鮨廷 (裝修中)

今日心思思想食壽司，搵咗好耐尖沙咀邊間壽司舖值得食。經過一輪搜索之後，決定食呢間小店。店內座位不多，採用開放式廚房，師傅就在面前切魚生同埋整壽司，等食期間有得睇表演，哈。店舖提供set lunch omakase 可選八/十件，也可以單點，仲有丼、刺身壽司飯等等，選擇都幾豐富。我同朋友嗌左十件的Omakasa, 可以優惠價加配幾款壽司。《炙三文魚腩》燒得好好味，有陣煙燻嘅味道，三文魚腩非常軟嫩，好有口感，而且壽司飯已經佔好豉油，味道剛剛好。《鰻魚壽司》呢片鰻魚真係不得了，無骨之餘仲好軟林，同樣有種焦香味道，食落勁香，令成舊鰻魚更上一層樓。《明太子帆立貝軍艦》份量好多，估唔到明太子同帆立貝禁match，亦都食得出帆立貝新鮮又夠嫩，好滿足。《焦糖玉子》好有驚喜！玉子食得多但未食過焦糖玉子，表面有層焦糖，即燒真係好正，好脆口口感好正！蛋香味都好夠。《大拖羅》好新鮮！唔算好大片，勝在夠鮮嫩，魚脂平均，又有油香，整體都非常不錯。總括嚟講呢度嘅壽司都幾高質，想食壽司的話不妨一試。

今日同男朋友去完尖沙咀行街 佢帶我去呢間食日本料理嘅鮨廷 lunch都幾抵食餐廳差唔多全部座位都係壽司吧檯 可以邊睇住師傅手藝 邊進食 真係賞心樂事午餐叫咗自選壽司八貫 三文魚 夠新鮮 肥瘦均勻灸燒三文魚 燒過嘅三文魚魚油更加香濃鰻魚 帆立貝 三文魚籽軍艦 極度鮮甜 粒粒三文魚仔好似喺個口腔爆炸咁松葉蟹肉軍艦 食到一絲絲既松葉蟹腳肉 十分鐘了葱拖羅蓉軍艦 拖羅夠肥美 加上蔥花更加香味十足明太子帆立貝軍艦 入面溝咗沙律醬仲有明太子嘅口感 令到帆立貝既甜味更加精華中拖羅刺身 拖羅極度肥美 冇筋可以話係入口即溶北海道海膽杯 成個份量有啲細 不過海膽分量都幾多 海膽夠曬甘香鮮甜 睇海膽紋理 已經知道有幾新鮮

同屋企人行街，突然佢話想食壽司，見到附近有間日式餐廳就入去啦！餐牌有壽司、火炙壽司、軍艦、手卷、卷物等等，我哋就見咗唔同壽司試下。壽司師傅會喺你面前製作壽司。我哋叫咗真鯛($22/件)、赤蝦($20/件)、帆立貝($25/件)、油甘魚($28/件)、深海池魚($30/件)、芥辣八爪魚($12/件)、蟹棒蟹膏($25)、焦糖玉子($12/件)，師傅都係由淡到濃味奉上，仲會按進餐速度而提供下一件壽司。油甘魚、深海池魚都有油份，而軍艦個紫菜好脆之餘，滿滿的芥辣八爪魚好吸引。特別要提焦糖玉子，面層是脆脆的焦糖，下面是玉子，一次過食哂兩種口感。臨走時店員仲同我講，只要用電話號碼就可以成為會員，午餐叫Omakase就會有半價優惠，晚餐Omakase就有85折，下次有機會再試下。

同事升職話請我地食lunch, 擇左呢間一直好想食既壽司店，位於金馬倫道，鋪面唔太大，成間鋪都係坐10個人左右，我地6人都霸左3張枱😅🤣有點唔好意思。.午餐幾抵食，$148+1就有8件手握壽司，仲可以自選壽司🍣，或者可以選擇其他lunch set都係由$138up, 叫廚師發板仲有第2個set lunch 半價，感覺係抵食。.▪️自選壽司定食（8貫）$148 其實10貫都只係多$30，不過最近減肥唔想食太多。我擇左帆立貝、深海池魚、油甘魚、赤身、炙燒三文魚 、穴子、松葉蟹肉軍艦、三文魚子軍艦。午餐會附送沙律同麵豉湯。沙律加上柚子醋作配襯，酸酸地幾開胃。全部壽司都係廚師即叫即製，呢個價錢做到好似omakase既feel咁。壽司方面舊飯係偏細舊，醋味岩岩好。最正係個D魚生好新鮮得黎無筋，深海池魚好香又唔腥，吞拿魚赤身都入口即溶好鬼正，軍艦都好令我驚喜，紫菜脆到爽爽聲，三文魚子最正😋😋好新鮮又抵食。.估唔到公司附近呢間壽司店都幾好食，重點係lunch set真係好平🤣下次黎試個omakase先😘

