馮濤泰菜

營業中

休息中

上網睇到呢間餐廳係標榜冇味精，所以就嚟試吓呢一間泰菜，受到老闆娘好熱情嘅招呼。生蝦同串呀咩燒係需要preorder 因為老闆係需要去街市準備食材。佢個招牌燒魚非常之好食，生蝦新鮮，我啦個汁好特別，冬陰功炒飯好好味，泰式炒金邊粉都唔錯，冬陰功湯唔係我哋飲開嗰種，幾特別。另外去過燒排骨非常之好食 個個食咗都讚好👍🏻燒雞燒雞好食美中不足係斬得唔好😂另外餐廳嘅侍應服務態度非常之好👍🏻👍🏻深水埗區最好嘅泰菜👍🏻👍🏻

呢日去到深水埗 行經呢間新開泰國菜館🇨🇷裝修得很華麗 以黑色金色為主 餐牌每道菜式賣相都好吸引 一定要食返餐試吓先😋🔸原隻花膠8隻魚肚羹（ $1599）呢款係廚師拍板既菜式 真材實料呀有8隻大大隻花膠 花膠好肥美厚厚的魚肚無腥味 入口滑嘟嘟 魚肚羹配料有豬紅 雞蛋 生菜等 魚肚羹好滑溜 好好味啊🔸 炸筍殼魚（$350）上桌熱辣辣香噴噴的 魚炸得很香脆可口食多兩啖都冇油膩感 配埋辣椒仔 好惹味啊🔸 蟹肉炒飯 （$135）炒飯擺盤很精美 顏色鮮艷飯粒炒得好乾身 粒粒分明配料豐富有青瓜 粟米 青豆 蘿蔔等炒飯面灑上炸蒜及海量蟹肉 蟹肉好鮮味 食得十分滋味😋🔸 泰式蟹肉煎蛋 （$119）煎蛋蛋邊煎得焦香 金黃色的 煎蛋面灑上炸蒜及蟹肉 帶有鮮味既蟹肉夾住煎蛋一齊食 口感十分豐富🤤

鴨寮街除咗多電子產品賣仲有好多餐廳方便搵食。我哋shopping完想地方開餐兼休息下，大家都鍾意食泰國菜，見呢間餐館幾企理就揀喺度食晚飯Tao燒老虎斑 > 用泰式香葉、炸蒜、紅蔥、蔥花燒老虎斑出嚟效果唔錯，火喉控制得好、魚收汁後入口肉爽皮嫩蝦醬炒飯> 一上桌香到隔幾枱啲客人都聞到！粒粒飯都被滿滿蝦醬包住但不會過濕，食落有魚露吊味，面頭仲放咗煎蛋絲，配菜係經典嘅臘腸、青瓜、指天椒和紅洋蔥絲，唧埋青檸汁，唔係講笑𣊬間清碟飛天通菜> 最初聽到“飛天通菜”覺得個名好神奇，一食不得了！呢間餐廳嘅通菜幾正宗，惹味到曉飛咁，蒜頭、指天椒、紅辣椒落得足大火炒夠鑊氣，菜嫩口份量大，我鍾意食菜覺得幾掂

見到咁多人去咗泰國旅行打卡我都好羨慕🥹係香港食住泰國菜止下癮先，係深水埗呢間新開嘅馮濤泰菜可以食到好齊全嘅泰國菜式😍😍泰式蠔仔煎蛋凡係蠔餅、蚵仔煎等我都好鍾意食😚😚係餐牌見到蠔仔煎蛋就忍唔住叫咗。蠔仔幾飽滿，有鮮味無腥味，簡單好味😋泰式船河金邊粉泰國地道嘅船河我都幾鍾意食😗呢款都做得幾正宗👍🏻👍🏻湯底味道好濃郁甘甜。配料有豬肉、魚蛋、豬皮等，豬皮好香口卜卜脆，加點香葉令湯頭味道更添層次🍃冬蔭功蝦湯金邊粉另一款金邊粉，冬蔭功酸酸辣辣好惹味🤪🤪配料好豐富呢，金邊粉好滑，吸晒湯汁啲味🥳人均消費：$130推介指數（10分為滿分）：8分

