鮨心 (已搬遷) 新店位置

今日李老闆帶我黎左呢間我想試好耐既日本野同我食生日lunch😘😘我地就揀岩有85折時段：2點鐘黎幫襯。Menu有「海：From the sea」同「地：From the land」2種選擇，而我地2個都揀左海！本身想試下呢度既omakase，因為都只係$298，不過原來最後食用時間係點半，所以我就揀左壽司定食🍣主菜之前有日本菜傳統既漬物同麵豉湯，有d意外既係仲有茶碗蒸！呢個蒸蛋上面有一層薄薄既蟹肉羹，而且蒸蛋入面既材料極為豐富，仲有濃郁既鰹魚湯味，超讚👍🏻👍🏻主菜既魚生都幾厚切，飯既比例相對較少，最欣賞係甜蝦同帆立貝，好鮮甜👍🏻👍🏻不過整體感覺未係去到好驚為天人，質素可以只可認為係中上。李老闆就叫左我既最愛：海膽丼🤤🤤真係成板海膽放上去，唔係得幾片，上面仲放左少少魚子醬添，影相呃like一流呀！不過呢個海膽未去到好鮮甜，同日本個d差幾丈遠！可一試，但不宜再試😅估唔到最後仲有雪糕做甜品，不過都係d普通野🤷🏻‍♀️最後真係要講一講店員既服務態度，你同佢講野，佢地係完全唔會俾response你，只係會按你指示做，好似機械人咁，而且完全無笑容，所以應該唔會有第二次。

朋友岩岩失戀,約左佢出黎食飯,又要坐得耐,又要靜靜地,重點要好味,仲要近我地屋企,地點超正,係地鐵口隔離,地方唔算大,但好舒適基本菜式都齊美味手卷,size 偏小,但就超新鮮\~~牛津果軟殼蟹卷牛油果比軟少,軟殼蟹比較多~~剌身沙律,好多剌身,好鮮甜,勁抵食!!!鰻魚蛋包飯,勁好味~~~~蛋又香又滑,蛋汁好鮮甜,汁又多鰻魚好香好軟熟,口感一流基本上我個friend 都無胃口,我一個人全部掃晒,超好味!!!

今日同個朋友去左試一間旺角區既日本野，價錢方面係有少少貴既，但覺得海膽同帶子刺身都不錯，係好食既，今日仲叫左生蠔食，好重海水味，我同朋友都覺得值得推介。不過壽司方面就冇咩特別，正常囉。另外一個值得推介嘅係帶子沙律卷物，味道不錯，口感亦不錯，所以都值得推介。環境方面:可能係早食既關係啦，同有訂坐所以職員比嘅位置都係幾好，一入到去就見到職員熱烈嘅款待，有啲吾係幾好意思咁，都幾尷尬😅店舖都算坐得舒適，地方都夠大，同埋一啲都唔嘈，同朋友傾計聚會一流

今晚想食日本野，喺旺角街頭行嚟行去之後，決定去呢間之前有friend講過幾好味嘅鮨心。佢係樓上鋪，環境都幾骨子！食日本野梗係要食壽司啦，睇吓師傅嘅真功夫！上壽司盛合 $258，一客八件，質素都唔錯有呑拿魚、鯛魚、油甘魚、三文魚、池魚、甜蝦、右口魚裙邊同埋三文魚籽。右口魚裙邊壽司火炙過，魚油好甘香，面頭的醬汁幾香！我覺得三文魚籽最好味，甜甜地，粒粒三文魚籽都好新鮮飽滿羊媽媽話吞拿魚都好食，冇乜油脂但魚味濃。明太子雞翼好好食，炸得香脆，明太子咸香十足仲點左香葱呑拿魚腩蓉多士呢兩件多士好足料，好多呑拿魚腩蓉，幾啖啖先食得晒$68有兩大件，幾扺食厚燒玉子係我地必點嘅食物！$48有4大件，咸咸地同埋有點柚子味，幾特別黑松露牛油果沙律係我哋覺得今晚最好味的，黑松露和牛油果都唔算少，沙律個汁酸酸地好開胃，超健康！沙律菜好新鮮的埋單每位差唔多$300，以呢個質素嘅日本菜黎講性格比都幾高

今日放工同同事去左行旺角新場TOP,行完之後由同事帶路去對面食日本菜,我真係估唔到會有間咁靚既日本菜係對面街入口有點隠弊,因為係細街,唔係大街上到去另一個世界,完全唔似係旺角呢個裝飾都好重本仲有個小小的osyter bar 左口魚裙邊真係入口即溶,好香口,香味留係口中隻碟好靚,洋蔥炒豚肉,豚肉比較少,得幾片,但好好味洋蔥爆得好香,又多汁,鹽燒白鰻,燒得好靚精華係2邊既鹽上面一碟係柚子,一碟係抺茶我本人比較覺得柚子突出白鰻既鮮味多春魚用炸的,第一次見我都係鐘意烤多D,不過都幾大條,又多籽,都算唔錯

