影片
以上資料只供參考, 請與餐廳確認詳情
依家先選壽司每一間分店我都食過咁滯，其實間間都差唔多，少少似超級市場壽司嘅好食少少版本，價錢上埋單五百幾蚊，唔知有冇記錯，我覺得山頂呢間好似比較貴少少？係咪我錯覺呢？今次帶咗個龍蝦壽司，覺得唔錯， $50.1件，值得一試；另外呢度嘅吞拿魚真係好食過其他平價壽司好多， $25兩件，好抵食，好食過爭x和壽x郎好多！雪糕都好濃烈牛乳味！另外值得一讚係佢哋嘅店員好有禮貌，尤其是個阿姐，入門嘅時候會提醒我哋入座要小心梯級！唯一覺得真係要劣評就係佢嘅箱壓壽司，根本就壓唔實，而且好細件！同埋啲綠茶根本就冇綠茶味，唔知似乜！另外我都好好奇，本身點嗰六件三文魚壽司就見到有啲分別的，不過上菜嘅時候又覺得睇唔出有咩分別🤣
繼續閱讀
朋友生日上山頂玩monopoly dream ，玩前食個lunch,行行下山頂廣場開左DONKI sushi ，我都好早出發去到12點早早地無咩人，咪去食飯入位前侍應生話明沒有熟食，咁我都ok, 夏天食涼快嘅食飯又輕輕食，衞生問題無迴轉壽司，只喺DONKI pad仔落單，一落完都好快到，快食閃幾好👍2個女仔，清清地食少少share食壽司，大至上都好新鮮，最驚喜喺佢自家的是靜崗山葵wasabi，見到真喺wasabi有一粒粒定一絲絲的，好健康。唔同平時嘅wasabi醬🤩,比錢個時仲有得儲DONKI member 分添蟹味噌（食到有少少腥，可接受）山葵八爪魚（幾新鮮好好味）油甘魚（偏瘦無乜魚油）帆立貝照燒（好好味，貝正常尺寸不大不小）藍鮨吞拿魚拼盤（3件-正常瘦，正常版，魚腩，正常）火炙藍鮨吞拿魚赤身（好好味連壽司飯有焦香味-只喺呢個飯先有）🤩蝦拼盤（大生蝦，熟同甜蝦）正常蒸蛋（好好味，入面有冬菇，小元貝。有驚喜🤩）
繼續閱讀
【中西區】【鮮選壽司】貼完 story 之後成公司都知我尋日落大雨去咗山頂，覺得我痴線，我分析返畀佢哋聽。首先疫情已經令山頂人流大減，加上尋日黃雨，本地客數量有如江河日下。我想講我同朋友去到嘅時候，少人到我唔相信呢度係香港。咁當然我要承受返睇唔到風景嘅後果，不過個景其實都睇過 n 次，睇少一次半次好小事，反而有一個冇乜人嘅山頂廣場就真係難得喇。一般啲宣傳易帳户都係教大家去同人鬥逼，我就麻麻哋呢種，寧願靜靜哋去同朋友行吓。咁一場去到就梗係要喺嗰邊搵啲嘢食，嗰間喺荃灣排隊排到天昏地暗嘅「鮮選壽司」已經有試過放咗宣傳易，我冇時間排隊跟進，成本太高。適逢山頂店 29/4/2022 開咗皮，即係兩個星期左右咋喎，就入去食少少嘢試吓佢啦。我驚有人唔知，都講少少背景，呢間鮮選壽司呢，其實就係 DON DON DONKI 主理嘅壽司餐廳嚟。佢哋啲吞拿魚壽司係最出名，山頂廣場分店就有埋伊勢龍蝦壽司，不過我會敏感就唔搏喇。我哋唔使排隊，大把位任坐。坐低就見到綠茶粉同熱水呢啲基本嘢，餐具同醬汁都好衛生，好企理，可能係開業冇耐，仲未有太多客人用過張枱。芥末醬係由輸送帶運過嚟，一粒粒獨立包裝，味道都唔差。反而啲食物係以快速送遞通道奉客，唔係輸送帶。喺講嘢食之前我特別想提到佢枱面係放咗兩款醬油畀客人選擇，一款係「Fundokin 九州醬油」，另一款係「龜甲萬二段熟成生醬油」。前者偏甜，適合油脂較高嘅魚，後者釀嘅時候直接用生醬油取代鹽水，所以比較濃醇。我哋都係第一次食呢間，求其叫啲食吓，$17 嘅「火炙鰭邊」壽司醬汁夠濃，火炙埋唔多使點汁醬，唔錯。