髀魔-雞髀第一店 (已結業)

聽講脾魔的鹹蛋雞脾好出名見到YouTube 成隻雞脾上面都鋪滿鹹蛋黃碎好邪惡、好吸引。所以專登嚟試吓。附送膠手套，食雞髀當然要拎住嚟食啦。上面嘅文字好得意～ 今天雞脾今天吃，明天減肥明天算。好搞笑，有創意我鐘意。打開個盒見到黃金雞髀🍗有少少失望啦，遍脾黃金呢？但味道都OK，個雞髀好脆雞肉都算入味同多汁不過鹹蛋真係好邪惡同埋好滯食咗少少都好飽建議同朋友一齊分享我哋都叫咗原味。個人喜歡原味多啲。佢嘅雞脾有分大同細。我哋呢個係細size, 一隻手掌嘅長度。魷魚鬚好好食😋推介黃金花枝丸都唔錯。下次如果再嚟我會叫原味雞翼、魷魚鬚同埋黃金花枝丸。

預早3小時order7點鐘去拎,總數叫左11樣野,拎到返屋企唔駛5分鐘開餐,兩隻雞脾得個皮係暖既,豆腐同花枝丸睇住佢最後炸個心都可以係凍,好彩既係無油益味,同太子店西貢店有極大差距,唔怪得荃灣街坊無乜人幫襯,香口野個心係凍,你話我好耐先食我無得好講,真心要改進,啲雞脾一個低溫油鑊浸住有客要再用短時間翻炸係可以理解既,其他野個火喉控制得十分唔好.唔夠熱仲衰過食KFC.希望老闆可以睇到呢段野加多控制返

有時經過，一直想試下😊，個晚八點幾收工未食飯，就買外賣返屋企食，原本想要魔脾，冇貨有普通雞髀，仲做緊特價，原價三十幾蚊，而家喺二十蚊一隻，所以都買嚟試下，有興趣嘅朋友可以係呢段時間去買，因為唔知特價做到幾時。我問過售貨員兩款有乜分別？佢話其實做法同味道係一樣，只不過 size 細啲。揀咗椒鹽，因為佢話自家制😙 睇住佢雞脾係即炸嘅，所以都要等十分鐘左右，如果要袋就要加一蚊，我見咁近屋企，就咁拎住個紙盒返去， 放喺個盒都聞到D香味。😗個盒都好精緻，中間有個笑臉圖案 ，畀咗包紅色物品， 開頭以為濕紙巾。拆開小紅包，原來入面係有一對即棄手套，一枝牙籤同一張紙巾，都好貼心🤩好細心咁係雞髀腳位置用錫紙包住，方便拎嚟食。個小紅包後面印咗 "今天雞髀今天吃，明天減肥明天算“ 好勵志， 令罪惡感減少 🤣😂D皮好脆，唔係好油，味道唔錯，都入味，可惜係有D部位唔夠 juicy 同嫩滑。

第一次食髀魔原本打算Uber Eats買外賣但唔知點解唔提供服務最後去咗買點知有驚喜閃購價$20一隻普通髀比起Uber Eats成四十幾蚊平一半我叫咗麻辣髀 個皮超脆 有驚喜但只有少少麻辣粉喺面唔食我想像中嘅麻辣髀另外仲叫咗椒鹽魷魚鬚、麻辣雞粒、椒鹽豆腐粒同咸蛋黃花枝丸最出色嘅係豆腐 外脆內軟 好味😋

特登上openrice買，點知行到去先見到做特價，已經買貴左， 外賣自取，開初袋都唔想俾個我，我見其他外賣都是裝好俾人。買完返去， 又唔係大家comment嘅圖咁嘅樣，有濕紙巾，靚靚咁，唔係脆，又唔係粒粒黄金咁，係一堆油係底部，可能我10分鐘拎到番屋企溶左啦，總之就好失望，冇下次

荃灣出名多野食，今次講講呢間炸髀專門店！暫時為止幫襯過3次，第一次就嗌炸髀同埋黃金魷魚酥，第二次都係叫炸髀同埋黃金魷魚鬚，但就嗌多杯嘢飲，第三次就都係嗌炸雞髀，不過就叫埋炸豆腐！◻️炸髀呢間野既炸髀水準不俗，外脆內嫩😋會提供手套牙籤以及一張紙巾◻️黃金魷魚鬚黃金魷魚鬚就水準不定！第一次食時外面炸得很香脆，而且鹹蛋黃醬很均勻，再encore 時就很失望，個鹹蛋黃醬係成劈放咗喺上面😰😰😰◻️椒鹽豆腐呢個炸豆腐外皮就炸都很香脆，裏面呢就好滑嫩椒鹽味好平均唔會話一夠比較鹹另外一啲就完全冇味嘅，呢一點就做得好好◻️飲品唔係好記得自己嗌左杯咩，味道係勁人工囉，好假既呢隻味

