鮮‧港式串燒吧 (已搬遷) 新店位置

因為以前在澳洲墨爾本大學畢業, 經常跟同學食澳洲出名的羊扒。現在跟女朋友去試香港地道的港式串燒吧, 食落跟澳洲傳統羊扒lamb steak一樣。味道濃郁, 而且廚師能夠鎖緊肉汁的美味。羊扒好煙韌, 有一些羊肉的騷味, 加上餐廳配製的青檸汁或薄荷汁, 簡直令人垂涎三尺。已特別係廚師選用的，經過精心配製。跟女朋友食完之後好滿足, 再使他們其他的串燒海鮮, 全部好新鮮及野味。環境比較開揚及寧静，適合拍拖的情侶談心及談情。絕對比個贊。

今日同男朋友咁啱喺度掃緊駱駝漆個棟大廈嘅小店行到咁上下就覺得好肚餓 所以就搵咗間餐廳醫肚男朋友話想食串燒 本身都以為好難搵以為工廈只有西餐 點知上網一搵 就搵到呢間串燒不過呢間係港式 所以就試試我同我朋友就叫咗個二人套餐首先就有啲刺生 東風螺 同埋八爪魚都幾多件 兩個人過下口癮一流之後就燒茄子 呢度唔係原條燒咁樣反而更加入味之後就係燒牛舌同燒雞腎全部都大大粒之後就仲有燒蘑菇 有啲蒜蓉係上面 食落好香之後仲有個好正嘅燒鱔好香 好脆最後仲有個焗豬扒飯 勁大份 兩個人食到捧住個肚走

今晚和家人吃晚飯，選擇了一家港式串燒。日式串燒如雨後春筍，在鬧市街頭，總有一家在左近，相反港式串燒，反而是買少見少。這家餐廳裝潢簡樸實在，播放著粵語流行曲。灰白色的磚頭牆，靠牆一排是沙發座，座位很多，適合聚餐。點餐紙有不少選擇，例如海鮮、串燒、蔬菜等。⭐️燒煙肉廣島蠔$35以煙肉包著廣島蠔，蠔胖乎乎的，咬下去鮮美多汁。⭐️燒大蜆$55大蜆不算肥美，但鮮美無沙，不錯。⭐️茄子$15茄子很軟，上面放滿了蒜粒，調得夠味。⭐️蘆筍$22蘆筍尚算多汁惹味。⭐️辣味韭菜$15韭菜的孜然味很重，燒出來香噴噴的，味道香辣惹味。⭐️燒多春魚（4條）$30表面燒得焦香，肉質嫩滑，滿肚子都是魚籽，⭐️豬頸肉$38豬頸肉份量很多，但是醃得不夠味。⭐️蒜香雞全翼$25隻久違了的雞全翼，外皮烤得金黃酥脆，吃起來很過癮呢！⭐️厚切牛脷（2份）$116牛脷肥美，很爽脆。▪️這間港式串燒份量適中，味道是接近內地的孜然燒烤，另有一番風味。

放工同朋友，搵呢間燒烤店，好在唔使大熱天時自己燒到身水身汗。餐廳好大，坐得幾舒服，燒烤款式都好多，所以點左好多款。最近想食得健康D，所以點左唔少蔬菜，我只是講我食過既野。一口蕃薯$22細細粒番薯都幾甜。秋葵$30 秋葵嘅份量都幾多，有好香嘅孜然味。菠蘿$18菠蘿厚肉多汁。鵝肝多士$58多士烤得香脆，但鵝肝有點少，吃不吃整體的味道。香辣蘑菇$96/2兩份香辣蘑菇，蘑菇多汁香腍，可惜實在太辣了！雞軟骨$15蒜辣焗金菇$25蒜香味很突出，蒜香味和金菇融為一體。燒白鱔串$58白鱔肉粒香軟嫩滑，口感不錯。粒粒墨魚丸$15跟自己燒烤烤的相差無幾。燒饅頭$25燒饅頭較失色，饅頭較乾。湯烏冬$20一碗熱呼呼的清湯烏冬，烏冬彈牙，很滑。

