鮨廷 (裝修中)

我地今次叫左9款壽司, 全部都勁高質, 而且價錢都相當合理🤩 當中最驚艷到我既係超新鮮北海道海膽軍艦, 入口即溶既火灸右口魚邊壽司同埋中吞拿魚腩壽司🍣 因為全部即叫即整既關係, 所以連紫菜都係脆卜卜嫁😍 而家諗起都流緊口水🤤 除左單叫之外, 唔想做選擇既可以揀Omakase, 不過我個人覺得單叫比較抵食, 而且可以揀曬自己鐘意食既款式💁🏾‍♀️如果大家唔想等既話可以預先訂座, 如果唔係就早啲去攞定位先都得☺️ 今次食左9款埋單大概$270一個人我覺得都合理, 而且質素頗高😍

一個人嘅𝗠𝗲 𝗧𝗶𝗺𝗲突然好想食🍣呢間立食壽司店環境舒適整潔整體食物質素唔錯選材新鮮特別推薦🌟北海道海膽甘甜與鮮味入口即溶好想食多𝟮件火炙過嘅右口魚邊比左邊更肥美滿口魚油食落好邪惡🤤個人都好愛佢嘅蟹糕好鮮甜

今次已經係我第二次黎呢間日本餐廳喇☺️☺️上次黎嘅時候係lunch~ 食左個lunch set~可以自選10件壽司🍣覺得好唔錯！今日放工好攰冇咩胃口，男主角又想食日本野，就介紹佢黎試吓~ 7:00到達，入面full house等左半個鐘左右終於有位(店入面都有位比你坐住等)店員話做鮨廷會員，order dinner omakase, enjoy 15% off！只需即場提供電話號碼，就可即時成為會員！ 呢個着數聽落幾吸引，但係因為我真係唔肚餓嘅關係所以都冇做到佢哋會員，留番下次先~所有壽司都係師傅即刻係你面前製作，非常新鮮~仲有好多時令野食比你揀我只係食左一件中拖羅、鰻魚同一件牡丹蝦刺身😂中拖羅真係好抵食！刺身又厚又香！師傅仲好貼心咁加左豉油同wasabi~ jeng!!其實佢呢度嘅大拖羅都超級之正！但係因為我真係冇乜胃口嘅關係 頂唔順咁肥膩嘅嘢，所以今次冇order🥲🥲🥲鰻魚就還好~赤蝦都掂呀！新鮮彈牙！炙刺身丼Presentation okay.. 而且可以見到件件刺身都非常之厚切！性價比高！所有刺身都係一邊輕輕火炙左！一件刺身 2個口感2個人都係$367好平呀！下次lunch會再嚟食

今日朋友帶咗我去尖沙咀食壽司，因為佢入邊係有師傅即場喺bar枱整壽司俾你嘅，所以位置不多，最好有訂枱先來，因為現場所見都幾full。價錢嚟講，以即場壽司師傅人手整壽司令俾你嘅價位你講都唔算貴。Omakase 依家仲有八五折添，做咗會員就有㗎啦，登記電話號碼就可以做埋會員。講吓啲壽司先，我自己就覺得啲火炙三文魚壽司好好食。然後佢呢度所有嘅壽司飯都唔係就咁白飯嚟嘅亦都有調過味。另外試咗個焦糖玉子都好特別，喺雞蛋面上邊燒咗一層焦糖，脆脆地甜甜地嘅口感。蔥拖羅壽司都好新鮮鰻魚壽司都係我嘅至愛，第二round 再點多左一次。環境方面都好乾淨企理，同吧枱隔離嘅客人都有分隔板。

Lunch set 性價比超高！Omakase $358 有交易，仲可以立即成為會員，第2個lunch set 半價！但復活節假食滯咗，所以今日未有試Omakase ，而係叫左2個lunch set: ✅$98 - 6件加州卷+3款刺身✅ $148- 8貫自選壽司🍣每✅ +$25 - 追加䓤拖羅手卷雖然以上5係omakase,但每款壽司都係即係面前整同上，所以個體驗係好好的✌🏻⭕️刺身好厚切，感受到protein fill 滿左個口🤤⭕️加州卷好多蟹子粒粒，仲有6件咁多，夠哂飽肚⭕️壽司叫左油甘魚，帆立貝，䓤拖羅軍艦，明太子帆立貝軍艦，北寄貝，蟹棒，炙三文魚。壽司飯腊岩岩好，包得大細適中，魚🐟脂分布平均。another protein portion checked 😋⭕️壽司款中最愛䓤拖羅，所以加多左個手卷，$25真係超值！勁多拖羅😍

