鯛魚湯專門店 (已結業)

近來朋友介紹左個魚湯飯餐廳, 平時多肉少菜既我, 應該要去一去啦坐位都幾多, 但差不多FULL晒, 相信味道都應該不錯啦!叫左個海膽葉蟹腳湯飯, 有海膽都只係130蚊左右, 好食喎!好快有得食, 岩晒心急既我啦, 湯飯係會日式爐點蠟燭去keep溫, 好有heart喎!湯飯冒出蒸氣, 好夠熱, 海胆同埋松葉蟹腳放滿整個碗, 份量好多, 學新假期話齋, 極邪惡咯!!湯頭淋上海膽度, 一啖海膽放入口, 好creamy, 鮮甜既湯頭配海膽原來係咁match! 松葉蟹腳已經剥晒殼, 方便進食, 有heart, 松肉多, 又鮮甜, 正!

前排病完冇咩胃口, 想食返D清清地既野食, 舅母介紹係佢返工附近新開左間鯛魚湯飯, 味道唔錯。但一向唔太好湯飯既我, 今次就被"鯛魚湯"吸引我前去一試。呢度主打鯛魚湯, 所有既湯飯、麵食、烏冬等等...無論揀邊款, 都可以一嘗鯛魚湯味道除左飽肚既主食, 仲有日式小食同埋串燒, 我就order左一個呢度熱賣既"皇帝蟹腳海膽湯飯"同埋兩個小食。【皇帝蟹腳海膽湯飯】HK$168湯飯以細細既火興住, 奶白色既鯛魚湯底滾下滾下, 散發出陣陣魚香味, 味道超級鮮甜!!以日本珍珠米做飯, 一路食一路吸左個鯛魚湯, 愈食愈入味~ 因為吸左d湯, 個飯微微發脹, 所以食落好飽肚。金黃既海膽同埋蟹腳夠哂鮮味, 配上很吸味既娃娃菜, 木耳絲等等增加口感整個味道同配搭都與別不同, 口感亦唔會係想像中既一pat pat...很滿足~【鹽燒雞中翼】HK$26@4隻表面香脆, 有少少鹽吊味, 不過肉食就比較少【原條鰻魚汁燒】HK$68鰻魚唔會過林, 配上汁燒鰻魚汁, 甜甜的, 味道唔錯~不過食完之後返到去睇OPENRICE食評, 先發現湯飯原來係送熱飲, 但menu上似乎沒有清楚標明, 而且店員由始至終都沒有主動問

琴晚行經灣仔準備過馬路既時候 見到依間餐廳外面頂上 有個大電視 電視內播緊有個女仔食鍋物 我就比佢深深吸引住 於是我同朋友就入左去！場內環境好大好光 地方十分闊落！鮑魚花膠魚肚魚湯湯飯$138哇！哇！哇！依個價錢抵食到爛 吾洗加一 仲有甘上等既食材 諗刀吾諗就叫左依款！鮑魚共有兩隻 大小適中 無得輸 有咬口之餘 又有鮑魚既甜味 正！花膠同魚肚份量亦相當多 佢地吸入左吾少既鯛魚湯 一咬落去 啲湯充滿在口中！至於湯底鯛魚湯 絕對吾系味噌湯底 飲落去好有魚既鮮甜味 簡直無得彈！雖然系湯飯 但啲飯系個湯只會吸入啲湯 變得大粒啲 而吾系一patpat 所以賣相再加分！中意食上等食材 一定要叫佢！回味無窮丫~~原條鰻魚汁燒 $68共有六小舊 燒汁佈滿鰻魚上 咸度適中！鰻魚燒得好美觀 但有少許幼細既骨 食用時多加注意！-好味既程度已經系相約了其他朋友再去多一次！

週末放工同事約我陪她去買嬰兒用品，因為她有孕已6個月，需要買定應用物品，知我有經驗，所以請我指導她，冇所謂啦！我們就一同到銅鑼灣Sogo 買了很多孕婦和新生嬰兒用品，到了晚餐的時候，同事好客氣説要請食晚飯，多謝我又陪又教她，孕婦要食一些有益健康的食物，之前經過天樂里，見到一間名叫綢魚湯專門店，是用綢魚湯製作食物，魚湯是健康食品之一，所以我們一同前往食晚飯！皇帝蟹腳海膽湯飯：店長推介兼每日限量供應，當然第一時間order 先！海膽和皇帝蟹腳好鮮甜，湯飯的湯底用了綢魚及秘製配料，餚10幾小時成奶白色，營養價值高，低脂肪、高蛋白質，骨膠原豐富，味道鮮甜，女仕們不可錯過！鮑魚花膠魚肚魚湯烏冬：同事有孕，最岩食尼款，魚湯對孕婦和胎兒都有益，鮑魚鮮味、花膠和魚肚厚身，烏冬爽滑，加埋魚湯一起食，十分美味可口！還有熱飲送。原條鰻魚汁燒：鰻魚燒得剛剛好，加埋燒汁，非常惹味！雞中翼辣：雞肉入味有少許辣，很美味！

