鮨心 (已搬遷) 新店位置

附近行街攰了想食野，記得之前有朋友介紹呢間幾好食，所以想試吓。格調都幾高級，大大張壽司枱及酒吧，裝修有好特別吓，用滕繩圍住間房包括天花，我哋坐喺大廳，幾似係魚船裏面嘅感覺。我哋兩個人食咗五款，煎煮炸都試齊。海膽牛牛係幾特別的配搭，未食過，因為有橙色海膽反白米飯團的效果，幾靚吓，卷物裏面主要是半山熟牛肉，仲有少少脆的東西增加左對比。香蔥吞拿魚腩蓉多士 ，之前食過類似嘅，豪吃香蔥吞拿魚腩蓉其一方法就係配多士，又係好有對比嘅口感。天婦羅之中炸蝦天婦羅最好食，呢度有點三隻的，$88唔貴，唔漿口，蝦新鮮。鹽燒吞拿魚下顎即點即燒，要等25分鐘，我哋唔趕時間，值得等，燒到啲骨脆到可以食，肉裏面都有炭燒烤香，唔使講，嫩滑得很。鰻魚蛋包飯我建議必點，滑蛋好滑，鰻魚味道濃郁，食埋個飯就飽飽。

旺角愈開愈多日本餐廳，裝修見得人之餘食物質素亦不錯。今晚就去新發現的「鮨心」一試，其地址十分方便，就正正是A出口旁邊的金鑽璽商業大廈1-2樓。餐牌簡潔易明。燒物：《免治雞肉串 $32》鵪鶉蛋並沒有分開上，反而閃跟免治雞肉串同放在黃色的碟上，有撞色效果。免治雞肉串味道帶甜拌有雞軟骨碎很有口感，蘸上鵪鶉蛋漿更添滑口。《鹽燒牛舌 $38》細片薄身，有點失色，但幸好調味不錯，黑椒和海監提味，肉質亦爽。揚物：《明太子雞翼 $32》漲卜卜的雞翼中有泡菜混明太子，微辣可口，雞肉嫩滑。和食料理：《豚肉生薑燒 $72》洋蔥切成條，吸了帶甜的細汁很惹味，豚肉薄身不韌。壽司：《右口魚裙邊 $58》跟佐口魚其實差不多味道，火炙過後油脂香重，加上和風醬汁、蘿蔔蓉及紫蘇葉的提味，有減膩感之用。手卷：《軟殼蟹手卷 $68》紫菜變軟前要都要快吃，軟殼蟹香脆，加上有三文魚籽更多層口感。食事：《鰻魚蛋包飯 $132》熱烘烘的相當吸引。鰻魚很大片厚身，用鰻魚汁燒得入味香濃，而蛋又7成熟仍有蛋漿，拌勻吃的話實在惹味。《牛肉稻庭烏冬 $88》份量不多。稻庭烏冬幼身滑溜，牛肉就有點韌。

話說朋友前排同個同事去完旺角攪左完d工事屋企咁岩話今晚冇飯食 見到又係Happy Friday緊係係旺角食埋先返喇 朋友熟呢頭帶左我去今晚呢間日本野度食價格中位 以食物 服務質素取勝上壽司每一件既肉質非常新鮮 毫無冷藏味道份量上面每件刺身都大件得要命感覺上重質又重量海蝦天婦羅卷新鮮即炸 睇得又食得 每人3件 唔洗爭雖然係天婦羅 但係配合返青瓜絲調和返感覺剛好陶版燒金菇牛肉卷係相對下今晚口味最濃郁既一道醬汁調我頗為出街 唔係一味咸字如果配合埋一碗白飯 其實係一個好好既選擇牛肉稻庭烏冬大大塊肥牛係烏東上面肉肉頗為嫩口 中意食稻庭烏冬既口感又嫩口 又彈牙 份量捉 非常暖胃飽肚呀埋單每人大約300 正如開頭所講 絕對係質素取勝嫁

