鮮‧港式串燒吧 (已搬遷) 新店位置

聽同事介紹, 放左工黎左呢間串燒店HAPPY HOUR, 因為價錢有點貴, 所以黎HAPPY HOUR, 飲杯野食小小野, 同同事傾下計, 不過呢度環境幾好, 乾乾淨淨, 食串燒都可以咁冇油煙味, 幾難得!!!而且服務態度幾好。D人好NICE。值得一黎既。我地叫左 燒聖子皇 $58 (隻), 嘩!!呢個不得了!! 聖子真係好大隻, 好似出面專食海鮮咁, 又新鮮又大又鮮甜!!仲要一D沙都冇!!!!!!好難得!!! 仲有呢個都好好好正 雞泡魚干 $48, 雞泡魚干真係唔係好多地方有得食, (唔知點解一定要配沙律醬), 我上次食間店都係配沙律醬!!好得, 送酒一流!! 仲有仲有要講既 厚切牛脷串 $58, 堅厚切, 望落去似一口牛多過似牛脷, 但食落口又好有牛舌既口感, 好正呀!!!唔食牛舌既人真係浪費晒!!!跟住叫左小小其他野, 冇咩特別, 幾好味!!鹽燒雞中翼 $22 (2隻)辣味韭菜 $15, 佢個燒韭菜係加左辣粉, 幾特別, 野味!!咸左小小!!茄子 $15, 原先以為係整條上個隻, 點知係一片片, 不過都OK!! =]最後最後都忍唔住叫左個甜品, 鯛魚燒 $35, 都係因為睇到D相

觀塘工廈發展得愈黎愈快 記得細細個同媽媽黎駱駝漆大廈多數係行批發 開倉等等 今時今日已經發展到有Ig shop,急凍食品，甚至餐廳 今日就黎到這間位於3座5樓既鮮。港式燒烤吧我係平日既1900到達 基本上店內都座了一半人 可能收工時間吧 一邊食一邊都有人流進入 然後發現原來餐廳座位都幾多 裏面原來重有2間大房 多人時就會開放埋。這兒比一般串燒店選擇多 睇完有好多野都想食 🤤不過為免眼闊肚窄 還是唔夠再嗌吧 先嗌左食評推介先😂墨汁墨魚腸（$15）完全是台灣都味道 而且味道很濃 不需要加入任何醬汁 裏面充滿墨魚粒 口感豐富粒粒墨魚丸（$15）墨魚丸燒得剛好 外層灑滿椒鹽 但比起墨魚腸口感就欠缺了一點點了燒雞腎（$25）這個比平時的雞腎冇咁硬 但係好似帶左小小潤既味道😅 個人就麻麻好e個😂燒即開生蠔（$45）燒完生蠔唔算好多隻 但勝在夠入味燒羊架（$48）這個好味 食羊既朋友唔好錯過😛佢唔會好（so),同埋個肉好淋 唔難咬 一流！燒白鱔串（$58）比得相像中貴 因為原來都幾細條😅不過係好味既 魚皮燒到脆卜卜 魚肉建議點泰式汁 好好味 辣得好過癮🤤同埋成條魚黎講冇咩大骨 食得放心❤️茄子（$1

今日同個FD係觀塘食飯, 佢話平時返工放工都見到呢間野既二奶架係附近出現, 想試下, 適逢今晚星期五, 最好就係坐低靜靜地傾下計, 飲下啤酒!!串燒配啤酒真係絕夾。上到去可能時間尚早, 冇咩人, 食到咁上下都FULL HOUSE!! 餐廳人手好似唔多夠, 食物上得有點慢, 但質數補救, 同埋佢都唔會趕人走, 所以一串一串慢慢食都OK!!北海道珍寶帆立貝 $68 (隻)帆立貝好大隻, 燒得好靚!!咬落去好鮮甜, 佢仲落左蒜蓉同埋小小辣椒, 好正呀!!燒貴妃蚌 $68 (2隻)貴妃蚌又係好大隻, 好新鮮, 個肉好厚好肥美, 係街市都冇見過咁大隻, 同帆立貝一樣, 加左蒜蓉同埋辣椒, 好野味!! =]粒粒墨魚丸 $15 呢個係有推介符號既墨魚丸, 3粒大大粒, 咬落都彈牙, 墨魚丸入面有墨魚粒, OK!雞腎 $25雞腎燒到有小小乾身, 上面落左海鹽, 咸咸地, 雞腎爽口。熊本一口牛 $38本人未食過熊本既牛肉, 不過呢個牛肉未算好正, 有點燒過龍, 牛肉有點’’鞋’’。煙肉芝士大蘑菇 $38呢個好正呀!!!個蘑菇好JUCIY!!!!!芝士拉到D絲勁長, 煙肉夾係中間勁香口, 而且呢個好大個,