星期五同朋友約咗喺尖沙咀食晏，佢話想食壽司，我就即刻聯想起「鮨廷」，皆因之前食過覺得幾正😝。兩點幾去到啱啱有人埋單走，所以基本上唔使等就入得。唔知我有冇記錯，呢度之前係無位坐、要企嘅立食嚟，但而家有得坐仲舒服啦。雖然座位窄窄地，不過尚算一應俱全，有齊🍵茶包、醬油同碟仔等，但如果加埋個掛鈎喺枱底放袋就更佳。餐廳閒日有推午市套餐，相對抵食啲，可以揀丼飯或者自選壽司🍱。另外，店員仲介紹午市嗌廚師發辦的話，另一午餐可享5折優惠‍；如果晚市食就有85折優惠👨🏻‍🍳。其實幾抵，但我哋太偏食，所以都係嗌Set算。以上優惠只適用於會員，雖然我哋無食Omakase，但都加入咗做會員，因為用電話號碼就得。三文魚親子丼($138)，親子丼賣相吸引，有五片厚切嘅三文魚刺身🐟同埋一大堆三文魚籽。三文魚就算唔係腩位，但都非常肥美；而魚籽就粒粒爆漿，鹹香十足。呢度嘅壽司飯係用上赤醋，所以飯身呈淺啡色，🍚飯粒分明，軟硬適中，又唔會太笠，加上溫度暖暖哋，幾好食。自選壽司定食🍣($148八貫/$178十貫)，壽司共有25款選擇。我哋咁啱全部都要哂軍艦，而包住軍艦嘅紫菜就好脆口。題外話，其實只要揀選$18以上嘅款式就已經可

想食omakase 唔一定貴食，尖沙咀就一間平、靚、正嘅omakase😆晚市$398有10 壽司 (貫) 依家只要提供電話號碼就可以鮨廷會員，食晚餐omakase就有85折優惠，真係好抵食😆餐廳雖然唔大，吧檯L 型設計，睇住師傅即叫即製，好治癒😜裝修非常日式，簡潔明亮~整體感覺似大阪黑門市場啲小型壽司餐廳🍣炙燒三文魚壽司一向炙燒三文魚都係我嘅最愛，睇住師傅燒炙燒新鮮三文魚，聞到炙燒嘅香氣，真係令人流曬口水😜火炙後魚油香突出，油而不膩，咬一口想再感受多啲入口即溶感，壽司飯入口自然散開，口感豐富😆🍣三文魚壽司三文魚肉質鮮美、色澤鮮明，口感較綿軟清甜，魚油嘅香味充滿整個口腔，令人回味😆🍣甜蝦壽司 甜蝦嘅蝦肉表面粘稠，食落口感細綿有粘粘嘅口感味道帶微鮮甜，肉質幼嫩，唔加調味料可以享受到甜蝦嘅鮮甜🍣 鰻魚壽司去食壽司點少得鰻魚壽司！ 鰻魚肉質細膩緊實，口感濃郁粘稠，配咸甜嘅酱汁，令人回味🍣帆立貝手卷帆立貝水潤肉厚微爽鮮甜，原汁原味製成手卷，外面紫菜香脆，而手卷入面飯量剛好，突出帆立貝嘅鮮🍣 加州卷多變化嘅加州卷，外面有爽嫩嘅蟹籽，內裏有清甜清瓜、微甜甜蛋仲有香濃蟹柳，由內到外互相和諧配合 ,味道

