魚米家魚湯米線 (已搬遷) 新店位置

好耐無黎魚米家食野,原因係對上果次黎食,覺得麻麻地,質素一般,但價錢非一般,不過尋晚本來想食Delifrance,可惜遲左,人地收舖,唯有走去隔離既魚米家...叫左個金沙骨米線套餐,可揀一個小食,連埋飲品,$40。米線同金沙骨分開上,有四大件骨,都算多肉,唔肥,最好味係個醬,我唔知係咩醬,但係配得幾好,味又唔會過份濃;個米線底好清,真係有鮮魚味,係我估唔到既(比上次好好多);小食揀左炸餃子,有兩只,好乾,好油,反而呢味唔好。整體而言,有進步,味道唔錯,而家會再試喇!

本人係OC2附近做野...話說有一日, 見病病地就想食番D清淡既野...於是就去左魚米家食左下午茶餐叫左個魚腐卷米線(走蔥)+蜜糖雞翼+凍OT(外賣)咁我見間鋪冇咩人...諗住就坐低等一陣拿外賣但一睇就眼火爆..無錯...個米線係就係4分鐘就有..不過比人放係一邊...見佢成十分鐘..都無人理下我個米線...在場既STAFF 只是不停執"木台"....落ORDER..(但係我想講果場只係坐左1/3人..都唔知點解佢地咁趕番場)好啦..有人理下我個米線..不過D 雞翼同OT又咪有WO~最終要等20MINS 先順利拿到我個餐番到去..嘩個米線不但有大量既蔥係到...還有..個雞翼係無蜜糖嫁...大佬..我得9個字食飯...等個外賣都用左我4個字..最重要既係.....佢果下午茶唔平都要$25LEI個價錢係TEA TIME 時段可以有好多選擇我諗我暫時都無興趣再惠顧魚米家

琴晚，同家姐行行下見肚餓，就入左去魚米家食DINNER，我叫左個江南烤骨泡飯，家姐就叫左個魚腐米線.....我個泡飯先到，我首先飯左啖湯，個味好咸....比我平時食D泡飯仲咸....之後我家姐叫我停口....發現....有隻曱甴向我碗飯道.....仲要係大約一隻手仔節咁大隻....即時係....想嘔....之後，我地叫左個經理黎，個經埋話同我地換左佢，但我咩胃口都無晒，我同家姐叫佢CANEL晒D野就走左.....個經埋都算好人，我地無比錢走佢都無講咩.....但真係好恐怖......

為食日子:7月9日~ 晚上約7時為食人數:2隻為食價目:93 蚊為食餐單:套餐(海鮮賽螃蟹炆伊麵and 照燒墨魚丸and 冰奶茶)煙燻鵝胸魚湯米線初初入去大把吉位, 冇人問你幾多位, 由得我地行入去, 坐低左, 都要望下d人先拎茶黎, 其他職員企哂係度傾計.煙燻鵝胸同魚湯米線係分開上既, 個鵝胸就有d肥, 好厚鵝既肥膏, 食唔出煙燻味道, 比一般煙燻鴨胸還要差, 唔好食!另外,個套餐就55蚊, 淨係食個賽螃蟹就過鹹, 襯住個麵食就ok, 海鮮賽螃蟹入面有蟹柳絲, 帶子,蝦, 蝦就夠大隻, 一如雪藏蝦仁一樣, 爽但係冇味道, 照燒墨魚丸就叫左好耐都唔黎, 最後都係吹左先有, 想搵人吹果時d人又唔知做咩好忙行開哂, 而且味道普通!服務太差, 冇下次啦!

我叫了牛展米線,加garlic四季豆,我朋友叫了大蝦炒丁. 原本的朋友上換食炒飯,好似好睇d,不過張單入了不夠2分鐘已經叫改,佢地話入了單改不了!好慘,如果換了,可能我會對呢間野有一點兒改觀~ 碟牛展係分開上,"林"得有點驚,過哂火,沒哂口感"咬口",沒哂牛味,仲有個汁,太咸好似用蠔油整...唔好味,我都食唔哂一小碟,因真我入不了口!個魚湯,一句講哂,"沒魚味,得個咸味",好似飲saltwater,(翠華好味過佢多多聲)!個豆炒就炒得香啦,不過廚師可能唔記得落salt,加上個湯太咸,我覺得個豆好淡~至於個個炒丁,shit! d蝦大就大啦,不過d肉一patpat,沒味,沒蝦味...應該係雪藏蝦!個丁炒得唔夠香,唔好味...一句到尾,差!最慘係兩人個人食了$102,超唔底!$30位仲可接受~d廚都沒心做,求求其其比d客食完就算...

魚米家由開業時我經常光顧, 到現在只選無可選才去. 它比我的感覺是越做越差, 越做越求其, 無他, 因多人光顧, 死好命. 這次, 應是我最後一次幫襯, 因為d食物裡面竟然有隻死左的蒼蠅! 千真萬確. 這實在不能原諒, 上次魚湯有骨已離譜, 今次一定要比其他食客知! 想不到這裡也有很多人對它不滿. 唉! 創業難, 守業更難. 若它再不反省, 等執笠啦!乾淨我想比佢0分!

