魔手和風拉麵 (已搬遷) 新店位置

平日要照顧小朋友,好少上網,更何況寫食評,自小生活在大坑,直至結緍後搬走離開,對此處很有感情,大坑此處地方的人和事充滿著舊味道,每次回來都令我有一番回味,近年聽媽媽說大坑內開了很多食肆,今日回娘家在區內大街小巷逛逛,發現真的開了很多食肆,有泰,西,越,日式等... 見到一間日式店名叫"魔手",兒子話名字好得意,嘈住要入去食,雖然食了午餐,但食碗拉麵,應該都吃得下,點了一碗豬骨拉麵,出乎意料非常好吃,我吃豬肉最怕有豬的"蘇"味,但此碗麵完全沒有,湯底濃郁,豬軟骨入口肉味充斥著整個口腔,麵身滑口,廚房師傅剛巧從廚房出來,捉住他問為何這魔好吃,原來又係慈母愛子之心,原來師傅就是店主,他是新界原居民,他媽媽託元朗相熟豬肉檔每日留最新鮮豬骨煮湯,茌怪如此好吃

以往大坑沒有日式食肆，但現在又開到成行成市，真是所謂瘦田無人耕，耕開有人爭。這間小店不太顯眼，家庭式運作，通常得一個師傅同一個店員，所以服務同上菜都會較需時。食品方面，鎮店之寶是印有店名的蛋卷，口感真的很好。個人較喜歡原味，一來原汁原味，二來價錢較平。其次我會選擇烏冬或拉麵，湯底和餸菜都可因應個人喜好選擇，而且價錢相宜。此店適宜一兩個人光顧，因店內坐滿也只得約廿個座位，而且最大只有四人枱。套餐和小食都不太抵食，而且質素有點飄忽，至於服務就要視乎當日客量同店主心情，有時會比較親切，有時則會比較冷漠。

圖書館揾資料做功課，悶悶吔就想食蛋卷。豬軟骨拉麵奶白色湯底，豬軟骨好鬆軟，溏心蛋唔似溏心蛋。吉列豬排稻庭烏冬烏冬好滑，豬排ok可口。芝士蛋卷X2(因為即叫即整，要等好耐)厚身多芝士汁，必叫。

近來我都有去中央圖書館看書的.......個日睇完就去食拉麫哈.我屋企附近有間拉麫店我仲末試.但我去左大坑試......一碗一百分拉麫.淮則麫要分明....質地要爽.煮的時間剛剛好.料要鮮甜.湯底飲落甜.火喉足.無味精飲完唔口渴.溏心蛋要流出黃.....而不是全熟蛋...這.淮則是在日本先食完.呢間店拉麫只值70分,溏心蛋直情係熟蛋.料只係有的汁係上面,無甜味.....加料份量少.除左呢2點.其餘都做得好好......本來我想食刺身,呢間店刺身好貴.店員話從日本運來...只有五六日,先供應....拉麫反而平只賣48元,不過我俾左8元貼士.....本來加錢食烏冬.都係俾左拉麫我......8元就算.店員有禮.都不是專登呃我,,低潮過後搵到錢啦,我會再去..試下刺身.同天婦羅.就當獎勵自己.

上次來同老公到魔手午餐，已經留下一個好的印象，今次特別約了兩位好朋友來吃"團年飯"和上次一樣很滿這裡的出品，有所不同的是今次Order了很多樣化的日本食物﹕先來一客沙拉作前菜，然後就是炸蠔、炸蝦天婦羅、吉列豬排稻庭烏冬，燒豬頸肉稻烏冬、燒青魚，再來三文魚刺身、海膽壽司、帶子壽司、還有此店出名的煎蛋卷(芝士味、鰻魚)、煎餃子、牛肉丼、炒野菜。很是豐富，我們淺嚐日本梅酒，慢慢品嚐每一度用心製作的和菜，實在享受。很多謝主廚的招待，令我們的團年飯充滿快樂！

