魚心日本料理 (已結業)

旺角通菜街一帶，隱藏著不少食肆，通常都是性價比高之選。位於通菜街的魚心，晚上有不少年輕人光顧，而且午市更有學生餐牌，估計主力就是做她們生意。今晚幫襯了一客魚生飯，如果消費滿100元，更可以40元點一磅三文魚刺身。（由於侍應解釋得不太清楚，加上條款也寫得不太清楚，故在此補充一下，當點滿100元後（正餐牌，不含飲品），是可以任點每份40元的三文魚刺身）以這個價錢來說，算是性價比高，而且吃得飽。不過，由於是次坐閣樓，冷氣稍嫌不足，環境亦一般，是為美中不足之處。

我4.5年前喺旺角返學，嗰個時候我同啲同學經常食呢間餐廳，今日放假經過入咗去回味一下，我仲記得四年前識嗰陣學生價都係＄20多啲，不過依家已經升到30幾蚊。一入到去見到餐廳嘅裝修同事面前都冇分別，如果女仔嚟應該會覺得呢度比較殘舊。我好鍾意食呢度嘅咖喱，以前試過叫兩碟咖喱飯食🤣我食過好多唔同地方既咖喱，都係覺得呢一間最好食，不過刺身同壽司方面就差少少，識落嘅感覺唔係太鮮甜。 我叫咗個壽司咖喱飯餐A 有一個咖喱汁加白飯，五件三文魚加州卷，一支汽水買單＄40夠飽。不過總括而言，我覺得呢間餐廳值得一試，只係水準時高時低非常飄忽

見幾多人，入去試下，點知中伏牛肉定食:最正常，不過整到好碎，感覺上好似好大碟，實質上食風魚生定食:爭鮮級數，完全唔掂三文魚扒定食:少得可憐，我以為係食剩既其他小食，都係麻麻價錢係呢區算平，但份量比較少，條數係返度都係個句，寧願比多少少，食返個質素可一不可再

中午12點幾嚟到， 鋪頭入面都好多人下，不過仲有位，我同友人快快坐低。有時行街會路過呢間野， 但從來都冇諗過入嚟幫襯，今次之所以入嚟都係受到友人強烈嘅推薦。 友人幫襯左呢間野好多年，係佢嘅忠實fans。一入到間鋪感覺其實都幾殘舊，不過是但啦，我都吾係太在意呢啲，好味就得～友人推薦我既係咖喱飯套餐，佢每次嚟到都必定會食， 咖喱飯加上加州卷六件都只係＄37。分量OK，友人係男仔都話夠飽肚。友人話加州嘅味道一般， 唔係好食亦唔算難食。不過我都明嘅，喺旺角街邊食肆賣＄37嘅日式料理可以有幾正宗？！我就叫咗個咖喱飯加鰻魚加州卷（個名大概差唔多）（＄44）,鰻魚加州卷味都OK冇乜特別（唔記得影相）。但反而友人推薦嘅咖喱飯就好有驚喜， 咖喱夠辣夠香好好味！真係冇介紹錯！下次來嘅話我都會繼續叫咖喱飯！（btw ， 佢啲咖喱放得好似好隨意， 你見上圖個咖喱有蘿蔔有薯仔，但友人話試過係得汁咋⋯⋯睇吓你嗰日夠唔夠運）友人話呢間野係openrice都好多劣評下，其實都唔係咁差姐，起碼我地食完野喺度玩電話都冇俾人趕走

假日一個人食晚餐。想食魚生飯和刺身，之前食過依間餐廳覺得不錯，所以特登來食。但餐牌對於優惠的條款太不清楚了，當點餐牌內優惠$40元半磅刺身時，職員態度差地指要食滿$100，原來條款在另一頁。當點了每位消費$50，即可以$28優惠價的火灸壽司，但職員又話條款不適用於同一段落，反而適用於餐牌另一部分。其實餐牌可唔可以清楚d 呢？最後指住餐牌點了香蔥三文魚生飯($50)和6件三文魚腩壽司($4/件)。點知原來職員又落錯單，變左三文魚魚生飯($55)....食過就知道分別好大，諗住算喇，點知野食仲出事....壽司上的三文魚腩，原以為是肥美，但結果不單薄而且幼細....真係差過名將。而上錯左的三文魚魚生飯，不單不太新鮮而且魚生簡直薄到有d 透，失望服務態度，落單，食物質素...點解會變左咁多....