食靚壽司都可以好平民化 😋😋位於金馬倫道的鮨廷有好多有質素壽司🍣叫咗個特尚壽司盛盒同炙三色壽司盛盒特尚壽司盛盒總共有八件 每一件我都好鍾意 右口魚 呢個部份比較少見罕有 入口嘅時候感覺到佢嘅油分比較重配上本來已經沾有醬油嘅壽司飯對比左口魚 佢就冇左口魚咁煙韌另外鯖魚壽司🍣魚生呈現粉嫩顏色 加上少少酸蘿蔔及日本青蔥有咬口 夠新鮮 醬油塗上後 外表更光滑最欣賞赤貝😍師傅都極力推介 因為佢呈現紫橙色 而且在師傅刀功下赤貝還有收縮的情況 新鮮程度可想言之！而且味道很脆身 爽口 完全不用添加醬汁 已經新鮮十足！穴子(海鰻) 顏色冇出邊食嘅鰻魚咁深色佢嘅味道比較細滑 魚骨比較小和少後來添加嘅鰻魚醬汁 豐富了海鰻大拖羅燒(鮪魚) 鮮紅色嘅外表非常搶眼入口即溶 紋理𠝹得相當工整 味道唔腥右口魚邊壽司 配上點點的黑松露醬外表鮮明 有𡁻口 再加上預先準備好的芥末oishiiii 三文魚好juicy 𠝹花刀功令人佩服下次如果食廚師發板 廚師更加會挑選最合時時令嘅魚比食客享用每一款都係精挑細選 仲有別出心裁嘅設計同埋特別嘅口味呢！而家仲做緊特別優惠如果你點廚師發板下一個lunch set就會有半價優惠！晚市食

星期一夜晚同朋友去咗尖沙咀行街，就試咗呢間食壽司嘅，貪地點夠方便。入邊嘅裝修設計就好似日本嘅壽司店咁，即刻睇吓有咩食先！同朋友都叫左北寄貝壽司、蟹棒壽司同赤蝦壽司，質素都唔錯，赤蝦特別出色，隻蝦大大隻，又夠新鮮，肉質厚身得嚟夠彈牙。炙蟹膏牡丹蝦壽司，師傅處理緊嘅時候已經聞到好香燒蟹膏味，蟹膏落得夠足，食完個口充滿蟹香味！帆立貝壽司大大粒，三文魚壽司就質素正常。要咗個中炙三色壽司盛合，入面有大拖羅、三文魚同右口邊魚，當中大拖羅最好味，炙完之後見到啲魚油滲哂出嚟，油香都不得了。芥辣八爪魚軍艦，即整就有呢個好處，紫菜卜脆脆，師傅都好細心提醒要快啲食。臨走先留意到原來而家留電話就可以做會員，食omakase有85折，有機會就再嚟試吧！

今日星期五咁開心一定係同朋友慶祝下！見呢間鮨廷好似幾正咁就揀左！一入到去卡好有居酒屋嘅感覺好有feel ,一坐底見佢有omakase 同埋單點選擇，我地都就揀左單點嘅但佢omakase都非常抵食大家可以考慮下叫完野食之後就等食啦，中間都唔會悶因為可以見住師傅表演！睇到我地都好驚訝 第一件黎嘅係三文魚壽司，同出面普通嘅唔同真係特別新鮮同埋肉質好有彈性，同埋佢鼓油係放左落飯入面非常入味第二件係炙燒三文魚，呢個除左可以感受到佢新鮮嘅肉質之外仲可以有炙燒個隻香氣！非常出色再黎就到鰻魚壽司，呢個鰻魚不得之了！真係非常軟嫩同普通嘅差十分之多！好似第一似食鰻魚咁再黎就係呢個拖羅手卷，清脆嘅紫菜同拖羅加埋一齊非常夾，又可以一口放曬入口非常滿足最後呢個可以算係甜品，焦糖玉子，香甜清脆嘅焦糖搭配玉子令人食指大動，加埋玉子本身都係清甜！非常清新

