鬼金棒

營業中

休息中

好耐無黎旺角，行完某大超級市場，估唔到依間地嶽拉麵有分店係旺角，所以就入咗去食🍜鐘意食芽菜既我，揀左「炒豆芽菜拉麵」- 無麻無辣。芽菜多到舖滿整碗拉麵！爽口清脆😊拉麵煙靭度適中，沾滿湯汁好入味😋拉麵夾著爽口既芽菜和蔥花，令味道層次提升。燒過既粟米仔好香，味道更突出！燒肉調味出色，食到好香濃既醬油味🥰老公咁鐘意食芫茜，當然揀「芫茜麻辣味噌拉麵」-高辣無麻 啦！勁多芫荽🌿，芫荽控一定會愛上，似汁配上香濃的辣味味噌湯底，我選的無麻，使辣味發揮到極致，而芫荽的香氣並沒有搶走肉湯的味道，反而融入左肉湯內，令肉湯帶點清新感覺。而且每一口拉麵都勁掛汁又掛一口芫荽，👍🏼我哋仲點左「肉飯」一口咬落舊豬肉，好濃郁既豬肉和脂肪香，而且肉軟，口感唔錯。飯用左珍珠米，甘香煙靭！

旺角最近新開咗以自選辣麻湯底聞名嘅拉麵分店 「鬼金棒」Bookmark 咗好耐一直都未去尖沙咀銅鑼灣分店食見旺角咁方便最近又得閒啲終於嚟捨得過嚟食😀🍜玉米筍辣麻味噌拉麵 ($120)小麻小辣 加味玉(+$15)一向食開嘅玉米筍只係用嚟炒小菜成日會覺得食無乜特別今次單純俾玉米筍配搭拉麵吸引到 膽粗粗就揀咗大量玉米筍 數過成十條有多🌽煮到好淋好入味又幾鍾意拉麵唔係特別幼身嗰隻🍜食落又幾彈牙 掛到啲拉麵湯汁至於個湯係濃濃嘅味噌湯🥣揀咗小麻小辣嘅口味唔係好食得辣嘅我 竟然覺得可以升級挑戰中麻中辣🌶️叉燒肉質軟嫰 超級入味 鍾意❤️味玉煮到啱啱好 醬油溶入蛋黃之中 食埋就極滿足😋味玉辣麻味噌拉麵 ($105)小麻小辣 係少玉米筍而多咗味玉嘅版本😙🥟煎餃($45)用上椰菜豬肉作餡料 煎到金黃色香脆加$15 罐裝汽水

味道一般，係麵質唔錯，比較彈牙，不過環境比較嘈，員工不停講粗口，藍色頭髮樓面不停係客人隔離唱歌，不停同其他員工大聲講大聲笑，好煩，食完即刻走體驗感超差，冇下次！

今日收工，咁啱出開去旺角，離遠見到一條小人龍，行埋去睇原來係鬼金棒，之前幾間分店都試過，一直都好鍾意鬼金棒依間拉麵，所以即刻排隊試一試，職員非常之積極友善，令我有一種係日本嘅感覺.辣麻肉碎拌麵(中辣,中麻)，味玉平時拉麵麵都比較少見有拌麵，拌麵醬食得出係即刻炒，而且超有鑊氣勁嘢味，除此之外，都可以選擇湯底，可以自選麻度和辣度.炒豆芽菜辣麻味噌拉麵（小辣，小麻)，味玉芽菜超級超級超級超級多，感覺上起碼有一斤，經爆炒清甜爽脆無草青味，味玉半熟流心入味煎餃(六隻）煎得非常之香脆而且熱辣辣，同朋友每人3隻，配埋拉麵食呢咁就啱啱好🤗可樂係旺角開左分店超方便，下次一定都會再返嚟🥰

