魚河岸

營業中

休息中

食了一個「咖哩豬排飯」，見個餐牌張照片好像幾ok! 便試下。個賣相都ok! 但個豬排一點都不熱。而且個吉列皮好厚粉。豬排都不太新鮮，完全沒有味道。只知食緊一舊肉。個咖哩足料。但太甜。整體咖哩是最好。不過這個價錢。我都不期望有太高水準。不過，見到呢間野好像好多「魚餅」的種類。好像幾好食！我有機會都會試下個魚餅。

Japanese deep-fried pork cutlet rice with egg.🐽🍚Loving the combination of egg and pork cutlet, the pork cutlet was tender and juicy. But the egg was slightly overcooked, which is a bit dry. And then there was a little bowl of miso soup that comes from the set.It would be so much better if there are more soy sauce in my rice, so it wouldn't be too dry tho.

「魚河岸」位於荃灣廣場4樓一食肆，一看餐牌食物都很便宜，不防又試一試。日式叉燒烏冬$40 一碗，有多塊叉燒，味道還是ok 但沒有像貴價的肥中有瘦、瘦中有肥，海帶份量也多，湯是清清的，配上烏冬有足夠味道。八爪魚炸魚餅烏冬才$34 一碗，湯底一樣清清的但夠味，個烏冬質素其實不錯，八爪魚炸魚餅浸在清湯中，減少肥膩感。手製炸魚丸(綜合) 有八粒 才20元，每粒的餡料都唔同，有魚肉加洋蔥、加菠菜、三文魚、粟米、紅椒C、枝豆和蒜頭，雖然都是差不多，但都是想發掘它的內餡，店員會將其加熱，炸物油膩感是少不免的，便宜的一餐便完成了。

食左個咖哩炸🦐🍚，🍚同餸比例岩岩好個炸🦐都唔錯飯既硬度都適中 咖哩味都突出 又唔辣份量充足 仲送埋個湯 對得住個價錢湯既味道偏淡環境又唔嘈同唔逼 都坐得舒服可以再去

一個人的晚餐，去左荃灣既類似美食廣場地方，叫左個獅子狗天婦羅烏冬，價錢好平，但真係好難食，d野食唔夠熱，餸又浸到淋晒，而且湯底淡而無味，可能就係叫一分錢一分貨。

星期日同男朋友去荃灣拍拖💕💕睇完戲去左行一田見到入邊有一堆食肆價錢又唔貴於是就決定喺度食埋晚飯先走😛兩個人叫咗圖中嘅食物🍜🍤🍚🍱🍥都係＄100左右都叫做抵食啦😆😆😆鰻魚飯鰻魚飯有大大件鰻魚，加埋酸薑同蛋絲，分量十足。萬裕有少少乾身，如果可以多啲汁就更好👍🏻👍🏻👍🏻炸天婦羅烏冬炸物有獅子狗、番薯、冬菇、軟殼蟹同蝦🦐🦀🍤🍠🍥炸粉唔算厚，但個人都係覺得佢好油膩。烏冬淋淋地，湯底都夠清，味道啱啱好。八爪魚魚餅佢有好多款唔同味道嘅魚餅，我哋揀咗八爪魚🐙雖然食唔出八爪魚嘅味道，感覺同普通魚餅冇分別，不過都幾彈牙，都叫食得過嘅😋😋😋

因為一田大特價所以跑到荃灣來，血拼得有點累又有點餓，所以到這間餐廳稍作休息。一田減價期間，這間餐廳都有食物特價，我們於是選了特價的1款小食和麵。小食是獅子狗，忘了拍照。這裡的獅子狗特別在是shake shake的，可以挑一種粉去shake. 我選了紫菜味，shake完有點過鹹呢，但獅子狗肉質很彈牙。另外點的麵也不記得名稱了，麵條口感怪怪的，偏軟沒咬口，淋身不彈牙，敗筆就在麵底。為了特價的那幾塊錢，實在太不值得了。

今日在附近經過，於是試下宜間，之前一直經過都無時間試下，今日終於有，見到食物的模型好吸引。但食左之後有的失望，食左最普遍的親子丼，個蛋都可以的，但的雞肉唔太好食！

星期三晚上在一田行街，見這裡價錢相宜，抱住一試無妨的心態，點了個叉燒烏東。$40一碗烏東，算平宜，可是換來的是後悔。先試鰹魚湯底，淡淡的鰹魚味外，多了一道古怪的咸味，應該是溝咗醬油之類，失去了鰹魚湯應有的清香，不及格。叉燒質感還可以，不會太”鞋”，但調味也是明顯太咸，也沒有焦香，談不上好吃。雖然價錢經濟，但水準實在是比同級的差，實在是令人再三後悔。早知如此何必當初，我甚至寧願食即食碗麵也不想再來幫襯。

荃灣廣場著實有很多餐廳，想食日本野又唔想太貴，今日經過呢間係一田百貨嘅「魚河岸」都值得推介座位唔算多，但睇落乾淨衛生。今日試揀咗個自選魚餅烏冬，只係$34，尚算太碗，呢個價錢係平常日式餐廳應該食半碗都食唔到自選魚餅係有幾款魚餅任君選擇，有蝦、帶子、粟米等等⋯⋯我揀咗蝦魚餅，不過食落就唔係好覺有蝦味，都係一般魚餅咁飲品要另加，罐裝可樂/雀巢檸檬茶等等要$8，飛雪礦泉水一支$6留意日本人用餐禮儀：食飽後記得回收托盤哦！