由於舊同事OT嘅關係，所以就就下佢，去番舊公司附近搵食，之前有食過呢到嘅午餐都唔錯，就決定黎試下佢地嘅晚餐喇先黎係小食厚燒玉子，玉子微微彈身，見到幾水嫩，食落有蛋香，仲有淡淡高湯嘅味，不過不失啦主菜就叫咗上壽司盛合，總共有六件壽司，分別有赤身、鯖魚、三文魚、甜蝦、帶子同燒左口魚壽司。鯖魚唔係平時食開已經煮熟咗嘅魚片，而係生嘅，所以上面配咗一小撮薑蓉同蔥去辟腥，食落唔錯。而燒左口魚上面有辣蘿蔔蓉，燒香之後，啲魚油更加惹味，入口嫩滑即溶咁，正啊～跟住黎嘅係彩虹卷，顏色係比較鮮豔、開胃，其實係梅花間竹咁用三文魚、牛油果同甜蝦卷住壽司卷，中間仲有蟹柳同爽脆嘅青瓜絲，口感好豐富另一款卷係鰻魚卷，少少厚身嘅燒鰻魚放係壽司卷上面，再用紫菜絲固定，厚厚鰻魚有啲彈口，配埋甜甜嘅燒鰻魚汁，真係令人胃口大開啊最後仲叫咗個小食免治雞肉串，除咗免治雞肉之外，其實仲加入咗雞軟骨碎添，所以軟嫩得黎，又不停咬到爽脆嘅軟骨碎，口感勁好，食時要點蛋黃加甜醬油，可惜呢到係俾細隻嘅鵪鶉蛋，而唔係雞蛋，好快就點完

之前已來過一次，味道不錯。但比起上次來，今次menu cut左好多野食。呢餐飯最好食係tendon，每件炸物都沾有天婦羅碎粒，而且淋上汁後凍左都keep到脆，冇油益味，我冇expect唔係主打天婦羅既店都有呢個水準。不過其他食物（牛舌、牛肉烏冬，蔥拖羅卷）就十分普通。到晚餐既尾聲，我單點了一件拖羅壽司。嗯...唔叫好過叫😷😷😷😷 咁薄又挺身又唔包飯的拖羅，我對上一次食已經是在一般連鎖店（千X）了。但base on呢件壽司，我一定唔會係度食omakase⋯⋯嗯，就這樣。

早前與愛食日本嘢的友人去了旺角的鮨心食飯. 我地點了鹽燒牛舌, 牛油果軟殼蟹卷物, 鰻魚蛋包飯和牛肉稻庭烏冬. 鹽燒牛舌. 得我鍾意食牛舌, 所以點了一串試下. 唔算好厚身, 但勝在幾彈牙. 牛油果軟殼蟹卷物. 清新的牛油果與香脆的軟殼蟹好夾, 可以起中和作用, 食完無太大油膩感覺. 鰻魚蛋包飯. 賣相相當吸引. 鰻魚幾大條, 又夠肥美. 質感唔會太乾和硬身. 唯獨個蛋稍為老咗少少, 唔夠滑身. 牛肉稻庭烏冬. 牛肉幾嫩滑. 而烏冬口感不俗, 軟硬度適中. 個湯幾清甜, 飲多幾啖也不覺得口渴.

最近成日同老婆，經網站訂枱食飯，貪有5折。尋晚又訂枱，黎呢間喺旺角頗高級嘅日本料理食飯。一進場，由經理帶埋位，兩個人坐嘅位逼到大排檔咁，唔緊要喇，我同老婆都係啲老粗，去慣大排擋。食物頗多選擇，賣相亦唔錯，但食材真係好一般，叫左碟7式刺身，七款各兩件，啱啱好。但食材真係普通，三文魚吞拿都係cheap嘢，花觸都冇，只係牡丹。金目鯛有渣，唉！壽司🍣叫左海膽同拖羅生蠔，一放上枱好有睇頭，但海膽味道好淡，唔得鮮甜。拖羅有渣。生蠔好cream，味道唔多像廣島蠔。天婦羅正常，粉槳算薄，過得去。鰻魚蛋包飯整得幾好味，鰻魚應該係大佬貨色，淋淋地，入口即散。最後要提到服務，真真衰要多多改善，經理態無禮，衰過去大排檔，可能有啲大排擋會仲好。如果用正價去食呢餐，我會揼到爆裂，5折食左720，算係咁。

