鯛魚魚湯專門店 (已結業)

今日放工，朋友黎搵我食晚飯，知佢鐘意食海鮮🦞。附近又有間唔錯嘅專門店，靜中帶旺，裝修設計都日本風，岩我地傾下計relax一下。我地兩個人叫左一湯一烏冬：1.原隻波士頓龍蝦🦞湯飯$138呢款係每日限定，售完即止，好彩我地食嘅時候未賣晒，因為對新鮮龍蝦🦞冇抵抗力😂。佢地嘅湯飯係比較濃味D（相對起湯烏冬），但都食到魚湯嘅鮮味，加埋龍蝦就更加鮮味，大滿足🤤2.炸廣島豪湯烏冬配荔枝特飲 $88+$24鯛魚湯烏冬加3隻大大隻炸蠔仲有芝麻醬沙律。蠔幾新鮮炸得啱啱好，唔會好厚同硬，入面仲有好多汁。配埋沙律就唔會好膩。鯛魚湯好鮮味，亦唔會太濃 ，配埋蔥、海帶、烏冬非常夾。星空荔枝外型已經好夢幻，荔枝味好夠，值得一試。

今日專程入鰂魚涌食依間餐廳，因為見到佢用鯛魚湯作湯飯,都幾有特色,而且價錢都唔太貴。座位我地㨂左類似拉麵枱嘅位,坐得自在一啲。㨂左原隻波士頓龍蝦湯飯同蕃薯蜆 蝦魚湯飯,仲追加左帶子,生蠔同象拔貝。龍蝦好大隻,仲好多膏,有鮮味同海水味,咁嘅價錢絕對係值,店員仲好貼心比左夾我地整啲肉出黎食,同提我地可以將龍蝦夾出黎食,以免煮得太老。個湯即好重鯛魚味,係無味精嘅感覺,仲有好多款配菜,例如木耳絲,豆腐乾,娃娃菜等,好健康,口感亦好豐富,好高質。另一碗都好出色,有兩隻大蝦同好多隻蜆,兩者都好新鮮,非常出色,依碗湯更係比上一碗多左一層鮮味,應該係黎自蜆嘅汁。再值得一題係兩碗都用左珍珠米去煮,絕唔省米。追加嘅象拔貝有三隻,帶子就好隻,唔會鞋烚烚,都唔錯。蠔就得一隻,但係好鮮味,唔腥,好滿足。另外追加嘅海鮮都會配左一啲娃娃菜,食哂一定飽飽又健康。依一間真係值得再試,價錢仲咁平,鰂魚涌嘅街坊真係有口福。

星期日晚通常都同媽媽撐枱腳上網見到呢間魚湯專門店，仲有咁多海鮮好似好猛料咁，價錢又唔算好貴，咁就豪少少食呢間👏🏻鯛魚功效多多，食多啲飲多啲都唔怕以海鮮為主題嘅各種鯛魚湯飯/烏冬，仲可以因應自己需要追加食物媽媽要咗帝王蟹腳湯飯蟹腳啖啖肉，味鮮飯煲仔下面有火爐仔keep住佢嘅温度，幾貼心我地加咗$30要咗4件花膠，補補佢好爽口同無腥味，又大件，抵食輪到原隻波士頓龍蝦登場了！真係成隻開邊，童叟無欺啲烏冬熱辣辣，吸收晒鯛魚湯嘅鮮味店員仲提醒我可以先夾起龍蝦，免得浸太耐會令肉質變老隻鉗超厚肉 大滿足

朝早同班朋友係附近踢完波, 梗係要食野朋友廢時諗, 冇人反對就拉大隊入左去個餐牌入面有好多款野, 有飯有烏冬有湯飯真係唔O岩魚湯O既有定食,朋友嗌的魚湯湯飯個底有埋個火, 比你暖住食, 幾特別另一個朋友嗌的象拔蚌魚湯烏東個店員好細心比多一個碗比你夾開D 蚌先咁就唔會浸到韌哂朋友丙嗌的魚湯烏東.....嘩.又鮑魚又花膠咁, 真係誇張佢個烏東又係特別, 勁寬似刀削麵, 但望真D 又唔係好似是值得一試最後是我的吉豬定食有飯, 有沙律, 有肉, 有魚湯是非常豐富朋友嗌碟炸雞大家SHARE四十幾蚊就大大碟, 勁抵食D 雞又夠脆，又JUICY, 一定要嗌!

