駟馬拖車潮州飯店 (MOSTown新港城中心(4期)) (已結業)

潮州美食盡在馬鞍山新港城 - 駟馬拖車📢作為一個美食愛好者，最近我終於去咗位於馬鞍山新港城嘅潮州飯店——駟馬拖車。呢度真係名不虛傳，唔單止有傳統嘅潮州菜，仲有特色招牌菜，真係一個適合宴會同聚餐嘅好地方。🍽️ 紅燒乳鴿：我哋叫咗一隻紅燒乳鴿，呢個乳鴿色澤金黃，外皮香脆，肉質嫩滑多汁，味道好出色，真係一試難忘。🥣 潮州蠔仔粥：潮州蠔仔粥係一個經典嘅潮州菜，粥底綿滑，蠔仔鮮美多汁，每一口都充滿海洋嘅味道，好有特色。🍖 酸甜梅糕骨：酸甜梅糕骨真係好特別，味道酸酸甜甜，梅糕骨肉質嫩滑，每一啖都令人食指大動。🦆 鹵水鵝拼鵝腎：呢個鹵水鵝拼鵝腎係我哋必試嘅一道菜，鵝肉嫩滑，鹵水味道香濃，鵝腎脆口，真係唔錯。🐔 特色普寧豆醬焗雞：特色普寧豆醬焗雞係一道招牌菜，雞肉鮮嫩，豆醬味道濃郁，配合得非常好，每一口都係極致享受。🐚 潮州香煎蠔烙：潮州香煎蠔烙好有特色，蠔仔鮮美，煎得香脆，味道濃郁，令人一試難忘。✨ 潮州菜起源：潮州菜源自中國廣東省潮汕地區，以清淡、鮮美、原汁原味為主，講究烹調技巧同食材新鮮。潮州菜多以海鮮為主，經典菜式包括潮州蠔仔粥、鹵水鵝等。🌟 餐廳介紹：駟馬拖車嘅價錢適中，招呼服務態度非常好，

今晚同朋友不想出太遠地方吃，所以選了大家回家近的這個商埸吃晚餐，選這間吃潮州菜，因平時比較少吃，入到去，環境好古式感，坐位寬倘，看了一會餐牌叫了前菜  好開胃口，酸酸地的菜滷水鵝腸  腸身煙韌爽滑，一口嘴嚼到，濃香滷水味同鵝香味馬拉盞炒通菜  幼條菜身，炒得爽口，配上蝦醬一起炒得菜，除有新鮮鮮菜味更加有鮮香蝦味，突出另一種菜鮮味XO醬海皇炒粉絲  鍋上的粉絲，粉身幼滑嫩口，加了X O醬，多了份醬燒粉香味，炒得好乾爽，配料細細海鮮粒，海鮮鮮味特别鮮香，豐富味道感紅燒乳鴿  烘得鴿皮脆身，肉質軟霖爽滑，濃鮮香鴿味香煎蠔仔烙  大塊，炸得金黄色，入口脆身爽滑，滿細細粒蠔仔，一咬已吃到，彈滑嫩口，濃厚蠔海鮮鮮味馬蹄綠豆爽  少見，馬蹄粒同綠豆滿舖在碗上，平均分配馬蹄香味同綠豆香味，甜度剛好椰汁蘆薈紅棗桃膠  椰汁奶味特别香，蘆薈，紅棗同桃膠都有本身濃鮮香味，粒粒晶透滑爽，甜度適中，濨潤之選

