會過硬、更有口感。.藥膳蕃茄農場雞新竹米粉米線可以免費轉做新竹米粉，新竹米粉是台灣比較有特色的麵食，比起普通米粉更加彈牙，所以建議大家不妨轉食新竹米粉。最近，健康最緊要這個番茄湯底100分，滿滿是維生素的味道，亦是十分濃郁。雞肉是雞髀！嫩滑有雞肉的鮮香，果然是農場雞！.除麵食之外也有一些小食。滷水雞翼亦是煮得很入味，生菜亦是用藥膳湯去煮的。另外加錢就可以有台式飲品，滿足到我想食台灣東西！食完之後還可以到附近的碼頭去馬灣玩，bonus。

某日 , 友人要脅我去馬祖湯麵館打邊爐 , 我回敬佢不如去食齋舖据扒呀笨點知佢又真係無吹水 , 間古怪麵舖又真係打邊爐喎如圖所示 , 值得一讚賣點係一人一鍋 , 唔似得其他小家cheap店"校工蕭肉"4個人都唔俾開多個鍋, 以為賴有寶咁揀招牌野藥膳台灣麻辣鍋 , 友人揀藥膳田園蕃茄濃湯 , 選了90min的$198 牛肩胛骨放題套餐所以因為一人一鍋的關係,鍋size本身都細一截算可以接受 , 一般的下價打邊爐配料都齊備 , 丸類呀菜呀等都全包 , 並有DREYER'S 雪糕任你食打邊爐料不多說,眾所周知大路野 , 主要講湯底方面都特別 藥膳麻辣鍋, 麻而少辣, 唔太食得麻既朋友真係有機會條脷短暫失去味覺 , 回園蕃茄湯都幾好 , 蕃茄味濃稠唔酸, 都新鮮既牛肉方面不乏雪花紋理, 肉質肥瘦適中牛肉味尚可 , 剛好端上台時解凍得宜 , 絕唔會一般舖頭雪櫃拎出黎硬倔倔咁俾你 , 另外值得注意有超長蟹棒食,記得order因90min關係都食得好趕 , 未夠最後30min已經催last order  , 最後15min又報一次時, 最後幾分鐘又黎鑊話夠鐘交台, 呢點較為離譜 , 趕客都唔駛咁揚啦