鮮魚湯 (河傍街)

營業中

休息中

之前都黎過一次呢間鮮魚湯，唔知係咪附近冇咩野食呢，週末黎親通常都要等位，因為裡面唔大，位置唔係好多。我地今日放假諗唔到食咩好，因為喺附近剪頭髮，所以記起，結果都有三、四枱喺門口，大約等左十分鐘入得。下午茶時間，都有啲套餐，不過我地一早起身未食過野，所以一個點麵、一個點飯。鮮魚湯嘅味道係好出，唔會太腥，四寶就有紫菜、魚蛋、墨汁墨魚丸、魚腐、魚肉卷，四十零蚊都ok啦，幾豐富的。魚蛋都幾彈牙，墨魚丸硬實少少，魚春卷一般般，粉嘅份量都多，男士都夠飽。我幾鐘意佢地有兜菜甫，酸酸辣辣，送麵幾好食另外點左一份鹹蛋肉片泡飯，魚湯底嘅味道冇四寶粉咁明顯，容易入口，可能加左好多薑絲同蔥，陣味冇咁鮮。鹹蛋黃有一隻，份量都算焦咁，食過有啲得少少。肉片份量都多，食落都好腍，完全唔乾，可能醃得勁，都有陣鬆肉粉味。裡面仲有啲菜心、小白菜，味道唔錯。

1.味道其實都食過好多次, 覺得個魚湯同魚麵都係唔錯同值得推介。春卷 墨魚麵 魚湯係好鮮甜。春魚係魚肉造, 但比起南記, 南記會比較好食。墨魚麵要加$10, 份量唔算好多但係好彈牙, 推介。特別推介: 菜圃菜圃係比較咸, 但浸左湯之後冇咁咸, 好好食, 好岩送麵。2. 環境唯一唔好嘅嘢餐廳環境實在太逼啦, 餐廳設計得唔好。地方唔算大, 但凳又大張, 臺面又多嘢, 動作大小小都會撞到人地。次次2個女仔去食, 個呀姐一定逼你坐大門口, 一係坐廚房門口, 一係坐L位。食得一D都唔舒服, 仲真係D後悔。呀姐服務態度一D都唔好, 又有說話聽。我明你地一心為左做多D生意, 但我地都係客人呀, 我地想舒舒服服食餐好嘢, 但次次黎都有唔愉快經驗。

叫左四寶墨魚麵+ 炸雞翼四寶墨魚麵: 加10蚊有墨魚麵, 黑色的, 粗身的, 食落去係爽身的, 質感好怪, 但無乜墨魚味。墨魚丸有驚喜! 入面好多墨魚肉, 係睇得到是墨魚個身體來的, 亦有墨魚肉鮮味, 很好! 魚蛋就正正常常,魚腐無食, 但朋友話好食魚卷好食, 係炸的, 都幾油架, 但浸左湯還OK。可惜落太多紫菜, 湯底似紫菜湯多D, 蓋了魚湯味。炸雞翼:炸得乾爽, 唔會太油, 香口。

之前有朋友推介呢間位於新墟新開嘅魚湯店, 今日就嚟試下.  我哋一家三口 11:30左右去到, 等了一陣, 店員便安排好座位給我們.叫了兩碗招財四寶魚湯米線 $42.00 配--有紫菜﹑魚蛋2粒﹑墨汁墨魚丸2粒﹑魚腐2件﹑魚肉春卷2條, 好豐富啊!首先當然要試下個銀鱈魚骨湯先啦, 入口清甜, 偏淡味, 唔似荃灣果啲咁重味, 配上滑滑嘅米線好夾啊! 紫菜有好多, 魚蛋OK啦, 唔係彈牙嘅. 魚腐同埋魚肉春卷一咬落去 好脆呀! 係外脆內軟, 正! 最掂竟然係墨汁墨魚丸, 唔好以為佢黑麻麻樣衰衰(百厭仔係咁形容, 唔肯食) 一咬落去非常有驚喜, 入口彈牙, 味道香濃, 超正!另外一碗 鮮蝦雲吞拼牛肉片魚湯河粉 $36.00--鮮蝦雲吞有三粒,  味道唔錯, 牛肉片都OK, 只係有一塊頗韌.我哋食咗一半, 店員才端上辣菜莆(可能啱啱整好呱) 原來加埋辣菜莆仲正, 連百厭仔都讚不絕口, 一路喊辣一路話正.埋單$120.00見到隔離枱叫蝦多士, 個樣幾掂, 下次再嚟試