這間餐廳的餐牌很吸引, 雖然餐廳專提供湯飯和烏冬, 但它能將這兩樣食材升級, 放入高級的食材, 讓客人有高級的享受。我們六時正進去的時候, 那時人不多。我被餐牌上有一樣列明是餐廳的必食之選吸引了, 於是點了一碗鮑魚花膠魚肚魚湯烏冬。飲品方面, 我點了一杯“蜂蜜果園”, 它是蜂蜜和蘋果醋製成的。另外, 我們也點了一串雞翼串燒來分享。大概等了十分鐘, 我們的食物便送上來了。我那碗烏冬上面的食材很足料, 有兩件鮑魚、很多片花膠和魚肚 。花膠也算滑身, 魚肚吸收了鯛魚湯的味非常入味, 鯛魚湯底很濃郁, 所以啖啖手打烏冬也吃到魚湯的鮮味， 但吃下去我認為魚湯有點兒鹹。蜂蜜蘋果醋的蜂蜜味不是太突出, 蘋果醋的味道則很香, 喝下去很解渴, 酸酸甜甜的。另外, 雞翼串燒分量不是太大, 所以吃完一碗烏冬也能吃完一隻雞翼, 醃了的雞翼很惹味。

鯛魚魚湯湯飯encore篇：病左幾日，食得清淡得很！見好轉少少，男友知我好想食湯飯，特登帶我黎呢度食！湯底一如既往甘好味，濃郁得黎，唔會覺得濟，一飲而盡都唔會特別口渴！😋😋🌸🇯🇵帶子湯飯$88+鯛魚片（4片）$18今次試新嘢—帶子大大粒，彈牙唔霉好新鮮，鯛魚肉質厚實但唔hi 👍🏻👍🏻>>>>>>>>>>>>>>>>>>>>>>>>>>>>廣島生蠔湯飯$88+墨魚丸（2粒）$18生蠔細滑，一咬開勁juicy，不過我一向唔係佢fans，覺得有d腥😰。但男朋友就覺得好好味！😅可能我主觀問題，口味大不同！😂不過我地都一致認為墨魚丸好正！🉐️🉐️🉐️黑色既外表看起來唔討好，但咬落好有口感，真係有一粒粒墨魚，而且好彈牙，無粉感硬感！😍😍******************************燒汁原條鰻魚$68呢個價錢份量幾多！👍🏻👍🏻味道就一般，有好多細條骨，底部有d韌！enco

難得經過灣仔，男朋友就想試吓呢間魚湯專門店啦我哋先叫咗一個皇帝蟹腳海膽湯飯，本身以為蟹腳係好似蟹棒咁嘅，點知竟然係好彈牙勁粗嘅阿拉斯加蟹腳，即使浸係湯度都依然好爽口呀，如果有得散叫我一定叫幾份黎食。海膽亦都唔係馬馬虎虎，係好鮮味同埋份量多嘅海膽，索價＄168但係我覺得依然係物超所值，因為兩樣食材都好回本！另一個就係鮑魚花膠魚湯烏冬， ＄138，驚喜嘅係佢有兩隻鮑魚而且size好大，仲有好多花膠同魚肚係底所以湯底比平時更加香。我哋仲叫咗三樣小食，分別係焗雜菌，餃子雞翼同埋蒜蓉大元貝，其實三樣都好好味，不過我最欣賞嘅係餃子雞翼，因為熱辣辣雞翼真係好好味呀！

每日返工搭巴士都經過呢間鯛魚湯專門店，已經有想去試嘅衝動。見今日朋友接收工，就約埋一齊去試吓呢間餐廳。由於我都喺銅鑼灣返工，由公司行過去都只係15分鐘，好方便又易搵。上open rice 見食評都可以，我同朋友叫咗個5樣嘢試吓。原板時令海膽湯飯 $138下面會有個火一直煲住個海膽湯飯，keep 住夠熱，好新鮮。第一次食熱嘅海膽，感覺幾特別，海膽鮮甜，份量都算多，無腥味。兩個女仔 share 食都食唔晒。象拔貝魚湯手打烏冬 $72象拔貝爽口，份量都有成7,8塊，烏冬夠滑，奶白色的魚湯，入口好清。羊架黑椒 $48肉質夠嫩，但羊味有少少 over 咗。原條鰻魚汁燒 $68個人推薦燒鰻魚，肉質夠厚身，入口好香，食完好滿足。用嚟餸湯飯係一個唔錯嘅選擇。餃子雞翼 $38賣相幾好，兩隻雞翼都脹卜卜，雞翼唔會太燶，保持原有嘅質感。整體服務質素一般，餐廳環境算乾淨，埋單免加一服務費，上菜速度算快。