天氣咁凍，本來2個人係打算去和民食鍋物，熱笠笠，一定會好幸福！但星期六晚，真係太多人啦⋯⋯等到9點幾都未有位，好灰既我就提議轉場去荃灣廣場一田食呢間魚河岸，因為之前行街經過見到個menu好平，食物都幾吸引，又唔洗點等位，環境好乾淨，咁就一於去試試啦⋯⋯首先我order左一碗價值$32蚊既山菜磨菇蕎麥麵，落完單，唔洗3分鐘就有得食啦⋯⋯咪見佢成碗野咁清就以為無料到呀，其實不知幾好味！一口熱辣辣既堅魚昆布湯係呢碗麵既精粹！加上野菜、小磨菇，增添口感，以一個咁優惠既價錢來講，都幾有驚喜。另外友人叫左虎臧食堂既迷你東京拉麵套餐A,包括有一份炸雞、一碗明太子紫菜飯，味道辣辣地，都幾野味，加上一碗油油地既叉燒拉麵，扣少少分，但整體來講都幾好味、抵食，值得再食！

尋日(8-10-2017 Sun)同老公落荃灣買o野,原本行去灣景廣場o既AEON,點知行行吓,對腳好自然咁行o左o黎荃灣廣場,咁o係o度搵o野食啦,老公話行入呢邊睇,見到呢間可以輕食o既日本o野,而且人未多,於是就坐埋去後買o野食,老公買o左:1. $30.00o既關東煮一共有7樣o野,所有o野o既口感都適中,唔會太腍,個汁鹹甜亦適中,三角形o個件口感係特別啲,有少少棉;其他o既內裡都分別有唔多餡料;而o個個布袋豆腐裡面係裝o左件年糕,煙煙韌韌咁,唔錯.2. $30.00o既忌廉雜菜雞肉湯除o左有紅蘿蔔,西蘭花,粟米外,重有薯仔.同樣,呢啲蔬菜o既口感都o岩o岩好,而忌廉湯o既質地係唔杰身,變o左似飲牛奶湯,不過味道係舒服o既.味道係4.4分價錢:雀巢檸檬茶$8.00.服務:其實老公買o既時候係叫關東煮麵,但收銀聽唔到,所以冇o左個麵.

OT後同同事到了荃灣廣場買野，上一田買完野順便開餐，到了一田附屬的餐廳（?），眼見不少食客在一田買飲品同壽司後就坐係度食，估計應該係共通的。到了魚河岸食，餐廳名都幾難記😅，貪佢有偽素食，同事初一習慣食素，見佢個薯餅有野菜揀，眼不見就當OK㗎啦。咖哩薯餅飯（$39）同事點了咖哩飯，薯餅要了野菜，點飯食會送麵豉湯。飯超級多，雖然只是一般珍珠米，不太有飯香，但尚算軟綿。咖哩汁好杰身，味道偏甜，都幾好味。麵豉湯不過不失，沒期望亦沒驚喜。薯餅烏冬（$32）自己點了烏冬，同樣選了薯餅配撘，不過揀了牛肉口味。牛肉口味是在薯蓉中央有一點點牛肉抹，基本上食不出來，野菜口味則是薯蓉中混了數顆青豆，紅蘿蔔粒等，顏色較好看。烏冬份量正常，一個即食Size咁上下，頗彈牙，湯底清甜，下了不少海帶，味道還不錯。咁平都唔期望有乜服務，落單呀姐係大聲啲同悔氣啲，都無乜野嘅。

成個商場upgrade左之後, 好似無咩平野食. 無意間走入一田, 原來超市果層有呢幾間平野, 平日晚仲無咩人.唔係太肚餓, 所以簡單地要左個日式义燒烏冬, 40蚊算幾平.份量唔係多, 如果好肚餓應該唔夠飽. 先食烏冬, 都幾煙韌彈牙, 唔會太腍, 烏冬唔會太鞋口.义燒幾軟腍, 唔會太肥, 切開一舊舊, 感覺似港式义燒, 味道較淡.個湯係豉油湯底, 唔算太咸, 清得黎都剛剛好.40蚊既價錢算係咁, 平價選擇.

鋪位前身是北海道拉麵店及白熊咖喱，不過兩者生意都好像一般，可能風頭的對面的魚屋搶哂。轉手後兩鋪二合為一，變成賣平價日食，四十多塊一個拉麵，單看價錢的確頗吸引。但今次我試的是寄居在店內的紀文。紀文是專賣日式魚餅的，在其他日式超市food count也見其影踪，而且口碑也不俗。這樣你不細心看店員的制服及店尾近後欄位的唯一招牌，根本不會知道它的存在。有像龜丸那般的明檔，主要賣關東煮和傳統的日本炸魚餅，種類很多，關東煮的餸也很精細，如用大白菜包著的魚餅、中間釀有蔬菜條的魚肉春卷、芝士褔袋等。$30一大碗已經很飽肚。野菜炸魚餅伴以一個極像是拉差的醬，重點是食完之後極度口乾，而且是飲了整支水都沖不淡，疑似是加了極多味精。