星期日一早起左身，諗下食咩好，又想食日本野，又想食西餐諗諗下俾我醒起on list既哩間餐廳，即刻gogogo啦，去到餐廳1205hrs🤪🤪🤪已經full左一半人嚕，我仲以為自去己好早黎到添一開始嗰侍應俾左嗰menu我地，我望左好耐都無lunch menu 既，以為星期日無左set食，不過都口多多問下侍應有無lunch menu，點知願來有架喎，點解唔一早俾我喎望到嗰lunch menu都好多野食，即刻開心哂我同朋友分別嗌左嗰魚生定食同埋燒銀雪魚定食，定食跟埋前菜，蒸蛋同埋雪糕，好豐富呀再嗌左嗰厚身蛋卷等左陣我嗰魚生set到左啦，厚切既魚生好吸精，果然一分價錢一分貨三文魚，赤身，帶子，甜蝦，仲有兩款魚生既，各兩片，配埋白飯魚生係好新鮮既，我見哩度都好人嗌壽司🍣而且賣相出色，下次要嗌先然後嗰蛋卷我覺得好特別，因為係講唔到既蛋味，唔知加左啲咩係入面，不過係好食既，又夠厚身！然後朋友嗰銀雪魚都到左，好香牛油煎香左既魚味，好送飯！不得了！食到最後嗰蒸蛋先到，我諗今日實在太多人黎食晏啦，做唔切了

又到晚飯時間諗食乜都頭痕，最近成日食日本野，但食極也不厭。是日選擇地點旺角區某商廈，同老公膽粗粗無訂位之下直接上去，可能時間還早所以還安排到兩位比我地，上到去已經見到大大個心字，裝修採用暖色系列同清酒樽做裝飾，而且樓底高用上大麻繩做間隔開放式廚房！餐具亦好可愛刺身沙律 $168賣相靚，刺身好新鮮一點也不馬虎，配上爽口沙律菜同開胃微酸鹹鹹地醬汁，還加上炸脆左的薯絲，香香脆脆令口感都多了層似，甜虾，三文魚，吞拿魚，立魚同三文魚籽不等刺身！牛油果軟殼蟹卷 $118呢間嘅手卷都好食，材料足，軟殼蟹還嫩粒粒脆口，牛油果青瓜蟹籽好豐富。牛肉稻庭烏冬 $128牛肉滿滿嫩粉紅色，食落軟滑淋身，口湯清澈但好夠味，烏冬質地彈牙較幼同偏身。鹽燒青魚 $88皮脆魚肉質地較結實，但肉身味甘帶油香，加少許檸檬汁調下味配蘿蔔蓉醬汁，好好味便可提鮮一點腥味也沒有。鹽燒雞亦 $48金黃香脆雞皮，咬落還有好多汁，調味剛好又惹味。如果送酒最啱，可惜是日揸車，留待下次吧！

約左中同食飯～今次來到這間居酒屋。餐廳環境舒適，是把酒談天好地方。一入餐廳，就會見到當天新鮮空運的海鮮～刺身沙律$168沙律菜極為新鮮爽甜，配上醋汁更加開胃。帶子厚肉鮮甜；甜蝦沒有鯹味、充滿膠質；三文肉及池魚鮮味十足。兩個人食份量岩岩好。厚燒玉子$38玉子層次豐富，入口鮮甜，配上柚子碎，清新不覺膩。香蔥碎金槍腩卷$98這個大大推介，賣相很震撼！金槍腩蓉綿軟鮮甜，配上香蔥，味道更香。三文魚籽壽司$42紫菜與三文魚籽大大的刺激味蕾，壽司醋飯恰好地中和了鹹香。赤貝壽司$52赤貝爽甜，如果大件一點更好😝😝帶子壽司$52帶子實在太好吃了，忍不住多點了一件壽司！大滿足呢！酒煮大蛤$88蜆肉鮮甜沒有沙粒，湯底清甜，散發淡淡清酒幽香。整體而言餐廳食材新鮮，環境雅緻！很適合聚舊或情侶到來撐枱腳呢！

