魚願以嚐

營業中

休息中

鰂魚涌發現到這間特色小店，點咗蒜香一口牛定食，加10元 添加3隻豉油皇雞翼軟淋淋嘅牛柳粒，份量足夠，肉質鮮嫩、有彈性，見到都好想食，這個定食原來都很受食客歡迎這裡服務非常好，值得一讚

終於寫呢間垃圾口🙍🏻‍♀️成日食嘅私心飯堂！佢唔係喺大街比較難搵，要行入小巷先見到呢間小店～一句講晒係：價錢平，份量多，味道好💯仲要黃到金，客人追加小食會捐錢畀612!

🍱和風定食🍱
<#鐵板蒜香一口牛定食 $68>有流心蛋喺面好正😍一口牛份量超多，味道有啲似平時放題食嗰啲，幾好食但食食下會有啲膩～

<#原條蒲燒鰻魚定食 $82>
原條鰻魚下面仲有隻煎蛋！配埋饅魚汁同紫菜勁好送飯🤤 
🍜稻庭烏冬定食🍜 幼身嘅稻庭烏冬好食就大家都知，呢間嘅定食可以畀你自選唔同配料，以及唔同湯底，一定有款啱你～

<#和風雞扒 烏冬定食 $66>推薦‼️雞扒係炸過，但炸完唔會好乾~而且份量勁多，成日都食唔晒要share畀朋友食😆

<#日式叉燒 烏冬定食 $63>推薦‼️係日式拉麵上面嘅叉燒，五花肉半肥瘦啱啱好，醃得好好食😍

<#脆軟骨菜肉棒餃子 烏冬定食 $58>
唔好見餃子得3隻好似好少，其實每隻都勁大隻勁足料，表面煎得好香脆，咬入入面就食到雞軟骨嘅爽脆口感！
<#吉列炸豬扒 烏冬定食 $68>
味道正正常

👩🏻‍🤝‍👨🏼鰂魚涌覓食好早之前就聽過喺附近返工嘅朋友介紹呢一間日式嘢🤓終於有時間行過嚟試一試果然冇失望，位置比較隱蔽不過都容易搵嘅😎🥢鐵板蒜香一口牛定食呢度嘅定食超抵食🤩主食+前菜+飲品+小食都唔使$100落樓。今日嘅前菜係中華沙律，小食我就揀咗香芋波波，蒜香一口牛肉質好鮮嫩，仲滿到成碗都係，份量一啲都唔小，配埋嘅汁甜甜地好好味😍不過因為本身自己唔係好鍾意食洋蔥，就扣咗少少分🙊如果平時午餐時間嚟應該都幾多人因為頭先去到想叫最出名嘅原條鰻魚飯老闆娘話已經一早賣晒啦下次要早啲嚟先得😚環境方面樓底好高，我諗老闆應該好鍾意One Piece啊成幅牆都係哈哈另外一面牆仲貼滿明就明嘅嘢，咁有心嘅小店唔係唔支持呀嘛😌

最近疫情關係費事出街食飯，多左好多同同事一齊叫附近外賣送黎辦公室～係外賣app到搵到呢間一直都未試過既日式餐廳，價錢亦唔算太貴，就決定試下☺️——————等咗30分鐘左右就送到，野食都對單，外賣pack得幾妥當唔會話漏汁，前菜湯主食都分開pack好曬～💁🏼‍♀️🍱鹽燒鯖魚定食$64🍱(6.5/10)同事叫左個鯖魚定食🐟～評價都唔錯，我都試左幾啖，魚肉燒完之後肉質唔會變乾，鯖魚味都幾香，亦唔會腥，魚骨會有少少，係可接受既程度👶🏻都算唔錯！不過配飯既話淨係得魚就略嫌太單調，汁亦唔係話落左好多，唔夠送飯🤔🍱日式咖哩配蒜香雞扒飯$64🍱(7/10)我自己就叫左個咖哩雞扒飯💁🏼‍♀️本身叫蒜香雞扒仲以為係煎/燒既雞扒，點知原來係炸既😂餐廳好貼心分開左裝咖哩，我可以食個時再自己選擇落幾多。咖哩分量幾足！絕對夠送飯，幾重咖哩味幾正，甜甜地唔會話辣💃🏻肉都煮得唔乾柴，連埋咖哩食幾好食xd仲有就係個飯有配埋湯同中華沙律前菜，食完成個set都幾飽嫁🦔野食水準不過不失啦💁🏼‍♀️外賣送得冇錯漏，分量又唔細，當想食日式野食既時候應該會再叫佢地既外賣😺下次試埋佢地其他野食～🐥———————😋味道：6.5/10🤵🏻服務：