之前食過佢主打的皇子炒飯, 覺得非常好味‧今次去食,完全非常普通,仲要賣50幾元一碟飯‧完全不值另外叫了鯊魚丸魚魚湯米線,凍冰冰‧鯊魚丸好似麵粉‧魚湯好腥, 好難食‧

於奧海城要吃到湯麵，選擇真不太多，故此魚米家亦是我經常光顧的店子。但其實食物只是普普通通，魚湯做得不算出色、米線過淋、服務亦稱不上好。

與友人在奧海城看戲~笑餐飽之前~當然要醫一醫肚子啦~~我們倆都不想吃得太heavy ~所以選了去吃米線~~我點了個醬爆鯊魚丸米線撈~友人點了雙菇魚皮餃米線撈~我的醬爆鯊魚丸~真的會醬爆~~鯊魚丸的質感也算不錯~試了朋友的魚皮餃~沒有什麼味道......我覺得米線撈的醬汁只屬一般~因為太淡了~而且味道上沒有什麼特別......

難得假日可以吃到早餐，就要吃個夠heavy的，今次心水選擇是茶記早餐，時間有限下來了這裡。沙爹牛肉麵＋炒雙蛋＋牛油方包＋奶茶，其實沒什麼特別，真要給意見的話，方包像隔夜的，牛油也塗得孤寒，炒蛋其實是煎蛋皮。可幸這裡的茶啡一向不差，這次也不例外。想寫的是，當日顧客很多，服務員很忙，當我那份「炒蛋」送上來時，發覺變成了煎蛋皮，便多口一問有沒有上錯。某男服務員可能聽錯了，收走後卻換來一份餐蛋，正想反抗時，隔壁搭檯的顧客因剛叫了一份餐蛋，以為是自己點的，便把它接收了。當我再催促的時候，那服務員依然是給我來了一份餐蛋，澄清誤會後，他一轉身便發脾氣，把整碟餐蛋加方包大力飛向水吧檯面，不但我和隔壁搭檯的顧客都呆了兩秒，其他服務員也奇怪地望著他。不知是否訓練有素，那份餐蛋不偏不倚的落在一個放飛仔的小桶上，沒有飛濺出來，掌聲鼓勵！光顧了這店子已有好一段時間，由笑面變喊面，經此一役，更加可以say bye了。

上次去食果時左個魚腐米線同一個左棠雞飯，不過個飯就係辣所以我就食唔到，不過個米線都係一般，唔係話真係咁好食，反而佢哋有個炸鮮奶仲好食又夠熱，入面甜甜地又滑，都係呢個好食!!!

二人下午茶, 順德魚腐泡飯$33 + 魚片餃米線$25.順德魚腐泡飯, 魚腐幾入味同新鮮. 湯就普通啦, 魚味不夠濃.魚片餃米線魚片鮫幾夠煙un, 米線就淋左d, 唔夠彈牙.

年幾前食過呢度D魚腐魚湯米線，覺得幾好，上星期再幫襯就發覺無咁好食了~叫左碗雙併- 魚腐籮白魚滑米線，$33冇o野飲唔算平，但碗米線只係十分普通~魚湯無乜魚味，米線有少少淋，魚腐ok但冇以前咁好食，魚滑都係普普通通~

識左兩年幾，一起去睇戲還是第一次，幾位圍內朋友去睇筆記。還是在很偶然的機會下，才可以在最後關頭加入睇戲的大隊，很幸運。因為不能吃肥膩的東西，結果要大伙兒來這裡吃米線泡飯，也要多謝朋友們的相就。五個人，三男兩女，叫了四味，看似幾難會夠食，但其實大家也志不在此~因為要留肚之後吃爆谷﹝原本目標仲要一人一桶添！﹞，只要了魚腐米線、瑤柱什菌魚湯米線、蠔仔泡飯及煙鴨胸撈米線。魚腐米線最先來，這裡的魚湯比西九的魚米家要好一點，多點味道亦沒有那麼腥。魚腐也不錯，幾新解，不會鬆泡泡又有魚味，口感剛剛好；瑤柱什菌米線一煲上，份量幾足。不少的什菇加上魚湯，不油膩又健康，味道也不錯，正合胃力弱又捱了幾餐淡粥的我；蠔仔粥也不錯，味道幾夠，也有方魚在內，但顧慮到不能吃蠔，少吃了；煙鴨胸撈米線有一埋又多又杰，又甜甜的醬汁埋在上面，幾嚇人。鴨胸是包裝貨，撈入米線味道一般，還是我最後的選擇，似乎在這裡，也會是吃魚湯米線比較好。埋單141蚊，都幾平。當然不會是吃得十成飽，大家齊齊再去一邊睇筆記，一邊食爆谷去也。

outback蟹餅缺貨, 故此落左魚米家買左一客椒鹽九肚魚. $28有滿滿一盒o既九肚魚, 而且去晒頭同肚, 又幾抵食播! 雖然魚就細條薄肉左d, 但係炸得夠脆(不過油左dd), 係香口小食.