約咗舊同事放工聚舊，為方便大家返屋企，決定喺旺角食。同事提議試下e間樓上日本餐廳。地點超方便，一出旺角地鐵站就到。餐廳喺1/F，店內環境佈置同餐具都好和式，勁有日本feel。因為訂咗位，唔駛等，我地被安排坐bar枱位。兩個女仔叫咗4樣嘢：厚燒玉子、鹽燒牛舌、鹽燒雞翼、雜錦天婦羅稻庭烏冬。樣樣都賣相精緻，味道唔錯，有水準，但因為份量比較細，唔係好夠飽，於是再叫埋味淋雞泡魚乾+陶板燒金菇牛肉卷。同事話雞泡魚乾係佢最愛，連家中2歲👶都鍾意，食親日本菜一定會叫，我就未食過，既然咁推介，好啦，我即管試下，又真係口感一流，yum yum😋 。個牛肉卷好juicy，醬汁幾正。總括嚟講，食物質素同味道唔錯，價格就偏貴咗d，招呼就可以殷勤多一啲囉，不竟係高級餐廳嘛。唔食魚生嘅我，發現日本菜都有好多熟嘅美食，以後聚會又多個選擇啦。

Tonight I went to have Japanese food with my friend. This restaurant was nicely renovated. We were so hungry so we ordered some nice and easy food. The egg omelette came first, it was nicely plated. The egg was sweet and soft. It was eggy. We got the premium sushi platter which included six different types of sushi; scallop, fish roes, tuna, salmon, shrimp and snapper. The fish was fresh and sweet. The shrimp was crunchy; the tuna and salmon were soft and easy to chew. The scallop was fresh and

我的第一餐生日飯, 第一次用openrice訂位, 所以不清楚, 也沒有想到原來openrice訂位不是用自己的姓氏, 而是openrice的用戶名留位。進到去時，店員說沒有訂位。長話短說, 服務不太好, 不懂怎樣和客人溝通, 不過, 最後也安排了位置給我們, 並找到我的訂座紀錄。個人推薦呢度既西京燒銀鱈魚同鰈魚邊壽司👍。燒銀鱈魚肉質好嫩滑, 充滿油脂香。但呢度既鹽燒牛舌同鉄火卷就可以唔洗試喇🙅‍♀️。燒牛舌串燒比較乾身, 唔爽口, 咬落仲有啲韌。鉄火卷入面既吞拿魚粒腥腥地, 唔太新鮮。

平時唔多喺旺角食日本野，多數食中式野多，睇完食評覺得好吸引就黎左試。厚燒玉子 $38哩個價錢好抵食，平過美食展果d😂 有4舊好厚好多層既玉子，熱辣辣食有種幸福既感覺，好味！刺身沙律 $168哩碟沙律係二人份，有4款刺身嫁，食到刺身鮮甜肥美，沙律菜沾上柚子醋好開胃，又fresh! 牛肉稻庭烏冬 $128都係中意有d熱野暖肚，見到好大塊既牛肉片，好林，稻庭烏冬滑溜溜，清清地不錯呀！牛油果軟殼蟹卷 $118淨睇個樣都見到包左好多料，好豐富，面頭既蟹籽增添口感，中意食牛油果，軟殼蟹炸得香脆，點少少沙律醬食已經好正。野菜天婦羅 $88炸皮好薄值得一讚，唔會食到好油既感覺，最中意食南瓜同茄子，南瓜係好粉同好甜，正呀！影埋餐牌作參考～我同朋友坐bar枱用餐，見到有大枱，下次多人聚會都可以揀哩度。

約咗朋友去旺角食嘢，朋友話想食日本菜，真係頭都痕好彩旺角都有啲高質素嘅日本菜，環境都幾舒適，餐牌簡單設計感覺高級。揀咗幾樣野過下口癮，始終日本菜唔平，都唔敢叫太多嘢食，用食個放題嘅價錢叫啲高級日本野都OK。香蔥碎金倉魚腩手卷$98呢個手卷嘅外皮紫菜非常香脆，而且金倉魚分量十足，好多珍珠米包圍，香蔥亦都一粒粒非常之碎，令到全部味道都好濃郁好香。海鮮丼$288包含咗好多款海鮮，一個人食都會好豐富，因為佢啲飯嘅份量唔係太多，但係海鮮有好多，無論貴價同埋平價都一樣有，最主要就係啲刺身全部好新鮮，同一款唔會太多，試到好多款口味。最鍾意食嘅就係海膽同埋甜蝦，新鮮度不得了！啲飯都係暖暖地，好match。陶板燒金菇牛肉卷$148貪得意叫個金菇牛肉卷，價錢平，但係個醬汁真係好特別，個味道超級吸引，真係要自己試過先知！同埋個金菇好爽口，完全好容易咬又唔會痴牙，牛肉卷亦都好高質素，好滑脂肪分布均勻。

