影片
港鐵香港站 C 出口, 步行約9分鐘
繼續閱讀
電話號碼
94461266 (WhatsApp)
營業時間
今日營業
12:00 - 15:00
18:00 - 22:00
星期一至四
12:00 - 15:00
18:00 - 22:00
星期五至六
12:00 - 15:00
18:00 - 23:00
星期日
13:00 - 16:00
18:00 - 22:00
以上資料只供參考, 請與餐廳確認詳情
優惠
75折
日式居酒屋 週末限定二人前
$298
$398
超級豐富嘅一餐😋呢間日式居酒屋，平日都好多人光顧，最好book咗枱先去🏮嘢食種類超多，加上仲有得無限暢飲清酒🍶見好多人都飲得好開心好盡興（男士$168、女士$98）🥢開胃菜 $28琥珀合桃微甜爽脆🥢煙燻刺身4點 $288擺盤精緻，有三文魚、吞拿魚、鰹魚、鯛魚，鮮甜好食🦪兵庫縣室津牡蠣刺身 $148有黑魚子、三文魚子作裝飾，矜貴新鮮🐥自家製免治雞肉蓋 $68平時多數嘅雞肉棒，今次造型係扁身嘅雞肉蓋，一樣有月見，口感軟滑🦀蟹甲羅蟹膏焗飯 $108食過最啱個人口味嘅甲羅燒，無外面嗰種死鹹，係淡淡然蟹膏味，配飯一流🍳黑松露芝士炒蛋 $78即席喺鐵板上面炒滑蛋，蛋漿有黑松露、芝士，好香～🐮和牛舌心串 $88厚身牛味濃🐷黑豚腩肉大蔥串 $48🐥雞胸軟骨串 $32竟然最鐘意呢款，因為唔油膩，軟骨爽口🐥白羽雞肝串 $38🐥白羽雞腎串 $32燒得香口入味🦪自家製吉列牡蠣 $68估唔到咁好食，食過最真材實料唔厚炸粉漿嘅炸蠔，外面炸得金黃香脆，牡蠣好大隻有質感👍🏻🥢帆立貝配海膽 $108帆立貝軟滑，海膽味道香濃🥢雞皮餃子大條又好食🍳黒松露玉子燒 $28玉子甜甜哋，唔錯🍄🟫日本冬菇 $28好大粒，燒得好食🧀芝士年糕 $32較粉狀口感，芝士滿滿🚩高知駅 (中環) @kochieki_hk 📍中環蘇豪嘉咸街46號地舖
繼續閱讀
唔駛飛日本都有日本原汁原味👍🏻日式居酒屋風格裝潢我反而最推薦佢嘅自家製梅酒🌟🍶 清酒放題：提供多款日本清酒選擇，從淡麗到醇厚口味都有，特別推薦他們的純米大吟釀，果香突出易入口，任飲絕對超值！- 女士清酒放題$98/2小時- 男士清酒放題$168/2小時🦪 必點：1️⃣ 兵庫県室津生牡蠣 $148（好食到唔記得映）- 生蠔手掌般大- 海水味濃郁，creamy口感- 配埋三文魚子、魚子醬同海膽2️⃣ 高知刺身四點 $328- 拖羅：油脂分布均勻，入口即化- 海膽：北海道直送，好多海膽超滿足🌟🐟 特色主菜：禾稈草燒鰹魚 $128- 四國高知傳統做法- 禾稈草煙燻香氣獨特- 外皮微焦，內裡保持鮮嫩🍢 串燒推薦：1️⃣ 和牛舌心串 $882️⃣ 黑豚腩肉大蔥串 $483️⃣ 白羽雞胸軟骨串 $32- 灑上日本海鹽- 佐酒一流🍶 飲品推薦：- 試試他們的自家製梅酒，酸甜平衡- 清酒建議從淡麗款開始試💡 小貼士：1. 座位位置有限建議預約2. 清酒放題限時2小時3. 串燒即叫即燒需耐心等候🌟 總評：食材質素高，大部分日本直送價錢合理，特別係清酒放題服務態度良好，上菜速度OK環境有居酒屋熱鬧氣氛
繼續閱讀