有朋自遠方來，要請朋友食飯，食物質素好味，當然是必須要的，也希望夠排場見得人。今日就係幫襯左駟馬拖車。鋪面闊落，裝修得體，簡潔乾淨，請客食飯環境氣氛甚好。可以坐低慢慢食慢慢傾。首先上場係我認為性價比最高，簡直就係鎮店之寶。亦係必食之選 - 每人一隻乳鴿。乳鴿超級Juicy，一撕開源源不絕嘅肉汁好似湧泉咁噴出嚟。令人欲罷不能。香噴噴嘅肉脆卜卜嘅皮，做特價只售$33.8。 你話唔食真係對唔住自己啦。再嚟鵝片撈麵，嗰塊滷水鵝片真係一流，厚厚嘅肉片滷得入味軟腍腍的，一入口就在牙齒之間化開。再上香煎九肚魚餅，脆卜卜嘅外皮軟軟的九肚魚。一軟一硬，神奇事情就此發生。九肚魚有一些非常之細的幼骨都煎到卜卜脆，毫不影響我一口咬下去的口感。然後係我第一次食之前都未見過嘅蘿蔔灌漿。個名同埋製作方法都非常有趣。除咗蘿蔔之外仲有蝦肉，蘿蔔嘅清新海鮮嘅濃郁，兩者味道互相輝映。跟住係今晚的重頭戲欖菜瑤柱蒸馬友。好好餸飯，條馬友有大又肥又新鮮，見到已經華華聲。欖菜同蒸魚的味道出奇的夾，再加上瑤柱勾劃出暖暖的香氣。又是一頓美好的晚餐

休假逛街往馬鞍山購物，適逢晚餐時間，揀商場三樓食中式潮州菜。 鹵水鵝片鵝片鹵得入味，不會過濃或淡，味道適中，而肉質柔軟，嫩滑豆腐墊底， 全碟迅速被清光。 潮式鮑魚炆雞辛勞工作， 獎勵自己， 揀選高質的菜式，香味撲鼻， 鮑魚爽甜 ，雞味濃郁，非常惹味配白飯食一流。 半煎煮牙帶魚煎香的牙帶魚，非常香口呀!只要入口前除去旁邊的魚骨後， 只剩中間魚骨，就食到啖啖肉喇! 蒜蓉炒通菜一頓晚飯有魚有肉，又點少得菜呢! 充滿鐵質的通菜，十分爽脆，好吃喔! 椰汁蘆薈紅棗桃膠凍食的甜品， 含有高膳食纖維的桃膠加上香滑的椰汁及蘆薈，超! 飯店內牆上畫上松柏配上中式裝潢，古式古香風格帶點新潮，環境座位舒適，侍應有禮招待， 感覺非常良好呀! 這個晚上，兩口子吃了一個豐富的晚餐， 非常滿足喔!

媽咪鍾意食潮州打冷，呢間餐廳之前同朋友食過一次好正，於是帶媽咪嚟食吓😬餐廳位於馬鞍山新港城，交通好方便，餐廳地方寬敞，坐得好舒服，餐廳除咗單點之外，仲有好多套餐優惠都幾抵食👍🏻我地都幾肚餓，所以都點咗好多菜式😊前菜係鹹酸菜花生：鹹酸菜唔會太鹹，酸酸甜甜幾開胃，加埋又香又脆嘅花生幾好味潮洲式凍馬友:馬友魚夠晒鮮甜滑溜，而且唔會太鹹，點啲黃豆醬仲帶起啲鮮味👍🏻潮州式蠔仔粥：蠔仔鮮甜肥美，蠔既鮮甜味融入晒喺粥入面好正😊入面仲有啲脆脆地嘅方魚碎，少少鹹鮮好惹味👍🏻方魚炒芥蘭：芥蘭爽脆新鮮，加埋脆脆地既方魚碎一齊炒，又香又惹味👍🏻香煎蠔仔烙：我得我覺得係全晚最驚喜嘅菜式，第一次食咁好食嘅煎蠔餅，煎蠔餅有鹹蛋黃嘅香味，而且裏面好多蠔仔，鮮甜肥美，加埋蠔餅外脆內有一啲煙靭，點啲魚露一齊食仲正，媽咪讚不絕口😀潮式四喜炆魚鰾：魚鰾鮮甜爽口彈牙，而且好入味，一啲都唔腥，配料好豐富，有鮮甜爽口嘅鮮蝦、鮮甜彈牙嘅魷魚、仲有雞柳，加埋粟米芯同各式菇類，全部配料都好入味👍🏻這間餐廳除了食物質素好好，環境舒適，而且價錢合理，可推介俾鍾意食潮州菜嘅朋友☺️

