鮨心 (已搬遷) 新店位置

餐廳服務有如茶樓飲茶，個經理長時間攞住部電話㩒。之後以為佢地加茶加得咁快，又幾細心，點知加完兩次後就無左影，隻杯長時間無茶，直至到我地自己叫先有人黎加茶。食物，叫左個海膽杯同天婦羅mushroom,海膽唔夠鮮，天婦羅粉太多。仲叫左個大toro,但肉質鬆散...真係有小小失望

日本就試得多，但係香港要搵日有水準既Omakase真係好廢心力。廚師發辦好似係香港比較難興起，因為香港人比較揀擇 ，唔係每樣刺身、壽司都肯食。當然，對個廚冇信心，更加唔會交比佢發辦。今日，同友人又黎一嚐鮮味。碰巧見到有時段優惠85折，更加開心。係旺角呢個鬧市入面，呢間鮨心可以話係別具一格。好喜歡寧靜的店舖，同友人討論一些話題都唔會比人打擾，更不用撕破喉嚨先听到。香港宜家太多流行，酒樓式自助放題，濃味為主的雞煲、火鍋。大家味雷習慣左呢種模式之後，好似忘記了食物本身既味道。所以仍然做得出食物本身鮮味既居酒屋真係好出色，而佢都好有膽量咁做，可以話係逆潮流啊。鮨心佈置用較簡單木板，當中用木藤將枱分隔，比人一種純樸既感覺，簡單既佈置更能突顯食物的出色。與友人各點了愛好既壽司、熟食，然後再點了份廚師發辦，由師傅用當日新鮮食材決定。有一份期待係到。清酒煮蛤，相當美味食到好食既食物會有感動的感覺。蛤肉好飽滿多汁，而且好鮮甜，肉質係結實新鮮（係呢到絕對唔會食到得殼冇肉既蛤，亦都唔會有沙）明太子手羽，同樣係十分出色。加少少檸檬汁令成隻雞翼更加清新。金黃色的雞翼入面放滿明太子，炸至熱辣辣，但同時鎖緊了肉汁，

侍應：差丶無禮貌，一歺飯提三次交枱，其實門口沒有等，走時只得三台，隔離那台都被吹，都見他們突然，既然有冇人有何況俾人可以坐耐啲，而且地方又唔係特別舒適，一樓只得卡位兩台，又話有人book咗，其實都係walk in客，最後又唔係sell 佢上2樓吃佢貴到爆嘅冇得揀私房菜囉＄600一位自己睇值唔值啦！價錢：偏貴，味道一般環境：大家樂可能仲多啲顏色同埋呢種坐得舒服，廁所得壹個男女共用，其實就係殘廁一個總結：沒有下次

臨急臨忙 2月13 號先醒起 要食情人節大餐周圍都book 滿曬 如果唔book 又驚無得食問一問 呢間旺角鮨心 竟然有位所以就快快趣book 左啦佢既定位應該係一間高級日本料理啦但佢既野食就係中高級only間餐廳係一座商業大樓啦 有小小難搵 附近都好似有啲雜不過都唔係咩問題。。最難頂係部𨋢果日好臭好似一陣叔味咁.. 食咩都唔開胃啦.....餐廳設計算幾靚好中意佢個麻繩網～待應服務態度幾好 比個讚佢：D不過食物就唔係話真係咁好啦叫左個燒玉子 味道普通 唔覺有咩特色期待左好耐好想食既海膽天婦羅真係令人極失望囉！！佢竟然包左紫蘇葉。。。完全食唔到海膽既鮮甜味然後啲海膽係中間唔係好出味 又唔夠軟滑 唔知點解食落有小小面粉狀既硬唔識形容呀但同我係日本食既太唔同啦 好失望刺身都唔錯！同埋佢賣相好靚所以都叫幾好～軟殻蟹卷。。做乜事呀 咁鹹既？ 點解會咁鹹。。呢個咁簡單可以master 到既軟殻蟹卷比佢搞成咁好無奈lol 我都唔知講咩好不過牛舌就值得一讚～兩個字： 好食  完

