鮨味一番 (已結業)

好少會叫外賣上公司食，不過見開左間新壽司店就試下啦餐牌既款式都算多，刺身、壽司、拉麵、手卷、定食都有但可能岩岩新開，人手又較少，所以就唔會太多野揀，咁我地就叫左兩個鰭味盛，老闆好好人，見我地叫得多就俾多Ｄ其他款式我地，唔洗一味食果幾隻，所有壽司件件都厚切同大舊，睇刺身果度都見到一塊有幾厚，絕對唔會比外面既壽司店差，而且新鮮就一定架啦，就咁睇壽司既色澤，夠哂吸引。岩岩新開張既小店係西環附近有好多，但係好多人都鍾意食快餐店多Ｄ，貪佢又快又平，但係千其唔好忽略小店對食物質素既追求，大家快Ｄ去幫襯呢Ｄ小店啦！