今天下班後約了朋友在灣仔吃飯，找著找著就發現了這個餐廳了。由於我是一個海膽控，所以看見有關海膽的食物就會失去理智先進去再說LOL 一坐下，裝修也很有日式食堂風格，看看菜單，除了湯飯外也有普通日式食堂的食物如炸豬扒飯、串燒等⋯⋯我自己本身是不太吃湯飯的人，可是看了看要吃海膽只可以配湯飯，決定試一試。朋友叫了皇帝蟹腳湯飯，由於她討厭海膽太腥，所以我建議之後試一些我那些就可以了。等了一會，湯飯上來了，第一次食湯飯不知道是不是所有都一樣的，不過這個下面是有火爐在暖著的！而主角海膽可以說是份量十足！就算分了一些給我朋友也十分能夠滿足我這海膽控！海膽十分鮮而且也不腥，很滑，十分滿分會有十分的海膽！而湯飯所標榜的鯛魚湯十分驚喜，很香很入味，使全個湯飯都十分香及易入口，對於第一次吃湯飯的我絕對是一個好印象！美中不足的是那蟹腳實在有點老，我朋友的和我的也一樣，太乾也沒有蟹味，有點像蟹柳的味道。不過最重要的海膽已經蓋過所有不足了，因為實在太好吃！

前排喺屋企附近開左間鯛魚湯專門店，聽聞話湯底好出名。。我住得咁近無理由唔同屋企人一齊去食下。。。我就叫左呢個“皇帝蟹腳海膽湯飯”啲海膽真係好新鮮，而蟹腳都好大隻，好多肉，個鯛魚湯底更加無得彈，食完真係一啲都唔會口渴。。同埋佢會將個湯飯放喺個爐仔上面，就算食得慢都唔怕啲湯凍哂。。另外老公叫左“吉列廣島蠔定食”啲蠔外面炸得好脆，肉身亦保持好多汁，唔會因為炸完之後變乾。。沙律菜都好新鮮，配埋啲麻醬更加開胃！而定食亦跟左一碗鯛魚湯，呢個定食足而滿足到，餸+湯+飯嘅要求 雖然食物方面質素都偏高，但價錢都偏貴，間唔中食下都ok嘅。。。。

魚湯除了配米線外的另一個選擇。早早在鰂魚涌已經看見它，門口的設計吸引易認，但當時午飯時間，並沒有時間去等位。今天到這裡原來都有分店，終於能一試。湯飯嘅款式有好多，甚至可以自由加配料。比轉推薦的係拒的海膽湯飯，不要以為配搭好怪，但食落去卻係很夾。湯係雪白色狀，未飲落去已經嗅到濃濃的魚香味，飲落去後一點腥嘅感覺都無，只係有好濃的魚味，鮮甜味美。配料有豆卜，菜，芝麻，葱等等。令整體吃落去一點也不孤單，很湊合的感覺。而且一路有火熱住來吃，包唔會凍。其實朋友對魚湯一d都無好感，唔係話唔想食，係唔中意。叫拒陪我食呢到都講左好耐。幸好這裡除左湯飯之外仲會有定食，質素仲幾好。今次點了炸豬扒定食，有湯，有沙津，大大塊豬扒，仲有一碗白飯，份量好足。豬扒係超脆型，火喉剛好，入面肉還滲出肉汁，正。除左主食外還會有小食，燒生蠔配蒜蓉不錯，鮮味夠。雖然吃下去會滿口蒜蓉味，但係又唔可以無左拒嘅點綴，好矛盾丫。雖然說湯飯有火熱住來吃，但米飯畢竟易吸湯，所以想喝湯嘢，一來到儘快多喝幾口，感受多一點鮮味。