去到旺角想品嚐有質素嘅日式料理，呢個餐廳位於商業大廈之中，間格寬敞，又有玻璃幕牆睇到街景，係度食飯特別寫意!首先有吞拿魚蓉手卷，內裡吞拿魚蓉豐富，切得細細，再加上微量香蔥混入其中，係令人相當滿意嘅食品。接著嘅壽司盛: 三文魚、帶子、魚籽軍艦、油甘魚、深池魚等壽司款式，見到都極為吸引。厚切嘅帶子，中間透亮，食落有咬口，鮮味濃郁非常! 魚籽軍艦有接受滿瀉嘅魚籽，賣相相當吸引，而每粒放入口卜卜脆，帶有微微咸味，口感豐富而油甘魚、深池魚都經過火炙處理，唔單止外表金黃吸引，聞落仲有吸引嘅燒海鮮味，想食多幾件絕對唔過份。最後仲有一客鹽燒白鱔，火侯控制得非常好，燒得金黃而又唔會老火。白鱔魚質嫩滑白晰，陣陣香味下，再加上少量鹽花調味，值得推介。

喺旺角等朋友收工，但係點知朋友OT到不知時候，間餐廳原本係約黎同朋友敘舊，擔心已經過晒訂枱時間，好彩打去餐廳佢都仲肯安排張枱比我地，加分間餐廳係朋友介紹我嚟嘅，地方裝修算好有格調，食物方面我哋首先叫咗個刺身沙律，刺身份量好多，亦都好新鮮玉子係朋友其中一樣最喜愛嘅食物，呢度嘅玉子層次分明而且好鬆軟，蛋味好香濃，做得好出色壽司方面我哋分別叫咗幾款，魚生感覺都係好新鮮，卷物亦都好有特色特別想讚一讚呢度嘅釀雞翼，外皮做得好香口，而且中間嘅餡料好香，配埋檸檬汁感覺好惹味

今次係第二次來食第一次係大約一年前食距既omakase,但驚喜就不是很大。今次會再來是因為和客戶食飯，印象這裏環境ok清靜，即使730pm 這個peak dinner hour 也可以book到檯。而且地點非常方便，旺角A1 出口一出便到。我們一行6人，散叫食物有刺身，也有熟食再叫了兩支鈴鹿川sake， 還有一支忘記了。可能有酒相伴，整個晚餐十分盡興😂最大驚喜的是海膽壽司一點腥味也沒有，飯團上面是滿滿的海膽😍我們每人吃了兩件。

要不是朋友帶路，相信也不會找到這裡來 餐廳環境不錯，置身小小屋台里 這晚與友好邊品嚐食物，邊開懷暢談，感覺良好牛油果軟殼蟹卷軟殼蟹來得香脆，牛油果平衡了油膩上面魚籽增加了不少口感滑蛋鰻魚飯鰻魚肥美且厚身鰻魚汁濃度跟鹹甜適中，令飯底更為濕潤手卷即叫即製，紫菜脆口吞拿魚蓉配上蔥絲，魚香停留於舌頭上口感滿滿，不錯免治雞肉卷雞軟骨混進雞肉里，質感結實有嚼勁配上生蛋黃同吃，肉質倍感滑膩旺角彌敦道703-705號金鑽璽1樓(快富街入口)

旺角好多美食這日與朋友仔去了間樓上日式餐廳食晏我們點了兩份午餐 ...午餐包了前菜、味噌湯、茶碗蒸和甜品茶碗蒸的配料豐富，蒸蛋富蛋香又夠滑午餐價錢由 HK$128 - HK$298我們點了兩份廚師推介的午市套餐 ... 海膽丼 + 海之天丼儍媽好耐冇食海膽，所以點了份 ... 海膽丼 HK$268一排排海膽鋪滿飯面，看見都滿足 !!!海膽好新鮮，一點都不腥，入口鮮甜帶點甘味連同爽脆的青瓜絲和壽司醋飯一起送入口，既豪邁又美味 ~~朋友仔點了份 ... 海之天丼 HK$168時令天婦羅飯配店家自家調配醬汁炸漿薄脆又不太油膩天婦羅有大蝦、白身魚、香菇、南瓜、茄子 ...朋友仔最鍾意醬汁分開上，可以根據自己口味添加醬汁 甜品是我們都愛吃的 ... 抺茶雪糕 ~~ ** 以上分享是以我的喜好、口味和情況作出分享及感受，一試 / 合用與否請自行決定

一直覺得旺角好似無乜高質日本野食，呢間朋友食完之後大讚，所以佢就介紹左比我，咁我都抱住期待既心情去食！餐廳環境好有日本style 好似漁船咁!首先我地叫左份明太子燒雞翼，雞翼釀左滿滿既明太子，燒到外皮金黃香脆，咬落口 明太子充斥在口中，非常惹味！三文魚壽司, 感受到一股肥美既魚香, 甜蝦壽司好新鮮, 人手做的壽司，口感特別鬆軟，跟機器打造的分別很大，飯不易散我仲叫左一份燒牛舌，一份有兩串，牛舌厚薄適中，所以好有咬口，又有點q彈既口感，加點黑椒已經好夠味 正！牛油果軟殼蟹卷，牛油果既軟滑包住香脆軟殼蟹，好夾，上面放左超多既魚籽，增加左卷既口感，飯粒唔會過多，正！