魚心日本料理 (已結業)

旺角女人街成十二點，有許多店都在準備中或空空的。媽想食日本野，本來這店隔離果餐的餐及環境都勝一籌，但卻未正式開舖，所以進了這店啦！進去，見已有幾枱客，有不同年齡層和性別，我估都應該可以啩😅。但環境就的確一般，枱面椅子都黏黏的🙄。看看餐牌，咦，價錢很平，而且非常多選擇喎。媽點了天婦羅芝麻醬撈烏冬。有兩隻蝦，茄子南瓜和蕃薯各一。天婦羅夠脆，新鮮炸，略嫌厚了一點粉。烏冬質地幾好，很煙靭，$38真的超價啦！而我叫了天婦羅併吉豬便當。天婦羅只得一隻蝦，半件份量的吉豬，亦是非常超值。但是我最不能接受那些飯，太淋了，只食了一半。套餐加$4還可飲樽裝汽水。

同事説起近排旺角少咗平價日本料理，想簡便吃個刺身飯都過百元。今晚去了久違的魚心，同事説這餐廳是他中學時候會去的，甚有親切感。到達時剛好有人埋單離開，不用等位便可入坐。本來想吃熟食的我，發現餐牌熟食款式很多，我們最後點了魚生定食及海膽炒飯，然後加點半磅三文魚魚生及甜蝦，其實份量都足夠3人。各款刺身算是新鮮，炒飯賣相味道還不錯，整體食物以性價比計是不錯。其後，再追加了特色加洲卷。卷物賣相吸引，是我們預期以外的，味道還不錯。至於服務，上菜時間合理。侍應很忙，但要求了3杯水都隨後送上，令人滿意的。

何謂中伏⠀先問大家一個問題你地以咩嘅準則揀去邊一間餐廳到食飯價錢？環境？味道？等位時間？最好，就當然係全部都有啦香港人最想就係-啲野大件夾抵食-野食要有三星級嘅味道-張枱對住個無敵大海景-唔洗等位之餘最好仲中埋個第一萬名顧客大獎又食又拎嘛有嘅……大家聖誕聯歡或者週年晚會好食多啲野啦⠀認真地諗下 香港地有邊間又平又大份 味道環境都唔差嘅餐廳？係啦！你實會諗到一兩間嚟串呀叔㗎咁喺你地心目中個幾間咪係抵食嘅餐廳囉⠀呀叔好鐘意周圍搵啲非連鎖式餐廳食飯因為呀叔一直想介紹俾大家嘅都係一啲呀叔認為物有所值什至物超所值嘅餐廳⠀然而 呀叔遇得最多嘅係伏到咁嘅餐廳一間日本餐廳 點解可以用膠兜兜住啲食物上菜比客人 而膠兜仲裝住啲準備refill嘅碗碗碟碟⠀同一間餐廳 點解啲拉麵可以仲衰過我女朋友煮？狗也不飲嘅湯底！⠀同一間餐廳 點解啲壽司會難食過明將？難以形容⠀同一間餐廳 我唔問點解了 啲牛舌硬過呀叔條命⠀成為一間餐廳 根本無諗住煮啲食得落口嘅食物單單以價錢因素哄人光顧 消費自己餐廳的名聲 一隻磨滅客人再次光顧的意欲 苟且偷生的小狗憑什麼開一間餐廳！

附近一連有3至4間日本料理餐廳，揀左其中一間入去食lunch。有好多款配搭既lunch set，eg 拉麵/咖喱飯配壽司，有汽水，大約$38-$50。另一款係定食/飯，最平$32都有交易，另加$4有汽水。叫左最平既set 拉麵配雜錦壽司6件($38)，滑蛋雞肉飯($32，另加$4汽水)。餸菜上枱，同餐牌既相一模一樣，份量足。$38有咁多野食，比隔離日本餐廳既lunch set平至少$8。拉麵軟硬適中，比平時食既一碗拉麵份量仲要多dd，有粟米，海藻，魚糕(拉麵平時有既個塊白色魚糕，唔知叫咩名)。d海藻好好食，硬硬地有口感，湯底唔鹹。雜錦壽司有6件，有3款口味，分別係芝士炙三文魚，芥茉蟹子，甜蝦。芥茉蟹子最有驚喜，初時見到綠色既蟹子，以為色素，見到牆上既介紹餐牌，先知係芥茉，食落口唔似平時會刺鼻，但feel到係芥茉，唔錯。甜蝦同三文魚就循規蹈矩。6件壽司加拉麵都只係$38，睇餐牌個陣都o左嘴，但質素係中等，唔係差，good，抵食平價壽司。滑蛋雞肉飯就普普通通，雞肉份量多，飯既size係夠男仔食。見到其他人叫咖喱飯配壽司，咖哩飯既飯量就真係少左d啦，應該冇1碗，不過冇試，唔知d咖哩好唔好食。

