鮮餸便當 (已結業)

早幾日去大角咀做嘢，順便幫襯下呢度嘅小店。一推門入去鮮餸便當，見到成間店都坐滿中學生，可以推斷會係一間平靚快嘅食肆。果然，一睇 menu，前菜 + 主菜 + 藜麥紅米飯 + 養生燉湯先至 $48，勁抵食😲。前菜係青椒，紅椒，菇菇，翠玉瓜，蒟蒻等嘅粒粒漬物，酸酸哋又有麻香，唔錯。主菜揀咗慢煮溫泉蛋黑蒜牛丼，碟餸上層係牛肉下層係椰菜，牛肉就似打邊爐肥牛嘅貨色，牛味 ok，至於黑蒜味就唔太覺，不過個和風醬汁甜甜哋又幾好味，用嚟撈飯食，好正。個飯嘅藜麥同紅米好少，不過呢個價錢不能要求太多吧？溫泉蛋呢就有少少失準啦，煮得 over 咗，已經變成實心。最有驚喜反而係個燉湯，應該係蟲草花赤小豆粉葛湯，幾足料，亦幾鮮甜，以套餐嘅湯水嚟講，絕對認真👍。

前幾日經過見到終於有開入去試試 味道相當不錯👍🏼👍🏼有住家飯既味道點左二款定食鯖魚西京燒咖喱吉列豬扒包埋湯加前菜(每日都唔同）感覺上無甘油膩比較健康d真心好食👍🏼👍🏼要留意返～因為小店經營堂食坐位不多

嚟到大角嘴，有唔少好野食，無論想食中西日韓美越泰星馬，真係咩式都有🙊🙊偏偏我就係鐘意幫襯啲小店😊店舖位置只有幾張枱，細得嚟但都算好坐，幾舒服好住家既感覺🏡而且店員好有禮貌，認真對待每一位客人👍🏻😉午時同晚市餐牌都係一樣，套餐價$48，一餸+前菜+飯+飲品/湯泰式檸檬雞🐔雞扒好大塊，切開每塊都好平均，容易入口，雞皮煎到金黃色，加上泰式酸汁一齊食，好開胃，好好送飯！！！🍚飯係用上紅米飯，感覺岀街食飯都可以食得好健康🙊🙊🙊套餐仲有一粒日式日式蕨餅食～出面係黃豆粉入面係花生🥜餡，好好味，蕨餅軟軟的，知道佢哋嘅糖水桃膠腰果露都好多人介紹，但今次太飽食唔落，希望下次有機會試到每個套餐都會跟湯/飲品太耐無飲住家湯水，係門口已經見到有燉湯飲已經好吸引，所以就試試佢個無味精燉湯🥣😋湯都一啲都唔馬虎，俾足料，好清甜，飲完唔頸渴，真係好住家餸感覺🥰🥰

好鍾意去小店林立嘅櫸樹街搵野食，有齊越式，日式，泰式，台式，港式等等，真係好多選擇，價錢亦非常經濟。一個便當連少少沙律同燉湯/飲品都只係48蚊，今次揀左泰式檸檬雞同慢煮溫泉蛋黑蒜牛，便當仲有少少雜果沙律，雜果亦絕對唔hea, 有橙，火龍果同番石榴，配埋酸酸地嘅dressing，食落開胃啲。燉湯清清地亦有啲料，我都幾鍾意，有啖湯水飲下個人會舒服啲。食素嘅都有兩個素食餐可以揀，可以照顧埋素食者嘅需要。有次仲見到餐廳有派飯，真係好有善心，係一間值得支持嘅小店

大角嘴有間小店我十分喜歡的， 雖小店比較細， 但我還是想到這店食飯， 如果太多人便叫外賣呢 ！其中我最愛吃呢個是鯖魚糙米飯配鮮湯，而加十元再配上了這美味十分的桃膠合桃糖水呢！

最近去到大角嘴都會食呢間小店其中的靖魚飯，配有紅米飯、花膠湯，如果加$10 可另有一碗桃膠合桃露，叫餐方面除了有靖魚，仲有其他不同食物可以選，例如豬朳、雞肉和素食等等，而我選靖魚餐！估唔到有好大驚喜， 靖魚是三大塊仲要好好味新鮮，湯和糖水都十分好味！ 小店的店員和老闆都比較就善， 和客人傾計，人情味滿分！下次如果來到大角嘴，和旺角南昌等，都會行過來支持一下佢地呢！ 大角咀櫸樹街20號地鋪(富多來新邨第一期)

