鮨心 (已搬遷) 新店位置

話說好想食新鮮既日本魚生，見到呢間食評話每日新鮮運到，唔會隔夜就試下啦！呢間好方便，可以直接open rice book 不同時段仲有折添入到去，環境好舒服，居酒屋格局，兩個人坐四人位超闊落。可能7:00緣故，人流唔算多。服務亦好殷勤。晚餐叫左個上壽司拼盤，有8件。魚生新鮮，厚度適中，而且每種魚上配既配料唔同，有驚喜！再order 左青瓜牛油果軟殻蟹卷物，有4件。賣相好靚好吸引，軟殻蟹整得超脆香口，但食落而唔會油，亦唔會好咸，剛剛好，正！加埋青瓜～清新！只係牛油果略嫌太少，幾乎食唔到佢！呢個位扣左d分～再叫左d三文魚壽司，魚生同飯比例岩岩好。但以價錢來講，不過不失。因為唔食牛既關係，牛肉昆布烏冬口感就不得而知，但賣相唔錯。總結黎講，魚生新鮮好吃，環境好舒服，服務一流。以價錢來說，性價比不算高，對大食既朋友亦未必好夠飽。但若想舒舒服服，食新鮮壽司，飲返兩杯，傾下計確實唔錯之選！

環境都幾好，好舒服，我大約九點先到，人流唔算小甜蝦好新鮮，雖然價錢唔算平，但質素對得住個價錢玉子唔覺得太特別，同埋好似有啲過熟，唔算做得滑但每個餸都有小伴碟唔錯依到嘅魚真係處理得唔錯！特別係拖羅同海膽，首先拖羅入口即溶，油脂重，但佢都無咩筋！而海膽放得好厚，而且鮮甜，入口有小小結實！唔會好溶化開晒咁天婦羅做得好好，係炸完都唔油，油味唔會好重！因為叫烏冬加$62先有，價錢唔算好平😣😣依個芝士極大，食左兩入就覺得漏，不過鰻魚夠肥，好香油味🐻🐻整體黎講勝價比一般，但品質絕對地好！主要係壽司好吸引，啲魚生真係每一件都無得彈

今日公司請食生日飯, 就揀左係公司對面呢間日本菜試試佢個午餐,  雖然在地鐵站口旁邊, 但招牌等都不顯眼, 沒注意的話是不知道這棟大廈是有這麼一間日本菜餐廳.餐廳地方尚算寬敞, 坐下後已馬上遞上餐牌點餐, 我選了6式刺身套餐, 而我同事則點了牛乳豆腐鍋再加烏冬. 還另外點了2隻明太子雞翼.前菜有小碟牛腩,麵豉湯及蒸蛋, 味道都不錯. 之後刺身來了, 很新鮮,有帶子,吞拿,三文魚, 甜蝦, 還有兩款魚我不憧懂名稱@@但都很好吃就是了我同事的牛乳豆腐鍋, 比起別的餐廳提供的鍋物大一陪以上,  最後我同事都吃光了, 味道不用我多說了吧,哈哈明太子雞翼也很不錯, 吃光以上食物你以為完結了嗎? 錯了, 剛想結帳經理還說有雪糕的, 就上了一個綠茶味道跟雲呢拿味,  這頓午飯太滿足了。抱歉沒附照片，只懂食不懂拍照。

今晚朋友請食飯，今次係試日本菜，魚生都算新鮮，海膽好鮮甜！環境方面，座位不算太多，除咗座位有少少迫夾之外，其他都OK！服務態度好好，不過餐廳個入口有啲隱蔽，要搵一陣時間先搵到！食物方面：刺身、海膽壽司、炒雜菇，蔬菜烏冬，個人推介海膽壽司！

星期一放假就去左試呢間日式餐廳☺️裝修好舒服，唔需要等位，同朋友坐係長枱好闊落。叫左兩個set lunch,一個係壽司定食（$178），一個係刺身定食（$208），餐廳係有加一服務費既。☺️有前菜，面豉湯，蒸蛋😍個蒸蛋太有驚喜，上面有柚子既湯獻，清新得黎好好味。亦都好足料！壽司定食有我最愛既左口魚壽司， 魚油好重好好食！ 其他壽司都新鮮，帆立貝好大粒又好鮮甜，仲有玉子同加洲卷食！😎而刺身定食都好rich， 甜蝦好有鮮甜，三文魚亦好厚肉！下次會試下個omekase 🤩