呢條街都好多食店，睇到眼花撩亂都未揀到食邊間，咁我朋友就話想食日本野，加上我地兩個都好肚餓就是但入左呢間。星期六都幾多人，我地兩個都係叫左一個壽司set既餐，包咖哩飯/拉麵加可樂一支，一set就$38。我壽司叫左份加州三文魚卷，我朋友個份係蜜桃炸蝦卷。先講個加州三文魚卷，其實真係好普通下，三文魚都唔係話好靚好肥美個啲，不過以價錢黎講就算喇😂。我朋友個個蜜桃炸蝦真係無奈到一個點😅，個蜜桃係熱既又唔新鮮，不過佢個壽司裏面既炸蝦就好脆。再講佢跟餐既咖哩飯，其實個汁都唔差，冇乜太大特別，不過太辣以我黎講。總體來講就環境一般，服務ok，食物一般。

隨便入了一間日本料理店，價錢便宜😮食物還可以🍛🍛🍛🍛🍛🍛🍛款式多選擇，不過服務態度一般，吃完想傾下計，但侍應馬上收拾你的餐具，不想讓人再坐下來😡😡

午餐選擇多！一分錢一分貨我都明。但叉燒拉麵  外表係熟。但叉燒食落似未解凍。壽司味道ok!幾年前幾鐘意食呢間又平又底。但現在質素差左！加上職員 都冇咩禮貌！同佢地講唔該  係冇反應

好好好好好好好好好好好好好好好好好好好好好好好食 ，服務員好有禮貌 ，有笑容 ，問咩都答到 ，入到去會同你笑 ，茶水好快就送到上黎。唯一不足既係送餐既速度有少少慢，不過d野食好好食 非常抵食！

和朋友來到這間位於旺角，不起眼的日本餐廳，裝修得普通，間隔也不大。中午1點左右去到，不用排隊。看到餐牌，基本上set餐都是30幾元，但見到分量不少！當然有點擔心中伏....我點了火灼三文魚卷+拉麵，朋友就點了雜錦魚生飯。火灼三文魚卷有6件，另外再加拉麵，分量很足！三文魚卷真心好食，有火灼味，沙律醬，但都依然無蓋過三文魚的味道，再加上卷內的配料，青瓜和蟹柳等，食落好豐富！拉麵就普通拉麵，沒有覺得特別好食，但是絕對不會難食。魚生飯普通，魚生新鮮，有6款魚生，每樣一塊略嫌不夠喉...可能本人比較中意食切粒的魚生飯，食落豐富D！飯比較硬身，難伴魚生食，比較不推介。食完個餐，真心飽！覺得性價比好高，分量多，質素不差，價錢十分優惠！至於服務方面...其實這個價錢也不期待什麼服務～

旺角呢頭要食嘅好嘢其實都食過，本來諗住天氣凍食火鍋啦，點知出到嚟一啲都唔凍，索性疊埋心水食壽司算。呢間餐廳嘅特色係，食滿＄120可以＄40嘅價錢去叫半磅三文魚刺身同埋以$1嘅價錢叫甜蝦，如果大家食得晒可以計好條數先至再叫嘢食。朋友實在太肚餓啦，佢叫咗一碗泡菜拉麵，朋友本身都算食得辣嘅，但係佢都話好辣，個拉麵其實幾抵食都好豐富，材料足，面亦煮得軟硬適中。忍唔住食咗啖三文魚壽司先記得影相，侍應自動幫我轉咗做三文魚腩壽司，望一望牆場上餐牌，原來三文魚腩壽司只係＄4 一件，都抵啦。火炙芝士三文魚壽司真係不得了，芝士同沙律醬食落口gem住個口，感覺好邪惡，但我鍾意。鰻魚壽司係我其中一款最愛壽司，不過略嫌呢度舊鰻魚細件咗啲，食落感覺比較老。蛋壽司唔掂，朋友話好似溝左野有d假，塊蛋又超薄，腐皮壽司都冇得點衰，正常收貨啦。粟米軍艦嘅粟米同紫菜都唔夠新鮮，紫菜明顯唔夠脆。中華沙律手卷朋友話形容唔到，都係同一個問題啦，紫菜唔脆，中華沙律亦都冇乜味。老老實實呢間野我來過幾次，如果你諗住平平哋食下壽司其實都可以嘅，但係有時乾淨衛生問題呢就有待改善啦，座位方面亦都比較窄，好似今次咁其實我係坐係樓梯口，不斷會有人