通常食泰國嘢都係生菜包、冬陰功，咖喱蟹等等，嫌悶嘅話真係可以試吓呢間，菜式好多元化，有好多都係第一次試泰式蠔仔煎蛋$105比起潮州蠔仔餅，佢唔係炸嘅，亦都冇用粉，所以比較輕盈啲，煎一樣香脆，份量都夠，上面加埋炸蒜，非常惹味泰式魚肚羹 $119魚肚羹又係，原來泰國都有，不過係配豬紅，非常有趣嘅配搭，個湯好鮮甜，好重海鮮味，魚肚煙煙韌韌，又唔腥酸辣海鲜湯 $139朋友指定要叫，覺得酸酸辣辣最啱開胃同埋送飯，入面都好足料，飲完個湯都飽泰式燒雞 $225用咗泰式香料去燒雞，皮脆肉嫩，好香嘅泰國香料味

灣仔 搬到深水埗 水準不跌反升！ 樓面大左好多， 位子舒服😌 泰國靚仔廚神 廚藝一流服務又親民，價錢仲親民🥰4個女生點了一枱餸 清曬碟！船河 從來無令人失望。 😭😭😭 個湯底真心好正呀。 真係拍得住去一轉泰國 食。 朋友點咗個泰式乾炒雞河。 又係清碟之作。不得不提 一定係 招牌斗泰炸魚！ 脆炸惹味嫩滑 大頭蝦，新鮮彈牙 。 招牌炸魚，一試難忘。 呢個魚配嗰個汁，好惹味。個個朋友都話正。 深水埗，出色泰菜。仲有串燒同埋海鮮原來要預約。下次訂枱一定要早啲同老闆娘講。

甜酸咸辣激味道的合體和草本料理是泰國🇹🇭菜嘅最大特色帶到香港，炒或煮出來香噴噴使人垂涎。廚師斗開了這間用心為您們嚴格選取新鲜材料煮的正宗泰國菜。 Tao ‘泰國人叫他斗，是一間正宗泰式風味小店，由灣仔地方細小，搬遷到太子有有座位店舖💪💪💪。 食材新鮮，大部份食物都可辣可唔辣，餐點味道是泰國曼谷本土味道。 •青咖哩🥗是用古法秘方由Tao媽媽傳授，薑黃中萃取的新化合物可以直接活化大腦中與記憶，有提高記憶力的功效.... •冬陰功湯🍲食材講究，有非常好的養生效果，曾有研究顯示.. •黄咖哩🍛成份有止痛的作用、肩臂酸痛也有很好的療效.. •泰式🚢船河，必試先知這個真正泰國味十足👀 •香辣肉碎炒飯，好惹味! •香葉肉碎飯加🍳蛋，香葉肉碎可辣可不辣加埋流心煎蛋，回味無窮呀～ •泰式炒金邊粉（🍤蝦)，Pad Thai係最受香港人歡迎嘅泰國菜之一，自家製㊙️♨️酸甜香於一身，成分:羅望子由於其營養成分，是世界上非常有價值的產品, 重口味又帶清新口感，開胃又爽口!Customer said No.1 Pad Thai in Wan Chai. •泰式秘製燒牛柳🥩，肉質嫩滑嘅牛柳，食落好juice，牛肉味濃，

經過深水埗楓樹街球場，見到開咗間新泰國餐館，同友人book咗今日試下呢度個泰國菜～🐟青檸檬魚 $175上枱擺盤好靚好多顏色，魚嘅上面仲好誇張咁放多幾片青檸檬。一黎到已經聞到好香嘅青檸檬味。魚肉入口又估唔到咁嫩滑，青檸和檸檬汁的酸味與魚露和辣椒醬的鹹味和辣味形成平衡，酸辣互映，味道豐富。好似番左去泰國咁地道風味🦐黃咖喱大頭蝦(要預訂) $240 時價最鍾意食大頭蝦，呢度大頭蝦係用羅氏沼蝦，最明顯分別係蝦身前面有兩隻超長腳，面蝦頭都明顯大隻。蝦肉入口肥厚結實，整碟配料超多，再配上椰香味較濃嘅黃咖喱醬汁，非常好食🐛泰式瀨尿蝦(要預訂) $500 時價另外最想試就係瀨尿蝦～ 估唔到佢可以做到幾惹味香口。蝦身算係大隻，而蝦殼都炸到極脆身，開殼咬落去啖啖肉，再配埋泰式汁醬，真係另一番風味

