魔膳工房 (已易手) 新餐廳

是晚又到觀塘工廈裡的餐廳食晚飯，7點去到餐廳都有好多位，餐廳的冷氣溫度岩岩好，加上柔和的燈光感覺好舒服，menu都好多選擇，每樣都好吸引。我地order左兩個dinner set。先黎左個餐湯同餐包，忌廉湯同雜菜湯各一，味道ok，唔會太差。紐西蘭肉眼扒配薯菜我地叫左7成熟，黎到我覺得煎得岩岩好，切開裏面係粉紅色，唔會有太多血，食落肉質鮮嫩，唔會太肥膩。帶子黑松露意大利飯好食，個飯熱辣辣，帶子好大粒又唔韌口，加左好多雜菌令到飯更有口感，而且黑松醬的味道不會太搶，好吃！最後重有兩杯餐飲，本來兩杯都係熱飲，不個店員黎錯左凍飲。開頭見drink menu有水果茶，以為用新鮮生果，有少少失望，原來係用茶包。

約了住在官塘的舊同事吃晚餐, 這兒是一個好選擇! 距離地鐵約三分鐘步行時間, 方便就腳!餐牌如下:我們叫了兩個晚餐, 首先來了二個餐湯及麵包, 有兒時的感覺, 原因是大大個的麵包配牛油, 夠熱夠鬆軟, 與幼滑的忌廉湯很夾味, 有幾口麵包放進湯裏食, 很開胃!香煎紐西蘭肉眼扒八安配薯菜選擇了五成熟是我的至愛, 扒內多汁鬆軟, 外面的皮也脆, 與同事分享一半來吃大家都好像覺得不太夠及還可以吃多一點的香煎帶子黑松露雜菌意大利飯, 帶子煎得皮香肉滑, 同事與我也覺得黑松露的味道十分足夠, 相信與雜菌煮得非常入味也有關連的!我們飲過餐飲後, 同事說下星期她會帶同兒子過來再食過

晚餐~叫左兩個main course 一個小食食左400蚊for 2overall黎講唔得，性價比低環境okay ge服務okay ge薯角: 雖然係推介，但同一般炸薯角冇分別，d芝士好少，仲要我叫佢俾茄汁卡邦尼: 意想不到好好味，濃度適中，煙肉偏少肉眼: 差，千萬不要叫，好乾身，叫左五成熟佢整到大概三成，毫無肉味，肉質差野飲: 好難飲，已經穩陣地叫奶茶檸茶，味道淡而得甜味，好似飲糖水總結而言，如果中意食意粉ge就值得一來，因為個卡邦尼真係好好食！但食扒就真係唔好，同區都好多其他選擇，哩間亦唔平

朋友經常post觀塘工廈食肆，今日特別專誠來試一下，就選擇了『魔膳工房』環境寬敞很舒適，可能係工廠改建，所以空間十分大，而且擺設裝修都有特別心思設計。我們中午12點去到，人吾算好多，午餐都有多款選擇，今日叫左海鮮盛宴午餐--例牌餐包餐湯+主菜+飲品 (特飲另要加費)日式咖哩天婦羅蝦拼炸蠔配意粉- 個名堂都幾長，但係個賣相超讚，日式咖哩味香濃，天婦羅和炸蠔外皮香脆又不太油香辣蒜香欖油蜆肉意粉--蜆肉及蘑菇份量好多，意粉煮得恰到好處，但可能係用蒜用煮，蒜用味道香濃，但油份多了少許。飲品叫奶茶，沒有驚喜。其實整體上食物都係不過不失，環境燈光柔和，下次有機會再試晚飯

今日同幾位朋友一起吃飯先叫豬肋排配薯角，朱手，牛肝菌意大利飯和紐西蘭牛扒。先講帶位小姐帶我去到路中間就話枱係我右手邊，但👀過去有4張枱已坐滿人，但帶位小姐已離開，為有找經理處理啦！叫了食物非常失望，如果一間食店是用心去做那麼食品出來是凍的，意大利飯只是用珍珠米和先東茹做，並非所為的牛肝菌。牛扒5成熟變7成熟仲要（鞋）的。總括來說厨師並非用心煮食，服務水準超差。非常失望，不會再去