今日約左朋友荃灣行街，東區人既我真係勁少去荃灣行街，因為覺得搭車都搭到天荒地老🙈不過又真係幾多嘢行嘅，嘢食都特別多選擇。地膽朋友介紹食呢間髀魔雞髀🍗第一店，印象東區係冇見過嘅，鍾意食炸嘢嘅我表示好啱口味🤣見到餐牌真係樣樣都想食，因為係小店嘅關係係冇座位坐嘅，買完係外賣拎走既！旁邊有張店鋪既小枱仔，同朋友就企喺嗰度食。最後同朋友揀咗兩樣🥳👇🏻真係「好新鮮🤤」同「好好食😍」！！！特別一提， 店舖細心咁提供左手套，包裝上面仲寫住「今天雞髀今天食 明天減肥明天算」，講得好岩聽🤤😋！1️⃣經典魔髀（自家製椒鹽）- 唔係講笑，本身係好心急想即刻食雞髀，但熱到揸唔起隻雞比，雞髀一定要揸上手先好食！！所以食咗魷魚鬚先🤣雞髀嘅味道係好食嘅，灑咗椒鹽， 但絕對唔會勁鹹，味道調校得啱啱好🤤🤤🤤仲要勁大隻！真係要講佢嘅缺點嘅話，係唔夠Juicy， 如果啲肉可以再嫰口啲多汁啲，就perfect😋2️⃣火焰魷魚鬚（麻辣）- 新鮮！夠熱！夠辣！鍾意食辣嘅朋友必試，平時出邊食開嗰啲話有辣味 係假既！ 呢間起碼食到真係有辣味😍 而且勁新鮮魷魚勁爽口，勁有口感 又唔會太厚粉！，「唔難咬」「脆卜卜」先係重點，真係無懈可擊！哈哈😋😋

“黃金魔髀”($45)荃灣大河道一帶都好多小食店有日見到呢間食雞髀嘅舖頭🍗忍唔住叫咗一隻嚟食吓🤣呢道嘅雞髀有分巨魔髀同普通髀難得食一次所以叫咗隻招牌黃金魔髀其實即係加咗鹹蛋黃醬雞髀即叫即整所以要等大約10分鐘魔髀size真係超級大隻🤣但食落肉質偏乾唔夠juicy仲有啲雪味鹹蛋黃味道都唔夠香濃😅真心唔駛特登去試😂

鱟地坊呢一年嚟多咗好多小店進駐飯麵意粉、熱狗小食通通都有成日經過都忍唔住手幫襯下本身呢晚已經食飽飯但經過呢度脾魔香到一個點﹗D雞呼喚緊我呀仲要有特價﹗﹗唔買對唔住自己啦由於已食飯雞脾真係食唔落少少地試個咸蛋黃雞粒啦等15分鐘左右應該真係即炸拎到返屋企仲係熱架粒粒都被咸蛋黃包實雞粒唔會太乾好JUICY湊住仔食下停下食成個鐘凍晒都仲覺得好味仲要讚下用紙盒紙袋唔會用一大堆膠袋餐具，夠環保亦唔怕炸嘢太熱溶膠值得ENCORE~

今次試鹹蛋巨髀，未打開個盒已經聞到好香。個皮炸得好脆好好食，都幾重鹹蛋味，所以食多幾啖會覺得好鹹，建議可以喺隔離Tea魔買杯飲品。炸雞髀需要時間，我今次等咗二十分鐘，所以去之前打電話落定order，預返時間去拎會好啲。

《 🍗 雞髀大對決 @ 髀魔 VS 雞髀爸爸 》 最近荃灣同一條街開左兩間人氣雞髀，今次兩間都買曬黎試黎個雞髀對決。🍗 分別係「髀魔」 經典髀 $32 VS 「雞髀爸爸」生炸爆汁大雞髀// 髀魔 VS 雞髀爸爸 //💰 價錢「髀魔」 $32 VS 「雞髀爸爸」$ 28🏆- 以兩間基本款嘅經典炸髀黎比較，雞髀爸爸略比髀魔平四蚊，個人認為價錢都算合理。🍗 份量「髀魔」🏆 VS 「雞髀爸爸」- 份量黎講「髀魔」真係好大隻，佢個經典髀已經係屬於細髀，但仍然都好似塊面咁大～😋 味道「髀魔」🏆 VS 「雞髀爸爸」- 兩隻雞髀嘅味道真係好難分高下，如果唔係今次「雞髀爸爸」稍稍失手嘅話，我一定會話打和！「髀魔」嘅經典髀炸得香脆，每啖都會爆曬肉汁仲食到雞肉嘅甜味！佢地自家制椒鹽可以話係錦上添花，為雞髀提味外仲帶出雞肉嘅鮮味～- 但其實「雞髀爸爸」嘅椒鹽都好好食，椒鹽味好香好夠味。但可惜今次應該炸得耐左，令到雞髀少左肉汁仲有少少苦...好可惜今次稍微失手，期待下次再去會有一隻更高質嘅炸髀！🍗P.S 今次嘅對決勝負只係我個人意見，人人口味不同。歡迎大家交流意見！🥰