屋企人好鍾意食潮州菜所以我地特登黎左馬鞍山呢間餐廳有好多款風味獨特既菜式😍同屋企人都覺得好好味道~.💎$248 滷水鵝片雙拼(鵝腎)鵝片肉質滑嫩浸透左濃郁既滷汁咬上去彷彿感受到多層次既風味鹹香四溢而鵝腎既口感特別濃厚🙌🏻帶有一絲筋道，肉質鮮美.💎$138 川椒龍鳳球菜式有陣獨特既川椒香氣辣而不嗆，恰到好處龍鳳球鮮嫩多汁🥹成個口感達到一個完美既平衡.💎$108 海味粉絲雜菜煲粉絲吸收左海鮮既精華搭配新鮮既雜菜口感滑順，味道清鮮可口👍🏻👍🏻每一啖都好清新.💎$98 椒鹽九肚魚將魚肉既鮮甜同椒鹽既香味完美結合魚肉外酥內嫩表皮既香脆感好好食食到停唔到口😆.💎$58 潮式蠔仔粥(碗)粥底柔滑細膩蠔仔鮮美無比入口清潤又不失鮮香🥹食落好暖胃.💎$48 椰汁蘆薈紅棗桃膠帶有淡淡既椰香一入口，清新既口感即刻沁入心田蘆薈既爽口同紅棗的甘甜相融合桃膠既彈牙都好加分😍.💎$16 小菜(碟).💎$14 茶芥(位)

其實馬鞍山都有好多美食，今晚去食久違了的潮州菜——駟馬拖車潮洲飯店！餐廳幾大，坐得舒服！餐牌食物選擇非常之多，各式各樣的潮州滷水，海鮮，小菜，粥粉麵飯一應俱全！紅燒乳鴿見到今期推廣乳鴿，特價！最愛吃乳鴿的我點了一隻！果然沒有失望，皮脆肉嫩，咬開乳鴿肉非常多汁！一定要試！滷水鵝肝片、滷水鵝腸食潮州菜又怎少得滷水，鵝肝片好滑好甘香，滷水汁香氣馥郁，令鵝肝片不會有油膩的感覺！邪惡又禁不住想再吃！鵝腸好入味爽脆！口感與鵝肝形成對比但一樣好吃！每碟滷水都會有滷水豆腐，豆腐又滑又入味！勝瓜肉碎煮魚鰾奶白色的湯汁好鮮甜， 仔細發現加了炸過的柴魚，難怪特別濃郁！勝瓜吸了湯汁好美味！魚鰾煮得好淋！潮式蠔仔粥潮州菜怎少得蠔仔粥，蠔仔處理得好好，完全沒有腥味，粥好甜，粥入面還加了柴魚！潮式鵝片撈麵鵝肉滷得入味，鵝胸位置煙韌，鵝肉沒有羶味，肉質也軟嫩多汁！

約了住在馬鞍山的朋友相聚聊天，順道來到這一間在地鐵站上蓋商場內的潮州菜館探店😗開放式無障礙通道入口連接商場， 典雅簡約裝修， 環境舒適開揚，坐下來了一壺菊花茶😗先來了一個地道潮州小食:海蜇手撕雞， 爽脆麻香的海蜇， 伴著鹹鹹香香的手撕雞肉， 爽滑又惹味😋再選了兩款主菜:半煎煮原條馬友， 煎香至半熟的原條馬友，再回浸在濃鬱高湯底裏， 色香味兼全， 馬友魚皮脆肉嫩😋😋蠔皇北菇鵝掌煲， 上枱時熱氣騰騰， 蠔汁香氣撲鼻， 炆得爽嫩鵝掌， 火喉控制到位😋😋吃罷雞，魚，鹅掌，來了一個地道潮式菜，方魚炒芥蘭， 芥蘭脆嫩爽口😋😋主食是:潮式雙丸河(一碗)，角疍，墨魚丸，彈牙有嚼勁😋😋傳統潮式甜點: 鴛鴦水晶包，正好甘甜地完滿一頓潮州菜👏👏