本來見到呢間野咁平都冇乜期望，但係個餐到左之後都幾驚喜。嗌左個手卷壽司拉麵套餐，有三個手卷三舊三文魚壽司兩舊加州卷外加一碗拉麵同一枝可樂。以42蚊一個餐黎講真心好抵。平時食親都係貴拉麵自然對咁平既拉麵冇乜要求，但係佢啲壽司都真心唔錯。加州卷大大舊又飽肚，三文魚食落不過不失。友人點左個炙燒三文魚卷餐，有啲驚喜，三文魚燒得唔錯，38蚊餐有六舊加拉麵同可樂。其實真心好抵🤤呢個價食到咁飽仲要唔難食都幾正。同埋魚心仲有好多餐揀，應該會再覆桌🤤

服務okay食物真係唔掂 雖然價錢平但係完全唔覺自己係食緊壽司個飯係無味 好似白飯咁樣魚生極唔新鮮⋯ 食入口好似有陣味咁似係中國白飯上面加d無味既魚生。 甜蝦食入口既口感直程膠膠地咁將住個口⋯如果再選擇都唔會選擇呢間

之前我跟媽媽去吃，服務態度沒問題。昨天我帶朋友去吃lunch,一進去因太多人有個中年女人就帶我們上樓上吃，上到去叫完食物，有個員工上來說下面有位置，叫我們下去吃，當時我們有五個人，我說不用了，然後那個中年女人就勸我們下去，說“下去吧！“ ，因為我說‘不用了‘很多次，我就說我不想，從樓下上來的女人就說‘好吧！那算了‘然後就下去了。那個中年女人就說“你們不下去就bla bla bla, 等下廚師師傅會上來休息，你們都不會在這裏最很久，等下就趕你們下去！“她不斷說，我就沒有理會她，不過我的朋友就說‘下去啦！我們不想一直聽她埋怨！如果我們再做這裏的話，她會不停地講呀講，我們可吃飯的時候不想聽到她不斷的吵。‘ 然後我們下去了。到了樓下因我們坐在近著廚房的位置，她就用很沒禮貌的態度命令我的一位朋友坐另外一邊，不要擋著她的道路，我心想‘她剛剛坐的也是位置呀！‘ 我當時就開始有點生氣。然後到差不多食物到齊的時候，我問她來齊吃了嗎？她就說好像H還沒到。我當然問她H是什麽啦！她就對我說搞錯呀，然後自己就很憤怒的找menu，揭開那一頁給我看。吃飯的時候沒有什麽問題，最後我叫她給我一個膠帶帶走食物，她馬上寫加

食物質素算係普普通通就唔評論喇, 但店內職員嘅服務態度真係有待改善...點餐時有啲地方唔明白想問清楚, 就叫左位男店員黎, 但佢勁唔耐煩咁叫我地自己睇圖(餐牌上)就行開左然後我朋友又搵左位女店員黎問, 但個女店員既回應語帶嘲諷, 結果又係示意我地自己睇圖, 語氣令人十分不快而食物到時, 勁大力放低(感覺似隨手掉低)就走咗又唔會主動加水想像唔倒咁差既服務都仲要收加一服務費食物一般我都仲可以接受, 但如果食物一般之餘, 服務質素都咁差, 就真係難以接受絕對唔會再幫襯！

又係旺角覓食既日子，今日想食日本菜所以同男朋友揀左呢間魚心試下，主要係俾門口大大隻字既「半價28蚊軟殻蟹壽司卷」吸引住🤔一入到去已經見到坐滿人，但無侍應過黎帶位，個個明明見到我地入左黎都無諗過理我地，係行到入舖中心先指我地上二樓🙄🙄舖頭比想像中大，二樓都幾多座位，但比較暗同感覺麻麻地乾淨，侍應可能因為忙所以態度一般。其中飯同定食既餐牌，喺香港其實好少食魚生因為一定食唔到日本既質素，所以通常都係留意飯、拉麵同定食。我點既係滑蛋豬扒飯（$48），成日覺得一間日本菜質素高低可以從滑蛋豬扒飯睇得出🤔雖然主要材料得蛋同豬扒但其實好考功夫，呢間野就令我極為失望。飯微暖唔講，仲要煲到又濕又淋，好似喺飯煲焗左成日咁，從相可見蛋份量極少，仲要煮到熟哂，蛋汁完全欠奉！！😫😫啲飯淋仲要無蛋汁撈飯 真心果句口感好核突，所以食左一半就放棄左。豬扒其實可以接受，雖然炸得唔香脆，但唔會太乾身同口感太韌，最嬲最嬲既係！！！食到一半先發現豬扒下面壓住兩塊肥牛，唔知係咪本身同洋蔥一齊煮所以撈左入黎，但對於一個唔食牛既人黎講呢樣唔可以接受😡😡😡男友點既係咖哩雞扒定食（$48），包蟹子沙律+味噌湯，蟹子沙律，表面有蟹子同蟹柳