尖沙咀鮨廷午餐都有廚師發辦，現在只要提供電話號碼，就可即時成為鮨廷會員享有優惠，Lunch - order lunch omakase get 1 lunch set 50% off. 因為之前未食過依間，所以決定先點自選8貫午餐有麥茶同玄米茶可以揀自選壽司定食自己click 紙仔。我擇左赤身深海池魚油甘魚真鯛三文魚同埋炙三文魚松葉蟹肉軍艦 同 蔥拖羅軍艦外加蔥拖羅手卷鮨廷午餐-加州卷加三色刺身 $98加州卷做得幾好，午餐仲有麵豉湯同埋沙律送。

尖沙咀金馬倫道一向都有唔同嘅壽司店，仲有細細間嘅壽司店，以前經過呢間係立食嘅，而家已經轉左營，有提供高櫈，我覺得仲好，好貼心，令到客人食得舒服啲，開心啲，仲可以慢慢欣賞佢哋新鮮嘅材料。今次同屋企人嚟都叫咗兩款壽司盛合，我地order咗一客本鮪壽司盛合，一客特上壽司盛合。我本身好鍾意食拖羅，感覺真係好滿足👍🏻材料非常新鮮，魚刺身嘅厚度好好，而且入口即溶，魚油又好香濃，真係好正。其中一件係辣吞拿魚，好惹味。款式太多，未能一次試哂所有味道，唯有留待下次再光顧😋我哋俾錢嗰陣店員仲問我哋做唔做會員，講個電話號碼就即刻可以做到會員，仲提我地下次可以試吓佢哋嘅Omakase，晚市會有85折！😋

一直以為Omakase好貴，沒想到這間位處尖沙咀鬧區的壽司店，吃到飽都是人均300元不到，性價比確實不錯。原本看食評都是立食，但現在就有位坐，雖然是高腳椅，但亦舒服好多，朋友介紹果然有保證。——————————🔹鮨廷刺身丼 $220招牌刺身丼由師傅精選9款刺身，搭配自家調製的醬油壽司飯，今次就有三文魚、池魚、牡丹蝦、真鯛等，以魚肉為主，整體鮮味十足。特別喜歡牡丹蝦，肉質爽脆鮮甜！🔸炙三色壽司盛合 $88一向喜歡炙燒壽司，最愛就是其獨特的焦香味！大拖羅油脂豐富，入口滑嫩；右口魚邊甘香，入口即化；三文魚相對普通，但亦算不錯。🔹三文魚壽司 $12與炙三文魚相比，三文魚壽司就更為出色，入口油潤，脂香濃郁。🔸北寄貝壽司 $12北寄貝爽滑彈牙，肉質緊緻鮮甜。🔹大拖羅壽司 $48拖羅油香豐富，甜滑，偶而有筋，但魚味更突出。🔸焦糖玉子 $12表面是脆焦糖，下層是蛋香重的玉子，口感豐富有趣。

鮨廷鮨廷係尖沙咀金馬倫道開既一間立食鮨店 價值唔貴 用一個比較平民既價錢都可以食到Omakase級數既日本野-三文魚三文魚係大大厚切，醋飯味道調到恰到好處-中拖羅最期待既一件 中拖羅入口即溶，非常肥美，必食必食~-灸燒三文魚三文魚灸燒完後油香四射，表面有少許燒焦既感覺，食落好惹味-玉子大大件，又甜又多汁-鰻魚餐廳師傅即場係我地面前用火槍灸燒條鰻魚，陣陣鰻魚香，味道出色-焦糖玉子身為玉子控既我 係openrice見到最多人討論既就係呢一份焦糖玉子，表面有一層Crème Brulee 焦糖，不論味道同賣相都係十分吸引~-杋立貝手卷係鮨店Signature既長形手卷，啖啖杋立貝肉，好滿足原來食 dinner omakase, 會員可以有85折 下次食omakase 先！

