高興 (已結業)

係APM行完街，又想去觀塘海濱到hea下，行行下見到呢間cafe，就入去食埋個lunch 先🤩❣️高興全日早餐 $74 配橙汁材料好多，但味道就中規中矩，蛋有啲overcook ，最有驚喜反而係個炒雜菌，好重牛油味🤓❣️香草三文魚意粉 $78配凍檸茶三文魚份量多，但味道普通，整個意粉味道偏淡🌚好味度：7（10分滿分）環境設計懷舊，但今次試嘅食物質素一般，或者有機會可以試下其他菜式，睇下可唔可以有所改觀🤩

餐廳走廊都算闊落😇 環境真係舒服 好chill🍃仲有啲比較復古既打卡位📸文青們仲可以睇下書☕ 幾寫意架食物方面都幾有驚喜🤩 小編今次叫左海鮮意大利飯🍲同埋摩洛哥雞肉沙律🥗 意大利飯芝士味非常特出🧀 海鮮同賣相就正常發揮啦 至於雞肉沙律 味道清新但又唔會好寡 餐廳仲加左提子乾同nuts入沙律度 開胃又有咬感🤤同埋野食份量好充足 所以我地無叫甜品喇😆輪椅人士注意⚠️ 有啲特色座位有梯級未必坐到 ❗門口需要店員幫手開門 電動輪友要注意喇⚠️ 門口有個極小既門檻 可能需要人幫手推進入

朋友附近做野，推介食呢間工廈Cafe。一開始都少少難搵，原來要由工廈直入兩層門先到。工廈cafe一向比人感覺污糟啲，野食水準較低，所以無好大期待。點知，有驚喜。為左避開lunch嚇死人既人潮，提早左少少到，環境唔錯，港式懷舊風。價錢合理，加8蚊以上轉其他特飲。  泡菜雞肉烏冬，估唔到用滑身既讚岐烏冬，雞肉就比較碎，如果大件少少會開心啲，夠晒辣！蒜香昆布魷魚意粉，意粉夠挺身，無煮過龍過林，份量岩晒女仔，男仔可能就唔夠飽喇。最驚喜係拉花，竟然係柴犬🐶🐶，好開心哦！靚之餘仲好好飲，奶溫岩岩好沖到甜味出黎😊😊真係值得一讚係服務，由於朋友未黎，主動幫我地用碟先蓋住食物。同埋我地帶左小蛋糕，又主動拎碟俾我地（都驚唔帶得外食黎），好貼心🐶🐶可以encore!!!

想搵個地方有氣氛可以傾吓偈就諗起高興，環境舒適又播住廣東歌 (撐本地音樂)Lunch有好多意粉、飯揀，飲品選擇多，都係加$9-10，Menu有好多西式意粉揀，最後朋友揀咗呢個叉燒意粉，我心諗會唔會好中式點知嚟到見到叉燒大大塊有焦邊，食落意粉充滿蒜同橄欖油混和嘅香味，唔會乾身本來想食泡菜雞肉烏冬鍋，可惜無曬，店員哥哥話蕃茄吉列豬扒烏冬鍋可以轉雞肉，即刻轉左。烏冬係扁身稻庭烏冬，似係至愛嘅「真打」牌菇同菜嘅份量都多，蕃茄湯清甜、濃度適中，應該無落味精，仲食到粒粒蕃茄添！雞肉少少焦香，先煎過再放入湯，幾有咬口。跟餐+$9 焦糖瑪奇朵奶泡幼滑，唔會太甜，又靚又好飲！呢杯可以日日飲都唔厭跟餐+$10桂花雲霧(綠茶)無影到相，杯壺分開，淡味嘅綠茶飄來陣陣桂花香，相比之下顯得普通。

環境好舒服音樂好好聽～最鍾意佢哋成日播香港嘅流行曲每次嚟到一定會飲佢哋嘅latte 又香又濃 拉花又落足心機 我一定會再返嚟💕仲有午餐又平又好味！要諗定下星期食lunch食咩了

前幾日自己一位去食下午茶，侍應安排坐鄰近廚房位置，本當以為位置唔錯，可以安靜享用美食。食物質素一半，唔算少，但同其他食客相比真係有差距，美食之餘，樓面服務態度不佳，鄰近廚房外一位女侍應令我留下深刻印象，當我正在享用餐點時，該位女侍應一直用不同的物體敲打沙發凳背後的木板，很大聲，令我感到非常不安，而望向她的時候，用仇視的眼神看著我，令我感到非常不安，所以便嗱嗱聲買單走人，如無意外唔會再光顧，食物一般，服務態度差。

