魚眾不同酸菜魚 (君譽峰)

營業中

休息中

成日經過呢間餐廳以為只有打邊爐，原來有得食lunch set ，可以一個人都食到酸菜魚之外，仲有濃湯花膠雞米線，都係幾十蚊，份量超足料，花膠超大塊，非常有驚喜，雞湯非常濃郁，好好味·醉菜魚可以揀唔同款式嘅魚，我就揀咗鱸魚比較滑，份量一個人食啱啱好，酸辣程度亦都可以揀，我揀咗小辣直頭可以飲埋個湯，好惹味成個餐配埋米線嚟食真係好飽，我加咗兩款小食一款係木耳同另一款係薯仔，薯仔切到薄片而且大大塊，好特別嘅口感，食完成碗個人即刻暖笠笠，非常滿足。

第一次覺得難食到尊登上OpenRice寫食評，以警世人，只係行過屎忽痕先入去食，完全中晒伏，如果為了吃狗屎可以一試。叫咗個花膠雞湯飯加酸菜魚，兩樣都唔得，湯唔熱味道難食，魚肉臭又霉，肉質唔正常，成碗酸菜魚冇一樣擺得落口，如果食開狗屎，應該覺得不錯。職員呀姐惡過啲茶記呀姐，直接大罵食客，問啲食客分開坐得唔得定一定要一齊坐，仲鬧隔離兩枱食客朋友未到霸坐啲位，話朋友轉頭到味轉頭安排另一個位過佢坐，即係分開坐，成間嘢真係好癲。

經常於家附近一酸菜魚專門店外賣自取，趁今天有時間決定店內堂食位於君譽峯果然魚眾不同，樓底高，環境寬敞落地玻璃裝修亮麗，以湖水綠作主調，走文青簡約風一人份系列先選主題配搭，二選風味湯底，贈送自選美食兩款及主食一款麻辣濃湯墨魚片除了指天椒外還有很多蒜蓉，十分惹味一人專享花膠濃湯雞煲內的花膠足料肥厚，更有娃娃菜做配菜，清甜滋補凍檸樂有少冰選擇，把檸檬放入可樂之內，解辣一流提神良品凍齋啡，咖啡因更可達到減肥消脂的功效

酸菜魚近年吸引好多人吃，在北角看見有好多人在外面排隊，好奇之下我都來吃一下。先來點就是酸菜魚，魚片滑嫩無骨，質感不錯，對於我吃不到辣既人來說是酸辣感是比較強勁，需要配搭飯及飲品中和返個辣感，有埋檸檬片真是第一次食，不過可惜無咩檸檬味。另外還點了一花膠雞煲，雞肉嫩滑，好大的花膠，份量十足，好滿足紅糖糍粑($28)，有5條糍粑，不過完全沒有味，個紅糖醬都好像有點怪怪。

記得呢間酸菜魚🐟九龍新界香港都有好多分店今日經開港島北角行過試下佢嗰一人份系列店內都幾闊落 叫左兩個set，可以同朋友share一齊食朋友叫咗花膠濃湯雞煲 配薯粉 $80花膠好大舊 雞好滑 個湯同d料好夾 有小小娃娃菜而我就叫咗酸菜魚配白飯有得揀要邊隻魚種 我揀咗鱸魚$78鱸魚冇咁多骨 魚份量剛好 肉質滑 湯底亦有得選擇 揀咗老壇酸菜魚想食冇咁辣酸菜魚湯撈飯一流👍🏻😋仲可以揀多兩個餸 豆腐同萵筍份量好足 價錢唔貴 快靚正

返工放lunch都係搵下附近就腳食飯,平時經過北角站斜對面都會見到有間落地玻璃餐廳,裝修都幾乾淨同埋都好多office上班族都係度食, 今日就同同事去睇下,原來係食酸菜魚!! 係北角好少地方有得食,見到就即入去試試佢嗌左一人份量酸菜魚(青花椒+鯛魚片), 一人專享花膠濃湯雞煲魚片真係爽脆無骨,啖啖都係肉湯唔太油膩, 飲落去帶有微酸爽辣感, 再配薯粉好好味花膠雞煲-花膠彈牙雞件多肉, 味道新鮮, 湯味好濃郁有少少骨膠原感覺佢哋呢一set一人份量已經足夠飽, 可以唔使一班人都可以食到一人份量嘅酸菜魚👍🏻

