影片
營業時間
星期一至日
11:45 - 22:00
以上資料只供參考, 請與餐廳確認詳情
開鋪果排太多人排隊冇機會試，今日見唔洗排就入去試下，野食味道不錯，但份量較少，食完唔覺飽，我2：45去到食下午茶，見D員工3點就收晒D餐牌，係所有餐牌都收晒，趕落場都唔洗咁呀，又未載單
繼續閱讀
第一次食 去食個陣都差唔多3點鐘 錯開食飯時間唔洗等位 正一入去就見到好多卡位 最鐘意卡位 坐得舒服好多睇menu個下見到好多選擇 個心又想食烏冬又想食丼飯 乜都想食 所以都猶豫咗好耐最後我揀咗火燒盛丼 有4件油甘魚 4件三文魚 4件帆立貝 同4條蟹柳 蟹柳就好普通 三文魚雖然薄切但都算大片 油甘魚一夾就散 油份好重 食完真係好漏 但帆立貝有驚喜 雖然唔算厚 但好滑 完全唔腥 個飯底係白醋飯 個人感覺就落得太大醋 比較濕 同埋飯嘅比例比較多 配料就唔太夠配飯 除咗丼飯 個set仲跟味噌湯前菜同醋果凍 湯就偏咸 但好足料有菇有蜆 前菜係蓮藕 好爽口 辣辣地 個醋果凍係可以拌埋啲飯食 有解油膩嘅作用 但個人覺得太酸朋友就揀咗蕃茄湯底嘅贊歧烏冬拼吉列豚 蕃茄湯好甜 但就唔夠濃 烏冬好彈牙 煮得啱啱好 而吉列豚大推 每件都好厚肉 絕對唔係麵衣炸麵衣 肉質唔會好柴 炸起就一上枱 超juicy 朋友個set就跟柚子蜜同前菜整體嚟講 呢間嘅野食質素唔錯 價錢都偏平民價 下午茶嚟食 丼飯仲會平10蚊 環境好舒服 重點 啲侍應都好好服務態度 有機會要再食
繼續閱讀
朋友唔太食生野，到左呢間日本餐廳就試下佢非魚生出品，叫左:-吉列蝦烏冬定食 $70成個SET包半熟旦同乳酸飲品，吉列蝦是剛炸起的，香脆美味，配上沙律醬食一流，烏冬似係讚岐烏冬，夠曬滑，粗身中口感比較彈牙及有嚼口，好味.吉列蝦滑旦定食 $70成個SET包前菜同飲品，吉列蝦是剛炸起的，但同滑旦一起就無甘脆身了，但滑旦配上飯食一樣無得頂，滑蛋的確口同滑溜感，一啖啖就食曬成個飯了.呢個價錢呢個質數好高CP值，會再來食.人均: $50 - $100抵食: 💰💰💰💰💰味道: 😋😋😋😋😋服務: 💁🏻♀️💁🏻♀️💁🏻♀️💁🏻♀️💁🏻♀️環境: 😉😉😉😉
繼續閱讀
我和先生喜歡吃日本菜，之前曾在這裏吃過下午茶，覺得幾抵食，所以這晚放工後便來試試晚餐。這間店很大，空間寬敞，座位不窄，坐得挺舒服。這晚我們點了魚匠盛丼（$108）和一口唐揚雞讚岐烏冬($62)。魚匠盛丼的刺身是角切的，丼裏包括了三文魚籽、蟹肉、熱帆立貝、飛魚籽、鰻魚、八爪魚、蜆肉、赤身魚和白身魚。刺身的份量正常，比較特別的是他們會奉上一小碟醋啫喱，說是混在丼飯裏一起吃的，即是變成醋飯XD 那個醋啫喱酸酸甜甜，跟刺身飯的味道幾夾。至於一口唐揚雞讚岐烏冬，每粒炸雞粒真是一小口的，不太大粒，不過雞粒的炸粉不算厚，炸得也香脆，味道都可以呢，烏冬則幾滑嘟嘟。
繼續閱讀
叫了個海膽拖羅蓉飯，$138，見圖片幾吸引，諗住假期食豪少少。但之後就中伏：飯勁多，搭到山咁高，面頭只係搭左4塊海膽，舖左一層拖羅。海膽睇款就係普通俄羅斯海膽，靚既日本海膽會再細隻少。結果d送好快食晒，之後就食白飯。面豉湯好淡，d味曾係晒底，飲到最尾好鬼咸。無端端有碟膏狀既醋....同韓國炮菜。服務一般，不過不失。地方都闊落，假日唔洗等位。上菜算快。但價錢太貴了，普通一碗三文魚飯都78，想當然又係魚少飯多，又不是好質量，我去donki買仲好。
繼續閱讀