高橋沾麵製作所 (已結業)

等朋友落左堂之後 一齊去左奧海城大食代食飯🤣 好耐冇黎過 原來依家有鋪位係賣沾麵😍 一於試下依個間鋪嘅沾麵同拉麵😛🍀極上廣島蠔龍蝦沾麵沾麵湯底用左石鍋裝住 熱辣辣好正😆 湯底嘅龍蝦味好濃郁 而且有一粒粒嘅龍蝦肉 每一啖都好香龍蝦味🦞 濃稠嘅湯底令粗麵麵條掛汁 好入味😍 另外仲有幾款配菜 叉燒 同埋吉列蠔🦪 好豐富🤤🍀極上廣島蠔豚骨拉麵豚骨拉麵湯底吾會太鹹🍜 加埋叉燒🐷 黑木耳 竹筍 蔥 紫菜 半熟蛋🥚 好豐富嘅食材🤣 叉燒表面燒左一燒 好香好入味 口感嚼勁 份量都吾少🤩 吉列廣島蠔好大隻 蠔身豐滿有彈性🦪 炸完都仲好有水份 好好食😋

本人覺得幾好食，沾麵能夠掛湯，不過就比較硬身，如果可以選擇硬度就更好（可能只係我miss咗）。但係店員嘅態度實在係有太大嘅改善空間，而佢嘅態度真係好影響顧客嘅心情同店舖嘅形象。某男店員全程工作都係好大聲咁掟嘢，經常掟到啲湯瀉出嚟。而問人拎叫號牌時，身體語言同說話都俾人不禮貌嘅感覺。希望只係因為一時心情唔好先以致佢工作態度有異，不過亦希望佢唔好帶個人情緒去工作；若然係本身就咁，希望能夠作出改善。另外，章魚燒$26應該只係午市優惠，但係就冇講清楚，埋單見收咗$28。

🐳喺奧海城二期嘅大食代food court入面，竟然有日本沾麵食，價錢比出面嘅日本沾麵餐廳大約平$20左右。今晚一於試吓food court嘅沾麵，究竟整成點呢？🐳豚肉魚介沾麵💰68豚肉份量唔少，肥瘦都好適中，軟軟的，可以講係入口即溶，而且個沾麵湯非常濃郁。🐳特製八代海赤海老之麵💰69海老沾麵湯有非常濃郁的鮮味，覺得最犀利嘅就係，嗰湯上盤嘅時候仲係非常非常之滾，證明個湯係即叫即做，而且個石頭鍋非常之熱，食落就更加滋味啦！🐳總括來說，喺food court入面可以食到呢個質素嘅日本沾麵，我覺得真係物超所值！🔍 大角咀海庭道18號奧海城2期1樓大食代5號舖

高橋沾麵製作所是由日籍大廚高橋先生和松浦先生合力主理的沾麵店，他們將日本風帶帶嚟香港。聽說它們的沾麵都好好食，喜歡飲飲食食的我今天便來到大角咀奧海城二期大食代(美食廣場) 試一試。今天我order了:1 黑蒜义燒🐖拉麵$65， 濃的湯底味道濃口豐腴，加入黑蒜油 ，帶有濃濃的蒜香，麵條爽口。叉燒🐷入口鬆軟，又有少少燒過的焦香味，加埋溏心蛋🥚，賣相一流👍。2 豚肉魚介🐟沾麵$68, 沾麵是拉麵和烏冬麵粉的混合體， 麵條煙靱有口感，浸入用石鍋上的湯底 。由於湯底是用石窩上的，上枱時仍是熱騰騰🔥的，有香濃的魚🐟湯味。把麵條浸泡入湯中，輕輕地拿出來，令過過冷河的沾面有溫感，而掛了湯的麵味度不會太濃，再加埋幾片豚肉🐷和半隻流心蛋🥚，絕對是最佳拍檔。絕對是美味，大份又抵食。

呢排都收到好多呢間沾麵廣告位置喺奧海城food court入面 以沾麵嚟講 價位真係比較平 最平$66 即食到豚肉魚介沾麵魚介即是乾魚磨成粉末 再熬製湯底熱石鍋奉上 沾麵汁熱辣辣麵條唔可以自行揀軟硬度 呢個屬於比較硬身粗身 溫度半冷內裏有豚肉粒 而沾上去都幾掛麵不過我個人認為 沾麵汁湯底過甜而且有種好黏口嘅感覺 魚介粉略嫌有啲多 入口有未溶顆粒感再者 石鍋保暖效果一般 所以沾汁好快就凍咗而叉燒薄切炙燒 味道還好整體來說 價錢的確是幾平 不過質素實在參差整體性價比：🦖🦖高橋沾麵製作所地址：大角咀海庭道18號奧海城2期1樓大食代5號舖