#泰式檸檬雞 🐔大家睇相就知道呢餐家常便飯係幾咁色彩繽紛🌈，而實際上佢健康得來又好味😋今次係小編第一次去呢一間小店，雖然舖頭細細，但係感覺到老闆娘好認真對待每一個客人，由於呢個泰式檸檬雞係即叫即煎，所以等候時間會比較長，佢都會好細心咁同我哋解釋同埋請我哋等一陣🙈呢度雞扒嘅份量非常之多，足足有平時既1.5塊，絕對夠晒食🤤 雖然佢嘅皮並唔係煎到非常香脆，但佢面頭灑左白芝麻先煎，味道係比較香口！另外配上泰式嘅醬汁，食落都好開胃😝而且佢嘅前菜好吸引，香辣嘅雲耳配榨菜令到小編同同事都俾個讚佢👍🏻.#圓肉杞子花膠蟲草花湯 🍲只要嗌一個套餐就可以揀飲品或者湯品，小編當然係要試一試佢呢個冇味精嘅湯啦！😍 而且有埋花膠喎女性恩物☺️ 雖然係跟餐包埋嘅湯，但係都好足了，因為一碗入面有齊一舊嘅花膠，少少嘅蟲草花同埋圓肉等等，味道雖然唔係好濃郁，但絕對係好滋潤🥰💯.#桃膠腰果露 🍯呢個飯後甜品雖然要加$10，但係小編真係好推介！😉味道香滑但又唔會太甜，初嘗桃膠嘅小編覺得好得意🙊 雖然桃膠食落冇咩味但係有佢嘅口感配埋腰果露食完感覺好滿足😜.🏆 「豬」味指數：7.5/10📌 溫馨提示：大角咀好多舖頭既店面都係比較細

通常去小店食飯會好容易食到驚喜，例如人情味👨‍❤️‍👨。今次食嘅呢間午餐賣相幾特別，係以便當嘅型式作為餐碟🍽，分別有五款餐去畀大家去選擇，有泰式雞、台式滷肉飯、日式咖哩豬扒飯等等💬。估唔到小店都有唔同類型去選擇，我都諗咗一輪先揀到食乜好呀🤔。🎈泰式檸檬雞 $48外皮加咗芝麻，食落口感更加脆👄，而且多咗些少芝麻香，泰式醬料嘅酸辣到位😜，食到泰式必有嘅配料，更有青瓜片可以食下😣。雞肉份量真係估唔到都好多！有成八件咁多塊，先讚一讚👍！🎈凍洛神花茶 對健康好好嘅花茶，紫色一大杯💜，酸度適中✨，完全適合任何人士飲用，不過當日如果胃唔係太好就飲湯好喇🤭。🎈花膠湯 打開蓋已經聞到好強烈嘅材料香味🌫，足料，入味，以48蚊飲到一碗花膠湯，已經係物超所值喇😍。

間中都有黎哩間食晏，雖然有啲遠，但真係平靚正。午餐$48 已經唔係好多地方食到，佢仲可以揀飲品或者燉花膠湯🤤 每次都係揀湯，因為真係好足料，每次食都有花膠、菇嗰啲湯料比你食到，同埋真係冇味精。不過今日見隔離枱杯蝶豆花百香果又好想試，藍到黃嘅漸變色勁靚，同埋好似唔係成日有蝶豆花嘢飲咁...餐牌張相啲鯖魚得一舊，但實物其實有三塊，賺左😂 上面塊橙切得好靚。魚下面會墊左三片京蔥（我估係掛 唔識🙈）晾起左啲魚，令佢地掂唔到碟保持乾身，細心！食落正正常常，唔會腥或者點👍🏼不過今日啲飯好似多左少少水，不過都過得去。個人鍾意偏硬嘅飯🙈好鍾意食咖哩吉列豬扒餐嘅配飯，櫻花蝦炒飯🤤 雖然吉列豬好好味，又大塊又脆，撈埋咖喱好正，但太熱氣，要戒口🙁 佢個前菜成日轉嘅，今日個前菜略嫌有啲dry，但中間有啲蟹柳粒又有啲驚喜，佢唔係散到一條條絲嗰種蟹柳。食到一半有人買外賣，加左$10 要埋糖水，搞到我都心郁郁想試下。事關每次食完都太飽，今日都唔例外，所以外賣返去食😂放左一個鐘仲有微温，雖然仲係好飽但都唔想叮熱，所以趕住食埋佢🙈是日糖水係 熱桃膠腰果露。濃稠度啱啱好，有果仁嘅香味。如果本身冇桃膠，可能會傑同滯左啲，加