朋友帶我去觀塘工廠區覓食，想不到他帶我去食串燒,還要是去平時我常逛街的駱駝漆大廈。串燒,最大的麻煩,就是你要揀想食的。因為收工已經很夜,肚子很餓,我說不如我們點一個二人餐就好了。因為二人餐,不包飲品,看到餐牌,他有水果花茶，感覺很清新點了一杯來試試。茉莉花茶配上大大塊的新鮮蔬果,最啱女士飲用。兩個人飲一杯都可以。一來就是主打的燒白鱔,也是我最期待的。七八吋長的白鱔啖啖肉, 好有口感。朋友覺得它稍為燒焦了一點,但我知道魚皮是很容易燒焦,反正食串燒也沒差,脆卜卜，還很香口。 接著來就是燒雞皮,雞皮很脆但要點一些碟上的鹽,雞皮才有味。雞腎牛脷, 大大塊，點一些青色的醬汁，有點泰式的辣醬， 非常配合。全黑色的墨魚腸,我也是第一次見, 好濃厚的墨魚味, 芝心丸,食的時候要小心,因為芝士的溫度太熱,小心燙口。芥末花螺和三色刺身拼盤冷盤送來, 花螺本身已淋上豉油,只需要用叉吉出來, 點上一些芥末,就可以食用。 三色刺身有北寄背,吞拿魚，八爪魚片,冷盤建議儘快食用。蘑菇和茄子,另外我點了蘆筍同翠玉瓜。蘑菇同茄子放上蒜蓉,燒起來分外惹味。蘆筍同翠玉瓜,燒完之後仍然保留它的水分。食串燒已經好飽喇, 突然間

傳統工廠區近年變化萬千，就近的觀塘已是商廈林立，餘下的工廠大廈都變成商場及食肆，今天走進駱駝漆大廈這家餐廳，裝潢不算豪華，但亦算不錯，寛敞舒適，Open Kitchen 都唔覺廚房異味。燒白鱔串（HKD58)厚肉燒得香噴噴，爽肉皮又卜卜脆。焗豬扒飯（HKD88）豬扒份量足秤, 上面芝士十足，再加上超量蕃茄，炒飯底做得唔錯。煙肉芝士大蘑菇（HKD38）西式燒烤處理，芝士熔化絕配煙肉及熱辣辣蘑菇，必須一試再試。盬燒雞中亦（HKD22）點左兩份共四隻，燒雞中亦是人人都啱食之選， 椒鹽味剛剛好。厚切牛脷串（HKD58）無骨啖啖肉，夠咬口，食落好有滿足感。蒜辣焗金菇（HKD25）經濟實惠，蒜蓉辣椒蓉提升金菇口感，正！芥茉凍花螺（HKD48）冰鎮新鮮花螺，鮮甜爽口，小心攻鼻芥茉哦！整體價錢相宜，內部格局又舒適，值得一試。

難得約了好久不見的朋友，找來了這家鬧市中不太喧鬧的串燒店談天吃串燒🤗🤗🤗這裡的串燒款式頗多，價錢亦實惠。但吃串燒之前，餓底的我們點了個前菜芥末凍花螺$48。冰鎮的，鮮甜的，果真開胃！蔬菜類方面，茄子串燒$15🍆表面滿佈蒜蓉，偏重口味但不算油膩。一口紫薯串燒$22總是我喜歡點的串燒項目，甜甜的又是澱粉質但又不會太大太飽肚。比較特別的是墨汁墨魚腸串燒$15和麻吉燒$20，絕對比其平凡的外表來得美味，值得一試！肉類方面，我會推介大家嚐嚐厚切牛脷串$58，爽口又不油膩！另外，飽肚之選是明太子飯團$32，表面燒得香脆的飯團，配上表面的沙拉醬，一流！雙重芝士薄餅$48更美味，以酥皮夾著拉絲芝士，欲罷不能。結尾有水果花茶$38。朋友點的是冰冷的；我特地點了室溫的花茶，味道更澀，但店方真是毫不吝嗇，加入了許多很大片的水果如菠蘿、西瓜及蜜瓜等，使這個晚餐非常圓滿！

辛辛苦苦的又在變態的客人虐待下存活過來😭，又累又餓，不想再想太多了☠️，就去附近工廠大廈🏭找個地方好好慰藉一下自己😌，畢竟觀塘區工廠區內要覓食絕不困難😏。隨便地進了最近的廠廈內🏭，再隨意選一個樓層5️⃣，有時候去探險一下也不是壞事😎，可能會有新發現嘛😉。看到了這家串燒吧🔥，想也不想就拖著老公🍋進去了。晚飯時間🌛，早就有幾枱的食客在了😲。店內環境寬敞舒適😊，還蠻適合我們這班都市中的螻蟻🐜來放鬆一下。除了串燒外🍢，小店更提供各種海鮮🦀、刺身🐠及生蠔🐚等。不過今晚人妻🐷真的沒甚麼胃口，還是點一些串燒小食算了😔。雞軟骨🐣：脆脆的口感，加上點點鹹香的肉味，入口油而不膩🤤，對於沒甚麼胃口的人妻🐷來說是蠻醒胃的☺️。雞腎🐔：雞腎爽口有嚼勁😋，加了香濃的調味粉燒製，變得非常惹味👍🏻。墨汁墨魚腸🦑：曾有人說過它是最好吃的『黑暗料理』🖤。豬肉🐷加上墨魚汁🦑，混合出獨特的海鮮口感😍。沾上了點點的茄醬🥫，又是另一番風味💖。香辣蘑菇🌶：白蘑菇🍄加入了蒜蓉及辣椒🌶煮成，香辣度十足💯，加上新鮮清甜的蘑菇，佐酒一定會很不錯🤤。炸牛乳蟹肉薯餅🍼：炸至酥脆的表層💛，一切開🔪馬上先到香濃幼滑的牛乳緩緩流出🍼，入口異常香滑，不過要小