食赤海老沾麵，餐牌相片有青檸，但取餐時看不到有青檸。於是向職員查詢，他說青檸是要加錢的，半粒青檸要 加 $4。我再問為何不將餐牌上的青檸，簡單地用紙蓋上，以免誤導顧客。他説要問老闆才可以改。但他對於貨不對版沒有任何歉意，沒有丁點覺得店舖有錯，反而覺得顧客要求太多。食物方面，沾麵質地及沾湯味算合格，流心蛋都幾香好味，可惜兩片豬肉片太薄、太乾，食完唔夠飽，唔抵食，性價比低。應該不會再光顧了。Food Republic 內的餐廳性價比都係較低！

叫咗個高橋龍蝦沾麵，同埋特製八代海赤海老沾麵！同平時食嘅沾面好唔同，並唔係得個鹹字，而係好重味！😍😍龍蝦沾面有舊龍蝦肉喺上面，而湯底係好濃嘅龍蝦味，真心正😍😍佢嘅叉燒燒得好靚，有少少燶燶哋，叉燒油脂分布平均，好好食😍😍，又夠大塊！而海老嘅沾麵都同樣重蝦味🤪🤪，食曬個麵之後都唔想嘥咗個湯底，所以加麵底😚😚😚價錢方面其實真係好抵食！平時出去食碗拉麵或者沾面都要百幾蚊(晚市)，呢2碗加埋都只不過係$150內嘅事😝，正啊！

「過江龍」一向都叫價不菲香港地，想食好少少🤏🏻嘅外來菜式都要準備好銀包縮一縮水拉麵 沾面 都係一樣我本人認為偏貴嘅野食當然好明白香港寸金尺土 好難同日本比價錢但當市場上大部分都要張紅衫魚先食到碗嘅面依家60幾蚊就有 成件事就好唔同！重點係佢絕不兒戲 沾面湯以石鍋燒到沸騰無錯 係沸騰地上面亦有一大片紫菜 半隻溏心蛋 兩片叉燒 筍都唔慳手呢個份量係預設 唔洗另外加錢！叫左最最最普通豚肉魚介沾面面條掛湯能力唔錯湯底少少🤏🏻偏咸係正常範圍內但如果太稀太淡其實就好唔沾面而佢沾面湯入面都有好多豬肉粒係真係一大粒 唔係杯面配料包個啲其實佢仲有其他沾面當我沾面癮起嘅時候會再試埋

兩位男職員中，後生樓面職員態度極差，另外比較年紀大果位自己落錯單，返轉頭提返佢，唔好意思都冇句，仲要黑口黑面，到出餐將所有食品放係枱，又冇指示，又唔出聲，要客人自己睇，到客人拎錯，大聲鬧客人：《呢個你架咩》，本身都以為職員係唔會出聲，原來識出聲架，買兩碗麵分開3次拎，第二次收左部取單機，然後第三轉既小食就咁放係枱面，要自己過去問先由比較老既職員答貼錢買難受，所謂3L炸蠔 同蠔仔餅Size冇分別，粉醬仲大舊過隻蠔，完全欺騙

睇咗某YouTuber介紹呢間位於大角咀大型商場Food Court入面嘅沾麵店，抱住一試無妨的心態去試，行到店前果段路一直觀察其他食客有冇享用呢間店嘅出品，沿途不乏支持者，有拉麵有沾麵，估唔到仲有丼飯選擇，平日下午時間都有咁多人幫襯，質素應該有保證，我都放下心頭大石。到店前睇吓餐牌，價錢相對其他拉麵店相宜，六十零至八十零蚊已經有個沾麵，由於唔肚餓關係，隨便點咗個豚肉魚介沾麵試下，店員落單果時都冇其他師兄所講咁差，都有問有答，咁唔好要求佢可以選擇咩麵條，咩湯底濃厚度果啲，呢度係一一欠奉，對拉麵或沾麵有要求嘅都係去番其他店啦。落完order比左個取餐器我，搵一搵位，坐低櫈都未坐暖，取餐器話都冇咁快響，心諗有冇咁快呀，見個餐正正常常，沾麵湯底用石頭窩裝滾住上菜，湯底上面有大量魚介粉，麵嘅份量都唔少，配三塊叉燒、兩條筍、半隻流心蛋、蔥花同紫菜，望落賣相唔錯。石頭窩上可以保持湯嘅溫度，不高有冇諗過會減低咗湯底水份，再加上大量魚介粉，另到湯底更濃同時更鹹，湯底撈起果時入面有角豚粒，算係有驚喜，不過冇驚喜嘅係都係好鹹，補充一句我食完飲咗成支蒸餾水。配菜流心蛋、筍果啲問題都不大，問題在於主菜叉燒，調

