魔膳工房 (已易手) 新餐廳

這天早上考完試, 馬上和同學食好西!!聽說magic kitchen不錯, 於是一試!! Salad bar選擇不多, 有沙律菜、車厘茄、粟米等, 都頗為新鮮。如果款式多點就更好!羅宋湯蔬菜不多, 微酸, 質感較稀, 蕃茄味不重, 普通, 喝了一半就放棄。鱈魚取魚身部份, 沒什麼油脂香, 亦煎得過乾, 不夠嫩滑, 但頗有鮮味。中東米淡口, 沒有什麼味道, 要連同旁邊的燒汁同吃。Latte咖啡比例比較多, 帶微苦, 入口順滑, 但奶香不足。低糖朱古力mousse朱古力濃度不高, 但不太過甜, 質感可以軟滑點。白桃mousse白桃味不重, 質感未夠軟滑, 但中層草莓啫喱帶來酸味, 頗香胃。芝士蛋糕頗軟滑, 芝味香濃, 不錯。另外這裡中午人流頗多, 上菜速度慢, 有待改進。這裡環境寬敞, 但食物水準可以更好!

第一次到訪工廈覓食，呢度地點非常方便係商場一落電梯右手邊，大門真的很魔幻吸引人快快打開門探個究竟餐廳內面積都幾大下，幾圍枱在開party，非常熱鬧！工廈地方大就有此好處，甚有氣紛！好中意呢幾張英國旗的皮椅另一我地見到後方，其實是一個甜品櫃和水吧，女生一入門會為之瘋狂，因為那甜品櫃滿載多款不同種類的旦糕除了大圍人開party之外，餐廳另一邊則坐了幾枱小枱，三五知己來吃好野談談天是不錯的啦！後面墻掛了的鹿頭還是幾有西式風格，的確從草叢中走出來是幾配合魔幻的主題！餐牌由於選擇太多的關係，我們選了一個很吸引的二人餐，嘻嘻！因為有法式焗田螺、和牛、帶子和大蝦，一次過滿足哂我多心的港女幾個願望！餐湯先讚，奉上的麵包有輕輕興熱，拿起來又不會辣手塗上牛油剛好可以溶化的温度；紅湯：蘿宋湯，酸酸may may 很開胃，內有椰菜、西芹、紅蘿蔔，煮得剛好沒有溶哂又多有得食。白湯：忌廉湯，非常cramy幻滑是我愛的那種質感，淡淡的忌廉可以點牛油麵包吃喔！香煎帆立帶子大蝦龍蝦汁配扁意粉一上枱好香龍蝦汁味，意粉都均混沾滿好靚，當然不要忘記主角啦！帆立帶子大大粒，煎得金黄色，一咬下口嫩滑鮮甜，又厚肉很有口感！大蝦不用

踏入工廈覓食之旅 來到位於觀塘的魔膳工房剛下班大約七時許 到了吃晚飯時間 人開始多跟友人共進晚餐點了兩個set dinner分享是日餐湯是忌廉雞粒湯忌廉湯的口感幼滑 味道不太咸也不太淡喝下去會吃到點點雞粒白酒藍青口小吃方面 我們點了店內推介的藍青口藍青口以白酒烹調 加上少許鹽調味因為烹煮時間適中 吃到一點點白酒味道之餘 白酒更能帶出青口的鮮味香煎帶子黑松露意大利飯 ($228)主菜方面 我們點了黑松露意大利飯黑松露的香味加上意大利飯粗亥口感永遠都是最佳配搭再配以蟹子作點綴 成為這道主菜的亮點意大利飯上的伴有新鮮帶子 味道鮮甜慢燒美國豬鞍配薯菜 ($158)豬鞍是豬最軟最好吃的一部分 當然燒煮過度也會影響肉質這個豬鞍慢燒至7成熟 令肉汁保持同是時肉質依然鮮嫩加上磨菇汁令整道菜不會太單調伴菜的不是普通的薯仔蓉 而是蕃薯蓉蕃薯蓉的顏色較薯仔蓉暗 但味道帶甜沒有薯仔蓉的膩