今日在鰂魚涌晚餐，在openrice search到呢間小店魚願以嚐，主打日本料理。地點都幾隱蔽，係英皇道的麗池花園入面。一入到去就見到樓底極高，而餐廳都善用呢個優點好好佈置，有好多同動漫相關的壁畫😛叫左兩個主食，一個係鹽燒鯖魚飯，一個雞扒烏冬，同埋雞翼同雲吞各一份。鹽燒鯖魚很新鮮，魚肉十分嫩滑，係比較多骨，不過軟骨係可以食既。雞扒烏冬非常港式味道，炸過的雞扒灑上燒汁，烏冬配豬骨湯，少少咸。雞翼同雲吞都屬中上。

鐵板蒜香一口牛定食($68包晒前菜嘢飲同湯🥣)一呈上黎就見到飯面係滿滿嘅牛粒🤤大細剛好又唔會好韌👍🏻撈生蛋食真係好正!朋友叫咗個🐔照燒雞扒飯($66)賣相一樣吸引🤩試食咗舊都覺得味道 不過就咸咗小小🤭另外仲追加左兩款小食 啲錢會捐去612人道支援基金 兩款食物一啲都唔頹！餃子加$10有三隻 炸得好脆 雞翼都係加$10有三隻 味道就見仁見智 自己就覺得煮得好入味好嫩😋朋友就覺得鹹咗少少😂不過加$10有三隻雞翼真係好抵🤑而且仲咁有意義😉住港島區嘅朋友有機會一定要去食!

🔹Lingduck良心外賣自取app💛可以好方便咁係屋企/公司落定單，差唔多時候先落去攞，咁就唔使企喺門口流着汗咁等啦🥰今次我係搭緊車去鰂魚涌嘅時候已經叫定，落車行到去啱啱好有得攞🥳依家用app落單有啲舖頭仲有折添👍🏻1️⃣ 原條蒲燒鰻魚定食 $79 (原價 $88) (7/10)🔹跟餐連麵豉湯、日式海藻哩個價錢有原條鰻魚真係好扺食😱鰻魚好香，好大條👍🏻非常之厚肉，啖啖肉真係好滿足💕如果條鰻魚嘅肉質可以淋啲就好啦😗 同埋多啲鰻魚汁撈飯食就更好🤫2️⃣ 真打稻庭烏冬定食 $52 (原價 $58) (7/10)🔹跟餐連麵豉湯、日式海藻朋友揀咗要豬骨湯濃湯，同加錢要鹽燒鯖魚 (+$8)，真係好抵食😍豬骨濃湯好香又唔會太油，鯖魚又大條又厚肉🐟鯖魚都好入味，燒得好香❤️烏冬都好彈牙，但份量就冇飯類咁多😉3️⃣ 特盛和風牛肉定食 $61 (原價 $68) (6/10) 🔹跟餐連麵豉湯、日式海藻牛肉真係多到難以置信😳牛肉煮得幾入味，又唔會太韌😚飯有少少太多，食晒啲牛肉都仲有好多飯淨🤣唯一係佢比嘅牛肉汁有啲太酸，影響咗牛肉飯嘅味道🥺📌佢嘅飯份量比較多，細食嘅朋友建議可以問吓少飯👍🏻📌哩間用Lingduck落定

今日終於食到呢間日本野喇 上次去果陣岩岩暫停營業 依家疫情嚴重 好明顯唔多人堂食 好多都叫外賣 到果陣只有一位堂食但公司問題 冇得揀 只好堂食😳外賣有88折 抵👍🏻叫左個秘製叉燒稻庭烏冬 加$10有小食總共$73 幾抵食叉燒總共有4塊 望落系另外處理再放上去唔似出面拉麵店咁 食落去口感好好應該燒過再放上去 有一股串燒味既味道☺️烏冬正常好食😋 湯好多配料 不過自選湯底揀既馬來叻沙湯就失息左 只系食到辣味 其他味食唔到 so sad 😳追加小食叫左脆軟骨棒餃子🥟有三隻 要建議即食 唔系會淋 真系煎到脆😂餃子一般 不特別評論🧒 以日本菜黎講 呢間算平 冇加一可以再試下 🥳

咁岩去到鰂魚涌，喺OpenRice search到呢間野評價唔錯，於是就去試吓啦，都幾多人等位，不過一個人所以好快入咗去。店內環境好細，繁忙時間真係有排等位嫁。擺枱都幾狹窄，有機會要同隔離枱嘅人背脊貼背脊，座位都幾迫，不過如果快快食完都可以忍一忍嘅。餐紙自助形式，寫完紙去收銀處買，買完坐低等食。大約等十至十五分鐘左右有得食。前菜中華沙律唔係好好食隨餐的麵豉湯同前菜中華沙律加10蚊有3隻醬油雞翼，還好，無乜特別個醬油都唔錯，幾入味主菜吉列豬扒烏冬豬扒很脆，但有點乾，不過點沙律醬食很好，唔夠沙律醬問店員拎仲比左好大兜我烏冬一般，偏淋，不算彈牙。湯底雖說是鰹魚湯底但沒什麼味道，不過不難喝就是了。份量不算多，吃完不太飽，不過味道還好吧