黎開大食代，見到新開張。睇落都唔錯，點知一去攞餐就知道瀨野。超級伏，太難食。份量又少六七十蚊個叉燒拉麵，得兩舊。仲要細件，面又少又硬。用個夾一夾幾條就畀你，所有加埋都埋隻碗一半。一睇就知道唔係自己整，全部都係出面求其最平個d攪埋一齊。自己去超市買即食既都好食過佢，價錢又貴。食隔離一風堂都係差唔多價錢，貴多少少。但係出品真係天與地的差別，真係差到地獄冇得再地獄。真心嬲，嬲到上黎寫食評。。。。。。。。

真心嬲，嬲到要寫食評，我黎食飯，唔係來受氣。食沾面依間野，無得用支付寶優惠卷，話用咗會hang 機，咁係你個系統有問題，關我事咩？咁算啦，我咪唔用，但又可以用支付寶俾錢。真係唔知咩玩法。明明過咗數都仲話hang 機，咁我話過咗數喎，咁即係咪hang機俾唔到錢？仲要大大聲話hang就hang啦, 你投訴我都無用，我係老闆，生意做唔曬。你生意太好，做唔切都唔可以發洩係客人身上架，總之，佢話hang 就hang.你係老闆，但我唔係你下屬，你憑咩就可以咁鬧客人？都顛顛地。大聲唔代表你大曬，只會反應你無品。你既然唔like 支付寶，會令你系統hang 曬，咁就請你取消佢，咁你咪唔洗煩囉，你發洩係客人到，我都幫唔到你架。真係嬲到想講粗口。

其實野食真心好食嘅，不過野食幾好都冇用，因為某d員工嘅惡劣態度，真係以後都唔會再嚟食！由落單開始，已經見到前線嘅男員工，態度極之惡劣，隨意「掉」配菜入碗，所有用具都大力掉，好明顯發脾氣。前面等嘅客人，冇個夠膽行近，真心想問：呢間鋪想點呀？想生人勿近？其實前線嘅男員工，心情唔好可以選擇唔返工，並唔係對嚟到攞嘢食嘅客人發脾氣，仲要兩個餐加小食，攞咗四次。客人俾錢，攞野食，好好地咁問，點解要發客人脾氣呢？

食物正常, 前線同事服務態度差, 並非普通嘅差。例如:1)前線唔好老皮男同事「蠔呢,就要煮嘅, 要時間嘅, 攞住呢啲食囉。」2)一張單,兩個餐單, 但要分幾次攞。3)前線男同事, 大力揼碗碟, 嚇親等緊囉食物嘅客人, 真係冇需要嘅。

背景：看完Instagram Ad後去試一次，結果失望之極，而且這篇食評曾於其Instagram留言反映，但店方竟然刪留言，唯有在此留食評和給其他人知道。服務：那天我點了一客極上3L廣島蠔龍蝦沾麵和日本海膽流心忌廉餅兩件。首先，店方竟然分開三次叫我拎食物，第一次拎沾麵，第二次拎炸蠔，第三次拎忌廉餅，5分鐘叫人來回走三次，已經令人不耐煩。食評：沾麵 - 除了首一分鐘碗湯係滾之外，之後極速變凍。個湯完全冇龍蝦味，淡過飲水。湯色稀到掛唔到汁！廣島蠔表面用了很多炸粉包著，扮晒好大隻，但要咬到第三啖先食到蠔肉，實際粒蠔肉同蠔仔餅嗰啲差唔多size。忌廉餅 - 咬一啖就唔晒食，冇海膽味，口感似鹹嘅千島醬。總結：再次印證喺大食代開嘅日本拉麵店都係垃圾。