有6，7年無來過，再次重來，一入到去樓下無位，上樓上，閣樓up up dup dup，感覺好唔衛生，落單啲阿姐又慢又錯上菜要跨過我個身遞碟菜比人。。叫個炸蝦手卷同新香卷，好似打完仗咁，美觀度有點嚇親，食落ok既，不過不失啦。多角度展示芒果軟殼蟹，好大舊飯，食2舊滯到上眼，唔好眼闊肚窄！我見好多食客食淨好多！尤其是壽司。鰻魚定食，一啲都唔好食。。鰻魚好dry,睇見都無乜胃口。。碗飯好普通米，不是珍珠米，汁都無滴。。燒雞翼，不過不失啦，好難唔好食既。埋單有加1，198 兩位，真係好唔值。。唔會再來了

超過一年冇泥過啦，我每次都係點同一個餐，估唔到咁耐之後都冇乜點變過我地一行二人，12點幾去到都差d冇位佢叫左個咖哩飯C餐(+雜錦壽司) ，超級飽肚呀而我就仍然係食拉麵B餐(+火灸三文魚加洲卷), 正呀好多沙律醬呀壽司比之前大舊左，食完之後好飽呀

呢間餐廳真係好差其一: 環境差入到去見一樓人多所以上左二樓, 一上到二樓就有啲酸酸縮縮嘅氣味, 霉霉up up咁其二: 食物差我叫左個燒三文魚定食, 份量少到呢, 三文魚又燒到好乾, 魚鱗又刮唔乾淨, 就連白飯都唔知點咁😠我朋友叫左個泡菜牛肉火鍋烏冬, 淡而無味, 佢食完都肚痾添其三: 服務態度差食完去俾錢時, 由於我同朋友都冇散銀, 咁就問個收銀可唔可以分開俾, 佢黑口黑面好似我得罪佢咁😡 唔答我只係搖下個頭, 走嘅時間一句多謝光臨都冇真係未試過食一餐飯食到咁嬲架, 幾平都好, 以後都唔會再去🙅🙅🙅

已經唔想解釋咁多諗起都嬲服務係最差差到我直頭叫左野食但都有種強烈唔想等想就咁走既意欲但最後都照等無理由咁浪費自己既錢 食物一般但就點都一定唔會叫做好食麻麻地新鮮其實要求高D會覺得1D都唔新鮮 如果但求唔理好醜，只為求其醫肚既話，可以唔怕食。

本人甚少會寫食評，但作為魚心的回頭客，這次午餐經驗實在不吐不快！魚心本來給我的印象價廉抵食，食物也不過不失。今天跟朋友來午膳點了50元香蔥三文魚飯。三文魚入口感覺未算新鮮，飯量也算足夠。一分錢一分貨，也過得去。午膳時間繁忙，我和朋友兩人坐在一角，中途又有一位食客光顧，其中一位男性未知是老闆還是員工突然用力推撞我的肩膀要求我坐到另一位，再大聲吆喝鄰座兩個學生換位，態度實在甚差。其他員工態度也顯得無禮，不能盡寫。總結，價錢加了，食物跟服務卻比以前差，以後不會光顧！

一直黎親旺角都有幫襯開呢間平平居酒屋，見到唔小中伏的食評，所以次次都食差唔多嘅野食。真心次次食完都唔覺中伏，仲想俾個like tim由於要食夠一定金額先可以叫優惠美食，所以我地先叫左個網燒牛肉定食（$58）由於太肚餓關係，食左兩件先記得影相。份量絕對唔細，牛就唔好期待係靚野，但配返個汁就唔錯啦之後叫左個自家制大阪燒，呢個打正旗號唔跟正宗做法。成舊野雖然有啲厚，但又唔係得粉漿果隻厚。雖然啲餡唔係咩貴野，但夠足料都幾好味。跟著就黎特價野，先黎個鹽燒秋刀魚（$14），原條大大條燒到好香，性價比超值，值得推介。再黎叫多條魚食，今次係比較肥美嘅鹽燒三文魚鮫（$25）。個魚鮫夠肥，但燒完又唔膩，夠香夠滑，個人大推呢個。P.s. 好多時呢個都會沽清，食唔食到要睇運最後就係魚心嘅必食推介，25蚊6件嘅特式加州卷呢碟野淨係賣相都值回票價，仲要有手心噤大嘅加州卷，食完包你滿載而歸。今次上左上層食，環境的確有點殘舊，但舊得黎有種家嘅舒服感覺。如果係下層食，就可以欣賞到玉置浩二嘅經典金曲做背景音樂。首首80年代嘅金曲，以日文演唱大家都能朗朗上口，充滿濃濃嘅懷舊居酒屋氣氛，絕對係另一番風味