唔係朋友帶路都唔知原來觀塘工廈區依家多左咁多隱世食堂。今次揀左間港式串燒店開餐🍴喱間餐廳都幾多野食，同店員都好細心介紹有咩推介同新推出食品！✨前菜花螺同三色刺身拼盤🐟✨厚燒牛舌大大粒，夠哂厚身，encore多串先夠本😋✨燒韭菜超惹味既同時亦都超級辣。平時都食得辣既我，食左一條仔都飲左成支氣水,愛辣人士可以挑戰!✨芝士肉醬意粉勁多芝士😍但一d都唔漏，d麵仲煮得岩岩好，唔會一pat pat👍🏻✨燒菠蘿大大舊，又甜又多汁👍🏻✨甜品-朱古力雪糕鯛魚燒入面仲有oreo碎，岩哂我依個朱古力迷🤩叫左成枱野，埋單平均每人都係百幾蚊，好抵食🤤👍🏻

觀塘工廈出名多好野食～環境又好闊落，就算係串燒店都無好大陣燒烤味見到有生蠔即刻忍唔住嗌！聽店主推介order左coffee bay($40隻)，creamy得黎夠甜，而且唔重金屬味👍🏻黑毛豬午餐肉($25)：超級厚切，勁邪惡墨汁墨魚腸($15)：見佢黑媽媽，點知勁鮮甜，好味到encode多左一條本身係叫棉花糖pancake，無晒轉左多士，但係一軟一脆，雙重口感，好食👍🏻👍🏻仲叫左好多唔同野食多款式而且性價比高！食串燒都可以食飽飽

明明要減肥但是一面對美食就會發狂面對餐牌甘多美食一時好難決擇所以決定豪氣一次勁點先黎一個前菜芥辣八爪魚開開胃口份量比相像中多八爪魚爽口帶辣非常進攻鼻燒菠蘿一串兩件 菠蘿用料新鮮用爐火微烤菠蘿更令甜度提升燒蟶子皇 size 可以媲美手掌廚師用心先將蟶子肉界紋以致容易燒熟而又唔會太老🖒煙肉芝士大蘑菇大蘑菇配上厚厚芝士簡直一流😚其實只要係有芝士嘅我都愛原隻燒墨魚雖然等候時間係最長但係值得等待墨魚爽口彈牙配上特製醬汁更加惹味另外仲叫左好多款不一一盡錄

觀塘區由當然的工廠林立，轉變到各式各樣的餐廳於工廠大廈內林立，想食乜嘢菜，觀塘都可搵得到。今天，兩條佬，覓食於觀塘，食乜好？要Men啲的，唔該！所以日本和韓國也全飛，咁串燒點？？Sure，Men得起喇！芥茉凍花螺，肚餓呀，除了熱食，先來個冷盤，因為馬上有得食。花螺彈牙，但大家記得要把下面加了芥茉的醬汁吃，才是重點，要不，會打了個60% off。秋葵，一種特別的食材，就好似榴槤，喜歡的，必叫，不喜歡的，送也不要。我？咪就係見到一定點的人囉，食得健康D，食得好味D。燒白鱔串、魚旦（陳皮），白鱔又是我必點的串燒，呢條白鱔，啲肉肥厚過我的豬腩肉，加上廚師燒得很入味，只容喺口，不容喺碟。港式陳皮魚旦，街邊加上咖哩食得多，串燒我還是第一次，下次BBQ，又有新搞作了，多謝廚師的嘗試。茄子，原條的食得多，厚切的就比較少，厚切的好處在於更加入味，蒜味更濃更香。燒聖子皇，單單體積已贏了，沒話可說，你仲想知乜？燒煙肉廣島蠔，上枱時，嚇了我一吓，竟然有六隻廣島蠔，嘴都O咗。廣島蠔配上煙肉，一個字『香』！！厚切牛脷串，又是我的最愛，厚切，更彈牙！！