十月上旬•陰天 天氣涼涼的，最好吃碗湯拉麵。 這裡的店面不大，有幾張四人檯，與及吧檯。來的時候四人檯已坐滿，而我一人來吃，也是坐吧檯較好吧。不過說是吧檯，這裡卻不是如一般的拉麵店般可以看到師傅做麵，而只說是水吧檯，有點掃興。店員拿來餐牌，沒有什麼心水，就要求主理人代選，要了個豬軟骨豬骨湯拉麵。 麵送來，豬骨湯夠稠密濃郁，看上來不錯。喝一口，淡了一點，可能是新店的關係，還可以在火侯及用料方面下點功夫。還好喝不出什麼味精，這個也是老老實實的豬骨湯；豬軟骨看上來是用鹵汁鹵得很入味的，吃起來肉質不夠鬆化，有點韌，尤幸軟骨的部份也軟滑有咬口。如果可以在烹飪的時間方面調校一下，效果會更好；配菜方面，除了椰菜及粟米，還配有一隻溏心蛋，做得不錯，吃起來溏心蛋黃是凍了一點，如果可以是暖暖的就一流；麵夠爽身，不算彈牙，但己及格。 主理人來問想見，老實告之，她認真的聽，笑笑問：「閣下是…」，我什麼也不是，只是一個食客。 埋單48蚊，不收加一。想吃拉麵的話，這裡也一試無妨。

10-1-2010之前見過飲食雜誌介紹呢度的玉子燒, 覺得幾吸引, 是日 lunch 又到大坑搵食, 就試試吧.叫了牛肉拉麵配「海鹽麻油」湯底: 湯底夠熱, 味道則淡出個鳥來, 麻油味淡薄, 可幸無 MSG 痕跡; 拉麵腍 bad bad 得很, 真係 牛肉係打邊爐肥牛, 咬落嚡口乾硬, 肉味亦好淡, 失敗; 半邊「招牌鹵蛋」則不錯, 雖然唔算好溏心, 但味道幾香甜, 比太子烏冬店 (http://www.openrice.com/restaurant/commentdetail.htm?commentid=2053296) 的好; 其他配料就又(「粉口」的) 鳴門卷又 (無味的) 罐頭粟米, 味如嚼臘, 賣相亦港式, 真沮喪 朋友食「汁煮豚肉」拉麵配豬骨湯底: 豬骨湯唔算濃厚, 但至少帶點鮮甜, 無 MSG 痕跡, 較「海鹽麻油」好;「汁煮豚肉」就唔好牛肉好多, 咬落硬硬柴柴的 , 面頭咁多芝麻都食唔到芝麻香味, 真係 另加的「招牌鹵蛋」則一樣香甜夠味, 而且比拉麵的「半邊」溏心, 不錯.「名物」玉子燒則幾好食, 軟熟多汁, 清甜帶蛋香, 雖然我仍覺得魚一丁的 (http:/

今天因事要到大坑一趟，晚上就打算用過晚飯才走。我在魔手外面探頭探腦一遍，看看餐牌，店內的侍應倒也沒有太熱情的邀你進去，甚是討喜（因本人很怕有些食店的侍應過度硬銷）。進店后點了一客牛肉飯和燒蛋巻，前者味道非常豐富，飯熱肉香，份量剛好；后者蛋香四溢，清甜而富蛋汁，兩客食物之好實在讓我有點意外。另外老板娘與侍應非常有禮，老板娘替我添茶時更發覺我的茶已經放涼，主動替我倒掉和添了滿滿的一杯熱茶。很久很久沒有在香港的食店嘗試過同樣窩心的食物和服務，我一定會再來！