可能因為以為呢度淨係一間比人打卡呃like嘅Cafe，所以對佢嘅食物嘅期望降到最低最低，但唔知係咪因為咁樣，反而有啲驚喜！先講環境，都真係幾靚，可能因為係工廠大廈，餐廳比想像中大。$86紐西蘭牛扒配意粉，件牛扒竟然一啲都唔un，又冇煎到乾柴柴。 雖然個侍應懶係有問我想要幾成熟，我話5成，送到出嚟嘅牛扒，當然唔係5成啦~ 但一樣好味！朋友的蕃茄肉醬豬柳漢堡焗飯，味道就比較普通，同埋個樣就衰咗少少，但$63 ，仲包埋嘢飲，同埋唔使加一，你仲想點呀?

高興 (觀塘)11:30-22:00-海鮮🦞意大利飯 $72全餐最好食的菜式😹😹海鮮🦞量十足，有蝦有蜆有青口👍🏻意大利飯煮得十分creamy，軟硬適中💛推薦度: 😋😋😋😋.5 ( 5個😋為滿分)-意式芝士烤雞扒 $98雞扒大大份，不過肉質一般😅蕃茄芝士汁不過不失整體似茶餐廳🍴質素，不太推薦推薦度: 😋😋 ( 5個😋為滿分)-大蝦柚子沙律🥗 $62沙律🥗份量大，各種材料亦十分豐富👍🏻不過醬汁偏少，整體偏乾身推薦度: 😋😋 ( 5個😋為滿分)-日式淡咖哩牛肉漢堡温泉蛋飯 $66咖哩真係好淡😹😹亦比較水😅牛肉漢堡又乾又多筋🥲🥲推薦度: 😋😋 ( 5個😋為滿分)-高興雞中翼配特色醬 $40呢款雞翼真係超級無敵鹹🥲🥲不過肉汁豐富，肉質鮮嫩推薦度: 😋.5 ( 5個😋為滿分)-黑松露醬薯條🍟 $42薯條炸到脆卜卜熱辣辣，份量十足😽配上黑松露醬十分惹味👍🏻唯一缺點醬汁份量不足，要求加醬雖另外加錢😅推薦度:😋😋😋 ( 5個😋為滿分)#西餐 #高興 #risotto #spaghetti #意大利飯 #意大利麵 #雞扒 #雞翼 #salad #觀塘美食 高興 (觀塘)觀塘成業街19-23號成業工業大廈地

看見line friend's正式撤離香港，心中滿不是味兒，難免有一點怨惜。只好臨別秋波，送他們最後一程吧。去了專門店，拍了照，買了東西後，跟他們道個別，就高高興興地前往高興吃飯。地點方面有少少不方便，唯有靠google大神指路，到了工廠後，也要穿過一個疑似尿兜的地方才能找到。由於預先在openrice訂了位，店員很快便安排了餐枱。食物方面點了1. 檸檬忌廉楓糖pancake ($50) (7/10)2. 蜜桃冰茶($15) 4. 英式炸魚拼粗薯條($48) (9.5/10)5. 美國頂級肉眼扒($158) 黑椒汁 意粉 5成 (8/10)先來了英式炸魚拼粗薯條，很大碟唷😛直頭是一個主菜的份量，不僅如此，炸魚炸得很香口和好吃😋粗薯條就炸得剛剛好，配合茄汁醬，不錯。之後來了美國頂級肉眼扒配黑椒汁加意粉，肉眼扒就賣相不俗，吃下去有牛肉味，但略嫌有一點「銀」，口感不足。最後來了檸檬忌廉楓糖pancake，一個pancake的上方加了幾塊檸檬，然後旁邊滲了楓糖漿。這裡，如果忌酸的人，就不建議吃了。酸酸地+甜甜地，整體感覺一般般，至於pancake，則尚算不俗，口感實實在在，不是吃空氣。建議讀者

不得不提， 佢啲背景音樂真係好岩聽。。🤣同友人一齊去， 叫左兩個set 個意粉係幾好食既。。 啲雞肉雖然都知係急凍肉， 但真心食物真係整得唔錯。。。。另外我地每人加左9 蚊要左兩杯coffee... Flat white都叫做可以啦， 但好細杯ROSE COFFEE我想講， 我飲左半杯， 放棄左。。 好甜， 又好假啲花味， 完全唔得。。 個咖啡豆唔香。。員工拉花拉到咁靚都補唔返個味道。。 員工真係好有心機咁拉隻木馬出黎比我打卡， 可以一讚。。總體黎講， 坐的地方，員工服務和食物都唔錯既。。 係杯咖啡出事囉。。

裏面環境舒服，有打卡位，同background music，都好好feel。至於食物方面，我哋嗌左牛油果多士，榛子朱古力西多士和一個蒜香意粉。每樣食物都好好食，飲品方面都好多選擇，smoothie同ice tea都好正。重點係平均三十四十/set!