同朋友甘啱行經觀塘行得耐大家都開始肚餓就梗係搵吓嘢食醫肚啦之後咁啱見到有人派傳單就睇吓宣傳緊啲咩見到原來係宣傳緊港式串燒餐廳我就係度諗究竟咩係 港式串燒呢係好奇心作祟之下就去咗搵呢間餐廳原來佢就係駱駝漆入面我哋叫咗個二人串燒套餐入面都有幾多野食又有刺身 又有串燒 又有主食 其實三百幾蚊來講真係幾抵食而且不得不讚佢嘅燒鱔其實好似鰻魚 而且佢燒得香香脆脆再加埋類似鰻魚汁嘅調味 好正之後我哋仲叫咗其他嘢好似炸大腸 同埋燒雞翼 全部都好好食

以前食串燒一定去紅磡食 但眼見而家開左好多串燒鋪 決定要試下！朋友搵左呢間叫鮮既串燒店 係觀塘好近我🤣燒菠蘿同燒牛舌 大讚牛舌唔會韌 好juicy! 而燒菠蘿係點整都咁好味既🤤燒雞翼！燒得岩岩好 外脆內嫰！燒茄子🍆推介✨茄子要燒得唔乾係好難 呢間餐廳燒到茄子依然漲卜卜 夠juicy！好厲害👍🏻燒韮菜 要提醒唔食得辣既朋友要叫唔辣xd 韮菜同茄子一樣勁易燒到乾晒 但呢到又係燒到岩岩好 依然有水份🤤配埋啲粉真係十分好味！燒磨菇 平時好少見有啲食燒蘑菇 好好味既呢！驚齋食串燒唔夠飽 所以食個意粉填填肚xd 芝士好足 焗意粉係比炒意粉好食啲xd甜品雕魚燒 第一下見到就諗起平時食個啲雪糕三文治 個皮係好lum既 所以都唔抱咩期望～點知！一咬完去 脆既！！！ 好驚喜！要大讚！總結 環境夠大 食身質素不錯 多人或少人黎食都ok!

今日特意來試試這家燒烤餐廳，隨意點了幾款試下。芥茉凍花螺冰鎮過花螺，肉質較為爽，沾上芥末汁，令人醒胃墨魚腸配露荀黑蜜蜜墨魚腸，賣相有點嚇人，但食落去又好好味😝腸內有粒粒墨魚肉，煙煙韌韌，味道有點似腊腸，唔錯！墨魚丸墨魚丸夠彈牙,還有炭燒香味。煙肉芝士大磨菇磨菇釀滿芝士，上面放上煙肉，焗出來，好似個蛋撻，芝士溶化加上磨菇本身有水份，好Juicy!蒜辣焗金菇打開錫紙，陣陣蒜香味，金菇索晒蒜蓉和牛油汁，超好食燒鳗魚大大塊鰻魚，用竹子串起來，兩面燒均勻，肉質爽脆，沾上醬汁更加好味！燒菠羅菠蘿輕輕燒兩面，暖暖地，很多汁，吃完一頓燒烤肉，食件菠蘿滋潤吓，無咁易上火👍

😋工廠區其實有好多餐廳，依間又有串燒又有飯麵、刺身、連海鮮都有；入到黎即刻見到開放式廚房，串燒店做開放式😳但食左成晚都唔覺大油煙👏🏻👏🏻而且坐位都幾多🍢墨汁墨魚腸$15第一次食墨魚腸，望落黑麻麻咁但好好食，個皮超脆又多汁，仲食到裡面有粒粒墨魚🐙豬頸肉（1份）$381份都有7-8塊，唔太肥燒得較為乾身，加埋個醬一齊食非常野味牛仔骨（1份）$38好Juicy 而且好有咬口，最鐘意食牛仔骨個條筋，愈咬愈有牛味雙重芝士薄餅$48薄餅好鬆化，完美地做到拉絲效果脆口唔多油；剪開細細塊岩岩好做到一啖一口焗豬扒飯$88新鮮蕃茄加埋芝士，豬扒大大塊，飯既份量都幾多用鐵盤上能夠keep住熱辣辣，但要小心手枝裝Zero可樂$15最鐘意枝裝可樂夠哂氣又夠凍，爽

