魚米 (已結業)

不能再差 由入門口開始 温度機 用手係吾得的 要用額頭但個角度要半跪式至可量度M7重量級全餐 每樣食材都係凍 咁嘅生意仲要煎定？餐牌上 標名流心蛋 但出品係非常熟嘅蛋 叫咖啡係比齋啡

外賣咗幾碗米線其中一碗一打開就見到隻昆蟲即刻打去投訴佢話可以補番碗俾我點知再送個碗嚟又有另一隻疑似曱甴嘅物體極度嘔心以後唔會再幫襯!!!! 😤😤😤😤😠😠😠😠😠

落order時咩都話冇。。。落完order又話冇哂要轉😶😶😶😶叫野飲叫走冰，結果送到黎係多冰😵😵😵😵同侍應講，個侍應話比個碗我撈走啲冰😡😡😡

當晚想食餐簡簡單單又清清地嘅晚飯,又見到【魚米】有個燉湯2人套餐，就決定入去試下。-燉湯我哋分別揀咗【無花果杏仁燉鵪鶉】同埋【海底椰響螺燉老雞】，啲燉湯都算足料，而且夠熱，所以味道都算唔錯。而小菜方面我哋就叫咗個【豉汁蒸馬友魚】同埋【土魷馬蹄蒸肉餅】~【豉汁蒸馬友魚】條魚一食入口就覺得唔太新鮮，完全冇乜魚嘅鮮味，重點係個豉汁完全冇豆豉味，佢淨係放咗幾粒豆豉係條魚上面扮豉汁......😅👎🏻個【土魷馬蹄蒸肉餅】就真係........勁難食！！！！一咬即散，完全冇肉餅最基本應有嘅口感！跟住味道上又怪，我直程覺得係霉咗，但因為女朋友食咗覺得冇問題，我就繼續食冇同餐廳退咗碟菜。可悲嘅係，我第二日真係肚痾.......🤢🤢-順便講下餐廳環境，一入到去俾我嘅感覺就係不太衛生，亦有小昆蟲飛嚟飛去，感覺極不良好！呢間分店真係不可一，不可再！！！😫

八號波打到來，由於工作關係，需要留守在公司，打風還打風，晚餐都係要食，但一行出公司，發現颱風關係，附近店門好早關晒，附近就發現就一間魚米仲開緊，就只好進場原條鮮魚，有米線有泡飯，也可轉刀削麵或淮山麵，應該係招牌，原條魚🐟來講，這價錢也很可以了我點的是餐牌上第一項，煎封左口魚配米線，由於店內客也不多，落單后也很快就送上，左口魚比預計中大條好多，好驚喜，份量滿分，煎得色澤金黃🐥，皮脆肉嫩🤤，魚骨也煎的很脆口，而且上菜時還淋了醬油，讓魚肉變得更香甜，米線方面 口味偏淡，但份量多，魚湯道色澤奶白，鮮味夠濃厚，但整體來說，口味會較偏清淡，值得一提是店內環境寬闊乾淨，坐得也舒服。✍🏻環境：4/5✍🏻價錢：4/5✍🏻味道：4/5

我都久不久在這食店食魚腐米線、家人愛佢的豬軟骨菜飯。今次因太夜又寒冷，所以想食一點辣，所以就選了麻辣小辣魚腐米線。上菜都覺得應該不錯，但一食，只覺得同麻辣味差太遠吧！湯底味道只有辣，而且辣過10少辣好多，但沒有麻味，一點其他麻味也沒有，而湯底只有辣也沒有其他味道了。而米線，淋到沒有口感，好淋。所以食了兩啖，其實非常後悔點解唔食平時的魚湯魚腐米線算呢。而魚腐，一如以往，其實都唔知是否魚腐，只覺得是魚肉球，是好實的，不知豆腐這成份有幾多。整體食得不滿足，食到小半，曾想放棄唔食。

黎到柴灣漁灣邨 發覺附近冇咩商場得一個熟食中心同埋地面嘅鋪頭 想搵間食下午茶😝 見到魚米下午茶都係$30至$40 好抵食所以入左黎😆 下午茶時段冇咩人坐到一半滿 慢慢左都唔驚🤣 見到雞皮魚腐米線幾吸引 於是叫咗黎試下 再加3$ 加多杯凍檸茶少冰少甜😋雞皮魚腐有三大塊 估唔到幾好味 好林 吸收哂d 湯底 而且個湯底好清甜 不過都係覺得譚仔好食啲 仲有少少腐竹同酸菜😚 至於米線 都係爽滑 至於米線份量就冇譚仔多 但做下午茶都夠飽嘅😂

今天一位舊同事因工作關係，去到我工作附近，約我吃飯，所以㨂左魚米，幸好她早去可以取得卡位，坐得舒服D。我們揀左兩款不同的飯，包括：果醋豬軟骨菜飯配熱檸水$45及果醋汁豬扒飯配熱檸水$42。叫左一陣好快有得食，不過仍然熱辣辣，非常好味。果醋豬軟骨，D肉好軟熟，少少酸，又不會太肥，超好味，菜飯又大大碗。果醋汁豬扒又好多快，飯也是大大碗。豬扒肉非常厚，但又不會太韌，幾好味，不過如果豬扒可以薄少少就更加好。食完真係好飽，$40幾蚊好抵食。