今日要到觀塘辦事，午餐時段朋友帯我來到魔膳工房，門外有點魔幻神秘的感覺，進門後發現内裡裝修令人輕鬆愉快。為繁華的工厦區帯來不—樣的情調！選了兩個午餐，另加兩客$20的自助沙律和—客$20的魔膳小食一蝦天婦羅。自助沙律有羅馬生菜、番茄、三色椒、西瓜和啫喱糖等，材料新鲜，千島醬調味剛好，不會過酸餐湯西蘭花味濃，質地軟滑，配餐包吃，停不了口！兩隻大大的炸蝦天婦份量不像小食，入口外脆内軟，蝦肉新鲜。自家製的秋葵沙律醬也出色。焗鱈魚配和風饅魚汁: 鱈魚肉質爽而滑，鰻魚汁味濃。扒西班牙黑毛豬配薯蓉: 黑毛豬扒厚切，肉質結實，有豬肉味，有嚼勁但沒有渣。蓉菜用料新鮮，薄薄的蒜蓉汁，有蒜香而味不濃不淡的，不會蓋過食材的原來味道

第一次黎食，都係第一次打食評，Mage Kitchen 地點方便。叫左個個20oz牛扒，六成係骨，兩成係肥，兩成先係肉。其他食物味道好一般，偏咸。總括黎講我好後悔黎左哩度食飯，後悔到要專登上黎開個account。

住開呢頭附近，所以得閒都會黎魔膳工房幫親下。今次又轉左餐牌，帶左朋友黎食西餐晏就食飯時間 呢度都幾爆餐連白湯同沙律bar牛油餐包幾軟，忌廉湯亦濃郁，料足白汁吞拿魚火腿意粉$68白汁濃郁，意大利粉非常入味，火腿及呑拿魚點綴，作為配料亦吸引份量足，一人食夠飽焗雪魚配和風鰻魚汁，薯容$92鰻魚汁非常香，我本身對鰻魚非常喜愛,點雪魚食亦特別雪魚外皮煎了，但肉質係唔un 及幼滑，幾好食可樂不用加錢凍玫瑰蜜花茶加$3飲落有些花茶味，玫瑰味都幾出，甜甜地幾清新芝士凍餅$28芝士凍餅餅底整得ok, 芝士味重，甜度不算太甜

美式煙薰燒豬肋骨配薯角 $145.又去觀塘工廈餐廳食好西 今次去到魔膳工房 一推開門見到環境好大好多台都坐滿人 心諗真係咁好食⁉️.叫左個我至愛既燒肋骨 食過幾間 始終都係露比星期二整得最好食🙈 哩個豬肋骨肉好厚身 我相信佢應該係一隻肥肥白白既豬仔 可能廚師煮得你太過火🙈肉好un un到我咬唔爛 烤汁太酸😓 仲有肉多過骨 .雖然我明白有肉食先飽 但比例方面真的太差😕我完全不能夠投入享受啜住舊骨既鮮味既境界 幸好粗薯和沙律味道尚可😐否則太差勁了.蒜香牛肝菌蝦球意粉 $138.次次都食忌廉/黑松露意粉 今次試下新野🙋不過勇於嘗新未必次次會有幸福結局.首先可能員工好忙 餐包同餐湯竟然同意粉一齊上 安排不太妥當吧⁉️不過冇所謂啦 d野好食就得 可惜我覺得個意粉太淡口 其實可以落多少少油or汁去令到個意粉不至於太乾身.意粉質感不錯 咬落不太硬又不會太過火 味道方面能夠食到好淡既蒜香同牛肝菌味 可以再略略調整下味道 蝦既份量較相像中多 而且爽口 值得一讚 可惜整體還是令我覺得冇下次.不過一大班人gathering係一個唔錯既選擇啦.