好掛住omakase啊，今日特意去尖沙咀食壽司🍣餐廳環境唔係好大，一張L型吧台，勝在唔需要立食，有位坐可以慢慢食。座位見到師傅握壽司，係正宗omakase啊可以自己選擇玄米茶或麥菜，另外有叉電位置，幾貼心啊Lunch set 嘅自選壽司定食有8貫或10貫揀，第二份仲有半價添🤭壽司飯已預先加咗醬酒調味，自己唔洗沾醬油都得💛赤身，魚味較濃郁，鮮甜味十足！炙三文魚，炙燒後更好味，充滿油脂香味！三文魚，挑選嘅部位唔錯，好肥美甜蝦，味道鮮甜！三文魚籽軍艦 ，份量好多，口感超豐富！鰻魚，鰻魚冇碎骨，輕輕炙燒後加上鰻魚汁，食完會想再叫😍😍鯖魚，冇腥味，好少碎骨，比外面嘅壽司店更高質🤭松葉蟹肉軍艦，新鮮蟹肉，味道超濃郁！另外點咗焦糖玉子💗面層有薄薄焦糖片 一啖入口 外脆內軟 咩都甜甜地 簡直融化我嘅心😍太滿足啦！下次會再嚟😘😘

午市時間尖沙咀平時都好多人要搵一間食得好味嘅餐廳🍴唔容易所以今次呢間餐廳一早已經Book咗位先午餐lunch set 好抵食呢個時段套餐中會包沙律同埋味噌湯好少時間係12點至到5:00 店員真係好好人本身預約咗搵唔到路佢喺電話好細心咁教我點樣過嚟抵讚👍🏻啦！揀咗好正嘅蔥拖羅丼 $168將黃色嘅蘿蔔碎，仲有香蔥芝麻等等完美咁混入拖羅海入面😍😍而且佢壽司飯做得啱啱好三點刺身加加州卷 $98每一樣刺身都會有一點點植物陪住😛賣相的確好吸引🍶打卡able三點係三文魚腩刺身、帶子刺身加上檸檬🍋、真鯛魚刺身加州卷入面有蟹柳蛋同埋牛油果🥑牛油果加上沙律醬😍😍枱面有玄米茶同麥茶挑選呢度環境舒適，店員都好有禮貌又有日本嘅感覺👍🏻

又有機會同同事出街食飯，之前幾次都上嚟呢間壽司店，因為店面唔大所以經常大排長龍，今日晏少少嚟剛剛見到唔使排隊終於有機會食。座位係全Bar 式枱設計，所有食客都可以睇到師傅點樣整刺身同壽司，師傅又可以同我哋交流，好有日本小店風情。午市套餐選擇都多，壽司、刺身飯及丼都有，配有沙津及麵豉湯，在尖沙咀百零蚊都差唔多。依家午市order Omakase 會有一個半價午市套餐優惠，我隔籬枱的女士都有用此優惠。五點刺身加壽司飯$158，三文魚吞拿魚都係厚切，鮮甜又新鮮。食到白色的刺身，覺得幾特別所以問吓廚師，原來係右口魚，所以口感特別，魚肉肥脂分佈比例與三文魚唔同，此魚原來春夏兩季先至有，去到秋冬就食返左口魚，兩種外觀都係差唔多，但右口魚無連皮肥脂位。三文魚刺身丼$138，五件大大嘅三文魚，肥脂分布均勻，新鮮，加上大大粒魚子，連飯食好正。

壽司店環境不大，只有一張L型bar枱，除咗可以寫紙仔落單外，仲有得揀omakase，另現以電話登記即時成為會員，即可享會員專享嘅omakase 85折優惠！腐皮壽司（$12）三文魚腩壽司（$22）甜蝦壽司（$28）深海池魚壽司（$30）中拖羅壽司（$38）油甘魚腩壽司（$38）焦糖玉子壽司（$12）芥辣八爪魚軍艦（$12）三文魚籽軍艦（$38）明太子帆立貝沙律軍艦（$25）所有壽司都係即點即做，壽司師傅亦會因應食客進食速度將壽司一件件放喺食客面前！所有壽司都好新鮮及有光澤，中拖羅及油甘魚腩壽司夠晒鮮甜肥美，芥辣八爪魚軍艦少少辣夠惹味，焦糖玉子壽司幾特別，整體都幾高質！

