鯛魚魚湯專門店 (已結業)

🍲🐟海膽湯飯 配上鯛魚濃湯$138 Sea Urchin rice in soup 濃濃鯛魚湯 帶有膠質 感覺鮮甜有個爐係底一路煲住 keep住熱辣辣既暖湯🔥留意番 海膽乃珍貴食材 每日限量發售•售完即止✨🍜 🦐蕃薯蜆 蝦魚湯烏冬 $88Clams with Shrimps soup udon in soup選了本店特色既羽衣烏冬 賣身像闊身河粉般的質感 掛湯一流 蕃薯蜆粒粒都大大粒 好厚肉又爽口

小店檯放得比較多，坐得很逼，比較辛苦，不過價錢相宜，就不抱怨了。晚市叫了兩份定食，吉列豬扒飯，同雞扒烏冬。豬扒都有很多舊，豬扒做得不錯有肉汁。烏冬的魚湯湯底，充滿魚香，烏冬滑溜，水準高。加個小食餃子雞翼，一家三口都飽得捧著肚子。老公不斷說一定要再黎

鯛魚湯喺鰂魚涌唻講算係幾好食嘅一間大部分鰂魚涌餐廳只求果腹鯛魚湯喺果腹以外 味道好 亦幾健康至少食唔到咩味精當然鰂魚涌亦有好味嘅餐廳 但其他都比較貴雖然鯛魚湯食個lunch都$7x-$8x但勝在午市晚市一樣價錢唔收加一最鍾意係蕃茄安格斯牛烏冬除咗鯛魚湯底以外嘅其他湯底都做得一樣好蕃茄湯係真蕃茄味甜酸濃淡都恰到好處今日就試埋另一個象拔貝魚烏冬湯底照舊係煲成奶白色嘅招牌鯛魚湯抵食在象拔蚌份量多亦相當爽口新鮮

放工諗唔到食咩，行行下就見到呢間鯛魚魚湯專門店。座位有少少迫，不過環境都算整齊衞生。餐牌有好多選擇，最黎揀左吉列豬扒定食。定食有中華沙律前菜，沙律，湯，飯，同主角-吉列豬扒。整體味道ok。個人覺得好特別係個湯，唔係一般既味噌湯，而係店舖招牌既鯛魚湯，十分濃郁。但飯比較淋身，吉列豬扒都炸的好乾，有少少失望。定食份量好多，如果平時食量唔大，應該會食唔哂。特別一提，舖頭淨係收現金，有啲唔方便。所以去食既朋友仔，記得要帶夠錢喇~

之前黎食過約幾次，都比佢既魚湯吸引，味道濃郁，不會口渴，是愛湯之人的好選擇。今次點了唐揚雞塊魚湯烏冬。食物份量很大，烏冬彈冬，吸收了湯底，非常美味。烏冬更有木耳，蔬菜，腐皮，海帶作配菜，十分豐富。而唐揚炸雞有7-8件，炸得香脆乾身，雞肉嫩滑，屬於水準之作。炸雞旁更有沙律菜和車厘茄，一解油膩。店內還有鯛魚湯飯和小食，下次也可要試試看。不過個人覺得，2人座位較迫，想食飯時坐得舒服自在，便要考慮一下了。

好食但唔好坐服務態度麻麻一去到就有個侍應企門口，要我地點完餐先可以入座，一大班人未試過食，淨係睇餐牌都睇左5分鐘，最後個哥哥仔係嚟介紹，有咩好食一行七人，比左個6坐位我地，第一個餐嚟到，就知道冇可能完整放到7個餐，要求轉位，哥哥仔十萬個不願意，最後轉左去同人搭枱，即係有個人對面係坐一個唔識嘅，其實唔緊要，總好過要抬開個湯烏東係手食，冇地方放食物係好食嘅，但餐廳位置極小，完全唔好坐，同埋當我地食完，但飲品未飲完，待應會不停想收走你個杯，趕你走，明白嘅，2點後下午茶多人其實唔緊要，冇下次囉，好簡單，反正太古坊大把選擇

話說朋友唔舒服 所以想食湯飯咁我就陪下佢啦點知 佢叫既 蕃薯蜆 大蝦濃湯湯飯好多芝麻 好濃味 好味！雖然蝦 小小梅 唔係好新鮮介紹時 侍應話係新鮮既 但係食落同新鮮既又差少少不過88蚊 都算物超所值可惜我依個唔係病人叫既 花膠魚肚湯素麵 就真係淡而無味病既話食就一流咁百幾蚊 唔會有 真花膠真魚肚 我當然知道可惜 味道同賣相 都相當麻麻另外仲有叫左餃子雞翼 係可以既下次可能再試其他 但依款唔會再叫啦除非我病啦

鯛魚湯烏冬係穫連登認可碩果僅存嘅非劣食餐廳之一而且佢唔太貴午晚市佢都係$83又唔收加一午市會喺你食完最後一啖抹緊嘴嗰吓即收你檯晚市就可以放鬆少少食呢個安格斯蕃茄烏冬我一連食足幾晚唔厭每次都清哂雖然佢啲牛其實麻麻 少少鞋但個蕃茄湯底的確好味蕃茄湯烏冬聽落簡單但唔知點解好多餐廳都整得難食鯛魚隔離嗰間25我嗌過個蕃茄湯豬扒烏冬個湯咸到個烏冬只可以當沾麵食個豬扒我咬咗一啖冇吞擺返低對面街仲有間一葉個蕃茄湯就太酸而樂林呢就發夢夢見食親都胃痛可能蜀中無大將啦 鯛魚湯喺鰂魚涌好唔錯架喇