如題，系到食完之後難食到我番屋企中途忍唔住喊......😭😭😭😭😭😭😭😭😭😭😭😭😭我琴日同我男朋友行旺角❤️，見到衣間幾平又多人、鋪面都幾靚，仲做緊3個promotion，有$25 6件大大壽司set，$40三文魚刺身，同$1一條甜蝦。$100內都應該飽飽la🌸所以我地就入左去啦。入到去打開個餐牌先發現，以上promotion係要買滿餐牌內正價$100先可以有，但係系鋪出面係睇唔到，原先plan好左既野食同budget都要轉過，有俾人呃左既感覺。衣件事我都係可以原諒，當佢係宣傳手法算~~~~~野食好味就得啦。好la🐥🐥我地叫左吞拿魚小卷（紫菜同吞拿魚都超難食）、三文魚壽司（ok）、帶子壽司（普通偏差）同海膽手卷（紫菜一樣差，海膽差且少，飯好多）為左夠錢叫promotion入面個6件set壽司🐱。結果，6件set壽司里左，裏面嗰件芒果海蝦壽司，難食到我嘔番出里😭我從來都無試過嘔番野食出里。佢係難食到唔可以用食物里形容佢，係汗、酸、臭味。真係想投訴佢！

我今日同男朋友肚餓行過諗住睇吓有咩好食 本來諗住食隔離嗰間 點知要等位 由於兩間價錢差唔多 就諗住試吓 加上又幾肚餓🙄入去坐低 周圍都已經比人唔好既感覺 好污糟咁 咁我地叫咗5客壽司 1碗拉麵同1客冷烏冬 候有半磅三文魚 第1道黎既係三文魚 佢個底出哂水 d魚生好唔新鮮 d顏色望落完係放咗好耐嗰種 仲衰過爭鮮 紫菜一整出黎已經唔脆 碗拉麵都算係咁多樣最正常嗰樣 但係d麵淋得過分 阿婆都食到 最後仲要食咗$256埋單 因為有加一 最驚食完今晚肚痛 難食成咁 難怪要搵人係門口sale客入黎食 同埋d侍應服務都好麻麻 你唔叫冇人會黎斟茶 d綠茶仲要淡到呢

今天中午午餐時間，我同事想吃日本菜，於是我們便去女人街找到這間十分便宜的日本餐廳。個人認為，去這些十分便宜的日本菜餐廳，千萬不要叫刺身/魚生壽司，因為多數不會新鮮和美味。另外都不要叫任何炸物，因為多數都是十分厚麵粉，而且是凍的/番炸，不會美味的。所以，我們叫了最普通又不會難吃的食物--------燒汁雞扒拉麵。味道方面，雞扒都算大塊，而且是即煎的，熱騰騰的。雞扒不會太薄，但比較（鞋）了一點，而且燒汁的味道比較怪了一點，但味道都算不錯，$28的午餐，不要要求太高。拉麵是港式的拉麵，拉麵比較粗身，我最喜歡便是這款。湯底是豬骨湯，十分濃郁，咸咸的味道不錯。。不過拉麵比較淋了一點，但都算入味和美味。午餐不包括飲品，加$4有汽水，但本人不喜歡喝汽水，所以沒有另加飲品。環境方面，餐廳環境比較一般，完全不像正宗日本餐廳十分乾淨，但都算可以接受。價錢方面，燒汁雞扒拉麵$28，汽水需加$4，旺角區來說，真的十分便宜！總結來說，這間餐廳的食物真的十分便宜，拉麵$28（包括魚生壽司），其他定食都只是$3x。不過，大家要求不要太高，只要不要難吃到根本不能入口，不要吃到拉肚子 和 餐廳用餐區內看不見老鼠蟑螂便可

一心諗住宵夜餐38蚊壽司加拉麵同汽水都唔抱太大期望，但無諗過可以差到咁壽司飯唔凍又唔暖，我記得正宗壽司飯應該係暖暖地同會有加壽司醋，佢唔正宗既話可以好似某些外賣壽司咁雪凍舊飯都仲可以接受到，但我完全係食緊一舊室溫而無味既飯，食左第一舊已經唔想再食落去，舊魚生就更加唔洗講，一件壽司既精髓壽司飯都已經差到咁，就算舊魚有幾新鮮都無補於事，拉麵就反而因爲係熱食既關係，反而普普通通仲放到入口其實我真係咩都食一餐，人地話難食既野我都會覺得普普通通食到，但呢一餐我真係收工餓住個肚去食，我都食唔落，真係堅難食