鮮芋仙 (V Point )

營業中

休息中

✨熱芋圓紫米粥 $42 ☃️​今日天氣咁凍最啱食熱嘢架啦♨️​芋圓夠煙韌👍紫米有咬口👍甜度適中👍​如果碗粥可以再結身啲就perfect啦😻​食完好溫暖🔥​​味道👅👅👅👅​抵食🤑🤑🤑🤑​環璄⭐️⭐️⭐️⭐️​服務👍🏻👍🏻👍🏻👍🏻​番兜🍉🍉🍉🍉​(最高分x5）​

鮮芋仙📍銅鑼灣登龍街18號V Point 地下1號舖次次行過勁多人排隊😂每次都好想食之前試過尖沙咀分店排左成個半鐘…今次來銅鑼灣行街，一去到要拎飛，行左陣時代廣場再去等大約十零張枱左右👌🏻叫左一款甜品毒食❤️芋薯圓Q麻糬牛奶冰 ⭐️⭐️⭐️⭐️⭐️/5 $52頂層係雲呢拿雪糕🍨配上足量牛奶冰沙鋪滿個底，加上黑糖醬❤️仲有勁多配料😋款款都好好味～煙煙韌韌黑白麻薯芋薯圓小芋圓冬瓜凍

🥄台式甜品🥄推介指數 ❤️❤️❤️❤️🤍平日晚飯後總是大排長龍位於登龍街的台式甜品，早前終於一嚐台式小店甜品堂食，擇時辰的重要性😏🍮布丁拼盤 HKD38✨一次過滿足3個願望，煙韌白玉湯圓配上黑糖粉加添甜度；焦糖布丁唔會太甜；珍珠Q彈～🧊招牌豆漿豆花 HKD48✨雙重豆味的豆漿底及豆腐花，內有煙韌芋圓和軟綿芋頭，整體唔太甜。總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍...🔖鮮芋仙🪑銅鑼灣登龍街18號V Point 地下1號舖

有時行街行到攰，搵間餐廳坐下食嘢傾吓計休息吓都要。咁岩經過鮮芋仙見冇咩人排隊，就一於試吓佢啦！.平時行過鮮芋仙都好多人排隊。雖然而家開咗好多分店，但聽講銅鑼灣呢間係最好食㗎。.📌布丁Q麻糬牛奶冰 $58叫咗個招牌布丁牛奶冰，大大份咁上枱，分量十足，而且砌得都好靚㗎。牛奶冰食落真係好香煉奶味，加埋好多嘅配料，大大球雪糕係雲呢拿味，都係普通貨色，但係夾埋啲牛奶冰室就出奇地好味。麻薯煙煙韌韌，而布丁有兩款，一款係雞蛋布丁，另一款就係杏仁布丁。雞蛋布丁有台灣統一布丁味，都幾好食。如果你好鍾意杏仁味，杏仁布丁就啱你啦，杏仁味超濃，咁啱我同朋友都唔鍾意杏仁味，結果食咗兩啖大家都放棄。成個牛奶冰都好好食，無論配料定係個冰本身都好食，而且配料口感唔同，咬落每一啖都好唔同感覺，食完係滿足㗎。.⭐必食推介: 布丁Q麻糬牛奶冰🐓⭐評分: 6.5/10.✨ 鮮芋仙  ✨📍 銅鑼灣登龍街18號V Point 地下1號舖⏰ 1200-2300🏷 @鮮芋仙#kmcmfood #kmcmhk

鮮芋仙應該冇乜人冇聽過？🤔想食好耐但係次次去親都排曬長龍，今次早左去到，見唔算好多人，就排下佢，好彩都唔係排左好耐。食完之後真係一試愛上🥰好好食，同埋好抵食。大大份可以同朋友share都係五十幾蚊一份。唔怪之得長期都咁多人排隊啦。1️⃣布丁Q麻糬牛奶冰（$58）好大份，真係成座山咁，呢個價錢可以有咁大份真係好抵食。完全夠兩至三個人share😯配料有麻糬、冬瓜凍、小芋圓、布丁同埋面頭有一球雲呢拿雪糕。麻糬有兩款，一白一黑，黑既係黑糖味既，我個人就鍾意普通既白色果款多啲。另外小芋圓煙煙韌韌口感十足🥰而布丁本身應該係有焦糖布丁同埋杏仁布丁兩款，但係果日焦糖布丁賣曬，得番杏仁布丁，所以就兩個都係杏仁布丁🍮杏仁布丁味道係有啲似杏仁茶既淡既版本，都唔錯，幾動L同埋滑🤤  牛奶冰好多，牛奶味好香😍不過食到底部既冰就冇乜牛奶味la，好似食緊冇味既冰咁，不過呢個時候撈埋雪糕同其他配料一齊食，都絕對唔會覺得單調😋  2️⃣招牌仙草冰沙（$45）呢個比我想像中驚喜，作為本身唔鍾意食仙草既人，我都覺得呢個唔錯bor😙仙草既甘苦味唔會太強，食落好滑，配埋花奶更加好味。仙草沙冰係黑糖味既，唔會太甜，同仙草既味道好夾😌另外