先黎增量叉燒x2 無辣, 無麻味噌拉麵 有味玉, 豆芽菜, 玉米筍, 莞荽❤，雖然係味噌拉麵但呢間分店既湯底俾我感覺唔算好重口味，所以怕濃味既都可以一試! 湯底較甘入口幾香，淡淡大豆白氣，加上多款配料同夠哂彈牙掛湯既拉麵，油脂豐富叉燒，半肥瘦既口感，肥同瘦都岩岩好補返大家既不足，再另外配多份莞荽，令味道更加豐富!我地另外再叫多碗 豆芽菜 + 玉米筍❤ 炒過既豆芽菜食起上黎好香口，唔會有陣生草味，夾埋燒過爽口既玉米筍，兩碗加埋口感同味道都好清新! 煎餃 (六隻) 🤤即叫即煎，餃子外皮夠薄仲煎得好香脆，咬落去餡料既肉汁亦好juicy，點埋日式微辣既醋汁，更加惹味可口!

🖤 之前經過旺角，見到都有鬼金棒拉麵了😍 個門面都裝修得幾靚😁 食飯時間，門口都有條小人龍~🖤 鬼金棒最出名麻辣湯底，麻度同辣度可以分開揀唔同level (無/小/ 中/ 多/ 鬼增)😉 不過唔食辣既都唔使擔心！都有唔辣揀。🐼就係揀左唔辣😝🖤 我嗌左 玉米筍辣麻味噌拉麵🍜 $105 (+ $15 要多左隻味玉)湯底油脂感較強，味道濃郁😋 我叫左小麻小辣，好香，辣度我都叫完全接受到👍🏼 下次可以試下叫辣啲😈玉米筍其實即係粟米芯🌽 呢碗拉麵有勁多粟米芯，好正🤩麵條就比較粗，可以掛到湯👍🏼 另外就係份量好多，超飽😂🖤 🐼就嗌左 增量叉燒辣麻味噌拉麵🍜 $120 (又係加左隻味玉)增量叉燒真係好大舊！大過我嗰舊一倍有多🤣 叉燒係豬腩肉，肥膏部分令到舊肉唔會太乾。叉燒仲好入味同非常軟腍😚 🖤 另外見到Menu仲有芫荽拉麵！🤩 下次想試下🤓

最近好忙終於有時間約朋友出黎見下面食下飯，朋友大推鬼金棒，話係旺角開左分店，一於試試佢😝平日晚飯時間去接近全滿，我地咁岩有一張bar枱位店內裝潢偏暗黑調，佈置上有少少地獄既感覺掛滿狼牙棒同埋惡魔面具幾有氛圍店家探用掃code落單，主打麻辣味噌拉麵🍜可以選擇唔同配料，唔同麻度同唔同辣度落左單後師傅會即刻爆炒啲香料，辣解爆炒出黎既香料令成碗拉麵更加香同惹味🥰而且超有獲氣，坐隔離枱既小朋友睇到好開心我點左玉米荀麻辣味噌拉麵🍜因為喉嚨唔太舒服揀左唔辣小麻，香港唔多可以食到麻但唔辣既餐廳，想讚一下店家非常貼心份量都幾大碗，而且配料非常多味噌湯底飲落非常濃厚，既咸又香味噌既香味撲鼻，之後再有微微既麻香，刺激食蕾湯底偏油但唔會過油，所以食落好濃稠滿足玉米荀有成十幾條，份量超多👍🏻咬落爽脆清甜，無論味道定口感都同拉麵湯底有強烈對比☺️店家有微微火炙一下食落有淡淡火炙香拉麵非常爽口彈牙，而且都幾掛到湯每啖都係滿滿花椒味噌香好幸福🥰朋友叫既莞荽辣麻味噌拉麵🍜真心滿滿一大碗莞荽，係莞荽愛好者必點！朋友叫左小辣，試左湯底一啖，多左香辣既辛香，伴隔微微麻香，層次比較豐富再配埋莞荽一齊飲會再多一陣淡淡莞荽獨有既清香