返工返到咁攰🫨星期五晚緊係要去放鬆下😝今次黎到中環一間主打四國料理既居酒屋🏮食下野飲下酒傾下計🥳記住記住一定要book位啊😉見到好多人都撲空🥹證明呢間居酒屋好有人氣🫣♡清酒任飲放題 🌟🌟🌟黎到一定要試佢地既清酒任飲放題啦🍶女仔既話98蚊就可以任飲兩個鐘😳如果男仔就168蚊🫣每日都會有4款唔同款既清酒比你飲 辛口甘口都有😍一啲都唔係hea你嗰啲 飲兩三杯已經回返本🤤幾鍾意武藏男山嗰支 唔會太強烈 易入口 帶點甜味😋♡鰹魚半敲燒 🌟🌟🌟係高知縣既鄉土料理😲個人應該好值得一試😋好食之餘仲有得睇佢地即場燒🔥係用稻草係大火中炙燒鰹魚到半熟 場面超震撼😳然後再厚切 食落充滿稻草燻香香氣 外焦但入面仲keep住生既口感😋送清酒一流🤩炙燒過既鰹魚逼出表面既魚油 令到食落帶少少油香而不膩🥹真心要試❗️♡刺身4點伴酒必點刺身🍣師傅會因應當日既食材而定 所以會有啲唔同架❗️我食嗰日有海膽 中吞拿魚 油甘魚同真鯛😍款款都好新鮮好好食🥹建議可以先食真鯛先😉食左其他濃味啲既魚就食唔到真鯛本身淡雅既味道😚整左朵玫瑰花🌹超靚 上面仲有三文魚籽做點綴🧡入口質感好柔韌 鮮甜😋晶瑩剔透既三文魚籽調起鯛魚既鮮味🥰海膽超鮮甜又冇奇怪味🥹口感creamy 上面放左魚子醬所以唔落豉油都好好食吖😋中拖羅油脂比較豐富 肉質粉嫩 魚味頗濃 略有少少筋但都唔錯☺️油甘魚都好肥美 肉質嫩滑之餘味道甘甜 充斥住魚油既香氣🤤♡生牡蠣 🌟🌟🌟超吸睛既生牡蠣🦪✨蠔身肥美 入口滑溜🤤好鮮甜 加埋海膽 三文魚籽 魚子醬一齊食🫣味蕾大爆發😳建議一啖過🫣必食之一🌟♡魚生海膽杯勁吸睛既海膽杯😍上面放左滿滿既三文魚籽 晶瑩剔透 粒粒分明 鹹鹹甜甜咁😋海膽份量一樣咁足😳質素一樣咁鮮甜🥹仲有軟綿綿既拖羅蓉同粒粒魚生 口感好豐富✨一羹去到底食係最滿足🤤♡江户前南蠻雞 🌟🌟🌟又係一道幾驚艷到我既菜😳炸得好鬆脆之餘 肉質係爆曬汁勁juicy好嫩滑😍加埋塔塔醬大大減低油膩感😋♡自家製免治雞肉蓋 🌟🌟🌟平時去居酒居必叫😝賣相十分吸引🤤係免治雞肉入面加左雞軟骨 所以食落去好有口感😝蛋汁再加上特製醬汁 一個字 正❗️♡自家串燒系列和牛舌心串 🌟🌟🌟A5薩摩和牛串 🌟🌟🌟秋葵青椒仔日本冬菇長綺雲仙火腿串 黑松露玉子燒 🌟🌟🌟仙台牛舌免治雞棒 🌟🌟🌟法式燒羊架另外居酒屋又點可以唔食串燒呢😜好鍾意佢地啲串燒唔會好重口味 食到原汁原味😋特別推薦和牛舌心串💖好厚身大件 仲係好粉嫩🥹少少既胡椒粉已經好夠 口感好爽口彈牙 好有牛味🤤A5薩摩和牛串都好出色✨上面係放左山葵醬油漬😳味道更加提升💯黑松露玉子燒都好唔錯 好甜💕📍高知駅 (中環)中環蘇豪嘉咸街46號地舖
繼續閱讀
呢晚約咗個喺中環返工嘅友人食晚飯，搵咗呢間日式居酒屋，同大家飲住酒傾吓計☺️清酒放題有四款清酒可以選擇，只需$98起就有兩個鐘頭無限任飲，真係可以飲飽食醉先離開🍶刺身4點呢日嘅刺身有深海池、吞拿魚、海膽同埋魷魚🦑 四款都係勁新鮮，特別鍾意佢嘅海膽，真係好Creamy🥰迷你海膽杯師傅真係出手闊綽，成個杯仔入面都係塞滿咗新鮮嘅材料😮 入面有海膽、魚子、吞拿魚腩蓉、鮮蝦、三文魚子同埋青瓜，整個配搭好豐富。生牡蠣生蠔肥美，仲有加咗特製嘅醬汁調味，更能帶出生蠔嘅鮮甜🦪炸物♦️江戶前南蠻雞幾鍾意佢嘅南蠻炸雞係用雞扒嘅形式上🐥 炸粉唔算好厚，入面嘅雞肉都仲keep住有肉汁。