聖誕節快樂🎅🏻🎄Merry Christmas屋企附近終於有甜品鋪喇！🥳等左好耐既鮮芋仙終於開幕今日即刻去買黎做飯後甜品😍岩岩新開鋪店員都唔係好熟啲流程，人又多外賣都足足等左8個字，再去問先知原來漏左單🥲都係等多排冇咁多人先再去食😛🍧招牌仙草冰沙（$45）有仙草凍、芋圓、仙草冰沙，同埋會有一杯奶油😋天氣凍食完真係會凍到震🤣芋圓好煙韌，成碗野都唔太甜👍仙草冰都好有仙草味，3樣夾埋一齊食一流😉/😋食物質素：7/10💰性價比：7/10👣回頭率：7/10

Normally I’m too lazy to write comments, but this time I have to and wish the management can see this. Have always been a fan of the shop and always had a good experience. But last Thursday, I wanted to take away a dessert on my way home, the tall cashier guy with glasses was extremely rude, shouting at me even though he clearly know that I don’t understand Cantonese. I was shocked after an exhausting day. After waiting for several minutes when my order was ready, I discovered that he made the o

銅鑼灣食完飯，想食個甜品，最就腳一定係鮮芋仙，係正時代廣場同登龍街隔離。可能今晚平日，加上比較早（8點），排隊人龍唔太長，二人台等左10分鐘就入得，仲要唔洗搭台，唔錯。叫左個熱芋丸紫米粥同凍仙草甘茶加冬瓜凍。d紫米同紅豆煲得好淋好出味，米同粥水比例都合適，唔會太水。配埋招牌既芋丸，口感煙un有咬口，同粥底相當夾。至於杯茶，仙草汁就正常無咩特別，配另加既冬瓜凍個味道都幾夾，特別適合夜晚食完熱氣野後下下火。今日好運，唔洗排隊都食到，正！

食完晚飯緊係要食甜品 平時去開銅鑼灣都會想食鮮芋仙 唔知有無調轉字😂😂或者刨冰鮮芋仙或者 Shari Shari 刨冰一定係首選 前者又平又好食 後者最衰條隊仲長😂 不過今晚係叫外賣 都係叫返叫開既鮮芋仙 價錢唔算好離地但又可以做個開心結尾 今晚都係簡簡單單叫仙草芋圓 如果唔加奶 成碗野都唔算太甜 清清地🤭🤭另外攞左友人既紅豆 同埋黃色叫個唔知咩野 但煙煙銀銀好好食 呢個外賣$55 未加放外賣費 其實算係咁～ 不過可能冬天 同埋佢地冰唔幼細 冰溶得都慢 佢仲有個配料係黑白色年糕仔 又係好好食 不過無得加 黎緊冬天希望再發掘多d正既暖笠笠甜品！

芋薯圓Q麻糬牛奶冰配料有1.冬瓜凍，長條形冬瓜凍十分煙韌有咬口，分兩個口味，有黑糖味及原味，黑糖味有濃濃黑糖味，甜而不膩；2.迷你芋圓粒粒，迷你牌外型可愛，而且容易入口，一口幾粒，十分有咬口；3.芋薯圓，外型似湯圓，但內餡咬落去有驚喜，水餡是芋薯蓉；4.粒粒黃色果凍，無任何味度，但配合其他配料，增加口感及咬口；5.蛋糕牛奶味，香滑而且有濃郁牛奶味；6.最後底有牛奶冰，牛奶味特濃及香甜。最適合牛奶及芋圓控食。甜品堂食外型美觀，而且大份，可適合兩人飯後食用，一路食一跟慢慢順談。

