髀魔-雞髀第一店 (已結業)

有時經過，一直想試下😊，個晚八點幾收工未食飯，就買外賣返屋企食，原本想要魔脾，冇貨有普通雞髀，仲做緊特價，原價三十幾蚊，而家喺二十蚊一隻，所以都買嚟試下，有興趣嘅朋友可以係呢段時間去買，因為唔知特價做到幾時。我問過售貨員兩款有乜分別？佢話其實做法同味道係一樣，只不過 size 細啲。揀咗椒鹽，因為佢話自家制😙 睇住佢雞脾係即炸嘅，所以都要等十分鐘左右，如果要袋就要加一蚊，我見咁近屋企，就咁拎住個紙盒返去， 放喺個盒都聞到D香味。😗個盒都好精緻，中間有個笑臉圖案 ，畀咗包紅色物品， 開頭以為濕紙巾。拆開小紅包，原來入面係有一對即棄手套，一枝牙籤同一張紙巾，都好貼心🤩好細心咁係雞髀腳位置用錫紙包住，方便拎嚟食。個小紅包後面印咗 "今天雞髀今天吃，明天減肥明天算“ 好勵志， 令罪惡感減少 🤣😂D皮好脆，唔係好油，味道唔錯，都入味，可惜係有D部位唔夠 juicy 同嫩滑。