年初三朝早行完山中午唔想食咁油膩 始終新年食好多炸野肥野諗左好耐 最後揀去食米線魚米係少數新年仍有營業既餐廳幾乎坐滿哂人 樓面都好忙雖然係酸辣湯底 不過都會麻揀左小辣 但比三哥既辣度高唔少最後要混多d清湯入去溝淡先OK繼續食上面三角形既魚腐&腐皮都好吸味 好食另一碗係豬軟骨清湯米線豬軟骨有六七舊 好多！可惜未夠平時咁入味&淋清湯無咁油膩 有少少魚鮮味配料俾得大方 而且選擇多但以米線黎講 價錢較貴兩碗加埋八十幾蚊

朋友新居搬到柴灣，一行五人採訪，晚飯時間就到樓下的魚米。地方不大，但人流也不算多，三五知己坐在一角就是一個好天地，可以慢慢享用食物，也可以好好談天。選了糖醋骨，味道酸酸甜甜很開胃。肉質也軟，更有豬軟骨一起，味道不錯。配上菜飯感覺健康。

發現有二人套餐，有個例湯，啲小菜睇落又唔差，所以就試試。環境都唔差，服務態度都可以，不過好似唔太夠冷氣。起初以為只有米線食，在門看到餐牌，願來有套飯食，所以入去試試看。這套餐價錢唔貴，又有燉湯，好似好正。小菜款式又多，值得一試。我們兩個人叫了兩個套餐，一個無花果杏仁燉鵪鶉，一個海底椰響螺燉老雞。很多材料，而且啲燉湯都好夠火喉，超正。之後點選了，土尤馬蹄蒸肉餅和面醬蒸緊友。個肉餅好似唔覺有土尤，而且馬蹄超大粒，正常應該馬蹄醉，點知這點竟然半粒馬蹄放下去，但味道唔差，而且肉餅夠鬆軟，口感唔錯。而馬友夠新鮮，面醬配合很開謂，不過用南瓜片伴碟有點怪，如果用豆腐放底，我想會更好。這兩款小菜餸飯一流，幸好這店的飯不太硬，最怕一些太硬的飯。基本上這套餐味道唔差，而且價錢合理，可以試完再試，最好味就是那燉湯，超多料，又好飲。

星期五的晚上，來到魚米的柴灣店，已經八點多了，仍有不少食客，難怪魚米開到十幾家分店。找了一個背着牆坐的梳化位，e... 點解有D熱風在背後吹出嚟，原來牆後是廚房，幅牆漏風 餐牌上，魚類選擇多，而且是原條上，其實而家係街市買魚也不是便宜，之前食過魚米幾次，都覺得性價比算中高。今次選擇了左口魚，上枱的時候，剛剛炸好的魚還滋滋聲響，見到都覺得熱氣，但唔肥唔熱氣又點會好食呢？米線麵質軟硬適中，腐竹也跟魚湯底很配。講返條魚，魚的正面炸得香脆，魚肉鮮嫩，飢詩以光速 KO 咗正面，可惜當反轉食底面嘅時候，實在太油了，油得像返炸食物一樣(希望唔係啦)，大家都知左口魚嘅背面肉比較薄，加上實在太油，有啲尾中不足嘅感覺~

第一次光顧這集團是在銅鑼灣的分別，那時這間集團都只有唔夠十間，現在已經四周都有，那時的早餐很便宜，人很少，姐姐服務周到，所以我對這間食店印象都可以。今日到柴灣工作，找了很多地方想吃點東西，本想到熟食中心，但又怕沒有普通一人客飯，其他小店又因爲見到地方太小，唔想進去光顧。最後見到這間，坐位睇落較舒服，人又唔算太多，我就可以慢慢享受了。原本想在這裡點選米線，因這間店此中是米線店，應該會有些特別配方，但當我睇到佢的飯餐，我就放棄了。因為飯餐比米線更平、更吸引。這個果醋軟骨菜飯很好吃😋我很喜歡吃酸酸甜甜的飯餐，所以特別強調要多汁。菜飯很多，絕對夠食。再加上包飲品，這個飯餐只需45蚊，很便宜。可以一試再試。

這裡主打的原條魚米線恕我真的不懂欣賞...反而每次來都會點健康的菜飯...豬軟骨菜飯個人覺得有點太油...所以這次選了另一款...豬排菜飯...以45蚊的晚市價來說...質素已經算很好...豬排煎得頗香...咬下去又不會太硬...肥膏部分也極少...配合一貫水準的菜飯...感覺很健康...很不錯...

現在一個普普通通的早餐動輒都要30+多元 物價愈來愈貴是不爭的事實 友人家的附近開了間魚米 未嘗魚湯米線卻先來個親民早餐 下了個公司頂級通粉早餐 相信和公司三文治 公司炒飯一樣 都是以料多來取勝 湯通粉有鮮牛肉 雞肉腸 午餐肉 煎蛋和火腿絲 味道不俗也算稱心 份量十足 林林種種 全都是香港人早餐必點之物 味道大致上合格 全在水準之內 一碗筷集各家大成於一身的通心粉 可以說句夫復何求…