第一次光顧，order兩客刺身定食，食材新鮮好味，環境安靜，價錢合理，1點半前埋單仲有85折，實在是旺角區日料的好選擇。提兩點不足：午市選擇略少，午市餐飲竟然連咖啡都冇。

朋友生日想食日本菜，所以就找到呢一間，覺得沒有太大驚喜，價錢高的餐廳，質素還可以另外餐廳坐爆人但只有兩位服務員stand by，個人覺得服務不太好，應在繁忙時間請多1-2位人。鰻魚蛋包飯幾好味，不太乾身，燒得剛剛好，而且份量都好大份。串燒牛舌和雞腎好惹味我們兩人點了三串牛舌，雞腎可以大件啲，不夠吃當日的壽司拼盤不太新鮮，腥腥地，有點失望。油甘魚壽司還可以～唯獨海膽反卷挺好味，好甜又唔腥，連不吃海膽的朋友都喜歡吃，配搭不錯

今日同朋友慶祝生日食飯....朋友話想食日本野....就揀咗呢間食評唔錯嘅鮨心 🤗🤗🤗價錢唔算貴 但有食得出水準 👍🏻👍🏻👍🏻我其實最鍾意食佢啲壽司飯 .....因為同平時出去日本餐廳食到嗰啲飯係好唔同....個口感好好 尤其係啲三文魚入口即溶 🤤🤤🤤真係估佢唔到 正！連我朋友食到都話好正 同佢慶祝生日佢食到好嘢❤️我都好滿足 所以呢間野值得推介👍🏻👍🏻👍🏻👍🏻細心服侍周到🙆🏻‍♀️　

鮨心是旺角少見的高質壽司店，這裡食物質素非常好！點了上壽司盛合 (HKD258) 和鰻魚蛋包飯 (HKD132)，壽司所用的食材新鮮、鰻魚肉質也是超级肥美的，好吃到無話可說！值得一去，你絕對不會後悔👍🏻

納悶的天氣，由於今日約了好姊妹early happy hour，所以「今天不煮飯」。大王說想吃壽司，剛巧他也要去旺角。就約好到收藏已久的鮨心一試。除了右口魚裙邊有點驚喜，其他壽司都很一般。反而，串燒味道不錯，但略嫌款式太少。牛肉烏冬份量也太少了吧！幸好幼身的烏冬口感不錯。柚子味的玉子燒非常有驚喜。味道很清新。星期六、日有3款買一送一的「酒佬」手工啤酒。整體來說，性價比一般。原來打算下次試樓上的廚師發辦，還是算了吧！

朋友同我食生日飯訂咗呢間餐廳睇食評好期待三文魚壽司魚味好濃好正呀！不是普通貨色！個厚燒玉子係全晚最愛佢有淡淡既柚子味！中和咗玉子既甜味！好有心機既idea!!’好食好特別！呢個好似叫海龍卷幾好食的！但無前兩個咁驚豔有好就當然有唔好個明太子雞翼就普通了性價比又唔夠高記得$30一隻但味道麻麻而鰻魚飯其實都幾好食！可惜汁唔夠多白飯無汁送我覺得無咁好食如果多d鰻魚汁好食d!但鰻魚無骨又淋係好食架服務都唔錯！會不停加水不過環境比較靜兩個女人bilibala 有少少尷尬哈哈！！比較岩情侶去埋單都係$480左右 幾抵食！推介的！下次想主打壽司

Was there for lunch. Wouldn’t recommend this restaurant. Price, service and quality of food & service doesn’t match. There are definitely better choices out there with similar pricing. Was constantly being told that we have to finish within a certain period of time and leave the restaurant and the restaurant was empty, we felt like we were being rushed like kids in a school canteen or something. Would not go back again or recommend it to anyone who’s planning to go.