想不到，這店的手打烏冬，既有口感，而且配料亦非常抵吃，地方不算是旺地，卻滿是前來客人。大硯虎蝦配手打烏冬手打烏冬作為主打，加上大硯及虎蝦，而且有魚湯，非常入味呢。不可不說，份量很多，虎蝦、大硯、魚湯、各款蔬菜等，GLAD* 手打的稻庭烏冬軟綿綿彈牙，大硯肉嫩滑，配菜也非常可口，感覺很棒，虎蝦不但大隻，而且很彈牙～烏冬之硬度也是剛好，入口即感覺到～細心做的鯛魚湯襯托出鮮味，我跟朋友已經有5成飽。 日本帶子湯飯鯛魚湯飯，表面濕潤黏黏的，粒粒分明有咬口， 並吸收了湯汁精華，即使沒添加任何配菜也很好吃(當然日本帶子大也是主角)，加入帶子，令味道更配合且更有鮮味呢，然後我也加了一個花膠，養顏好呢，已拌勻的調味，值得一提的是，帶子湯飯是用小火鍋上的，看著煮滾。嚐鮮味 真鯛魚以上的湯底濃郁，味道不單調十分吸引，使用鯛魚煮成，搭配的味道濃厚獨特，一試愛上蒜片牛粒要再吃的小食，一口牛粒軟腍惹味炸蒜片金黃香脆～一定有竅門喔*炸蒜味道很好，蒜香牛柳粒，誰是主角？很多人覺得是牛粒，因為蒜片極其量也只是用來提味而已。豈料朋友今晚也漸漸發現，原來很多人都跟自己一樣，在牛粒還有大半碟蒜香，也是很可口的，加上沙律配菜

好少會過黎鰂魚涌，今日難得過開黎，就上openrice睇下呢度有無好野食。見到呢間魚湯烏冬好出名咁，決定試一試佢。鮑魚花膠魚肚魚湯湯飯（$138）上枱果間仲有個爐幫你熱住果湯飯，非常細心。份量比想像中大同多，估唔到咁足料。尤其花膠有成5，6舊，而且非常膠質，女仕護膚至愛。象拔蚌貝柱魚湯烏冬（$128）店員推薦，話原隻新鮮象拔蚌切片上，聽到就忍唔住要試下。黎到果然係原隻上，仲要都唔係細隻，店員仲建議我地唔好將象拔蚌放入湯度，唔係會無咁彈牙。一試之下真係非常鮮味加彈牙，絕對係會令我再黎既原因！汁燒烏賊🦑非常香濃既燒汁配上鮮味既烏賊，絕對係送酒一流！

間唔中我就會好想食烏冬，所以有時都會去公司樓下呢間鯛魚湯烏冬到食XD我自己一個又無咩大所謂，反正就係為左個湯同烏冬，有咩料根本唔重要XD不過呢日食既時候，唔知係個人熱，無心機，攰啊，等得太耐定點，梗係覺得佢差梗尐，所以要係咁落七味粉.... 但佢個湯係keep到既，所以應該係我個人既問題!