海膽湯飯.主打鯛魚湯的食店推出了數款每日數量限量發售的湯飯☺️ 其中一款就是海膽湯飯! 海膽份量比想像中多 而鯛魚湯底有著魚介的味道 特別喜歡用海膽撈飯😈 用火爐熱著就不怕變冷! 注意飯會吸湯 所以要吃快點😌Cutlet Pork Chop Teishoku | 吉列豬扒定食.定食有麵豉湯/沙津/漬物/白飯🍚 和主角吉列豬扒 非常豐富☺️吉列脆漿脆口不油膩 不過可更薄😌 豬扒飲質鬆軟 整體都不錯啊Chicken Wing Stuffing Dumpling | 餃子雞翼.雞翼已拆骨 可以啖啖肉! 內裏釀了餃子的餡料 雞翼煎的惹味 做小食都不錯

星期五放工很想吃好又豪氣的晚餐，小情人笑言可能要山珍海味的帝王餐才能滿足。誰知，邊行邊說，經過鯛魚湯專門店，就被門口大大個電視吸引了，是山珍海味的朋友😍看看價錢牌很合理，便進去吃一頓😃點了兩份湯飲，兩份燒物。湯飯1- 鮑魚花膠魚肚湯飯($138)，另加象拔貝($18): 湯飯湯甜鮮甜，菜新鮮，一點也不兒戲! 一品的鮑魚，爽口的花膠，彈牙的魚肚，啖啖滋味，非常滿足☺️湯飯2-日本帶子湯飯($88) + 魚肚($30): 日本帶子大大粒有3粒👍，湯飯火滾滾熱騰騰😋最值得一讚是兩份燒物，想不到可以燒得如此香且美味👍燒魷魚($58)：魷魚燒得剛剛好，非常鮮嫩，而且有魷魚香，加上燒汁清新，真係食得不能停口。原隻大大份，勁滿足👍👍👍燒鰻魚($68)：侍應一上菜鰻魚香撲鼻，我們認不住手就經已吃了一半，才發現相機未吃呀😩 所以，對不起這照片只是一半的份量😂 燒汁香氣，剛燒好焦氣配合鰻魚的鮮甜，真是吃完還想繼續點👍非常出色😋😋😋還配送兩杯飲品，真是很抵吃👍下次到訪一定要再點多多的燒物，相對居酒屋還要燒得好👍👍👍👍

本來想食鯛魚湯飯, 但見天氣都開始熱, 就唔想食啲咁熱嘅嘢, 就叫一個吉列豬扒定食啦定食個賣相同MENU一樣, 吉列豬扒以網架托起，讓剩油可以更充份地瀝走, 有HEART吉列豬扒炸得金黃色的, 一隻掌咁大塊, 而且入口時炸皮只會應聲裂開，不會刮痛嘴唇，肉身則是軟軟腍腍，肉汁豐富, 不會有油多涸喉之感豬扒汁，酸甜麻香，令炸豬扒更滋味, 可以中和吃肉的飽滯感再搭配日本米白飯, 一啖豬扒一啖飯, 好滿足價錢只係85蚊, 一嚟到個豬扒分量非常之大, 包埋個日本飯, 再加麵豉湯, 感覺非常超值

上次喺銅鑼灣行街，突然好想食泡飯，即刻上openrice search下，發現附近有間鯛魚湯專門店，專門食日式泡飯嘅，又有得食日本菜，又有得食泡飯，一次過滿足我兩個願望。睇餐牌，呢度嘅選擇都好多，大部份都係有湯嘅，呢度嘅湯係用鯛魚去製作，非常奶白，飲落亦有滿滿嘅魚味，而呢度嘅菜式都係可以加錢去加一啲特別嘅食材，就好似車仔麵咁。象拔蚌配羽衣烏冬加廣島蠔一隻＄90開頭唔知道乜嘢叫羽衣烏冬所以特登叫黎試吓，原來睇落個樣好似刀削麵咁，比起刀削麵再闊啲再滑啲，但就唔係彈牙既，好似雲吞皮咁。象拔蚌有四件，食落都覺得有鮮味同埋都幾彈牙，而在廣島蠔有半隻手掌咁大姐，都算新鮮，同烏冬好配。鮑魚花膠湯飯加墨魚丸兩粒＄134用鮑魚同埋花膠真係好高級，忍唔住就叫咗啦，隻鮑魚都唔算好細粒，都有啲份量，而且唔有口感，好彈牙，仲甜甜地添，花膠都有四件，但係略嫌有啲煮得林有啲煮得唔夠淋，墨魚丸係因為黑色比較係出面少見所以試吓，都有好重嘅墨魚味道，裏面糭仲到墨魚肉添。蒜片牛柳粒＄78冇肉食真係好不安，好彩呢度都有好多小食嬌，牛樓粒都煎得好香脆，但係有少少老， overall食落都幾好食。鱈魚魚腐＄38呢個真係好抵叫，鱈