聽朋友推介呢間既右口魚壽司好好食，就特登book左黎做慶祝情人節，事先仲用openrice book 枱優惠話有9折，滿心歡喜去諗住食餐正既，點知原來現實同理想係唔同架！一去到環境無錯係幾好，但就得三枱客人，都淆淆地後來一睇餐牌仲o咀！原來d野係好貴既，例如一件右口魚壽司係$58，一件拖羅壽司係$88，你冇聽錯係一件既價錢呀！恕我見識少，我真係未食過咁貴既野，咁人都黎到點都試下啦，咪叫左三文魚 帶子 右口魚同 三文魚子壽司try try諗住一定超食啦，唔係點會咁貴姐，一食....其實佢真心係幾好食既，但就唔知點解要咁貴，可能佢係屬於高檔餐廳所以都正常既，係我大鄉里姐....最谷氣係個烏冬，同白麵冇乜分別唔彈牙又細碗，個燒鰻魚咪正正常常不過不失囉....食完都唔想再叫，覺得性價比唔高，唔想再俾錢佢賺，個肚得五六成飽，埋單算數！重點黎啦，明明話左係9折但我唔知點解明明食左五百幾蚊但減得個$4.4！我同男朋友好不解，但已經唔想追問，埋單算數，之後走左其實好後悔，後尾問番食開既朋友，佢話佢以前次次食埋單都唔知點解冇左9折，問親店員都有各種藉口.....Fine，只可以話食物質素黎講壽司係不錯，

鮨心餐廳位於旺角彌敦道，是日式居酒屋風格，今日兩公婆撐枱腳坐吧枱。叫左以下幾樣嘢:特上壽司盛盒 ($398)八款壽司盛盒: 海膽，牡丹蝦，拖羅、赤身、鱆紅、深海池魚、赤貝、左囗魚裙邊等等。奇中海膽壽司的海膽份量十足，顏色橙紅，一睇就知新鮮。海膽味道濃郁，口感creamy，非常不錯。其他壽司水準都唔錯，尤其壽司飯温度ok，同星級壽司店唔係差太遠。美中不足唔係逐件壽司上。炸蝦天婦羅 ($88)炸蝦天婦羅一客三件。炸得十分香脆唔油膩，蝦肉亦鮮美彈牙，水準高天既婦羅之作。牛肉稻庭烏冬 ($88)烏冬所採用的係半肥瘦的牛肉，肉質軟腍。而烏冬是扁身的稻庭烏冬，口感滑溜，加埋醬油湯底，都幾好味。可惜分量比較少，食量胃口大就唔夠喉。雖然叫咗唔係好多嘢，但總括嚟講食物係水準之上。成間餐廳除咗吧枱之外仲有十幾張四人枱，環境都幾舒適。 餐牌上面仲有好多串燒，下次都有興趣試下佢哋D水準。

今天是人曰，人人生日，選定了一家日本料理吃晚飯。這家餐廳位於旺角彌敦道，是日式居酒屋格局，空間播放著好chill的音樂，感覺自在唔焗促。炸蝦天婦羅$88炸蝦天婦羅一客三件。炸蝦的炸衣唔厚，而蝦亦炸得十分香脆唔油膩，蝦肉亦鮮美爽彈，不錯。特上壽司盛盒$398嘩啦！這壽司盛盒有齊我最喜歡的刺身：拖羅、赤身、鱆紅、深海池魚、牡丹蝦、赤貝、左囗魚裙邊、海膽等等。每一款壽司都很鮮美，而其中有四款壽司的印象比較深刻。拖羅色澤紅潤，十分肥美，充滿了油花又無筋，入口充滿油香，正！而那牡丹蝦大大隻，肉質黏黏的，加埋綠油油的蝦籽，十分鮮美。左口魚裙邊烤得微焦，逼出油份，味道更為甘香，若然魚片切得厚一點，口感更佳。海膽壽司的海膽份量十足，堆到一如小山。一口氣把它放入口裡，真叫人滿足。海膽味道濃郁，口感creamy，又帶鮮甜味，正。牛肉稻庭烏冬$88這牛肉烏冬所採用的牛肉是半肥瘦的牛肉，肉質軟腍。而烏冬是扁身的稻庭烏冬，口感滑溜，加埋清清地的醬油湯底，是健康又暖肚的選擇。簡單的日式晚餐味道唔錯，尤其那壽司盛盒的味道和鮨店相約，加上交通幾方便，整體感覺不錯，好吃。