「高興Happiness」除左名字吸引，簡潔有力外，環境及食物亦非常令人驚喜！二人點了一份羊架配薯菜（$148) ，一份芝士牛肉Burger ，加兩杯飲品（飲品跟餐半價），Total 係$270 only! 薯菜大大份，羊架五成熟剛剛好，而芝士牛burger既牛竟然唔係梳打牛（即唔係落左好多梳打粉發烤的牛肉）！證明好真材實料。🥰🥰🥰不過burger既蕃茄可以再處理得好D，佢水份太多令到個包好濕同軟呢，不過整體食物美感出色！而且成個場都係打卡位（係香港舊式local Style) 價錢亦合理，推薦喔😊😊😊

因為知道line friends store最後一日營業了，所以來到了觀塘。在Openrice搜尋附近有什麼好食，看到這間餐廳叫“高興”，覺得名字改得好好，未吃就令人很開心，所以就預先利用Openrice App book了這間餐廳。 隱藏在工廠大廈裡面，找到了這間不太顯眼的餐廳。入到餐廳，裝修風格是現代與懷舊的結合，有懷舊理髮廳裝飾、鐵閘、高興大押招牌，也有不同吊燈、音樂圖案壁畫、笑哈哈公仔，而我最喜歡：Happiness Depends Upon Ourselves 這字句，高興其實就在乎自己的想法。 食物方面點了這些： 1. 英式炸魚拼粗薯條 $48 (評分：9.5／10）本身打算叫一個小食，想不到上枱時發覺這份量很大，大到可以媲美一道主菜。薯條很香脆、很熱，一定是即炸的，上面灑上了一些香草，又香又美味。炸魚柳很大塊，也很香脆，魚肉很滑不腥，很好味，以小食價錢可以吃到美味主食，很抵食~ 2. 美國頂級肉眼扒意粉 ＄158 (評分：7.5／10）上枱時很吸睛，因為牛扒很大塊，而且熱騰騰的噴著煙，香氣撲鼻～ 但吃下去，卻有點失望，我選了5成熟，但切下去眼看好像接近有7成熟，咬下去有點

今次去咗呢間觀塘工業區食西餐位置就有少少隱蔽 所以搵咗一陣先搵到一入到去完全係同出邊兩個世界 估唔到工業區都有咁靚嘅餐廳入邊有好多打卡位可以影相，但係今次就冇去到佢main theme哈哈笑嗰個位，因為嗰邊嗰張枱有人食緊野，唯有下次先影呢度唔止環境靚，食物嘅質素亦都一流紐西蘭羊扒配薯菜我就覺得個像有啲鹹，但好彩佢係分開上所以可以自由加幾多，肉質都好嫩 而且啖啖肉價錢方面中規中矩值得一讚係薯條夠脆熱辣辣，正接骨木花梳打特別鍾意呢個梳打，第一次嘗試好清新嘅口味！特別鍾意餐廳有唔同類型嘅飲品，又多選擇，唔使成日都係凍檸茶汽水嗰啲整體黎講，幾滿意呢次嘅用膳，最後餐廳員工仲好nice仲幫我哋影咗好多張相

呢間高興都真係喺觀塘響曬朵，之前同朋友嚟都未寫過食評，今晚帶寶寶就寫吓。嚟高興，最好就book定位！就一定有位！寶寶要我幫佢發板，我幫佢叫意式芝士烤雞薯菜、我叫左磨菇雞肉意粉，另外叫左水牛雞翼！等左無耐就上菜，水牛雞翼微辣，但醬係好味，令我薯條唔點蕃茄汁點醬！烤雞係大大塊雞扒，肉質一般般，呢個價錢都唔求咩架啦，但份量同賣相要讚！至於意粉，忌廉味重，個人超鍾意！嘢飲方面，跟餐有水果茶，寶寶杯青蘋果疏打唔錯！不過今晚失策，三碟都係雞，有d膩！整咗嚟講，唔使加一，大部分嘢又好食！推介！