新墟總是屯門人（甚至非屯門人）的假日落腳地，全因為這裡有兩間價廉物美的平民戲院（凱都和巴倫紐）。 上星期看電影前，我來到與戲院只有一街相隔的人氣墨魚丸專門店，來"墨墨享受"一番～(〃´∀｀) "鮮魚湯"（前名為"九龍城寨墨魚丸專家鱻魚湯料理"）位於屯門新墟，從港鐵屯門站D/ E/ F1出口走出V-City，再步行3分鐘左右就到。它的位置非常接近上述兩間戲院。 這家店自稱墨魚丸專家，特色是湯底採用天然歐洲銀鱈魚骨熬制，含有多種天然營養成分，包括女生們美顏需要的骨膠原～既健康又可以美顏，加上沒有味精，聽上去已經覺得好吸引呢！(〃´∀｀) 店舖環境比較小，但人氣高企，我來過3次（假日），每一次都是滿座要等位～ 等了15分鐘左右終於有位了～這家店除了主打墨魚丸料理外，還有魚湯、煎魚和一般茶餐廳食物等。 來拜訪墨魚丸專家，當然要吃他們的招牌菜－－墨魚丸料理。我和朋友點了招財四寶和墨墨享受，兩款都是$42，配米線（另可選擇配其他麵，如米粉或河粉）。 招財四寶米線（紫菜1塊﹑魚蛋2粒﹑墨汁墨魚丸2粒﹑魚腐2粒﹑魚肉春卷2條） 這款的賣相好吸引，魚香味撲鼻～ 先嚐銀鱈魚湯底，味道清甜，由於

夜晚放工返屋企都已經9點,朋友都食曬飯,今日咁岩屋企唔煮飯返到屋企果頭都差唔多10點,唯有一個人食埋飯返屋企啦好多地方都已經過左晚市,所以去左食魚湯米線,依度夜D收依度聽聞出名食魚湯米線,不過見隔離都食墨魚麵,個樣又幾靚,今次就試下啦d麵黑色左d,不過真身係黑紫色,幾特別墨魚麵幾彈牙,好爽口,配埋個魚湯真係好好味個魚湯係真係每日煲出黎,係真係用魚練制,唔係落味精嫁墨魚丸同d麵都係一樣彈牙,咬落爽口而且幾大碗下,食完夠曬飽

朋友失戀,雖然已經好夜,不過都落去陪一陪佢失戀真係好慘,仲要年紀唔細,付出左好多感情於是我地去間夜晚可以坐底既餐廳,比較方便傾計去左市中心鮮魚湯,依度夜晚仲係多人,唔會太靜,安全D傾完計就開始食野啦,食左個墨魚丸魚湯米粉,呢碗野叫招財進寶,包括有墨汁墨丸、魚蛋、紫菜、魚春卷同埋魚腐 非常豐富, 魚湯鮮味用料夠純樸無味精, 米粉比較粗身 微微鬈曲 適中輕微偏硬 正正係我喜歡嘅口感特別推薦魚腐,好似大魚蛋咁嘅形狀炸完外層係香口嘅,魚肉比一般魚腐結實,有少少似手打魚膠嘅感覺令人回味, 另外菜脯都係粉麵必加嘅配料希望佢快D無事啦

 又來到新界西尋找美食一直至剛剛打上餐廳名才發現小店的名字相當之特別鮮魚湯,就叫魚魚魚魚湯料理啦,想必已經帶出了整間餐廳的主題吧其實小妹是看到朋友介紹全黑色的魚麵而來可是當日雖然只是下午兩時許已經賣完了不過可以來碗"默默享受"亦不錯顧名思義 主打就是墨魚有墨魚丸王 墨汁墨魚丸王 花枝丸 各2粒但最愛還是墨汁墨魚丸 不只是外表吸引除左爽口彈牙得很出奇 而且亦帶著濃濃的墨香另外的墨魚丸王亦很彈當然不少得一提 雖然錯失了墨汁魚麵還有彈彈下的白色魚麵配上用魚熬制而成的湯頭 相當鮮甜整體十分配合

天氣熱得可怕，中午午餐不想吃飯，只想吃較易入口的粉麵，於是去了 吃碗河粉。光看餐牌它的粉麵配料種類相當多，我反而被卷類吸引，最後點了卷出好味配魚皮餃河粉。先談卷出好味的味道，卷出好味包括墨魚 卷， 卷與魚肉，個人覺得魚肉春卷是在三款之中最好吃。魚肉春卷相當有的彈性，而且魚肉方面相當軟綿，魚鮮味相當明顯墨魚卷則較彈牙，墨魚味道非常濃烈，內裡搭配粟米相當多汁，非常討好。墨魚蝦卷集墨魚卷，魚肉春卷所欠缺的，蝦卷鮮蝦味濃，咬起來亦帶嚼勁，墨魚粒挺爽口的，可算三款當中之冠。

星期六嘅屯市真係好多人，或者咁講，其實冇邊日係少人。搵黎搵去唔知食乜好，去番呢間巴倫紐對面嘅鮮魚湯，7月頭去都仲係叫九龍城寨鮮魚湯料理…估唔到個零月後再訪已經改左名做「鮮魚湯」…背後的原因冇深究，我都係黎食個飯啫。週日下午茶時間依舊爆場，逼逼埋埋先搵到兩個位。有時唔多理解啲餐廳，係都要留起啲枱，有客等就話啫，冇客等留黎做乜？鮮魚湯咸蛋肉片泡飯 $44第二次食呢個泡飯，係啦，我個人比較悶，食黎食去嗰幾味。用鮮魚湯做湯底，味道都幾濃郁，不過有別於其他鮮魚湯出品，呢款始終有肉片、咸蛋呢啲材料，少不免會鹹啲。肉片一啲都唔乾鞋，又有埋白菜仔，都幾足料啦。牛冧冧撈麵 $32撈麵配一碗仔鮮魚湯，牛肉夠腍身，唔會太肥膩；可惜個麵都淥得太腍，唔夠爽口。附上嘅魚湯比起泡飯湯底味道鮮甜啲，最重要係冇咁鹹。懷舊大蝦多士 $21上次食唔到耿耿於懷，原來一份係四件，有啲貴。多士佈滿芝麻，欣賞佢連包邊都炸埋，食落幾脆口。蝦餡唔算話好豐富，味道唔出，不過幾彈牙。食兩件都有些少飽滯感，性價比唔高。