工作過後的星期六下午,完成交收後..因為男朋友有事架車仲未到, 所以就去左位於觀廣對面的Mage Kitchen食個Lunch等佢…Café在樓上的, 但樓下門口會清楚顯示入口,經過白色的長樓梯後,就到門口.場內環境都幾大,可能時間仲早,唔多人安排左我坐係一個比較入GE位置,場內投影機播放住卡通,可以比一個人黎GE人解下悶..叫左佢地的Set Lunch-白汁龍利柳意粉,餐湯係忌廉湯,而餐包係4方形的, 配上士多啤梨Jam餐包好硬..仲有係唔暖的..感覺唔多好,不過個Jam好好味忌廉湯有D淡..好快個意粉就到左~個白汁加左黑松露,好好味,不過太少白汁啦, 唔夠沾上所有意粉, 如果多D就好龍利柳比較普通, 都OK啦餐飲本來係想要紅茶, 但店員話因為係茶包沖所以冇凍飲,咁我簡左一陣再同另一位店員講,點知最尾都係漏左單…食完Lunch見男朋友仲有排先到,去左蛋糕櫃簡埋蛋糕食…見到蛋糕櫃有好多唔同裝飾的蛋糕,經店員介紹後簡左芒果Mousse cake入口唔會太甜,芒果味好重…仲有份量唔太大件岩岩好,岩曬飯後甜品。埋單$103,,其實都有D貴, 應該有更好的選擇。

好既食物 可以讓人一整日都開心難食既野 可以讓人一瞬間燥底 真係好耐冇打食評..但愈諗愈覺得點解可以做到D食物咁差..所以要上黎發洩下 本來諗住放工開開心心同朋友仔食下飯談談心就上黎OP睇下觀塘有咩餐廳介紹啦..見到哩間MAGE KITCHEN食評唔錯..環境又好舒服咁就揀左哩間喇~既然餐包你係咁乾身...點解唔俾粒牛油我潤潤佢wo...Sorry..我見識好少..我真係第一次食煮完(其實你係咪就咁烚一烚?!)就淋D醬上去既豬肋排骨...說好的燒去左邊???你又呃我..你明明話係烤豬手架..點解會變左鹹豬手架...?!個外皮唔係脆,唔緊要架..我當係特色;成舊肉好油好肥,唔緊要架我當係好多好多既骨膠原...但點解點解你要鹹到咁啊...我每食完一啖..都想飲一啖水......整餐最好食...同食得最多既..竟然係配菜...我真係好失望....我唔知道你係突然失準定係點...但我覺得有負評先會有進步..哩間餐廳既環境係真係好好..坐得亦好舒服..希望食物既水準亦可以繼續努力啦~

黎到觀塘交收貨物,見依間樓上餐廳,咪上黎試下,1入門口係無人,行入去見服務員,我話1位,佢望1望我,就不停和其他人吹水,我咪求其坐底,叫人無人理!下午荼時間,餐廳地方大,但食客的已經很小....等了10分鍾先有人黎!點了拿破拿芝士蛋糕,食落芝士味淡,而且份量小,外皮食落完全不脆口,林林的!食左3份1唔食即走

Wandering in the scorching concrete forest heat that stirs inside Kwun Tong, one would be as delighted as Hansel and Gretel would to stumble upon a hidden witch’s cottage made of food! We trekked a spiraling stone staircase to the second floor inside an old factory building. At the end, we were greeted by a dazzling light, a mysterious welcome from Mage Kitchen’s mesmerizing door sign and thick wooden door.Our lunch-set-inclusive soup and bread were the first items to come and they came hot, whi

當日落好大雨，打算近近地找地方醫肚。apm 一落去開源道就見到呢間，咩到唔諗就走咗入去。地方好寬敞，只係冷氣太凍。叫咗個什菌帶子risotto, 好好味，下次會再anchor。包咗一個湯同飲品，湯是普通的羅宋湯，沒有什麼特別。飲品叫咗熱茶，因實在太凍，茶是西茶，但牌子較特別，飲咗3，4杯都仲濃，幾好。原本呢間有加38任食salad的，但因有人book 場就沒有了，同有些嘈。

約了朋友晚餐，繼續搜尋觀塘工廠食肆，今晚來到魔膳工房。環境寬敞舒適，餐牌選擇夠多。今晚點了烤法式燒雞配薯菜，雞肉乾身，烤得恰當，外皮香脆。薯菜最吸引，每件均以香煎處理，口感豐富。