朋友住喺北角附近，，想搵地點就腳的聚一聚，「魚眾不同」確係唔錯的選擇，北角站A出口行過去1分鐘就到😃我們點了兩個主菜，我點了老壇酸菜湯鱸魚片加萵筍及金針菇，朋友則點了花膠濃湯雞煲（一人份），我哋當然係開心一齊分享啦🤗酸菜湯鱸魚片加萵筍金針菇：酸菜湯底搭配了新鮮的鱸魚片、嫩綠的萵筍和香氣十足的金針菇帶來了豐富的風味😊湯底酸度適中，能提升整道菜的清爽感，鱸魚片無骨，選材新鮮，魚肉鮮嫩，口感絲滑，很不錯呢👍絲花膠濃湯雞煲一人份：湯以花膠為主要材料，搭配濃郁的湯底和嫩滑的雞肉，呈現了一種豐富而美味的味道。花膠質地軟綿，散發出淡淡的海鮮香氣。另外，在湯中熬煮的過程中，花膠釋放出豐富的鮮甜味道，為整道菜增添了獨特的風味，值得一試😋另外加了兩杯飲品，紅豆冰及凍檸七都係比多$24，兩個套餐埋單都係$182，性價比高😄

係北角，同friend到魚眾不同食午餐。君譽峯呢間魚眾不同，樓底高，環境寬敞，一邊吃一邊睇吓街景，食得寫意。老壇酸菜鱸魚+黑木耳+蒿筍+木薯粉 呢款係推介熱賣，鱸魚片，好滑，有魚味，黑木耳，蒿筍，清爽可口，呷一口微酸魚湯，吃一注手打木薯粉，好開胃。炸豬扒一丁麵簡單直接,炸豬扒在熱湯麵上,煮好既出前一丁麵,送上味粉和麻油,客人可隨心加適當份量.有厚度既炸豬扒,內裡juicy,味道不錯.青蘋果梳打特飲朋友飲呢杯特飲,少少甜,少少果酸,蘋果香,加上梳打有氣泡既清爽口感,非常解渴.紅豆冰(多奶)紅豆很淋很香,夠甜,加上奶味足,充滿童年回憶,跟老爸到冰室吃下午茶,一定要紅豆冰多奶.好好好味！

經常光顧此店，一向老壇酸菜魚有水準，今日再去点了老壇酸菜魚套餐並叫加辣，結果大失所望，湯底唔咸唔酸更唔辣，魚片份量亦縮水，簡直不知所謂！同店員講，佢仲好冇禮貌，不嬲話係咁嫁啦......其实作為一間以酸菜魚為主打嘅食肆，招牌菜都不能保持一定水平，唔咸唔酸唔辣的話点叫D客喜歡食？香港此類食肆眾多，呢間真如其名，魚眾不同，大家可以去試下證明一下！一間食肆如何水準退倒，反映離執笠日子近矣！

💰156（堂食）一人份系列（鱸魚片）$78老壇酸菜湯好正宗老壇酸菜味，酸菜幾好味🤤冇坊間其他店舖咁油膩，不過味道偏淡少少🤏🏻如果平時冇食開老壇酸菜，可以試吓呢個，唔會太難接受🥰配菜：薯仔同海帶份量好足夠，而且好入味，特別推介薯仔😋主食：薯粉好煙韌，不過偏淋少少🤏🏻但同個湯好夾，大家都可以試吓（份量超多）蕃茄濃湯比想像中香濃好多，好重蕃茄味，超級適合蕃茄愛好者😍配菜：金針菇同薯仔兩個配菜都好好食，好大份，超級推薦😍主食：薯粉其實仲有米線同白飯可以揀😋呢間既酸菜魚份量好多而且冇骨🥹❤️有好多口味，魚既種類同埋唔同款嘅配菜，任君選擇😎男仔都食唔哂一整份，完全唔需要擔心唔夠食！

魚眾不同，又真係幾與眾不同，雖然係食川菜嘅餐廳，當然係有酸菜魚同埋辣嘢食啦，但下午茶餐竟然有炸雞髀同埋出前一丁。主餐牌仲有花膠濃湯雞煲。花膠濃湯雞煲聽個名已經夠滋補養顏，又花膠又雞，雞湯湯味濃郁，忍唔住全部雞湯飲清。雞件夠滑滑，花膠都大大件，絕對冇偷工減料。一人份量酸菜魚酸菜魚可以揀大辣、小辣。雖然話就係一人份量，估唔到都要咁多魚，份量夠晒多。仲可以揀多兩樣配菜(萵筍、豆卜、蘿蔔生菜等)我就揀咗生菜同黑木耳，黑木耳爽夠晒爽！主食，我就揀咗手打薯粉(薯粉又真係幾好食，煙煙韌韌)飲埋鹹檸檬七喜，簡直完美配搭！😆