11月20日（星期五）晚，是晚我又要在圖書館準備功課，女友收工後來找我一起吃晚飯，離開圖書館就行去大坑。天氣仍有點寒冷，但昨晚已吃了火鍋，所以是晚我就提議去吃拉麵。來到店內，剛巧有人離開而有空檯，不然就要坐在bar檯了。店子很小，約可坐二十人左右，餐牌簡單，雖名為拉麵店，其他食物選擇亦不少，而拉麵一攔就以「湯底Ｘ配料」方式列出，看似選擇不多，實際卻變化不少。看了一會，我就要叉燒拉麵配豬骨湯底，女友就要鰻魚飯定食，再加一客魔手蛋卷和一壺熱清酒。叉燒拉麵豬骨湯底（豬骨湯底）：叉燒肉味甚濃且嫩滑不肥，很美味；湯底呈奶白色，初喝一口略咸，再喝就湯底十分濃郁而味道清甜，最後我把湯幾乎喝掉；麵條爽口，但相信不是自家製，附上的糖心蛋晶瑩滑溜；題外話，吃拉麵配熱清酒，是我寒冬裡的禦寒至愛選擇之一；魔手蛋卷：做法十分正宗，是逐層逐層慢慢煎的，蛋香甚濃卻不太甜，口感十分軟滑，蛋卷上還印上店家的名字，很有特色；鰻魚飯定食：包括有小食的凍豆腐、前菜青瓜和麵豉湯，小食和前菜很一般，麵豉湯味道清甜，肯定不是即沖的；鰻魚尚算肥美，飯亦軟熟，鰻魚飯更配以粟米粒和西蘭花，賣相不俗，而且頗健康！雖然設有刺身櫃，卻祇得師傅

和老公今天來了中央圖書館，就在大坑附近搵食，天氣冷很想吃碗拉麵，於是走進這間日式小店，門面不是十分講究，連Bar枱都只能容納十多人，店內只有兩位員工，又是廚子，又是侍應，他們都很殷勤招待客人。我點了一客滑蛋豬扒稻庭烏冬，還有此店的招牌小食魔手蛋卷，雖然等候時候是較長（因為是新鮮製作，其實已有告示客人）但反而可以細心觀察周圍，見到大多數客人都較斯文，用餐時十分安靜，有別於一般的拉麵連鎖店咁嘈雜趕忙。食物送來了，烏冬與豬扒分開而上，稻庭烏冬彈牙爽滑，豬骨湯十分濃郁，蛋是糖心的，豬扒很入味，不太乾，加入洋蔥滑蛋肉汁豐富。至於那客魔手蛋卷就更值得讚，金黃厚厚的蛋卷上印上店名，出品絕不馬虎，入口甜而不膩，和風十足很好食，想不到一間小店會有如此高水準的食物，很滿意。我想我會再幫襯！

來過魔手3次, 3次都有唔同o既感覺第一次, 係朋友食過跟住強烈推介所以帶咗我去食, 佢話鰻魚蛋好食, 豬軟骨烏冬同吉列豬扒飯都好好食。咁可能對於第一次o既期望太大, 所以覺得好食o既指數係一般, 我鐘意o個個豬軟骨烏冬, 真係好好食, 特別係個烏冬。呢次我o地都有少少趕時間,所以都唔係叫咗好多o野食啫。第二次點解會再去呢?! 我都唔係好記得了, 之不過第二次o既食物比第一次好食, 我諗可能係同食物本身o既新鮮程度有別吧?! 我真係唔知, 不過水準受味道都明顯比第一次好食, 心諗:好彩o黎多次啫, 唔係就食唔到d咁好食o既食物了。其實呢間魔手真係好好好好好新鮮, 即叫即整勁用心, 所以真係要俾d時間等o架! 如果想談吓情傾吓計都唔錯丫~ 可以慢慢食又慢慢傾, 講真如果好趕時間就唔好o黎喇! 包你無下次, 而我本人就覺得有好o野食多等係可以接受的。最近o個次都係忍唔住喇~ d刺身令到我非常咁難忘, 要寫寫openrice 支持支持, 大家想食心的製作絕對可以試一試, 同出面大量生產的有很大分別呢~