突然好想食串燒 🤤經朋友介紹去左呢間食。一坐低就叫了 真係好多選擇 ，有菜類 肉類 海產類 等。想食既串燒都有咁濟。😸最尾同朋友叫左燒茄子 ，墨魚 ，豆角 ，豆卜，一口牛，雞翼，蜆肉，菠蘿 ，聖子。😅😹😀好多 ，每樣都幾大碟。大滿足！💕🤣聖子👌👍🏻雞翼大舊 雞皮幾脆墨魚最讃！超好食 又大份菠蘿真係勁juicy 又大舊🤔🤤豬頸肉好肥美一口牛燒得岩岩好 吾硬 但淡左小小 。蜆肉鮮甜冇沙水果花茶好清新 😸食串燒 好配搭。

朋友辭職轉新工，人工方面更大躍進! 於是相約一起吃飯慶祝。先來半打生蠔兩種口味各三隻。當中包括法國紛迪加蠔，修長的薄殼，蠔肉有透明感，肉色較淺，大小都算適中，味道則先鹹後甜更帶點榛果香味與甜味。肉質亦有彈性，爽口。另外三隻則為同樣來自法國的白珍珠，海水味適中，不鹹不淡，肉身偏向滑溜，蠔味則越食越甜。L 喜愛無加任何醬汁，因為這樣才能吃到蠔的層次感，原味及AfterTaste。燒白鱔串，啖啖肉而且惹味。燒蟶子皇，正! 調味夠，蟶子爽口北海道珍寶帆立貝很大隻而且調味夠秋葵爽口燒鮮菠蘿及茄子是 L 至愛，但要燒到外面香口裡面仍有香甜果汁並非易事。露筍鮮甜最後來個燒蒜蓉包，滿足!燒原隻墨魚，爽口彈牙。我也開心飲過酒。

這晚來到鮮。港式串燒吧食串燒。同著個同樣喜歡吃魚既朋友一齊食很歡喜! 我地叫左兩串白鱔串, 很鮮甜嫩滑! 還有油甘魚鮫, 油甘香味重, 啖啖肉, 軟滑可口! 基本上食物既質素都高, 蔬菜燒得香口時又不失水份! 食物已有很新鮮的味道, 本身亦很入味, 醬料同粗鹽用作提昇食物, 為味蕾帶來快樂! 在此要推介的不只有油甘魚鮫和白鱔串, 還有很juicy 既翠玉瓜, 冬菇, 虎皮尖椒。唔少得既係充滿咬口而不平凡既燒粟米, 還有彈牙鮮甜墨汁墨魚腸和墨魚丸! 最後要高度推介麻吉燒! 正到爆! 大家不妨一試, 不會失望既串燒店!

食肆搬上工廈在香港漸成主流，愈來愈多人習慣到工廈尋找美食。今次放工後的良朋歡聚，我們選到這間串燒店。雖然身處工廈，但店面的裝潢一點都不失禮，如置身購物商場一樣。第一道來的是煙肉芝士大蘑菇，芝士半融化在蘑菇表面， 切半蘑菇隨即湧泉而出。再加上煙肉，不太複雜，卻又是絕佳配搭，芝士與蘑菇香味共冶一爐。芥末凍花螺比較不常見，這裡的採取冰鎮方式上檯。花螺很新鮮，沒有腐爛的味道。螺肉煮得恰到好處，肉保持彈性不會硬。中型花螺肉質不會太老，也不會太小沒肉吃。芥末微微襯托，沒有蓋過花螺的鮮味。燒冬菇的火喉剛剛好，表皮微微燒焦，菇肉保持juicy。羊架燒得外層香脆，肉嫩多汁。羊肉沒有煮得太熟，感覺大概七成左右。羊肉中筋膜不多，脂肪分布平均，沒有難以咀嚼的情況。牛舌係名副其實的厚切，口感很充實。外層燒得好香，肉質很有彈性帶有少許嚼勁，調味不會過鹹。雞中翼為我的最愛，平凡卻考烹調者功夫，不能貪快用大火。這裡的表皮微微泛金黃，肉質外脆內嫩沒有雪味。烤豬頸肉香氣撲鼻，肉質肥瘦相間。看似很肥膩，口感卻是恰到好處，配搭醬汁有種清新感。今次體驗不錯，店舖地點交通方便，座位環境舒適，食物水準不錯，是一個不錯的放工聚腳點。