話說，我尋晚同男朋友搵緊喺旺角邊到食晚飯，咁喺openrice搵到依間鮨心，又見到網上訂坐有九折，咁就㩒掣訂位。叫左個厚燒玉子、三文魚壽司、赤貝壽司、蟹子沙律油甘魚刺身 同埋鹽燒牛舌。啲壽司幾好，魚生新鮮但個油甘魚刺身無乜味，玉子就好普通，牛舌有啲太硬。之後坐多陣就埋單啦，出事喇！咁我問係米有九折，佢一頭霧水望住我，咁我比openrice 個screen cap佢睇，搞左一陣佢話佢地無做折咁算啦都廢事嘈，連埋加一兩個人四百幾蚊。究竟邊個啱邊個錯無從稽考，不過你問我會唔會再去，就未必囉。

今次黎到呢一間旺角日本料理餐廳，呢間餐廳分上下兩層，上層做廚師發辦Omakase　下層做一般日式料理～身為精明既消費者，當然試下一般日式料理先，如果味道不錯再試價錢較高既Omakase。呢間餐廳比較值得推介係天婦羅、柚香玉子燒同燒物。天婦羅香脆而且少油，見到上枱到食完成份天婦羅，紙上既油都唔算多，合格～而玉子燒有淡淡既柚子蜜香味，都幾清新～仲有冇影到相既燒鯖魚外皮燒得香脆，都值得一試！不過壽司就相對失色，鰻魚卷鰻魚只係常溫，飯亦都有少少凍冰冰！仲有三文魚＋吞拿魚壽司，刺身及飯都係較一般壽司店冰凍～雖然刺身壽司都係生冷野，但飯既溫度真係好似岩岩由雪櫃拎出黎既雪條咁凍。個人唔係咁接受到．．．

I am quite disappointed on their staff’s attitude, it makes almost $500 per person meal not worth at all. Maybe they are too proud on the food they provided. Please pay more attention on the service, don’t act like a fast food restaurant. It won’t have next time for me.

料系幾好既 但係希望菜單寫明壽司拼盤 寫明有d咩壽司 200蚊種食三文魚 好似有d cheap咯 出菜慢 價格比較貴 起碼800蚊先食飽一個人 個人見解 有錢既隨便去啦 可能比較窮啦無咩驚喜

這日本食店環境是不錯的，枱和枱之間也不會太過緊密，可能是星期天的關係，所以來吃午飯的不算太多人，而且還有lunch set供應。但餐牌內的選擇實在不算太多，而且有些價錢也頗高。我們三五知己，選了4個lunch set~鰻魚飯，天婦羅，燒銀雪魚，壽司定食，再加點了豆腐沙律及海鮮茶壺湯。 食物味道不算差，豆腐沙律也頗特色，炸豆腐配搭炸好的粉絲, 並非一般的用麻醬，不錯 但那茶壺湯也較差，和lunch set附送的味噌湯一樣味道，只是多了一，二隻蝦，不值得試。 鰻魚飯真的不錯，味佳肉嫩；銀雪魚也不錯，很滑有鮮味；壽司擺放精美，魚生也算新鮮；天婦羅炸得恰到好處，唯一敗筆是將醬汁淋上，遲了吃會淋晒。最不好處是每食完就匆匆收碟，未叫埋單就叫我們埋單，坐耐些也不可以咁。🙄

係OpenRice 訂位有9折，所以食個lunch set🤪我選擇左好多人推薦的鰻魚飯，同埋玉子，味道不錯午餐包括前菜同湯，最後仲有個雪糕只是服務態度有待加強🤦🏻‍♀️

It was ... we order sashimi set and the sashimi looked and tasted a few days old. Quite disappointed. But the overall service was good. The sashimi set included salmon, yellow tail , sweet shrimp, tuna and scallop. Only the scallop was slightly fresher than the rest.... and the bill came to $500 for 2. The amount of sashimi wasn’t worth its price. Had a lot better for similar price.