聽同事講話e間野食唔差,同埋有個短頭髮waitress好好既服務態度,之後同個為食朋友去朝一朝先啦 叫左豬軟骨手打稻亭烏冬,牛肉拉麵, 曼魚旦倦, 炸廣島豪, 炸蝦天婦羅, 酸汁沙律...等得太耐太耐, 時間觀念極差............果然親手處理.....賣相唔差架.. 點知食落就... 根據我同男友既分析...豬軟手打烏冬: d豬軟骨好un, 1d都唔鬆軟..如部位問題, 就得無講啦.但d肉質好劣~不能得接受~手打島冬一咬唔係彈牙...係立口既.. 明顯煮得太耐...仲有d 椰菜係生的.. 送果隻旦唔入味...個湯底淡口同好快轉凍..牛肉拉麵: 正確叫肥牛拉麵, fat多個肉... 拉麵好難食...似即食麵出既拉麵..曼魚旦倦: 等得超耐, 成38分鐘...出來既產品,,, d曼魚碎好腥...個旦話熱唔熱, 話凍唔凍..炸廣島豪: 冷鮮同新鮮...係當d 客人唔識分...一咬有少腥味, 同雪藏味...wahhh~ 咁樣就$70...蝦天婦羅: 個樣好大碟...不過係d 炸皮大個, 條蝦好細~...酸汁沙律: 係生椰菜絲...+酸汁....唔係掛~....埋單: 300左右...

22/8/09(六)想去café on the corner午餐，問問才知現在約兩點才開舖。在大坑左碰右撞，看見這間日式小店，之前未看過食評，因見有一家四口的日本客人剛離開，也決定試試。店子很細小，推門內進也小心翼翼，恐怕會撞到別人。看看餐牌，就選了鰻魚定食($62) 和牛肉飯($45) 。等候期間，看牆上剪報略知廚師曾在日本學廚，而且是母子檔營業。食物品質不錯，麵豉湯和前菜都認真製作。牛肉飯的調味甚佳，味道獨特，但可能我們喜歡清淡口味，覺得有些過鹹。只是選擇不多，但家庭式經營也不能要求太高。期望母子同心，炮製更多美食。

之前喺度search唔到,所以到而家先寫. 因為太差,所以過咗咁耐都記得寫.一直都以為大坑既食店質數會好d,點知....呢度只係得熟食,選擇又少,少得黎又唔精...唉.....鰻魚蛋卷:熱既.蛋還可以,唔嚡. 但鰻魚超腥,所以結果只係食咗d蛋....牛肉飯: 同吉野家嗰d冇咩分別.....沙律: 咪就係一碟生既菜law....好在價錢唔算貴,2個人埋單都係17x

上個星期五同男朋友和妹妹第一次光顧此店，男朋友之前跟朋友來過覺得不錯，所以打算試試（因 openrice 的留言好壞參半，我本身沒抱太大期望）．三個人點了鰻魚蛋卷，加哩湯底豬扒烏冬，加哩湯底豬軟骨烏冬，豬骨湯底雞扒烏冬，日式餃子，雞軟骨．我不吃鰻魚所以只吃了蛋卷，覺得一般，但有鰻魚比淨蛋卷貴了一倍，$50 和 $25 的分別, 抵唔抵就見仁見智了 烏冬超級好吃！ 實在不明白為何之前留言的食客評價那麼差？本人極力推展他們的烏冬！我點的豬骨湯底好夠味！加哩湯底就正常加哩湯底味，也不錯．我不吃雞軟骨，所以不知道．日式餃子也很不錯！推展大家來試！點了以上６樣食品，盛惠 $270，價錢合理！值得一提，服務員態度親切，也很週到．唯一舖面不大，不適合太多人的聚會．