在觀塘工作最開心的地方就是工廈的餐廳愈開愈多、食店的選擇亦隨之而來比較多，亦因競爭激烈，所以這類餐廳的環境、食物質素及價錢都能夠保持高水準~午飯時候，個人最討厭於嘈雜及側著膊頭的茶餐廳吃飯了，所以“魔膳”亦成為我經常光顧的食店之一這裡的紅白餐湯會不停轉換，今天便試了這個椰菜花茸忌廉湯，啖啖的菜茸充斥於湯裡、令這湯比較杰身而口感豐富，忌廉味卻不太重,再配以暖暖的餐包、match絕對想像不到$20的小食竟然那麼的高水準，外層香脆、内層的大蝦爽滑彈牙外層煎得香脆、肉質仍鮮嫩無比西泠牛扒肉質的細嫩度不及肉眼扒，但脂肪與肉質比例均勻，比起肉眼脂肪會較少，不會太肥膩，肉質纖維比較豐富，所以口感更有嚼頭、而且肉質甘香、紋理細緻，能感受到濃郁的頂級牛肉味道，令人一試難忘Cappuccino~其實就是加了奶泡的Latte、主要以奶味為主，這裡調控的比例掌握得非常的好

初時上到工業大廈都未肯定是可已經到達，當轉角看到這麼美的門面就知道找對了環境空間十分大，而且擺設裝修都放置不少心思，有坐枱亦有吧枱，座位舒適度高。初時都想到為何Mage，誰知餐墊上就逐一解構了，亦抵銷了等候食物的時間。先來前菜，包括忌廉粟米蘑菇湯及羅宋湯，湯用到的材料很多，味道很濃郁，亦嚐得出湯不是用水溝出來的，非常足料！再來配以草莓醬的餐包，令胃口大開。主菜之一的肉眼牛扒到了，牛扒煎得十分美觀，朋友點七成熟，切開時非常輕易，內裡帶點紅，而肉質都是入口即融又容易咀嚼。肉質比較軟身又易入口，而外皮又煎得頗香脆，可見食材新鮮又品質高呀！而牛扒底層有些配菜，例如茄子、蕃茄及薯仔，配菜味道濃郁及飽肚之外，亦可令口腔味道清新一下，然後再吃牛扒。然後我點的羊扒餐就到了，羊扒香噴噴的，令人垂涎三尺；而它的配菜跟牛扒的是一樣的，同樣都是入味又軟身，飽肚又容易入口。這碟有兩塊羊扒，羊扒份量很大，不過脂肪比例就有點多，跟肉質是一比一的，如果脂肪比例少一點就好了。幸好，這個份量對於女生來說是剛剛好，八成飽肚就足夠了。羊扒羶味不會太強，不愛羊肉的人都可以嚐到！而羊扒烹調得很好，外皮超香脆，而不影響肉質，不會令

今日同友人又來官塘搵食, 上次係網上介紹都想試下這間食店, 今次又再來官塘想唔都唔洗想就來這裡食午餐. 中午12點半時段幸好唔算好多人一去即有位, 有多款午餐供應, 餐都係包餐湯, 主菜同一杯熱飲, 其實轉其他飲品都唔係好貴都係幾蚊..不過講真係工業區食午餐仲要收加一服務費都幾貴, 幸好唔知點解埋單時有一個推廣優惠變左係無收加一啦..我叫左鱈魚配中東米沙律; 友人就點左個咖哩天婦羅蝦炸蠔飯以份量同賣相都一流, 不過我對於味道就只覺一般. 個魚係煎得唔錯皮脆肉都算滑, 只可惜個中東米真係唔得煮得過淋有D食糊既口感; 反而友人既炸物就做得唔錯炸得香脆又不算太油..整體上食物都係不過不失, 但如果要收加一就覺得同區有更多選擇.地址:觀塘開源道77號業發大廈一期2樓D室

老公係apm開會，我就係附近諗住搵下試邊間餐廳，就正正一出apm係馬會對面，就見到呢間餐廳投射佢地餐廳名既燈，咁就一於試呢間，諗住老公一開完會落黎搵我都方便d餐廳好大好多位，我影左一邊係高台既位，因為另一邊坐滿唔好意思影餐牌既選擇都好多，價錢都有平有貴，岩哂多心既你餐湯可以揀羅宋或南瓜，我揀左羅宋，麵包黎到既時候仲熱辣辣，配上湯岩岩好，可以沖淡湯過濃既味道帶子黑松露意大利飯帶子煎得火喉剛好，鮮甜好味，如果有多粒就更好，黑松露好香另一樣叫左肉眼配薯菜肉眼叫左5成熟，熟度控制剛好，牛肉好香濃，但個黑椒汁偏咸左小小忌廉藍青口，d肉藍青口黎講幾大粒，香濃忌廉味同青口味道好夾餐廳適合坐得舒服黎傾下計，同埋就算小黎觀塘都識搵既工厦入面既餐廳