自從食過一次omakase 之後就念念不忘 一直好想試多次 今日好開心可以試到omakase premium 晚市加埋1都係約$500一位 仲有1款前菜、5款刺身、1款炸物、5款壽司同一碗湯 性價比極高！餐廳座位數量唔多 環境好似日本嘅壽司小店 但就勝在可以確保每一位客人都可以望住師傅製作食物嘅過程 而且每個座位附近都有叉電位、倒熱水嘅位置同玄米茶麥茶茶包 好細心❤️•Omakase Premium $498 p.p. *前菜：涼拌茄子 涼拌茄子賣相相當吸引 茄子鮮紫色 酸酸甜甜好開胃*赤貝刺身口感比其他刺身更有咬勁 唔會有油脂香氣 為防有食客唔鍾意佢陣腥味 師傅更特意加左青檸汁癖走腥味 食落更鮮甜爽口*金目鯛刺身賣相呈淺粉紅色 肌理緊實 非常鮮甜 師傅亦喺刺身表面沈左啲梅子碎 令口感更有層次 跟人認為點左豉油會更好食*右口魚肝醬卷第一次試右口魚 以為佢同左口魚不相伯仲 原來好唔同 口感非常滑溜 味道偏淡 所以配合肝醬一齊進食就perfect*拖羅卷紫菜卷入面夾住左拖羅、紫蘇葉同梅醬 好有層次 但梅醬同紫蘇葉嘅味道比較強烈 稍微蓋過左魚油脂嘅甘香 同微微碳酸感～*拖羅鮫當日師傅送俾我地

行過尖沙咀見到有間門面裝修得唔錯嘅壽司小店，一於入去試吓，佢地坐位有10個左右，全部都係bar枱，壽司師傅喺面前整好，即刻放喺你面前，好有日本feel。 我地叫咗幾款壽司，原來佢地d壽司飯同出面果d唔同，d米係淺啡色，係有味飯，都幾特別。三文魚壽司，三文魚都幾肥美炙燒三文魚壽司，燒過嘅三文魚，有陣焦香味，好香口。真鯛壽司，魚肉係厚切，好有魚味，好有口感。赤蝦壽司，隻蝦好大隻，好厚肉好爽口彈牙。北寄貝壽司，北寄貝非常爽口，都幾鮮甜新鮮。飛魚籽軍艦，魚籽粒粒脆卜卜，好鮮甜芥辣八爪魚軍艦，八爪魚好爽口，配上攻鼻嘅芥辣，係味覺嘅沖激。辣味三文魚手卷，個辣汁好出色，唔太辣，配上肥美三文魚，好正。炙三文魚箱押壽司，一set有6件，都幾抵食，上面係炙燒三文魚，壽司飯中間有吞拿魚碎，仲配有黑松露沙律醬，又特別又好食。 原來夜晚有omakase, 有15% off.，下次一定要試吓。

今日經過尖沙咀金馬倫道，見到呢間細小嘅壽司店，原來係Omakase!地方細小，好似真係去咗日本嘅壽司店咁。枱前面有麥茶/玄米茶，幫助消濟。今次叫左幾款唔同嘅壽司，最特別係每舊壽司飯都係豉油飯，唔使點豉油已經夠晒味蟹棒蟹糕海鮮味同蟹肉味都好濃，而蟹糕唔會搶晒啲本身蟹肉啲鮮味辣吞拿魚雖然佢話辣，但係唔會好辣，只係食到少少Wasabi味，唔錯炙三文魚箱押壽司好有炙燒既味道，飯入面仲包咗少少三文魚，好足料赤身赤身魚係屬於與背嘅部份，佢嘅脂肪量唔多，肉質夠實，不妨試吓中拖羅俾佢嘅粉紅色吸引住，雖然佢脂肪比例較高，反而佢啲脂肪帶出好鮮嘅魚香味，口感適中，真係入口即溶咁焦糖玉子即叫即燒，上面嗰層焦糖仲脆仲熱，而玉子就係凍嘅，好似焦糖燉蛋咁好味兒家食晚餐仲有折添Dinner - order dinner omakase, enjoy 15% off. 所有優惠只係適用於鮨廷會員，只需要提供電話號碼，就可以即刻做會員啦~

We’re honestly spoilt when it comes to Japanese food in Hong Kong, this popular sushi bar, Sushi Sooshi offers a wide variety of quality sushi and sashimi dishes at a great prices.We came here for lunch, the place itself is pretty small with just 12 seats curving around the counter,  it’s quite packed during lunchtime, so just make sure to go a bit early to avoid the lunch rush.Becomes a Sooshi member, you can enjoy variety of privileges:Lunch - order lunch omakase get 1 lunch set 50% off. Dinne