鮨味一番 (已結業)

朋友推介呢間餐廳，今次專登過海黎試下。鋪頭細細，座位唔多，但感覺整潔。刺身點左吞拿魚腩，油甘魚，劍魚腩同立魚，每片都好大塊同好厚，吞拿魚腩係入口即溶，油脂十足，超正。炸蝦卷同花之戀質素正常，飯圑唔會太大。鹽燒油甘魚頭份量十足，真係有成個魚頭。另點了蟹籽沙律，鹽燒燒雞翼串，黑松露雜菌同炸餃子，質素同味道都合格。店舖有各種汽水，烏龍茶，啤酒同清酒售賣。店主親切友善，會同客人交流，小店黎講有咁既質素，真係要多多支持。

因為係街坊我間唔中都會幫襯呢一間鋪頭。其實食物都正常可以，所以一路都有幫襯下。初初冇熟食，後來有埋熟食提供，所以做生意真係要緊貼時代多元化。但係咁多年我都係淨係幫襯食壽司🍣佢啲紫菜即整所以好脆。佢無論壽司手卷前菜都同出面啲鋪頭一樣種類咁多。店入面啲藍師傅幾好 ，但係我一次唔知點解個女職員總係要黑口黑面，態度仲要唔好。咁多年都係咁。其實諗返啦如果我去買嘢人哋咁樣對自己感覺都唔好啦。。食物方面都好多種類，後來仲有food panda.價錢亦相宜。希望小店越早越好，其實一啲笑容都算，啲態度真係好差 每次我都好有禮貌去買。神奇。

同朋友一齊食飯，朋友中意食日料我地就揀左呢間店試試，環境方面都算可以，不過感覺系專門做外賣噶壽司店，不過都系可以堂食噶，壽司都唔錯，選擇都可以，七味軟殼蟹真系出乎意料噶好味啊！

之前食其他地方嘅壽司，啲飯唔係太酸就係好小醋味，呢間小店我食過好幾次，每次都會點壽司，每次食都覺得佢哋啲魚生好新鮮，啲飯溝醋嘅比例好恰當，唔會太酸但又食到醋味，真心正👍🏻金菇牛肉卷係我至愛之一，我每次都會order,另外，七味軟殼蟹嘅好味程度對我嚟講真係冇得輸，亦係每次必落order之一，另外試咗個流心芝士黑松露蛋，呢個都好食到唔識形容，但呢個唔係餐牌內有嘅，咁啱嗰日老闆研究中所以我先有機會食到😆想食就要睇老闆得唔得閒整件你試試。不過小店得兩個人做嘢，有時如果太多order做唔切可能要等半個鐘以上先到你嘅order，通常老闆娘都會講定比你知大概等幾耐先有得拎，但我唔趕時間唔怕等等嘅😋我呢次因為係堂食，所以一路食一路等就唔覺等好耐，如果有興趣外賣可以打去落定單，咁可以等小啲😉

無論買乜野，幫襯過幾多次，果個女店員永遠對住人客鞋口鞋面，問佢乜都係答得果一句，黑面程度好似我隊冧佢全家咁。食物係正常，又未至於好食同好新鮮，受夠氣都費事再貼錢買難受。

其實久唔久都會幫襯下呢間嘢就真係細細間嘢得一個師傅整嘢食不過質素一直都唔差但係今晚非常之特別 大約七點半左右打電話落單個女人聽電話話大概九個字至一個鐘咁最後八點半去到之後個女人好有性格咁講"俾錢先未有得拎"咁其實如果明知一個鐘出唔到單,你不如一早同我講遲少少你唔講都算,仲要係黑口黑面咁,最後8點50分先拎到嘢食走兩個人食叫二十件壽司左右真係要整成個半鐘?重點係你話一個鐘左右最後遲咗, 其實可唔可以係咁意都講句唔好意思?可能我只係幫襯好少，有冇我呢個客都冇所謂不過既然你打開門做生意可唔可以有些少禮貌

好少會叫外賣上公司食，不過見開左間新壽司店就試下啦餐牌既款式都算多，刺身、壽司、拉麵、手卷、定食都有但可能岩岩新開，人手又較少，所以就唔會太多野揀，咁我地就叫左兩個鰭味盛，老闆好好人，見我地叫得多就俾多Ｄ其他款式我地，唔洗一味食果幾隻，所有壽司件件都厚切同大舊，睇刺身果度都見到一塊有幾厚，絕對唔會比外面既壽司店差，而且新鮮就一定架啦，就咁睇壽司既色澤，夠哂吸引。岩岩新開張既小店係西環附近有好多，但係好多人都鍾意食快餐店多Ｄ，貪佢又快又平，但係千其唔好忽略小店對食物質素既追求，大家快Ｄ去幫襯呢Ｄ小店啦！

同朋友午餐時間一齊叫外賣，我揀左滑蛋雞肉飯；朋友揀炸雞飯...成日覺得外賣係會涷左，d野無咁好食...而今次再一次證實左野除左要趁熱食，本身既質素都好緊要...滑蛋雞肉：滑蛋唔滑，純粹似炒蛋、雞肉都仲算嫩滑既；飯粒比較硬...dislike👎🏻朋友揀既炸雞飯只配沙律醬，無汁...表示十分的乾，我自己會覺得炸雞本身就無配汁架啦，不予置評😅以呢個價位既外賣...似乎有另一更扺選擇，所以應該無下次lu...同埋有同學反映，食物份量都似乎比半年前小左....