鮮壽司刺身專門店 (已結業)

本來唔太留意到呢間日本料理, 因為太細間, 不過對面有間食過既, 所以就過黎呢間試下入到去先發現原來真係超細! 得5張雙人檯同5個bar位!所以一係就先訂位, 一係等位, 一係外賣吧佢有定食, 有午餐, 亦可以散叫我叫左三文魚親子飯三文魚幾新鮮呀, 而且幾大塊, 好味~ 三文魚籽好多粒囉, 好開心~~~ 雖然細細碗, 不過唔錯服務好好, 類似家庭式經營吧...

午餐款色選擇較少，大約得６款定食，炸野多（吉列魚，吉列豬，天婦羅），２款壽司餐，無烏冬，唔太想食凍野同炸野，所以我地１樣叫左照燒雞，等左好耐至黎，味噌湯好夠熱，雞份量都幾多下，配菜有少量中華沙律和海（節），總括味道都唔錯，雞的燒味濃，都可以。之前食過對面果間築地，今日lunch就同同事試呢間，其實２邊價格差唔多，都無加一，但呢間就貴少少，不過間舖頭真係細到不得了，好在人少唔嘈，服務都唔錯，不時卙水，驚喜係臨尾食完會遞紙巾！

放工後都唔知買咩做晚餐, 而且天氣悶熱, 不如食壽司.同區中有幾間都試過, 不如就試下依間新既 舖內裝修都係小形自家壽司店模樣, 比較簡陋, 不過呢d 都唔係主要既, 最重要食物質數好, 什麼都可以底過晒喇, 但係可惜...都是一般。他們的價錢不比人家平, 壽司價錢大概由$10~65, 在同區有好多跟他們一樣, 都食物質數就比他們好, 試想...會不會有競爭力呢? 是日選了壽司...三文魚 ($18) : 一般貨色吞拿魚 ($22) : 一般貨色赤貝 ($18) : 不新鮮, 亦不爽身帶子 ($22) : 人地一隻帶子一件, 佢就一隻分兩件鱆紅: ($18) : 一般貨色不過值一讚係佢地服務態度好慇勤

- 由開張至今已幫親5次- 鋪頭細細,但招呼幾熱誠, 小店的賣點之一- 至於食物,吃過是日定食"壽司"係ok 也吃過都只係90元左右,午市係無加一嘅)都唔錯- 環境雖小而不覺迫.特別對比對面個間,覺得好食d,價位亦唔高; 比起樓上嘅壽司鋪頭都可競爭始終附近無咩選擇而呢間價位,服務,出品都係唔錯,相對可以係平而好添!

在結志街開了這間壽司店，跟斜對面的另一間同類型店舖是短兵相接，是日被同事拉了來試試。坐了在壽司檯，看見一眾刺身，第一次來，未有信心，就要了照燒雞扒定食。前菜是幾片黃色醃蘿蔔及綠色的醃酸菜，鮮艷。還有一小碗醬八爪魚，甜甜的，不太合口味。薄薄的雞扒，煎香切成一塊塊的，灑上芝麻，掃了照燒汁，味道不可說是差，但也不見得好，至少雞扒沒有肉汁，吃起上來也沒有什麼味道的。味噌湯夠熱，但淡淡味的。米飯也是普通。定食份量一般，一般人吃，未必夠飽。看同事的刺身飯那些三文魚及斜切的蟹柳，我想雖然雞扒飯味道不十分好，但也算是沒有選錯。埋單60蚊，有更好的選擇。