我前日book左6點，但5:40就去到，直接上左去，間餐廳無鎖門，亦無任何話自己休息緊既牌。入到去同職員講：「book左6點2位。」開放式廚房傳來：「咁早？」係埋怨及不滿既語氣。然後樓面有位著西裝既職員行出黎，「未開門喎！」亦係極不友善既語氣。我唔介意等6點再上黎，但佢地絕對可以講句「唔好意思，我地未開門，你六點再過黎啦」，又或者佢地可以鎖門or掛返個「休息中」既牌，咁我自然會6點先上去。但我聽到既說話，只係令我覺得我做錯事，阻住佢地休息，結果我6點當然無返去食啦，好馨香咩？盞自己一肚氣。

最近很煩惱，朋友相約一起午膳順便閒談一下. 友人帶我來吃日本菜，原來現在的旺角也開了不少高級日本餐廳，實在甚少把高級餐廳與平民的旺角區聯繫起來!! 餐廳入口幾隱蔽，要不是友人帶路應該都會錯過了. 甫進店，感覺幾日系，不過環境不大，幸好平日客人也不多，只有2枱only~ 可能是walk in關係，舒適的卡座就沒我們份了(留給空氣坐的嗎?)， 卻安排坐大長枱的單人食客旁，該食客走後，又安排了另一單人食客坐我們旁邊. 至於想傾下心事的我，也把事情放在心裡好了，否則也把祕密說給陌生人知了. (大長枱還是適合一大班人坐，至於只有2人的話，與陌生人如此接近就有點不太舒適的感覺) 午市套餐定價由 $128- $298，飲品另加$10-$20，再加一，是中環的價錢啊~ 我們只要了一客午餐，另加卷物及串燒一起分享! 前菜是薯仔沙律，冰凍夠軟糯; 蒸蛋& 麵豉湯就由友人一手包辦~ 西京燒銀鱈魚 配白飯 ($208) 魚肉既厚份又嫩滑，且魚油豐富，配上白飯是幾好吃的. 鹽燒牛舌 ($68) 一客2串的牛舌，鹹香惹味，亦很爽口，不錯~ 海蝦天婦羅卷 ($98) 天婦羅卷賣相都幾吸引

地點好方便 就喺旺角地鐵站隔離 同地圖顯示嘅一樣。店內裝修充滿日式風味， 簡約嘅裝修， 配搭充足嘅光線， 令人更加舒服，令人有家嘅感覺。蟹子沙律， 份量十足， 上面嘅蟹子超級多， 好似唔使錢咁，多到有啲誇張。厚燒玉子， 同想像中明顯有出入， 不過味道上還可以， 鹹鹹甜甜，入口味道感覺有趣。油甘魚手握壽司， 做得唔係差， 但係唔算特別好，普通。彩虹卷， 三種唔同材料， 合體製作而成嘅卷物， 最重要上面小小嘅黑魚子， 令到味道更加豐富，口感更加多層次。牛油果軟殼蟹卷， 一客四件， 估唔到份量都幾足， 做到裏面嘅軟殼蟹夠曬脆身，配合埋牛油果嘅軟滑， 口感出眾。粒粒魚生丼， 好大碗， 好多魚生，但係有啲可惜， 有少少腥味。唔好計碗魚生飯，其他嘢做得真係唔錯， 下次嚟我識點叫啦。

旺角新開了潮人商場T.O.P,行完過對面馬路有間日本料理叫鮨心，入到去以淺木色為主 ，有和風格調。先叫了彩虹卷$98，壽司師傅好有心機製作這款彩虹卷，即三文魚，赤蝦同牛油果包的飯團，放得好靚，面還有黑松露，好正。牛肉豆腐$68，薄切牛肉，牛肉味濃，豆腐連埋牛肉湯一齊食，好清甜。厚燒玉子$38，甜甜地，稔身，唔會乾身。鯖魚$88，燒得好香，魚肉結實魚香味重。雜錦天婦羅稻庭烏冬$148，烏冬彈牙，天婦羅夠鬆化，而蝦又大隻又脆卜卜，超正。