不用上班的日子，終於可以慢慢享受一頓午飯鮨店一向比人貴價既感覺，想平食高質素壽司，食午餐就最好不過呢間以前係立食壽司，不過而家都有安排high chair，檯上有兩款茶包，玄米/麥茶。我揀左甘香既麥茶。我倆都點了自選壽司定食8貫（$148）先送上沙律菜用上赤醋飯味道香醇，飯粒圓潤有彈性，醋飯已經夠味所以每一件壽司都不用另外沾上醬油。第一件必定由白身魚開始油甘魚係每次必點既白身魚。厚切既油甘魚肉，其魚油豐富入口鮮滑，極具彈性 。深海池魚肉質爽口赤身魚肌色澤紅潤，肉味濃厚。鯖魚肉質實淨帶油香，飯與魚肉中間加上香蔥添上一點芳香帆立貝極具彈性，令人齒頰留香穴子肉質唔似鰻魚既肥美，油分不多但口感輕盈軟滑。蔥拖羅軍艦 碎吞拿魚腩幼細香滑，軟綿綿的口感加上脂香蔥香，入口香滑。三文魚子軍艦每一粒三文魚籽都漲卜卜，入口每粒魚子喺齒間爆開，口腔充滿魚油香味辣吞拿魚軍艦大大件，幾乎一啖食唔哂，拌上辣味沙律醬，但無蓋過吞拿本身既魚香明太子帆立貝軍艦同樣係加左沙律醬，配上帶咸香既明太子，突顯帆立貝幼滑既鮮味最後送上熱騰騰既味噌湯暖暖胃

最近一次想同女朋友食好d，但時間上突然有點兒趕，第一次希望可以將已order既野食轉做外賣，店員都立即允許然後師傅知道我地趕時間之後，都有比出兩個方案，依家即刻出哂壽司比我地食，或者轉做外賣，然後衡量過後要求師傅很合作地幫忙將落左單既野食盡快出品，但質素依然十分好，係一次極唔好意思但又美好的體驗！（唔小心打左其他客人既尖，同埋要師傅全速整壽司）但因時間關係，並沒有拍下相片，會留番下次再黎慢慢影 下次會預留多啲時間去慢慢嘆！

本來打算去食隔離嗰間立食壽司bar，點知道要等位，趕時間嘅關係，咁啱喺openrice見到啲reviews幾好，所以就決定去咗哩間Sushi Sooshi食lunch，而我地既惡夢就係咁開始咗。12點左右入黎，裡面得一位客，個女經理帶咗我地埋位。跟住我地各自叫咗個自選8件壽司，諗住問個經理有冇咩壽司推介，點知佢就咁話如果要新鮮好食既就要叫佢地個Omakase先會有好嘅壽司，而我地呢個8件set就叫根據自己鍾意食嘅嘢黎揀。個經理完全冇答過我地個問題😅如果我地唔係趕時間都會考慮叫Omakase（因為好平），但係時間有限我地就叫咗個set。跟住另一個staff好快就攞咗啲沙律出嚟，食到一半個壽司師傅就好快咁，每次上幾件壽司。完全零溝通零介紹件壽司，好似趕你走咁。嗰啲壽司唔新鮮，好腥，個壽司飯係調咗味嘅飯，但係超乾硬同埋食落好似冇調味咁。只有seared 三文魚同埋拖羅軍艦見得下人，食到一半就上咗個味增湯，全程20分鐘就食完。跟住問個staff有冇濕紙巾，佢就咁指住話：「呢度有」，我哋當時呆咗，因為以為佢會攞俾我哋😯食後感：絕不會回頭既壽司舖，服務態度差，食物質素中下，雖然好平，但係感覺超市買

尖沙咀金馬倫道「鮨廷 」店子面積細細，但就相當有口碑，今晚你試咗幾款壽司，主要係火炙壽司為主。壽司價錢絕對是豐檢由人，由十元起至幾十元一件都有，各取所需。我喜歡有omakase 的感覺，即點即食壽司，超有日本小店feel 😍1）油金魚腩$38細看下用上赤醋飯，醋味絕不蓋過魚鮮，油金魚腩介成格形再添上醬油，魚肉細嫩軟稔，油脂豐富，稱得上是入口即化，正！2）炙帆立貝$25 北海渡帶子十分肥美，火炙過後再陶上醬油，不須再加任何調味，已經吃出鮮甜味道。3）炙三文魚腩$22師傅將三文魚腩介開再火炙，令魚油更顯得突出，魚肉更呈現超吸睛的粉紅色。4）炙右口魚邊$35左口魚就得多，右口魚原來是爽口鮮甜，味道不比紅肉魚遜色。5）炙大拖羅$48師傅先將魚生略略炙燒，令油脂揮發出來更，油潤十足；口感軟滑細嫩，鮮味突出，太正了。6）焦糖玉子$12聽說「焦糖玉子」是店方的振店之寶，點都要一試，味道有別於平時吃到的軟滑感，玉子上加上焦糖再經火炙過的玉子多了一點焦香，少了一點嫩滑，我個人還是喜歡全統玉子燒多一點。7）芥末八爪魚軍艦 $12紫菜香脆，八爪魚剁得夠細緻，芥末恰到好處，不會令人邊吃邊流眼淚。8）辣三文魚手