以辣、麻湯底拉麵打響名堂既過江龍鬼金棒於旺角開左新分店，呀麵同老公即刻去朝聖，趁機挑戰更高辣度 - 鬼增！😈🔥店內以一貫黑、紅主色，以及牆上一個個日本「鬼」面具營造氣氛，切合店舖主題。餐牌只有辣麻味噌拉麵一款湯底，可以選擇味玉、炒豆芽菜、芫荽等不同配料。每一款拉麵可以自選辣、麻度，分別有無、小、中、高去到鬼增，中辣以下用上白碗⚪️，大辣用紅碗🔴，鬼增就會用黑碗⚫️，簡直係勇者既標記🤣🔸 味玉辣麻味噌拉麵 鬼增辣高麻上枱即刻嚇一跳，鬼增辣既唐辛子份量比起高辣多一倍以上！🔥大量辣椒籽令每一口湯都充滿強烈辣勁，加上粗身麵條口感煙韌、掛湯力強，辣味會不斷build up，食到流晒汗🤤同時亦會食得出山椒麻香，兩種刺激相輔相成，嗜辣朋友必試！！🔸玉米筍辣麻味噌拉麵 +味玉 高辣中麻好少見拉麵用玉米荀做主配菜，碗內仲要有本來有超過十條玉米荀，爽脆口感同辣湯好相配。配料有大大件軟稔叉燒、味玉同豆芽菜，份量十足😍老公對麻比較敏感所以揀咗中麻，有唐辛子辣勁但唔會比麻香搶風頭，味道好平衡🥰🔸煎餃(6隻)薄薄餃子皮包住椰菜同豬肉，比例剛好，入面保留肉汁，係一個性價比高既小食

相信各位拉麵控對鬼金棒都唔會陌生，先係尖沙咀同銅鑼灣都有分店，而家再係埋旺角開分店，香港三大旺區都開齊了食拉麵就最唔洗用腦order食物，通常都係一人一碗拉麵再加小食炒豆芽菜辣麻味噌拉麵（$120）拉麵可以揀辣度同麻度，麻度都有得揀比較少，我叫左小辣同中麻，鐘意食芽菜既我表示好滿意，有大量炒芽菜，拉麵麵條偏粗，另外我加左隻糖心蛋，中間蛋黃顏色好深，蛋味偏濃，每次食呢間拉麵都會大碗到食唔曬呀增量叉燒辣麻味噌拉麵（$140）加左$20莞荽，呢間食肆最出名除左辣就係莞荽，莞荽成座山咁高，翠綠新鮮，增量叉燒會係普通版一倍大，大食既朋友就可以叫呢碗啦煎餃子（$45）6隻煎餃子，皮薄，係拉麵既最佳拍檔

之前去過尖沙咀同銅鑼灣食，今日經過旺角，發現開咗新分店，當然要去食下啦。特製麻辣味噌拉麵拉麵可以揀麻度同辣度，朋友叫左小辣，小麻。拉麵配菜有玉米筍同蛋，玉米筍有煎過，蛋係塘心嘅，煮得啱啱好。拉麵嘅質感係比較粗同煙靭個種，咬落軟硬適中，湯底唔會好油但有肉味，配埋豆芽菜同蔥花調味，小辣都好易入口。叉燒肉同脂肪比例均勻，咬落去令人齒夾留香，食到停唔到口。増量叉燒x2辣麻味噌拉麵我叫左增量叉燒版本，對比朋友嘅叉燒果然大件好多，差唔多係一倍size。我叫左無辣同小麻，湯底明顯冇朋友個碗咁紅，但仍然味噌味充足。飲品食拉麵一定要配汽水，我哋叫咗可樂Zero、芬達，最緊要夠凍，店舖當然冇問題啦。最後值得一提，餐廳非常細心，有提供圍裙俾大家，咁就唔怕彈到啲衫，又有籃放袋，大家可以慢慢享受美食。