講真自己真係從來冇食過啲咁難食嘅串燒☠️串燒真係好難整得難食🤡加啲味粉都已經好好食🙂但係呢間鋪頭成功造就左難食嘅串燒😵💦—行入去就已經冇串燒店嘅感覺🙈本身諗住佢特登辟走啲油煙味🚬但係點知原來呢個就係惡夢嘅開始🤐—🥢菜品評價🥢1. 燒一口牛🐮講真我對呢個牛真係好失望😞呢間鋪嘅所有嘢食都冇乜味😀調味料都懶得落😓一食落去已經知道中伏🤯首先係冇味🤬然後又好韌😤覺得自己食緊紙皮📦2. 煙肉燒蠔🍴呢個簡直係極品😤一上菜就已經聞到佢嗰浸腥味😰😰本身仲以為自己聞錯😐點知阿爸阿媽一食落口就已經知道...係腥到飛起😱嗰陣腥味真係頂唔順🙄媽子仲要lur埋出嚟🤮老豆就好勇咁吞咗佢🤧我就淨係食咗個塊煙肉🙈嚴格來講唔係食～只係放左入口💦但係一擺落口都已經食到嗰陣腥味😓😓而且佢嗰個外貌真係好核突🤪大家唔好以為佢係有個殼🙂然之後上面有肉碎🌚佢只係用煙肉包住左🙄🙄所以肉汁都已經流晒出去🙍🏻Dry到飛起😀👍🏻3. 芝士雙層薄餅🍕呢個算係咁多款菜式入邊最好食嘅👍🏻呢碟嘅芝士唔算多 但係都好好食😋呢個成為大家嘅充飢之選實冇錯啦！其實呢個薄餅對我地來講已經係唔差😗個薄餅係屬於酥皮嘅類型😚幾脆🤣入面個芝士亦唔會好膩😎啱各位女士試吓

各位姊妹，唔好話我A姐唔教你呀！大家一定要矜持，唔可以咁隨便，學識欲擒故縱，吊住佢條癮，咁樣先可食住你條仔！食嘢都係一樣，所謂「少食多滋味」，串燒一串多嗰幾粒，咁樣先矜貴，食落特別滋味！上次食完鮮•港式串燒吧，心郁郁又想食！雞軟骨+雞腎+熊本一口牛雞軟骨惹味脆口，口感豐富；雞腎爽口，滋味到食唔停口；熊本一口牛帶少許脂肪，牛味香濃！鹽燒雞中翼M佬成日都話「燒雞翼我自細鍾意食」，佢見到雞翼一定叫。外皮燒到香脆可口，特別鍾意燒到有少少焦，淡淡嘅海鹽味吊出雞肉鮮味，咬落仲有好多肉汁，值得推介！煙肉青椒卷煙肉燒得非常香口，包住爽脆多汁青椒，一咸一清，兩者配合得啱啱好！茄子茄子切片配上切粒蒜頭，惹味十足！一口番薯+菠蘿最後就梗係食甜品！一口番薯香甜美味；菠蘿微微燒過，加上少少海鹽，吊出菠蘿清香，正！（記住Like同Share畀朋友）By A姐M佬 玩樂日記

一間在工廈的串燒吧 環境適合朋友聚會 食物選擇亦很多 海鮮 牛 雞 丸 蔬菜 甜品都有法國燒春雞（半隻）$68推介 雞皮燒到好香脆 雞肉又厚啖啖肉 調味恰到好處 食到雞肉本身的鮮味 推介熊本一口牛 $38好好味 肉脂比列好完美 食到脂肪的香味 但不會有油膩的感覺 鹽燒雞中翼（2隻）$22食串燒好鐘意食燒雞翼 雞皮好香脆 咸味剛剛好 一口蕃薯 $22好甜 正！香菇 $15 不錯蒜辣焗金菇 $25份量好多 超多蒜 喜歡蒜的朋友不要錯過麻吉燒 $20出面有一層類似魚片包住mochi 整體口感好好 燒青瓜 $15偏油——————————————-整體食物水準不錯人均消費約$200一個gathering 唔錯嘅選擇