今日和同事在鰂魚涌打完波，他介紹我到附近的鯛魚魚湯專門店吃魚湯晚飯。餐牌上有很多特色的湯飯和烏冬，價錢非常合理，只看圖片都很想樣樣都嘗試。他們的魚湯好出名，用十多小時淆製的鯛魚湯底，味道鮮甜，營養價值高，加上日本米泡製魚湯飯，非常吸引。我叫了日本帶子三文魚仔湯飯$128，追加鮑魚一隻$28，上桌的時候更有火爐保持溫度，非常貼心。帶子新鮮又大隻，還有木耳絲、昆布、蔬菜等，一邊吃魚湯飯一邊享受鮮甜美味的三文魚仔和帶子，感覺非常滿足。追加的鮑魚又淋又入味，彈牙又有質感，還有一碗魚湯菜伴吃，正!雞塊唐揚$42，新鮮熱辣炸好，份量很足夠，金黃脆卜卜、香噴噴、不油膩，更有沙律菜伴碟，一吃入口，非常好味，令我們讚口不絕。吉列豬扒定食$85，大大件的香脆金黃的豬扒用網架盛起，鬆軟脆口味道好，而且切成細件方便食用，加上沙律菜，鮮魚湯，真是不錯的選擇。鯛魚魚湯專門店的用料很足，鯛魚湯底正，連小吃都有水準，加上價錢抵，真是值得推薦!

約了朋友係太古拎野，時間岩好食個dinner，就重臨呢間食吉列豬佢d吉列豬好正，脆卜卜，豬扒薄身，仲有兩隻醬汁。配有椰菜絲同醬瓜 ，仲有碗魚湯飲下。誠意十足。朋友叫左減梗價既龍蝦烏冬，原隻龍蝦咁上，加個火爐，派頭十足。佢個龍蝦幾多肉，侍應仲俾左個細碟佢，叫佢先拎隻龍蝦上黎以免過熟。我地六點幾去到，發現有好多熟客幫襯，同埋多左面壁位，我明既，返工有時冇人一齊食，坐面壁位就最自在。有d位冷氣好凍，我地各人跟主食半價叫左飲品。飲品係令人滿意既，唔太甜，而個水蜜桃加護d水果會更正。嫌佢多冰左d, 因為冷氣已經好凍了

好少黎鯽魚涌呢頭，之前都已經好想試下呢間！皆因我喺魚之達人🙌🏻✨我叫左個鮑魚花膠羽衣甘藍🥬麵，朋友就喺花膠魚肚烏冬！ 湯底都係鯛魚湯底，一樣的。 首先，份量十足，食到好飽😆 魚湯十分濃，但客觀黎講有少少腥🥴 魚之達人既我感覺佢既湯底放漏左一樣好重要既野！麵質都好好食！ 但個羽衣甘藍🥬麵喺完全食唔到羽衣甘藍🥬喺邊。鮑魚好細，但都好入味好諗👍🏻 花膠細細都幾好膠質，魚肚好食！整體而言，可以一試。但未能令我回頭。有個小插曲，小店十分底讚👍🏻 我地得卡，冇現金。店主俾我地兩個出去禁錢，完全冇怕我地會走數。而且門口冇人等位的。 我本身以為我要被扣押喺小店。哈哈。

晚餐選擇了以魚湯出名的小店進食，這間店舖標榜以大量釣魚及秘製配料經過10多小時去熬製湯底，所以選擇一試。蒜片牛粒烏冬（$108）魚湯呈牛乳奶白色，味道鮮甜，但略嫌有點小腥味。但令我更驚喜的是蒜片牛柳粒，數塊蒜片加上牛柳，味道非常香。蒜片炸得很脆很香沒有苦味，而牛柳亦不會太熟很嫩。而烏冬小店採用手打烏冬餃子雞翼（ $40 ）另外點了一份小吃，因本店設有最低消費，最少每人須單點小食一項。餃子味濃，雞肉嫩滑，整體不錯。

落雨天好想食啲熱嘢暖身，喺附近做完運動之後，就試吓呢個湯飯同烏冬。打開餐牌，都幾多嘢食選擇有唔同嘅海鮮魚湯，又有烏冬。我地點左皇帝蟹腳海膽湯飯，同埋波士頓龍蝦手打烏冬。蟹腳同海膽都好足料，好多條蟹腳，同埋勁多海膽，湯飯吸收左海鮮ge鮮味~ 食完有暖暖嘅感覺。波士頓龍蝦手打烏冬，龍蝦夠鮮味，而且烏東係讚歧烏東，吸收倒湯嘅味道得黎，浸耐左唔會發脹。食到一半我想加辣椒醬，待應向我推薦呢個辛辣味噌，絕對係魚湯上面錦上添花，少少咸得黎唔會搶走晒魚湯嘅味道。