環境: 喺兆萬對面，旺角最熱鬧嘅位，好難搵唔到，我早幾個禮拜食飯時間去，要排15分鐘左右，如果大家唔想流汗，就揀少人啲嘅時間去餐廳入面位置唔多，我坐喺吧枱，可以望住師傅煮嘢食，有時會見到熊熊烈火，不過就會有啲熱食物: 芫荽辣麻味噌拉麵，$115，我嗌咗走玉米筍，唔辣，一上枱第一時間比啲芫荽吸引住，但食落就覺得湯偏油，麵比較粗身，而叉燒唔似普遍拉麵店咁一片片，而係一大舊，食落好滿足，但係有啲難咬辣麻味噌拉麵，$95，呢一碗都係走玉米筍，不過嗌咗小辣，最大分別係冇咗芫荽，辣味令拉麵更加惹味，建議大家可以試小辣煎餃(6隻)，$45，煎得好香，係一個不錯嘅小食整體不過不失，但未吸引到我再嚟，可能遲啲有新拉麵先會過嚟試

叫左兩碗麵，味道其實ok,但係唔夠熱，湯底唔係好濃服務先係最唔掂1.店員全程高聲傾計,都幾影響2.有幾張吉枱都要撘枱3.食緊野都仲可以係你隔離噴野抹枱真係要祝你生意興隆

傳說中的過江龍鬼金棒拉麵，經常大排長龍，令人垂涎！🥰短短4年，開了3家分店，迅速成為香港美食界的熱門話題，這次我和小姐妹去的是旺角分店，步入店內，我們就被它獨特的氛圍所吸引，裝潢和服務都讓人感受到一份溫馨和舒適！😍鮮香濃郁的湯底經過精心熬制，保留了最純正的口感，每碗肉🥩都好大塊50%，極度軟糯入味，搭配豐盛的配料和煙靭彈牙的麵條，每一口都絕絕子的！（PS，可以自由選擇無辣，高辣，鬼增辣（+$15.0），可以選擇無麻，高麻，鬼增麻（+$15.0），走蔥，走芽菜⋯➕芽菜⋯）🥰交通便捷，吃過的朋友都贊不絕口，大家都不防一試吧？！

尖沙咀嗰間成日都食，最近終於喺旺角開新分店，當然要去幫襯棒下場😎味玉辣麻味噌拉麵鬼金棒最特別一定係辣度麻度可以分開揀，自由度高❣️朋友叫就叫呢款經典拉麵，小辣小麻。湯底好香，先飲一啖湯，唔係得個辣字㗎，都會食到鮮味👍 拉麵有咬口，粗度適中，掛到湯好正🥰特製麻辣味噌拉麵我就叫特製拉麵，小辣中麻，比起頭先嗰碗會多一件叉燒，岩晒我呢啲食肉獸😝我覺得配菜都好出色，特別係芽菜，索晒湯底精華🤗煎餃一共有6隻，外皮煎得夠香脆，一咬有啲肉汁咇出黎，唔錯😍

早前食完銅鑼灣分店，今日去旺角西洋菜街又見到鬼金棒，又同朋友去食了😆作為荽茜愛好者，今次我叫咗個芫荽辣麻味噌拉麵，朋友就叫咗個味玉辣麻味噌拉麵，我哋再叫咗個煎餃子share食。今次個芫荽拉麵我要咗小辣中麻，比起我之前食嘅無辣無麻，小辣小麻明顯重口味好多，啱晒唔喜歡清淡嘅朋友。辣味唔算勁，絕對係可接受嘅範圍。拉麵依舊彈牙口感十足，叉燒亦都煮得好林好入味，肥瘦適中。芫荽份量就梗係夠多啦，見到都開心呀，呢碗拉麵真係冇得輸！味玉麻辣拉麵就係叫咗小辣小麻，叉燒嘅size同我果碗芫荽拉麵差唔多，佢冇芫荽，但係就多咗一大粒流心蛋。朋友第一次食鬼金棒，都話呢度啲拉麵好食，拉麵唔林有口感，湯底味濃郁，叉燒入味又夠林，價錢公道，食完仲好飽飽！我哋今次第一次叫左碟煎餃，有六隻，餃子皮煎得香脆金黃，入面有菜有肉，正常嘅餃子餡，味道都唔錯，絕對係加餸之選！