開正係巴黎倫敦紐約米蘭戲院對面，所以睇完戲餓餓地，即刻要去食啲野。晚飯時間都滿晒咖。服務態度好好，個呀姐仲同我地有講有笑。自由搭配係menu 右手邊，單拼就28蚊，我地叫咗三個單拼，分別係墨汁丸，春卷，魚腐，三個都係要墨汁魚麵（$10）奶白色的魚湯非常好飲，鮮濃無比，無腥味同味精。墨汁魚麵雖然賣相麻麻，唔夠入味，但爽口彈牙，墨汁丸有四粒，真材實料既彈牙口感，很不錯。春卷，個人覺得不好吃。魚腐夾得黎最好味，一咬下盡是豐滿既魚湯汁bi出黎，入晒味份量足夠，味道好，而且價錢公道，值得一試。

數到屯門名物 點少得巴倫紐戲院 簡直係我童年回憶早年叫翻新過冇咁殘舊 所以我依然好鐘意黎呢度睇戲想靚少少可以加幾蚊去對面凱都 睇完戲 近近地過對面馬路食屯門嘅鮮魚湯餐廳晚飯時間好多人 一般茶記格局 店面較窄 咁啱有位即坐 遲一步已經要等位 主打鮮魚湯底 強調純天然歐州銀鱈魚骨熬制 配粉麵飯菜 另有蒸魚套餐、泡飯、佬飯、撈麵等 選擇豐富 鮮魚湯滾咸蛋肉片泡飯 $44 (凍飲+$5)湯飯加咸蛋呢個配搭 諗都唔洗諗個人偏好咸蛋 賣相幾吸引 肉片、咸蛋份量不少 仲加左白菜仔喂白菜仔又係我至愛 冇辦法唔讚好了湯底呈淡黃色 魚鮮味突出 飯軟熟但唔會浸到爛溶溶肉片薄身唔會太乾柴 合格 咸蛋香而少咸當堂覺得自己好好彩 因為喺街食到靚嘅咸蛋唔容易湯略少 但都光速扒哂碗飯事後冇覺得口渴 味精感唔強值得一讚係每枱都有辣菜甫 配粉麵一流 表示狂加

星期2有小小病所以無返工,睇完醫生食左藥,再訓左陣教,好返好多,不過屋企無人,有D肚餓,所以要去買野食去左屋企附近既餐廳,我訓醒都3點幾,所以餐廳好易搵到位唔舒服都係D魚蛋粉,感覺上會比較好,依類食物方便同質素穩定D魚蛋麵上黎果陣仲好熱,,無索乾曬水個魚湯仲好夠味,個麵好有口感,食落唔錯食左魚蛋先再食個麵,麵好有質感,咬落都幾厚,幾有份量魚蛋好爽口好彈牙,幾好食,水準有保證依間既魚湯真係好有心機,食得出唔係味精湯,值得一讚

星期1公司無咁多野做,可以早D離開公司,可以話係開心事,放工抖下氣人都精神好多今晚自己一個人,無特別約朋友,都幾FREE左完屯門市中心行一陣街,再係公園打左陣機,就去食飯啦去左間茶記,專係食魚湯麵既,好似幾正咁,夜晚都幾多人,要同人一齊坐食左個4寶魚湯麵,炸春卷幾好味,好事身,食完唔會好油膩而且估唔到處40左右咁大份量,有咁多件入面D材料唔會燧其他冰鮮既感覺,可能即叫即真係好食D掛另外個麵好彈牙,幾大碗下,食完真係飽飽地再認真D飲個魚湯,估唔到幾有味,而且飲得出無味精,因為食完唔會口乾下次無野做都會再黎食飯

放假同朋友去左行街,去左IT睇衫,之後睇下其他野,因為就黎有朋友生日行完之後有D肚餓,所以搵下其他地方食飯不過屯門市中心入面D餐廳好多人,費事等位本來諗住去新墟食魚強河,不過見到鮮魚湯岩岩有位,就入左去食野依度D西多士唔錯,所以黎到叫左一件SIZE算係正常,不過幾脆幾香口而且唔會好油膩同好乾,好食過一般茶餐廳我唔怕肥,所以落左好多牛油,咁樣食西多先正嫁嘛另外叫左杯洛神花茶,依度既洛神花茶甜甜地,味道岩岩好,唔會甜到好似利賓納咁下次再食其他野