親戚住喺深水埗，因為要拎嘢俾佢嘅關係，所以就過咗嚟深水埗，佢話附近開咗間新嘅泰國嘢，有泰國人主理，質素都唔錯，就話一齊去試吓彩虹湯呢個第一次食～ 湯底酸酸甜甜，配料有魚蛋、蝦條、豬紅等等～ 都有四碗左右，份量都幾大風香葉肉碎加咗蛋同埋白飯，肉碎用嚟撈飯食一流～ 少少辣夠惹味～ 側邊仲有青瓜做伴碟，用嚟清一清味蕾都唔錯濕炒海鮮河炒河配料有青口、蝦、西蘭花等等，河粉夾起條條分明，醬汁唔會太杰身，加埋魚露就更加香。

最近好少食泰國野，突然心血來潮去左食泰國菜。見深水埗既【馮濤泰菜】係新開既就去試下啦。泰式三文魚：煙三文魚或者日本三文魚刺身就食得多，泰式三文魚真係第一次食。三文魚刺身要自己先買去，預約定叫餐廳加工，泰式醬汁係由蒜頭、辣椒、糖、魚露，青檸等整成、酸酸辣辣，以涼拌形式上碟。作爲頭盤非常開胃。泰式豬手：鹵水豬手、唔會太鹹、而且加左好多蔬菜、可以解下膩。上面D乾蔥好香。泰式燒游水阿拉斯加蟹：需要先預約、好大一隻、好新鮮、肉質非常鮮甜而且緊致。平時好少食海鮮都推薦。

📍 Tao’s Thai food🌍深水埗鴨寮街28-36號運福樓地下B號舖Shop B, G/F, Fortune Mansion, 28-36 Apliu Street, Sham Shui Po📝整體評分：8／10新開張加埋廚房好透明，乾淨企理，仲有年輕泰仔主廚坐鎮。🥢泰式燒雞 Grill Whole Chicken🥢 $225雞皮蔣到紙咁，做到皮脆肉嫩，雞有雞味，味道唔會平淡，仲要肉汁鎖緊，好juicy~~~~ 成隻氅春雞份量咁多齋咁食食到後期會有少少寡，要蘸泰式燒烤汁，多重滋味。🥢泰式船河金邊粉 Thai Boat Noodle🥢 $89材料有魚蛋、豬肉片、炸豬皮，湯底醇厚濃郁，質地稠密，甘中帶少少辛香，金邊粉滑溜煙韌又吸湯。🥢泰式蝦油蝦炒飯 Shrimp Fried Rice🥢 $85一上就聞到好香鑊氣，飯炒到粒粒分明，包裹住蛋同蝦香~🥢玫瑰香茅茶 & 奶綠茶🥢自家創作特式茶，偏甜小小但味道好特別，尤其奶綠茶有別平時既綠茶味道~

有日行過呢到呢間泰國菜新開仲係試業中泰國人主理裝修又幾靚幾吸引開放式廚房夠乾淨所以就決定試下喇！我地叫左一個船河、一個炒河同埋一份素春卷另外仲有兩杯嘢飲試業期間仲有啲菜式未準備好所以選擇比較少啲但係見到佢餐牌上面其實都仲有好多選擇湯河嘅湯底非常之甜甜中又帶少少微辣都幾好味佢嘅做法亦都非常正宗配料豐富連炸豬皮都有而乾炒河粉份量都好多佢哋採用左幼身河粉配上大量嘅蔬菜食落唔會覺得好油膩素春卷一份有六條雖然冇肉但係配料都好豐富有木耳絲、紅蘿蔔絲等等而且新鮮炸起熱辣辣好吸引