♦️唐揚水天狗魚其實我哋係第一次食呢隻魚，形狀有少少似多春魚，入面嘅魚肉唔會好鬆散🐟♦️沖繩多春魚芝士春卷呢個春卷雖然有芝士喺入面，但入口唔會好油膩，因為春卷入面用上生菜包裹住芝士同埋多春魚。串燒餐廳提供勁多款串燒，仲有特色嘅燒乳鴿串😙 同埋都係鮮有見到用牛舌嚟做芝士免治棒，串燒仲用鐵板熱住，就算即刻食都唔怕凍晒啊😍♦️仙台牛舌免治棒♦️燒鴿皇翼♦️鹽燒鴿皇胸肉♦️鹽燒鴿皇腿♦️帆立貝配海膽♦️鹽燒白鱔♦️自家製免治雞肉蓋♦️燒日本韮菜豚肉卷♦️長崎仙火腿串♦️黑松露玉子燒♦️青椒仔♦️秋葵高知蜜瓜作為甜品又幾唔錯，食落口好多蜜瓜汁😝 餐廳好貼心啊，幫我哋起埋肉先上🍈呢間居酒屋真係好正，餐廳室內嘅位置好有居酒屋氛圍，室外嘅位置就好chill好放鬆，超級開心嘅係有抵飲嘅清酒放題🥳
繼續閱讀
位於中環主打高知縣特色料理。早前曾到訪這家餐廳的銅鑼灣分店，當時的用餐體驗令人印象深刻，無論是服務態度、食物品質，還是整體性價比，都相當出色。而中環分店雖然比銅鑼灣分店空間較小，但氣氛更為熱絡。老闆用心經營，熱情好客，不時與食客談笑風生打成一片，難怪全場座無虛席。 (溫提：餐廳座位有限，記得提前訂位啊！ 當晚已見不少未預約的客人碰壁而回了。 ) ⋆_____ᴛᴏᴛᴀʟ ᴏʀᴅᴇʀ______⋆✿ 鰹魚半敲燒餐廳有提供高知縣的名物 ：鰹魚半敲燒，而每日都會有「鰹魚半敲燒」環節。師傅會採用點燃乾稻草並且炙燒鰹魚，炙烤至皮脆狀態後再供客人享用；完美還原高知縣的當地招牌特色。鰹魚經稻草炙燒後，外層帶有煙燻焦香，內裡依然保持刺身的粉嫩質感！再搭配蔥花薑末，清新且完美中和油膩感，真心驚豔又美味。.✿ 刺身4點日式居酒屋又怎能錯過刺身和串燒呢！四款刺身都很不錯，每款都油脂香滑，鮮甜清爽；而我尤其喜愛吞拿魚，油脂豐腴，入口即化，搭配黑魚子更是錦上添花。而一整底的海膽也甚是驚豔，甘甜濃郁且入口creamy，超大滿足呢。.✿ 酸忌廉洋蔥吉列豬扒✿ 沖繩多春魚芝士春卷✿ 牛油果忌廉蟹肉配梳打餅✿ 日本清酒煮蜆✿ 鵝肝雪米餅滿桌的小食，光是視覺已相當享受。 不誇張，每款都好食，按君喜好隨便亂點也不會中伏呢。而我自己私心最喜歡沖繩多春魚芝士春卷，一口咬下爽脆無比，魚籽爆漿與鹹香軟綿的芝士形成邪惡組合，佐酒一流；而鵝肝雪米餅也很特別，搭配脆米餅，入口即化，鹹甜交織呢。.✿ 串燒：⧐ 仙台牛舌免治雞棒 ⧐ 自家製免治雞肉蓋仙台風味的免治雞棒燒得外層微焦，內裡軟嫩多汁，蘸上蛋黃醬油更添滑順濃郁；而自家製免治雞肉蓋同樣出色，戳破蛋黃後讓蛋液融入每一口肉碎，邪惡又滿足！ 兩者同樣混入雞軟骨，口感層次更見豐富。.⧐ 黑豚腩肉大蔥串⧐ A5薩摩和牛串 ⧐ 江戶前南蠻雞⧐ 鹽燒鴿皇腿⧐ 鹽燒鴿皇胸肉⧐ 黒松露玉子燒⧐ 青椒仔⧐ 秋葵⧐ 日本冬菇 其他串燒也同樣出色，即叫即燒哪有不好食的道理？只需簡單調味，便已能帶出食材的本味當中最喜歡的還是A5薩摩和牛串，肉香濃郁，入口滑嫩；而黑豚腩肉大蔥串肥瘦相間，中間夾著大蔥更是甜脆解膩；至於鹽燒鴿皇胸肉及鴿腿，外皮焦脆，內裡多汁，鴿肉獨有的野味香氣更是誘人。.✿ 兩小時清酒任飲放題女士 $98位┆男士$168 所謂去居酒屋唔酒唔通飲水咩？清酒任飲，TGIF, 所謂飲飽食醉，不過如此。
繼續閱讀