第一次揾食到觀塘的工廈，經過樓梯的轉角，感受到閙市中的一片平靜，吸引我們慢慢走進向餐廳!晚餐的選擇令人眼花撩亂，經過一輪的挑選，便選擇了以下2個SET DINNER!Set Dinner Menu餐包+餐湯任食沙律吧 (+$88)a) 香煎鮮紐西蘭肉眼扒8oz配薯菜 $188b) 美式煙薰醬燒豬肋骨配薯角 $145香煎鮮紐西蘭肉眼扒8oz配薯菜的份量不容忽視，雖然只有8oz，但已經有濃烈的飽肚感。。。紐西蘭肉眼扒點了七成熟，肉汁肥美，咬下去的時候有肉汁渗出，但表層略嫌烤焗得未夠焦脆! 否則，焦脆的外層加上嫰滑的肉汁，更為難忘~薯菜也好多元，如翠玉瓜、茄子、薯塊，但薯塊不夠脆口。。。美式煙薰醬燒豬肋骨配薯角比起肉眼扒更為出色，豬肋骨烤焗恰到好處，成功把肉汁鎖住，輕易便可以把肋骨間的肉切開，及與肋骨分離! 可見烤焗時間掌握得剛剛好，才不會令肉好韌。。。而且薯塊炸到新鮮熱辣辣，配上芥末醬，食得十分過癮!!

又來一個假期下午茶來到此處見其環境不錯又夠寬敞,裝潢特別就選呢間好大好多位置下午茶亦不求其意式辣茄汁牛肉丸意粉HKD52雖然係下午茶但亦絕不馬虎賣相味道同樣好牛肉丸及意粉完全滲入辣汁入口唔膩,辣味十足越食越過癮肉丸新鮮自家製乙彈牙意粉煮得恰到好處味道很不錯另外加錢HKD5可配焦糖咖啡好飲到不得了咖啡苦味好出,但卻回甘咖啡及奶份量適中,香濃幼滑口感想不到下午茶也可咁出色!

好耐冇去過魔膳工房食午餐, 今日風和日麗, 出觀塘行吓工廠大廈樓上舖順便食個late lunch.今次都加咗20蚊食是日沙律, 今日沙律係雜錦沙律菜, 薯仔沙律, 車厘茄同粟米. 雜錦沙律菜生菜中混有火箭菜, 有少少辣味, 不一樣的味道. 薯仔沙律薯仔皮薄帶爽口, 味道似新薯.餐湯紅湯料多味道濃郁.佢主菜有好多選擇, 有海鮮, 素菜同一般午餐, 有十多款款式.主菜鱈魚配中東米沙律, 鱈魚輕輕煎過香脆可口, 肉質細嫩, 中東米外貌好似小米從未食過, 本來冇咩味道, 不過混上旁邊醬汁後, 咸咸甜甜入口都幾特別.青咖哩軟殼蟹配飯, 軟殼蟹有一隻份量, 成隻好完整, 不過可惜青咖哩略咸, 個汁冇咁重手味道會更好.女士真係有兩個胃, 見到加19蚊有甜品, 就出去甜品櫃揀吓, 結果揀咗香檳慕絲白桃啫喱蛋糕同藍莓芝士蛋糕.香檳慕絲白桃啫喱蛋糕一食入口居然同芝士蛋糕味道相似, 係質感冇咁實, 仲以為自己食錯咗. 不過講真味道其實唔差, 係有少少意料之外.餐茶加5蚊就可轉飲特色咖啡, 泡沫咖啡味道質感都唔錯, 不過朱古力咖啡就未落糖都太甜, 朱古力同咖啡味顯得好薄.

與同事一起在官塘區見完客, 我地不知去APM 還是對面揾嘢食之際, 竟然在客户的同一座工業大厦的二樓, 發現一間餐廳!餐廳內別有洞天, 寬倘舒適, 由於我飢餓之餘又十分口渴, 我們馬上叫了2個 lunch 並要求餐飲先上同事叫了個芝士焗龍蝦配牛油飯, 龍蝦肉爽脆, 特別是龍蝦鉗大啖肉配上芝士蓉, 很夾味, 加上甘香的牛油飯, 同事很高興能在午飯時段吃龍蝦我這個牛魔王就吃了個五成熟的西冷, 也没想到廚師在中午的水準已能炮製出很多高級扒房晚餐, 即貴價時段的高水準, 五成熟的牛肉燒得剛剛好, 外脆而肉稔, 鎖住鮮味的肉汁在中間, 好Juicy 又好咬饞, 絕對是滋味魔廚! 羅宋湯配牛油法包, 一早在熱脆上枱時已經給我們兩頭速龍極速吃掉! 雜果沙律吧有很多選擇: 西瓜、南瓜、火龍果、菠蘿 、紫椰菜、羅馬生菜、 粟米、啫喱糖… 沙律醬有黑醋、千島醬、 凱撒沙律醬、 橄欖油…悉隨專便!自製鮮果什菜沙律吧發現收費比餐單便宜了, 原來是2:00pm 後入座有8 折收費, 意外驚喜, 真開心!