📍魚眾不同酸菜魚 (君譽峰) (北角)北角馬寶道3號君譽峰地下17-18號舖🐠老壇酸菜魚以新鮮的魚肉為主，搭配豆腐皮、黑木耳和手打薯粉，豐富了整體口感。酸菜湯底帶著微微的酸味，十分開胃，並且恰到好處的鹹香令人回味無窮。魚肉的質地煮得剛好，保持了鮮嫩多汁，與湯底的相互融合，將原本的鮮味提升到更高層次。值得一提的是，豆腐皮和黑木耳為整體增添了口感的豐富度，讓人感受到不同層次的咀嚼樂趣。手打薯粉更是別有風味，薯粉的綿密與湯底的酸辣完美融合，讓整道菜更具特色。🐓黃金南瓜雞肉湯米線🍗鹵水雞翼兩隻以濃郁的南瓜湯為底，呈現出金黃誘人的顏色。湯底的南瓜香氣撲鼻而來，喝起來清甜順口，讓人感受到溫暖的滋味。雞肉鮮嫩多汁，完全融合在湯底的滋味中。整體來說，這道湯米線展現了簡單食材的純粹美味，散發出濃厚的家常風味。🫘紅豆冰紅豆冰的紅豆煮得剛軟爛，配上冰涼的冰品，是夏日解暑的絕佳選擇。☕️熱柚子蜜適合在涼天享用，帶有微酸的柚子香氣，加上甜蜜蜜的蜂蜜，溫暖了整個胃，讓人倍感舒適。

🐟魚眾不同特色風格酸菜魚🐟今日去左北角做野，見天口熱熱地口淡淡想食一啲酸酸地既野就選擇咗黎到與眾不同食lunch . 佢地既lunch set 好大份都幾抵食架我地叫左青花椒酸菜鱸魚🐟魚片份量好驚喜 夠多～仲有夾埋酸菜食又唔會有一種酸到爆嘅感覺 湯底仲但有少少花椒八角嘅味道 正呀！另外我哋叫咗一份花膠濃湯雞煲 花膠湯好濃味 好正 仲有淡淡雞脾肉！呢一份湯一定係呢間餐廳必叫之選 😊大家有興趣一定要過嚟試吓啦魚眾不同酸菜魚 (君譽峰) (北角)北角馬寶道3號君譽峰地下17-18號舖

#mkeats_northpoint #mkeats_chinese平時返工返學諗唔到食咩不妨試下呢個性價比較高嘅酸菜魚 除左酸菜魚仲有口水雞 煲仔飯等好吸引嘅中菜😙✨______________________________鱸魚片老壇酸菜湯手打薯粉 $78 精選肥牛蕃茄濃湯薯粉$72 鱸魚片同肥牛嘅份量都好多 鱸魚片爽滑 老壇酸菜湯開胃入味 唔食得辣所以揀左bb辣 鱸魚同湯一齊食超惹味🫶薯粉係分開上 質感偏軟 份量都好多🤍番茄湯同樣酸酸甜甜好開胃 不過個人認為黎呢度一定係先試佢地嘅拿手酸菜湯😎☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 8/10______________________________𝘀𝗲𝗿𝘃𝗶𝗰𝗲 𝗰𝗵𝗮𝗿𝗴𝗲: ❌𝘀𝗲𝗿𝘃𝗶𝗰𝗲: 8/10𝗲𝗻𝘃𝗶𝗿𝗼𝗻𝗺𝗲𝗻𝘁: 8/10𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 8.4/10🖇 北角馬寶道3號君譽峰地下17-18號舖

I personally doesn't like fish much, to satisfy my friend's crave, I will just give it a shot.I ordered the potato starch noodle in tomato soup base topped with Chinese cabbage and black fungus. Tomato soup base was incredibly flavourful. Very tomato but not too sour or thick. Well balance of the sweetness and tanginess. Fish was soft and literally melted in your mouth. Noodle was ad dante and perfectly coated with the soup. Even absorb well the soup, it didn't end up soggy. Overall, a surprise