呢間鮮芋仙喺時代廣場隔離一，兩條街。佢呢係有最低消費每個人都要叫一樣嘢食先得，但係其實叫一個呢個巨型嘅刨冰兩個人都食唔晒，所以建議另一樣嘢食叫一個飲品咁，其實就已經超飽。呢個刨冰入面有超多配料，冰頂上面個雪糕係雲呢拿味幾好食，側邊就有唔同嘅芋圓同埋地瓜啫喱。整體來講成個冰都好好味但係真係太大啦兩個人根本食唔晒，仲要夾硬叫多一樣嘢食或者嘢飲，其實就會變得有啲唔抵。不過都值得入黎食個刨冰。

香港好多食芋圓的地方都沒有刨冰底，鮮芋仙好似是唯一一間芋圓是有刨冰的，這個對我來說很重要！大碗、味道又好食，不過如果放工時間、週末來吃基本上一定要排～ 這次是找了一天閒日午飯後來這裡嘆一碗鮮芋仙，爽～

銅鑼灣長龍糖水店鮮芋仙 成日都好多人排隊 今日路過竟然唔多人 所以試試 到底伏唔伏呢？.排咗一陣隊 大概15分鐘 如果外賣唔使排隊入坐時 店員表明有最低消費⭐️招牌仙草沙冰$45（凍）表面有芋圓 大概15粒 仲暖暖地👍🏻入口軟熟 有明顯 芋頭粒（可睇圖）👍🏻仙草幾滑身 唔苦👍🏻底下有仙草沙冰整體甜度 適中 份量都足夠賣相同味道基本上同內地一樣 但內地平一半.題外話會跟一個奶油 👎🏻如果加多個要$1🤔感覺一個係唔夠 所以我加多左一個👎🏻點知係爆開左既 拎到一手都係奶🔥呢到觀感唔太好 扣分.⭐️鮮芋仙奶茶 $35同餐牌有小小唔同 都幾多冰🤦🏻‍♀️味道偏淡 👎🏻奶淡 👎🏻茶淡😅唯一特別係 飲落啖啖 芋頭粒.⭐️冬瓜檸檬茶 $26😋偏甜 冬瓜茶加檸檬 味道唔難想像 好飲.一間我幾鐘意既糖水店 但要排隊 意欲大減 ok啦諗住小人所以試試 點知走嗰時又係勁多人😂.#hkfunfoodrecord窮遊香港#hkfunfoodrecord_銅鑼灣.#鮮芋仙 (銅鑼灣)地址：銅鑼灣登龍街18號V Point 地下1號舖.⭐️評分：味道：4/5環境：2.5/5服務：1.5/5 出收銀落單 自助拎餐抵食：3.5/5

中午12點去食鮮芋仙當lunch去到嘅時候完全唔使等位但大概到12:45pm左右就開始越嚟越多人1pm左右已經full咗今次就係沖著牛奶冰去 所以一去到就即刻order咗芋薯圓Q麻糬牛奶冰😆🍧芋薯圓Q麻糬牛奶冰 $58好大份！！！雖然係冰佔大部分但d冰都係有味嘅😋有煉奶同糖水係冰裡面～配料有芋薯圓、小芋圓、Q麻糬、冬瓜凍、一球雪糕芋薯圓係大粒嘅包心芋圓，裡面係芋頭泥. 小芋圓真係好迷你，所以無平時芋圓應有嘅煙靭口感. Q麻糬係煙韌嘅，但個兩隻味個人覺得唔好食. 冬瓜凍suppose應該係冬瓜茶嘅味，但完全食唔到冬瓜味😅 雪糕係vanilla味.因為好大份 完全可以兩個人share $58二人份量係真係好抵食～總體嚟講都推介👌🏻

以前每一至兩個月就會出走台灣，看展覽、睇演唱會，說走就走。自從疫情開始，就被困在這裡⋯⋯⋯都係靠美食懷緬過去。🔸 白玉湯圓 + 黑糖粉 + 珍珠焦糖布丁 $38原來係新甜品！小朋友先做選擇，這個組合就滿足到大人的甜品慾望，一次過食哂兩款甜品。白玉湯圓好煙韌，加小小黑糖粉添一份甜蜜；焦糖布丁入口唔會太甜，有珍珠增加咬口。🔸 招牌仙草冰沙 $45每次去台灣都必食的仙草，呢度嘅仙草都好夠台味。大大碗有仙草凍、仙草冰沙及芋圓，超級豐富。🔸 冰招牌豆漿豆花 $48豆漿底的豆花，雙重豆味好滿足，仲有大大舊芋頭，芋頭味足又夠綿密，加埋芋圓，芋頭控必食！