「藍鰭吞拿魚拼盤」$37 有三件，應該係赤身、大拖羅、中拖羅嚟，以呢個價錢嚟講絕對有交待，算係幾唔錯嘅。之後食埋都係 $17 嘅「日本產池魚」壽司同埋「日本產帆立貝」壽司，仲有 $22 嘅「油甘魚」壽司同埋 $37 嘅「日本產鯛魚」壽司，都好 DONKI feel，好似食緊平時啲盒裝 Donki 壽司，只係佢比較新鮮啲同埋用碟上咁解。最後食埋個 $27 嘅「燒三文魚腩」，喂真係幾抵，都有兩條三文魚食吓。成餐夾埋 $191，我哋唔算食得多嘢，所以呢個價我覺得都係合理地平，係一個「有下次」嘅選擇嚟。不過講到下次就未必再上嚟山頂，可能去荃灣算。講多少少，呢間鮮選壽司係全球第二間 DONKI 壽司店啦，用快速送遞通道送餐，但係我哋就見唔到鮮魚解體或者炙燒表演等嘅節目，真係唔知遲啲有冇。反而喺埋單畀錢同店員吹水嘅過程中八到小西灣會開分店，嘩，係咪獨家料先。。。（地址：香港島太平山山頂道118號山頂廣場1樓112-113號舖）#1amfoodie #foodie #thatfoodiething #1am0668 #1ambackup #sushi #thepeak #globaleats #tastyfood #hotpot #foodpics #followforfollowback #love #eat #1am中西區 #山頂 #太平山頂 #山頂廣場 #壽司 #DONKI壽司店 #DONKI #鮮選壽司 #火炙鰭邊 #藍鰭吞拿魚拼盤 #日本產池魚 #油甘魚 #日本產帆立貝 #日本產鯛魚 #燒三文魚腩
繼續閱讀
山頂行完盧吉徑，有d凍同肚餓，路過見店員話bar枱不用排隊，就入去試下。整體魚生都新鮮好味，價錢唔貴同出面比，吞那魚腩性價比高，平過出面。下次都會再食，有機會再試埋甜品。
繼續閱讀
20221115--鮮選壽司地址位於:山頂山頂道118號山頂廣場1樓113號舖山頂一日遊，中午吃過快餐和西餐，瀏覽開飯發現有鮮選壽司，原本想擇日到荃灣試試，見不用排隊，就選擇了鮮選壽司，當天是平日，約六時，山頂人流不多，可直接入座。藍色座椅，充滿海洋感，二人坐得舒適桌上放了兩款不同味道的醬油自助點餐，綠茶粉味道不錯經人手磨製而成，空運到港的山葵，味道的確比坊間混合而成的好點壽司款式不算多，而且有好幾款售司售罄藍鰭吞拿魚拼($37)質素上食到赤身、中拖，大拖的差別，呢件大拖跟剛巧前一天到壽司郎的水準好得多，油脂豐盈，沒有渣蟹味噌壽司($17)蟹膏量多，味道也濃山葵八爪魚($12)，紫菜脆身，八爪魚爽脆北寄貝($12)新鮮爽甜，日本產帆立貝($22)，帆立貝細細粒，有鮮味原條海鰻壽司($27)，配一件壽司飯，鰻魚愛好者，必點唯一一款翻點的壽司鮮選的壽司飯不是白雪雪的，有著一點點顏色，但我吃不出多混合了甚麼調味厚切大拖羅($37)側影魚身真有切得較厚，但又比較細件，油脂分佈多，家人樣子吃得狀甚滿足好奇心驅使下，試下納豆壽司($12)，有點點怪味，不過我本身唔抗拒食納豆，試試健康食物也不錯赤蝦壽司($22)，爽甜，但唔大隻，沒有啖啖肉口感照燒日本產帆立貝($22)，多了照燒汁，反而吃不到帆立貝的鮮味，還是原味好吃新鮮彈牙的飛魚子壽司($12)油甘魚壽司($22)，肥美甘香甜品款式少，又唔啱口味，沒吃甜品最後埋單又好像不是跟足碟的顏色，店員最後也沒數碟，以落單為準。埋單: $309食物款式選擇不算多壽司新鮮度合格價錢唔算貴，服務尚可行過路過，不用排隊，可以一試，我試過一次，就唔會刻意再去
繼續閱讀