觀塘工業區越夜越熱閙，要搵食好容易，餐廳多，再加上選擇的種類夠多，想食乜都有，今次收工來到駱駝漆大廈搵食，呢度有好多cafe，各種中西餐廳，最後搵左間食串燒的餐廳，可以慢慢食同埋傾下計餐廳坐位都幾多，半開放式廚房，但餐廳內完全無油煙味，坐得好舒適燒韮菜，燒得啱啱好，韮菜無被燒乾，上面灑上孜然粉同辣椒粉，所以食落少少辣，十分惹味燒魚皮餃，外皮燒到脆卜卜，但咬落去中間仍然煙韌，估唔到平時用來打邊爐，變左燒烤都一樣咁好食，另外要左條辣肉腸，一樣外面脆，幾香口，食完感覺有啲似台式腸燒牛舌，厚切來燒，肉汁仍然豐富，再加上肉質好嫩滑，加上係我的至愛，好正鹽燒雞翼，味道有少少咸，加少少檸檬汁更加香口，同埋燒得啱啱好，雞翼中間熟透，完全睇到師傅燒烤功力出色燒大磨菇，成晚我最鍾意的燒物，磨菇中間釀滿芝士同埋煙肉碎，磨菇係燒到完全熟透，仍然多汁，配合埋煙肉芝士，變得非常夾的味道最後食左成晚肉，食番個燒菠蘿，可以用來平衡一下，燒過的菠蘿真係甜左啲，可以減輕一下油膩感最值得一讚係上菜的速度，每樣食物都係即叫即燒，食完一碟接著另一碟就到

上次來過駱駝漆大廈發現原來有好多餐廳、有一間專吃串燒的餐廳經常滿座、今晚放工就去一試吧。芥茉凍花螺 $48花螺以冰鎮形式送上、肉質爽口、味道鮮甜、加上芥茉更加刺激。粒粒墨魚丸$15 有三大粒、吃得墨魚粒在裡面、幾彈牙。墨汁墨魚腸 $15跟燒露荀$22放在一起、差點看不到它😅露荀鮮嫩無渣。墨汁墨魚腸烏淬淬、想不到味道十分不錯、甜甜地又咬到爽滑墨魚粒。煙肉芝士大磨菇 $38 上面鋪滿芝士、一切開好多汁 、喜歡那爽滑的口感。燒菠蘿唔算好清甜、如果兩件大小可以均稱一點就好。蒜蓉焗金菇 $25 超好吃、完全有BBQ感覺。用錫紙包著、金菇細嫩、蒜蓉味好香！燒煙肉廣島蠔 $35 以煙肉包著蠔來燒、幾特別喎。蠔燒得香口、口感爽滑juicy。

同朋友食串燒吹水真係好鬼爽，佢介紹去觀塘工廈，因為有難得嘅燒白膳，仲話好好食添！呢度唔會人迫人，入座7~8成左右，唔限時，傾到計。白膳好大條，皮好香脆，要襯熱食呀！肉非常厚，幾彈牙，堅正！另一個驚喜係即開生蠔，非常鮮甜，燒到開始熱就上碟，非常juicy！雖然唔係好大隻，但幾飽滿然後又係朋友介紹燒豆卜，原來都有汁唔會乾，調味之後嘅鹹香好啱餸酒！不過我哋飲汽水仲有煙肉大啡菇，燒得幾juicy，又厚肉，係一碟一隻唔夠喉囉。其他食物都不過不失，不過精選再食！

餐牌煙肉芝士大蘑菇開刀切開時，肥大肉厚的大蘑菇流出很多水份；其上鋪上厚厚的芝士和煙肉，味濃又juicy.芥茉凍花螺不喜歡辣的可直接取冰塊上的花螺，肉爽帶微微辣味。嗜辣的，可把花螺蘸了玻璃器皿低部的辣汁，好有刺激感。蒜辣焗金菇金菇焗後夠濕潤，辣椒絲起了吊味的作用，少少辣，而且蒜蓉調味佳，如果再加啲蒜蓉會合我口味。墨魚丸入口有彈性，不是那種滿口粉團的便宜貨。不用蘸醬也夠味，後來我試了圖下的醬，咸咸地，同墨魚丸都配合鯛魚燒有兩款饀，我揀了oreo曲奇味。威化餅般脆身的外層包著滿滿的Oreo 雪糕，立時有透心涼感，推介👍備註：啤酒有買三送一優惠