其實要試晒觀塘區入面既cafe，都真係唔係一朝一夕既事。今晚決定來呢間試下，比較下同區其他餐廳既分別！好彩有訂位，如唔係星期日加公眾假期，都唔知walk-in有無得食！兩個人被編左個死角位度，相比起坐正中心，服務往往都來得慢同遲，加上剛去到時未係太多人（7︰30），所以角落頭架冷氣係完全無開，等到坐到七成人先開番去（唔知係唔係有客人提先識開！），面且果晚係爆場，但waiters係唔夠，所以我地坐係死角位係無人refill水！終於上菜，麵包無牛油，個湯唔錯，同平時set dinner果d都差唔多，所以我地叫左兩個set dinner個重點都唔係個湯度！之後小食先上，個皮炸得唔膩唔厚無咩粉味，而且蠔仍保持到鮮味，再加埋個芥辣醬，一流！之後再上羊鞍，外面已經包住左層芥末，燈光暗淡既情況下睇落去以為拎左件羊去炸，朋友明明叫七成熟（本人唔太鍾意血林林既感覺），點知兩件其中一件就七成，我食果件就五成，切落去時都見到有血流出來，味道一般，唔太差，但未係最好味既一次！之後個厚豬就有驚喜，以為佢厚實「un」，點合切落去一d都無呢個感覺，食落去重保留住肉汁鮮味，加埋個蘑菇汁好襯，所以呢個果然係呢度既招牌菜

今晚去了食晚飯，但真係好失望，，，，，咁既價錢食咁既牛扒，一望就覺得好似煎定再翻熱咁，，，，結果塊牛扒又硬又乾。。。。。羊架一樣既差。環境確係舒適，但食物就真係。。。。。p.s 我從不會喺OP打食評，有感呢次真係太差了，整體一餐飯，無樣好食。

同班姊妹都係住九龍,自從之前試過呢到既午餐之後,通常一兩個月行開附近都會幫親下。原來又轉了新菜牌。午餐加$20有SALAD吧,選擇都幾多,而且夠FRESH有紅白湯揀,亦有餐湯,忌廉湯味道唔錯,夠多料同濃郁。主菜方面,叫左雪魚配中東米沙律$88雪魚煎得幾香,不過份量細左少少,但係賣相同味道都一流,香脆得黎又唔熱氣,中東米非常特別,亦飽肚,配搭唔錯~焗龍蝦配牛油飯$108一開始怕牛油飯會好肥同重牛油味好怪,原來食落係幾好味,淡淡的牛油香溝左落飯身到,口感唔錯!焗龍蝦好正,好重芝味,蝦身亦吸晒汁同芝士既香,好入味呢。NEW YORK BLUEBERRY CHEESECAKE 同Chocolate mose 賣相同味道都值得讚, 呢度d 甜品係唔錯的, 餅底夠香,芝味亦夠,唔算太甜。香濃的朱古力同strawberry mose值得一試。最緊要係款式夠多,岩晒我呢d無甜品不歡既人haha甜品就加$19起一件

趁住五一勞動假期，同媽咪去觀塘工廈區覓食去今次揀左呢間魔膳工房，其實經過想試好多次，而且都睇佢既食評大部份都好評，所以相信佢唔會令我失望既開12點，我同媽咪12點就準時到樓下，但樓下似乎未開，打左電話後好快就開門。上到去，無論門口裝修定入面既環境都比人感覺好舒服同闊絡既感覺，被安排到卡位坐，都算舒服，如果同朋友聚餐吹水應該會係個好地方。由於媽咪想食素果啲（怕肥喎），就係素菜lunch set 果到叫左呢個露荀扒茄子豆腐（$78）連田園沙律一個。老實講，我望哂成場都無人叫呢個，呢個價錢其實餐牌上好多唔同選擇都可以叫，而且可能少人叫所以都差唔多四五個字先黎到。講返個餐先，其實就真係好大碟，翠玉瓜，茄子，豆腐各有3件，都係好大件既，全部都係煎香過，豆腐係普通平時磚豆腐既味道，外皮都算煎得ok，反而茄子雖然煎左但唔夠香，內裏都有少少生既感覺，其他配料我都試左啖，全部都一般無咩特別，因為成碟都係素，即使煎過哂都係淡，加左啲類似燒汁既醬加左啲味道，但我諗重口味人士一定唔會岩，想食清既可以考慮呢個。我就叫左呢個煎鱈魚配中東小米沙律菜$88，整體外觀都幾吸引，岩相機食先，試左件魚先，皮煎得香脆而且唔會