魚湯，平日食的魚湯米線不少，但好味的魚湯其實好少有。今次令我驚喜的，是再次食番小時候家人煮的魚湯味，個種鮮味。只有新鮮魚，用時間，用心慢慢煮才有的味道，調味料做不出的味道。所以食完，我都把湯全部飲光光。今次去到有一期間限定，鯛魚濃湯鮮蟹烏冬。當鯛魚湯遇上蟹，鮮味真係double..可選烏冬或者湯飯，今次選了烏冬。本身睇餐牌時，老板就推介今日蟹好鮮，於是決定一試。當上餐時，蟹真是好大隻，而且好新鮮，肉質爽口，是新鮮蟹，帶有濃濃海鮮甜味。138，可以食到新鮮蟹，覺得好抵，而且配上魚湯一起食，比平日炒蟹更特別更好食。烏冬用小爐一齊上，保持烏冬溫度，保暖魚湯，令味道保持。真係好正。若然冬天飲完暖暖濃湯，一定暖笠笠。夏天飲亦一樣正。另外叫了一份雜菇炒肥牛鯛魚湯烏冬。我們加配了蟹棒，18蚊有4條。牛肉份量也好夠，炒得好香，而且有少少沙律菜。烏冬硬度亦適中，配熱熱魚湯真係好正。加左48蚊叫一份唐揚炸雞，都有好多件，作為小食就正好，而且係新鮮炸起。叫主食可以半價加配飲品，叫了杯蘋果樂園及魔幻王國，魔幻王國是薑味加藍碟花的飲品，幾得意。

附近做完運動之後好肚餓，最緊要搵食！鰂魚涌呢佢好多好嘢食，今日試吓呢間好出名嘅魚湯店。星期六嘅夜晚去都唔使等位，直接入就得啦，鋪位細細都裝到20幾人，店舖設計都好有日本餐廳感覺。我同朋友二人一人一個餐，分別點左皇帝蟹腳海膽湯飯$168、波士頓龍蝦手打烏冬$138。一上枱，係小鍋爐式的料理，個樣好吸引，影多幾張相打卡先得（≧∇≦）一嚟即刻飲啖湯先，濃郁的鯛魚湯底，呈現要白色嘅濃湯底，好香，啱晒好鍾意食魚嘅我😻皇帝蟹腳海膽湯飯$168皇帝蟹腳好大隻，一啖食咗海膽，嗰種奢華嘅感覺真係好爽😋另外波士頓龍蝦手打烏冬，龍蝦大大隻，影相打卡一流！烏冬爽滑彈牙，我哋食得慢，去到最尾啲烏冬都仲咁爽😻食得出係靚烏冬。值得一題係佢用小鍋爐形式，最尾都仲有保暖都仲有保溫，我哋食得慢，佢仲可以補傳到溫度，魚湯去到最尾都咁好食😋

今日又黎鯛魚食烏冬，鯛魚最吸引我係佢既魚湯湯底，湯底鮮味，配料有唔少木耳絲、黃菜絲同豆卜絲，平時食麵唔飲湯既我都飲到見底。本身想叫雜菇肥牛湯烏冬，點知賣哂，就叫左吉列日本蠔湯烏冬，有3大隻炸蠔，吉列蠔粉薄，蠔身juicy肥嘟嘟。烏冬係扁同幼既稻庭烏冬，唔會太淋又夠滑，而且會比讚岐烏冬容易入味。朋友就叫左雞塊唐揚湯烏冬，炸雞同樣粉薄，熱辣辣再配上沙律醬，幾好食。另外再叫左份吉列蝴蝶蝦。今晚全部都係炸物，而且佢地既份量都足，食到棒住個肚走，滿足🤗