每次經過呢間鋪頭都好想試，今次終於有機會試到啦😆餐牌好簡單，對於我呢啲有選擇困難症嘅人來講係好事，唔會有太多選擇。佢哋每一個便當都好吸引好想試，但係最後就決定叫泰式檸檬雞。個餐本身包左主菜，前菜，湯或者飲品，好豐富而且只係賣$48，足料又抵食😆泰式檸檬雞本身仲包左一個醬汁，隻雞食落好嫩滑👍🏻👍🏻雖然檸檬味唔係好重，但係點埋個汁一齊食非常正😍，佢啲雞都有好多件，超抵食雞下面仲有啲青瓜等等嘅配菜，唔肯定呢個係唔係前菜，但係佢仲包咗個綠茶蕨餅做甜品，蕨餅好好食，口感一流👍🏻👍🏻總體來講呢間小店值得推薦

幾個朋友行完街搵間小店去懲罰叫晒menu 嘅幾個set 同醉雞翼出乎意料食物有心思，而且樣樣都好食。食得出係用心做既人情味小店。醉雞翼入味而且起埋骨，***雞翼控必食***個湯係足料靚湯前菜有入味既 蘿蔔海帶, 青魚煎得香，都算大條 而且擺得幾靚牛肉飯好食過吉野家好多另外甜品個 桃膠腰果露 做得幾滑，有腰果香，桃膠都唔少，係幾正。好食過好多糖水鋪。老闆好好人，不停問我地要唔要添飯，個飯係珍珠米幾好食，我哋個個都添咗一碗。整體黎講d野好食又有心思，CP值高，良心小店大大力推介

專登到訪小店，店內坐位十多個，兩人工作，有數款套餐可供選擇，亦有小食可點，今次試了兩款餐，分別是台式大鹵肉紫薑鹵蛋配白飯，另一款是香煎芥末配鹿兒島和牛白飯先看賣相套餐用四格盤盛載，方便及整齊，由於飲品外帶，老闆娘很細心表示臨走前再給我們，鹵肉份量適中，炆至入味和軟身，有肥有肉，味道不鹹不淡，入口剛好，配上蘿蔔也入味，據老闆娘所言是用魚湯熬製，所以味道也不錯。香煎芥末配鹿兒島和牛白飯和牛肉質嫩滑，牛肉咬下去有大量肉汁，很美味，但份量較少，配以洋蔥為伴👍🏻👍🏻這份套餐是跟了花膠湯，湯內有一片花膠一舊蘿蔔和茶樹菇，湯未傾向茶樹菇味總括來說，食物的味道和份量是美味的，飲品（百香果茶）和湯較遜色。

大角咀找食， 想要又平又靚不得不提呢間為好多來商場的 鮮餸便當間舖位新九龍商場71對面餐廳 同店名一樣， 每一餐都係 新鮮煮的開放式廚房你會見到老闆用心製作餐廳裏面有十多個座位， 坐位有少少'迫。但係啲餸菜真係好味， 而且份量夠多白飯仲可以 任 裝， 有前菜有湯有主菜花膠靚湯 堅係有花膠糖醋骨總共有 伍 嚿 分量都幾多， 前菜有啲 鮮味生果， 食咗非常之開 胃。糖醋骨個汁 煮得好好味非常之醒 胃老闆非常之細心， 上碟盤乾淨企理服務員也非常之細心熱情招待

兩個人去食，一份台式梅酒雞，一份鳳梨糖醋排骨，每份都有前菜、白飯/糙米飯/炒飯、燉花膠湯，都係$48一份。兩個主菜都好食，而且份量都夠。個飯上到黎有d細碗，不過原來可以無限添飯，所以一定夠飽。

食物質素高，小店用心製作。燉湯好好飲。腰果桃膠味道恰到好處，甜度適中，腰果味濃。想買外賣返屋企，沽清。食物用四格木盤放好，精緻，飯可添。原來安大廚過去曾得不同殊榮，店內雖然沒有貼出，但可從食物中嚐到用心。