Tao's thai food moved from Wan Chai to Sham Shui Po. The restaurant now is much bigger and cozy than before. The Chef just cooks behind a window and you could see him to cook. How awesome!!! I ordered one grilled fish and one fried morning glory. About the morning glory, they will check with you how spicy you want. Very sweet. When i see my fish, it looks so ‚Aroi Aroi’ and I can't wait to kill it. The fish is so juicy, soft and tender with different flavour. Also you have to dip in the spicy sa

呢間泰國餐廳原本係灣仔，舊同事食過覺得出色，知佢搬走黎深水埗（小編的生活圈），特別推介左比小編～環境餐廳以走廊為分界，一邊係開放式廚房連吧枱，另一邊係客枱。鋪頭唔算大，但坐位空間都足夠。食物1. 彩虹湯呢個湯小編都係第一次見，係甜酸做主導，十分開胃。配料有魚片、魚蛋，豬紅、生菜等。豬紅唔腥，小編平時唔食豬紅既都食左幾件。喜歡甜食的應該都會鍾意。一份約有4-6碗。2.泰式豬腳豬腳賣相十分吸引，伴以新鮮芥蘭，一解膩口既感覺。豬腳皮有咬口唔油膩夾完又夾，豬腳肉都唔鞋口好冧。3.泰式炒金邊粉Pad Thai 有各種唔同質感既配料，炸蒜、魚乾、生洋蔥、芽菜，口感十分豐富，味道都係偏甜，加埋青檸更加惹味。4.魚肚羹呢個係老闆娘送架，因為小編同行朋友唔敢叫魚肚，怕腥，老闆娘聽到就請我地試下。唔試由自何，一試笑呵呵。魚肚完全唔腥，比想像中好味。小編覺得好味過彩虹湯。呢個羹好滑，質感似碗仔翅，配料有香菇、生菜、魚肚、豬紅等。食既時候配少少白醋會更有層次。5. 章魚沙律新鮮章魚涼拌各樣菜的沙律，味道清爽，有少少辣，但好過癮，上面啲粉係廚師哥哥即磨既糯米粉，佢話有解辣作用，小編表示感受唔到，反而係增強左口感

餐廳裝潢十分特別，金色雕刻的鏡框和閃爍的天花吊燈，配上大理石花紋的桌子和黑色沙發椅，非一般泰國菜餐廳的裝潢，感覺帶點西式的感覺。餐具精緻，桌上有鮮花伴襯，用餐感覺良好。職員也為我們講解食物的精髓，而當日用餐時聽到有濃濃泰國口音的廚師和客人聊天，客人不少是曾經光顧灣仔舊店的，看來有一群相熟的客人捧場。有不少相熟的客人，那食物質素一定不錯吧！感覺每一道菜式都有用心烹調和擺盤，賣相精美吸引，食物用料新鮮。♡泰式素春卷$79熱辣辣炸得很香脆，不會有油膩感，香脆外皮包住粉絲、芋頭和蘿蔔等素食，配上酸酸甜甜的酸梅醬。♡泰式冬蔭公$119 🥢必點🥢好喝😋味道和一般的冬蔭公有少許分別，這款冬蔭公，用上真正的青檸汁，而且不加味精，所以喝下沒有嗆喉刺激的感覺，不吃辣都可以點啊！雖然不加味精，但味道十分濃郁👍，喝下去有香濃的香料味道，內裡也有很多蘑菇、車厘茄，可見有多真材實料呢！♡泰式蝦油蝦炒飯$85用上蝦油來到炒飯，很滋味呢～蝦油其實是蝦膏和蝦油爆香再燜成醬汁。擺盤很精美，蝦仁大隻彈牙，而且用料豐富，有青瓜、粟米、青豆、蘿蔔，再加上有香甜的萄葡乾和的爽脆的紫洋蔥，表面還灑上炸蒜，口感十分有層次啊～另外點了