本身已經好喜歡鯛魚的濃魚湯底，今天工作特別累，所以試了這個心想比較鮮味的鮮蟹湯飯。原本以為圖片只供參考，只有些蟹肉和蟹腳。怎料原來是一整隻蟹，實在驚喜！蟹肉雖然不是特別鮮，但有好多蟹肉，這個價錢能吃一整隻蟹實在不錯。湯飯都很濃味，但是吃得出味精也頗濃。飯裡有紫菜有豆，也很豐富。餐廳也很細心把蟹略略弄碎，方便客人進食，但由於一整隻蟹，所以也吃了好久，看來這個餐不能在中午點呢！哈哈，但整體是挺讚的！！

今晚一個人食飯係鰂魚涌行行下見到呢間鯛魚魚湯專門店好似幾吸引就入去試一試。價錢唔太貴，主打有魚湯烏冬同湯飯。最後叫左個象拔蚌鯛魚湯烏冬個湯奶白色好清，第一啖就幾濃魚味，烏冬好滑象拔蚌分量唔少，但味道一般，有啲過左火喉同有啲腥。整體黎講個湯係好既，可以安歌，但下次都係食番啲簡單啲既料

今日試左呢間鯛魚魚湯專門店🐟以為鰂魚涌夜晚放工之後會冇乜人啦，但係原來都幾多人食架喎😯叫得鯛魚魚湯專門店，一定要揀魚湯嘅soup base啦😋今次我就揀左鮑魚花膠魚湯湯飯🍲，湯飯係有爐俾你慶住左，一路食住都熱辣辣，正😭魚湯十分鮮甜，我飲到一滴都冇淨🤭🤭呢個湯飯都相當足料，有4-5舊花膠，兩隻鮑魚，size都有翻咁上下架🤗飯嘅分量相當多，我都食唔哂呀🙊下次可以試下湯烏冬，好似都唔錯🤪

在鰂魚涌上班的人必定知道這一間長期排隊的餐廳，今天中午相約了朋友吃午餐，朋友提早去排隊等位才可以食到，都要大概等了20分鐘。 中午一時已經買完花膠，唯有點別的試一試鮑魚魚肚鯛魚湯烏冬 - 魚湯的湯底較清淡，魚味亦不重，再配上本身沒有什麼味道的魚肚及鮑魚，整個烏冬好像沒有味道。唯一可取之處是配料份量較多，都很飽肚泡菜豚肉鯛魚湯烏冬 - 泡菜比較惹味，豚肉亦肥瘦適中，還有芝麻醬的沙律菜，沙律菜很爽口，十分醒胃！整體來說不是難食，但是價錢偏貴，味道亦沒有什麼特別，如果想吃比較清淡的可以一試

平日午飯時間每次經過都看到很多人在門外等候, 這天跟同事特意提早一點去吃午飯。12點半門外已經有十幾人在等位。店員示意可先落單, 之後會安排座位。等了約15分鐘便可入座, 因為已事先點餐的關係, 食物立即送上。跟同事一人點了一個烏冬, 難得來到當然要試一下花膠魚肚魚湯烏冬。花膠和魚肚份量多, 絕無欺場, 但質素只屬一般, 只是以份量取勝。當然這些名貴食材也不能要求太高, 但有點名過於實的感覺。魚湯的確夠濃味, 但份量太少, 吃到最後只剩下烏冬, 已沒有魚湯。同事的泡菜豚肉魚湯烏冬賣相和味道也不錯, 是較實惠之選。另外還點了一份炸雞, 炸雞意外地味道很好, 外皮夠香脆雞肉也很嫩滑。剛吃完最後一口, 店員已快速收走餐具, 整個午餐只花了30分鐘。老實說以午飯時間半小時, 平均每人也要$120的午餐來說, 性價比不算高, 而且飯後一整個下午都很口渴, 一試已經足夠。

今日又嚟食呢間鯛魚魚湯專門店啦！上次係中午時間食唔到佢好正嘅下午茶餐。今次特登叫經理遲啲放我食飯，終於食到啦！個烏冬餐有分豬骨湯同辣湯底，我就一定揀辣湯底嘅，不過其實食落都唔係話辣到頂唔順咁，係符合大眾口味嘅辣度囉。我叫嘅係吉列豬扒烏冬餐，凍華田。佢個餐其實都配好多嘢。有沙律菜，沙律醬愛嚟沾豬扒。佢個烏冬一食就知唔係普通嘢。一定唔係普通喺超市買到嘅果啲壽桃烏冬，食落係幾彈牙幾好食嘅。塊豬扒都好正，冇諗過佢塊豬扒都幾大塊下，佢又炸得幾靚㗎喎，唔會炸到硬晒冇咬口咁。

QUARRY BAY真心多特色小店！今日嚟到舊校對面嘅鯽魚湯專門店食晚餐😽😽 番茄迷必試番茄湯配肥牛烏冬🍅🍅80幾蚊係小貴的，但份量絕無欺場👅成坐山咁滿架！d肥牛好多片，食落腍身易咬，底仲有好多木耳、菜、芽菜等等配料:-D 而湯底好香魚味，再配上酸甜茄湯，好想成碗飲哂！👉🏻👈🏻👉🏻👈🏻男朋友叫左炸豬排烏冬，一樣係大大份嘅❤️❤️烏冬都係相當彈牙，浸耐左都唔怕的。而純魚湯就魚味更濃，有豐富嘅配菜係入面。豬排炸得還好，有小小干😫😫🍅#2019情人節