小妹最喜愛食日本菜，今次好友同我慶祝生日，揀左食呢間鮨心，主打omakase，不過由於我地都唔係好肚餓，所以決定散叫。餐廳位於旺角鬧市中，餐廳唔多人，靜靜地適合傾計。一人叫左一隻生蠔，廚師👨‍🍳本身已經落左d汁落生蠔度，帶出生蠔既鮮味，好吃。海膽剌身海膽鮮甜美味，超正，用匙巾一啖放落口中慢慢溶化如果佢可以比多d紫菜就更好啦剌身鮮甜軟滑，魚夠油香。呢個飯卷超大個，一口咬只可以食到3分1，非常足料，最估唔到連個卷入面d生菜都仲係脆卜卜玉子小妹唔係會經常叫，因為好多餐廳都整得好一般，不過今次呢個係友人推薦，果然不錯雞泡魚乾超好吃，送酒一流！估唔到友人竟然未見過呢個甜品，覺得好新奇甜品帶點甜，帶點冰涼，好吃。

見到咁多好評，去完超！級！失！望！無論卷物，手卷，壽司，沙律都無樣好味！唔難食既～但一d都唔特別，無論味道，新鮮程度都極普通。但價錢較貴。睇睇相先～有蛋味，無燒玉子味幾十蚊一件甜蝦，好細條，唔鮮甜。（張相已經盡量取角度影到大條d)6件，最抵食卷物。可惜蝦同三文魚都唔甜，無咩味。牛肉他他愈食愈灰d waitress係咁催我地快d食，咪之紫菜唔脆，影完相即刻食，都唔脆正常。$22一件三文魚，$58一件帶子。一田外賣好食過佢終於有碟好食既！唔腥好夠味食完我忍唔住問個朋友「間野有咩特別」答案「無」完全普通之極，但價錢一d都唔普通！埋單$1xxx呢個價我事但一間連鎖店都食到好飽唔好講價錢佢既味道都比唔上d連鎖店好失望

已經是第二次光臨，本想食完第一次之後感到有點失望沒有打算再來，但實在附近再沒有甚麼好地方，所以再挑戰一次。今天點了葱粒吞拿魚腩蓉飯，我還以為自己點了兒童餐，以我食量少的人來說份量剛好，食量大的話就要自行考慮了.......前菜是牛舌，醬油浸煮，味道頗入不過口感一般這一個飯是主食，蔥絲沒有碎切混入吞拿魚腩蓉之中，所以入口各有各的味道，不過值得一提的是呑拿魚暔蓉比第一次去時鮮味了，之前一次淡而無味，完全不知道是在吃呑拿魚腩，缺乏油香。飯不多，從相片中可以大致看出來，所以如果真的想滿腹，或者可以考慮其他定食總括午餐來説，如果突然在這一區想找一家日本料理好一點，這裡這個價錢仍然可以接受

肥豬王請外星人吃大餐好開心好開心，豬點左個sakura外星人怕飽飽食吾哂，所以點左kaedeSakura $1200:前菜，七款刺身，料理1份，七貫壽司，湯，甜品kaede $1000:前菜，五款刺身，料理2份，五貫壽司，湯，甜品首先，先點了一杯橙汁可是沒有影相，橙汁因為是鮮搾的，好酸酸第一口飲到樣都變了等了很久，終於上前菜其實staff有好細心甘介紹前菜有咩但由於我是帶了金魚腦袋所以不記得佢講什麼了這個前菜有合桃、粟子蝦、炸fish、柚子豆腐、吾記得另外2舊係咩豬同外星人前菜一樣的然後到刺身寶寶，有紫菜包拖羅、左口魚及灸燒左口魚邊、中間是沙甸魚、牡丹蝦、元貝豬的那份有多了深海魚和鮑魚仔(不好意思相片上傳有問題)因為豬會把好吃留比外星人甘佢就比左2舊鮑魚比我吃佢話d醬係動物餅，我就覺得似紫菜鮑魚好淋，同個醬都好夾沙甸魚是最好味的牡丹蝦上有櫻花蝦紫菜包拖羅好有罪惡感，拖羅完全冇根staff叫我地快d食，吾係就會淋左口魚冇特別外星人料理1素鮑，素係指入面有瓜同菇鮑魚比想像中少，都係得幾粒仔下面有粒桑莓，甜甜地豬料理1：香箱蟹這個料理可以選擇香箱蟹或毛蟹豬問我選那個蟹，我話香箱蟹毛蟹太多地方