去咗朋友附近馬鞍山呢一邊食嘢，幾令我意想不到呢度竟然有間中菜係幾好食！主打潮州菜！另外仲有啲點心都係比較獨特！有小菜！呢度一定要食嘅就當然係潮州菜之中既滷水菜式！餐廳環境都好大好寬闊好有中式嘅裝修風格！跟住我同朋友嗌咗六道菜，晚餐當然要豐富啲啦！招牌滷水豬大腸$118大大碟夾抵食，除咗滷水豬大腸非常入味之外、豬大腸份量亦都好多！仲有滷水豆腐薦底超抵食！潮式糖醋麵$108相信好多地方而家都未必有得食到糖醋麵、糖醋麵一啲都唔油膩、再加上煎得香香脆脆！金銀蛋浸田園時蔬$102金銀蛋本身都充滿營養！有鹹蛋、皮蛋、再加上田園時蔬非常入味、份量都好多大大碟好抵食！普寧炸豆腐$78呢個係佢哋嘅王牌菜之一炸豆腐香濃、再配合佢哋特製醬汁酸酸甜甜！潮式四喜炆魚標$168有粟米仔冬菇、同埋雞肉蝦肉再加上炆魚標，變相成道小菜非常之獨特！非常足料炆魚標超爽滑！原盅蟲草花紅棗燉攞頭湯$78呢個唔使講除咗好足料之外成碗湯、亦非常之入味非常推介呢個湯！必飲首選駟馬拖車潮洲飯店（馬鞍山店）馬鞍山鞍祿街18號新港城3樓3017至3018號舖

今日來到新港城揾食, 餐館名字非常特別叫「駟馬拖車」, 原來是潮汕地區一種房屋的建築格局, 代表著大戶富貴人家的大宅院在接待處示意兩人, 隨即安排我們入座, 並為我們熱好一壺上等鐵觀音  餐牌食物種類繁多, 今個星期做緊紅燒乳鴿特惠$28.8一隻,好抵食！但為了收窄範圍, 我們集中選擇標記有潮汕獨特風味的小菜點菜後不消十分鐘即出第一道菜1. 香煎蠔仔烙 完全唔腥,  蛋漿比例适中, 煎餅火候到而不焦, 蠔仔size 屬於中型, 有咬口2. 潮式紅燒肉鬆豆腐豆腐厚身彈滑, 加少少肉碎及黃豆醬炒製, 惹味香口3. 滷水鵝腸這碟菜份量頗大, 個人食開重口味, 覺得加鹹少少會更好4. 凍馬友魚看似平平無奇的一碟魚, 沒料到會成為我這一餐的最愛.廚房已把魚起了主骨, 所以除魚腩部位外, 是沒有魚骨的, 隨附一碟普寧豆醬作醮醬, 極有潮州風味5. 沙茶炒芥蘭芥蘭爽脆清甜, 沙茶醬帶小小辣要補充餐牌除主食和小菜外，還有甜品，結果眼闊肚窄，點不了。

久唔久都會入馬鞍山探朋友 好耐冇食潮州菜 今晚可以擦番餐😎✨滷水鵝片鵝片滷得入味唔柴口 豆腐片墊底 吸收滿滿滷水汁 份外滋味😋✨潮式炸雙棗（蝦棗及蟹棗）雙棗炸得金黃焦香 喜歡香口食物的你 一定喜歡😆✨欖菜焗海蝦海蝦爽口彈牙 略嫌有小小油 屬惹味之選👍🏿✨潮式蠔仔粥蠔仔肥嘟嘟 粥底夠鮮甜✨鴛鴦水晶包少見潮州點心 鴛鴦係奶皇拼蓮蓉 一次過可以嘗到兩款味道👅✨潮式反沙芋反沙芋外層用糖包裹 每一口香甜綿密 係潮州甜品的典範🫶🏻