📍屋苑隱世丼飯 -- 魚你所願🐟💛前排見到有人介紹呢間隱世抵食黃店，上星期就同男朋友嚟食晚飯😍呢到喺屋苑入面，都要花少少時間先搵到🤣呢到嘅定食大大份夠足料，包麵豉湯同中華沙律🤤---------------------⭐️鐵板蒜香一口牛定食（$68）牛柳粒分量慷慨，舖滿飯面🤤粒粒肉都好juicy，肉味濃🤤仲有洋蔥，蒜等調味👍另外有蛋汁撈飯，正💛--------------------⭐️原條蒲燒鰻魚定食（$82）鰻魚大條，但肉質唔算好厚，亦頗多幼骨🥺但好在夠油脂香，加埋照燒汁甜甜哋，溫泉蛋嘅蛋汁用嚟撈飯一流🤤----------------------整體嚟講小編比較中意牛柳粒嗰碗🤤店舖裝修簡單企理，店員好有禮貌👍有機會會再試下佢哋嘅烏冬同蟹粥😍---------------------賣相：7.8/10味道：7.8/10性價比：7.6/10回頭率：8/10--------------------店舖資料名稱：魚你所願地址：鰂魚涌英皇道933號御皇台地下11號舖前往方法：鰂魚涌A出口

因為魚願以嚐唔喺大街，差啲搵佢唔到。差不多到嘅時候致醒起自己身上現金九十文都唔夠，但又唔想行返轉頭，就繼續去啦。終於等到位之後，問過侍應唔收卡，佢叫我食完致去撳，返來比錢，超好人得知佢唔收加一之後，哈！我夠現金食我好鍾意食嘅鰻魚($82)。心情大好，食咩都特別好味。成碗飯係OK及格，不輪肉質同味道都唔特別標青，不過超級巿場買條 cheap cheap 原條鰻魚都六十幾七十文，家陣成個套餐都只係$82，超抵！最衰，佢冷氣唔流通，有點熱。

烏冬湯底味道有種死咸，番屋企想飲水炸豬扒炸皮太厚，零分服務質素好叉燒係日式叉燒既外表，中式叉燒既味道，味道好食烏冬正常手打水準雞翼$10有3隻抵食，但略厭有點鞋

今日同同事食呢間好多人等嘅餐廳，好彩我地book咗位，好快就有得入座。小店位於屋苑範圍入面，位置本身有啲難搵。店內座位比較迫，職員都忙於處理外賣，所以落單同攞野飲都有啲唔方便。係58蚊嘅蟹粥！雖然係咁平，但份量好大，仲有唔同配料，包括蟹、青口、櫻花蝦。蟹嘅味道一般，似係為點綴而唔係真係啖啖肉咁食。粥睇得出有用心調味，整體嚟講58蚊算係咁。午餐除咗有野飲，加10蚊仲有埋小食，而10蚊會全數作捐款，所以我地都有幫襯。餃子味道唔錯，炸得好脆口，入面嘅肉都好食。如果餐廳環境闊落啲，應該係一個唔錯嘅午餐地點。

Lunch都幾多人食，午餐算幾多款。試左個蒜香一口牛飯，都幾多肉，飯量都唔少，味道ok，但飯唔夠熱。午餐包前菜-中華沙律同miso soup。加$5有野飲。填完張order紙，直接出去俾埋錢。上菜速度唔算快，不過都ok!

一坐低店員已經遞上消毒用品比食客用（當時正苦未頒佈強制限聚令），好貼心嘅服務！呢度嘅出品屬於港式嘅日本野，份量好足。⤫ 麵豉湯⤫ 前菜湯同前菜一點完餐就上，好快手！⤫ 原條蒲燒鰻魚定食鰻魚稍顯皮位膠質有的重唔係咁容易分開，要自己咬開再食一啖飯，平時食飯中意用匙羹今次就無得懶啦，非常需要筷子嘅幫忙。味道都唔錯，中規中矩。⤫ 鐵板蒜香一口牛定食一口牛有驚喜，蒜味好夠，有啲似台灣夜市鐵板牛嘅感覺，再配埋蛋汁撈飯，推薦大家試吓呢個。⤫ 吉列鱈魚⤫ 脆軟骨菜肉棒餃子呢度啲小食都做得唔錯，脆得黎唔會太油，仲好抵食添。