中秋團圓飯去了位於馬鞍山新港城的駟馬拖車潮州飯店，門口已人頭湧湧很熱鬧，不過好快安排到入座。內裡裝潢古色古香餐牌有多款潮州菜式，滷水、蠔餅、海鮮、甜品等，應有盡有。凍烏頭魚 $238已去除內臟及大部分魚骨魚肉鮮味，啖啖肉，點上少許普寧豆醬增加鮮味。滷水鵝片 $218份量都幾多鵝味濃厚，肥瘦適中。有滷豆腐伴碟，我相當喜歡。潮式蠔仔烙 $138金黃色香噴噴的賣相很吸引蠔餅邊位香脆有蛋香內裡的蠔肉好大隻、新鮮

今日放工同朋友馬鞍山新港城中心 見到有一間食潮州菜餐廳 我睇到好似好特別咁樣 見個好特別 叫#駟馬拖車 潮州飯店 即管入去 我地一 行兩人 入去一 張四人 台 坐低侍應好有禮貌 同埋有飯前小食 🌸我地叫左一個潮州蠔仔粥 $58（細碗）先講個潮州蠔仔粥 個蠔仔粥 有很多蠔仔 豬肉 冬菇 好鮮甜 好好味 🌸滷水鵝腸$138 滷水鵝腸 下面有滷水豆腐 鵝腸好爽脆 🌸欖菜瑤柱蒸馬友$208 馬友又大條 又新鮮🌸海皇冬茸羹$138 又有海鮮味 又有冬瓜粒 有新鮮蝦粒🌸椰汁蘆薈紅棗桃膠$48 口感豐富 材料充裕 甜而不膩

中秋將至，為免多人早少少約埋家人提早做節。去左位於馬鞍山新港城中心嘅駟馬拖車潮州飯店。店內環境衛生乾淨，座位舒適，欣賞中國風嘅裝修優雅，喺度做節食飯感覺大氣。而服務員亦非常友善，適時會過黎換碟，服務周到。餐廳食物種類多，有套餐、潮式滷水、小菜、海鮮、甜品等等，價錢合理。我地主要叫家常小菜，份量足夠，吃到飽飽。**菠蘿咕嚕肉** 🍍咕嚕肉炸至外脆內嫩，保留肉汁。每一塊肉都被满满醬汁包住，仲有一片片新鮮菠蘿塊，酸甜可口，小朋友至愛。**鹽燒小黃魚** 🐟：廚師是日推介，原本諗住係手掌大嘅小黃魚，冇諗到有咁大條，喜出望外。小黃魚炸至外皮金黄酥脆，内裏魚肉鲜嫩多汁，簡單嘅鹽烤烹調，但激發出最純粹嘅海鲜風味，鮮美💯！ **紅燒乳鴿** 🐦：呢個超值推介，乳鴿炸至色澤红亮，皮脆肉嫩，撕開乳鴿時肉汁沿住流落，好彩店員一早貼心附上手套，可以盡情享受每一啖乳鴿帶黎嘅味覺極緻誘惑！**椒鹽九肚魚** 🌶️🐟：椒鹽香氣誘人，賣相吸引。外皮酥脆，椒鹽味香濃，九肚魚肉質細嫰無骨，輕輕一咬，滿口鮮香，回味無窮。**鮑魚雞粒海皇燴飯** 🍚：奢華享受，鮑鱼Q彈，雞粒鮮嫩，海鮮嘅鮮甜味同米飯嘅香糯完美融合，每一粒米都吸

超失望，愈來愈差。以前好食嘅鹅片，粥，同普寧豆腐都變成難食，未試過未飽都唔想再食。依家連信用咭同八達通都唔收，要收現金，用嚟放工出糧俾伙記袋現金走，離再見時日不遠。