鯛魚魚湯專門店 (已結業)

其實早於半年前看過報章雜誌介紹鰂魚涌這間主打湯飯和烏冬的《鯛魚魚湯專門店》後，就已經說要找天來試試，但一直未能騰出時間，直至上星期收看了「馬家開飯」，見兩位節目主持人走訪這店，推介它的鮑魚花膠羽衣烏冬及皇帝蟹腳海膽湯飯，感覺吸引，所以就決定趁周末來一嘗。店子座落於鰂魚涌海堤街 6-16 號龍景大廈地下，踏進店，第一個感覺就是，嘩！只是晚上 6pm，竟然咁旺場，只剩下幾個面壁座位，可見實力一斑。立即入座，翻開餐牌，項目選擇比預期還要多，單是魚湯烏冬一欄就足足有 23 款，令人眼花繚亂，另外亦有多款鯛魚魚湯飯、鯛魚定食、小吃及飲品。如果想食得豐富一點，更可以追加鮑魚、花膠、魚肚、帶子、鯛魚片等等，全部明碼實價。至於另一張餐牌就有餐廳另一人氣之選：皇帝蟹腳海膽湯飯，據說每日限量發售，售完即止。筆者向來無飯癮，選了鮑魚花膠魚湯烏冬，另追加咗鯛魚片 ($116+$18)。成品上桌後，先呷一口呈奶白色的魚湯，湯底很鮮甜，帶濃郁的麻油香，既低脂又膠質豐富，用料十足，很不錯。再挾起手打烏冬，滑溜彈牙，帶麵粉香；鯛魚片水準亦不俗，切得夠厚身，入口鮮甜無渣。最期待的鮑魚和花膠，更是整碗烏冬的亮點，前者彈牙

天未黑，已經摸到鰂魚涌食晚飯了~ 未夠六點，已經有人排緊隊等食~@@ OH MY GOD~ 鋪頭入面以日式設計為主 餐廳以鯛魚湯底馳名，有拉麵同湯飯~ 鯛魚可以補充補充豐富蛋白質及礦物質~ 一般人都啱食，尤適於食欲不振、消化不良、產後氣血虛弱者食用 而魚頭部膠質含量豐富，含有大量脂肪，煨湯味道最佳~ 餐牌的選擇很多，有小食，湯飯，拉麵，定食等等~ 本黎想一嚐這個皇霸氣皇帝蟹腳海膽湯飯，但竟然六點就賣哂了，果然夠哂霸氣~ 天未黑，叫左3款野都沽清~ 真係食好野要趁早呀~ 象拔貝魚湯烏冬 HKD 72 主角係象拔貝黎，細細條，幾爽口，略帶有少少腥味 配菜都好多架，有黃菜絲，木耳絲，京蔥，油揚絲，海草 配合成個麵一齊食，有多重口感~仲好健康添~ 魚湯呈奶白色，除左有魚的鮮味，仲有僻腥的胡椒味 不過好彩只有胡椒香而無胡椒的辣，阿囡都食到~ 鱈魚魚腐 HKD 38  38蚊有5件，仲有很多沙律伴碟，很抵食 魚腐炸得不錯，即叫即炸，上枱還是熱辣辣地，很香口 入面則略嫌粉太多，有D實~ 煎炸餃子 HKD 38 同樣即叫即煎，還有大量沙律， 雖然賣相就無咁靚，但餃子皮薄，但餡美味~ 意外有

✿╮❤╭✿ ✿雜感女生 好味日記✿ ˚*•✰。鯛魚魚湯專門店．鰂魚涌飲魚湯。✰•*˚ ✿✿舌尖上的鰂魚涌✿✿ ❤餓底飯聚．食勻全世界❤ ❤ 在鰂魚涌附近的小街小巷，原來也有隱世的魚湯小店 朋友知我愛喝湯，特別推介到此一試 重點在於鯛魚魚湯，用料吸引，低脂肪、高蛋白質 更有助女生滋潤養顏，聽到這裡，一於要吃 以日式的熱鍋上台，小火煲煮加熱 鮑魚花膠魚肚湯飯 138 牛乳白色的湯底，味道鮮甜 原來店家用了秘製的材料，加上10多小時去煮製 鮑魚彈牙，而魚肚亦大索湯汁，好滋味 皇帝蟹腳海膽湯飯 168 蟹腳非常新鮮，大隻厚肉，入口即有鮮甜味 海膽是鮮香的滑入口，雖不是最貴的質素 卻絕對沒有腥味，是中上貨色 小食：吉列炸豬扒 58 意外驚喜！非常有水準的出品 吉列皮不太厚卻非常香脆 豬扒仍是香熱汁多，肉質好 配上日式醬汁或沙律醬都很好吃，令人即時掃光！ 凍蜂蜜桃園 12 清新的微酸，加上蜂蜜粒粒，香甜的滋味很不錯 小評：味道：★★★★☆環境：★★★★☆服務：★★★★☆衛生：★★★★☆抵食：★★★☆☆

今日又來食鯛魚，午餐時間次次經過都好多人排隧，一於今日同同事入去試下先。叫左吉列豬扒羽衣烏冬（可選烏冬或羽衣烏冬）好大塊的吉列豬扒加少少的沙律魚味超濃，怕腥的人可能會唔中意，羽衣烏冬食落口好滑，加上濃湯，對魚怪的我非常中意，連湯底到飲埋豬扒係厚切，一放入口係脆，點埋沙律醬一流，食到最後食埋沙律中和吉列豬扒，剛剛好魚肚花膠湯飯魚肚花膠湯飯超用心的有個火爐不停地熱住湯飯，湯飯浸住超濃的魚湯，正價錢雖貴少少，有時值的午餐食好少少去獎勵下自己，可以再去。

今晚約了安早蓮娜吃晚飯，她最喜歡吃海膽，我知道鰂魚涌的鯛魚魚湯專門湯也很出名的，所以我一早訂枱了!  I think the place is very comfortable and have Japanese Feeling, we love this style of this Restaurant.  The waiter is very nice and give us the Menu immediately! 餐廳最出名的有三個泡飯，分別是海膽鯛魚湯飯，皇帝蟹腳湯飯，當然我選的一定是綜合兩種都有的皇帝蟹腳海膽湯飯! 不到十分鍾皇帝蟹腳海膽湯飯連着一個日式的熱鍋連火燒，熱辣辣的送上!  這個窩心的做法就是希望顧客可以用最熱的温度吃着鮮甜美味的湯飯，吃了一口感覺魚湯又鮮又甜，皇帝蟹的鮮甜再加上濃濃的海膽，真的停不了口! 魚湯我們也喝光光了!凍蜂蜜桃園很清香喝，而且在這個冬天喝蜂蜜特飲，真是最好不過了!

開鰂魚涌可以試吓呢間魚湯專門店，最吸引人去嘅係＄100到就有鮑魚、花膠、魚肚，聽落都好富貴。去之前都覺得呢個組合好似怪怪地，海味加烏冬...不過去到原來有湯飯揀，咁就叫左個鮑魚花膠魚湯飯，再加個吉列豬扒魚湯烏冬。個湯飯佢會有個火爐熱住，要等大約5分鐘就夠熱可以食。個火大約10分鐘到就會熄，本身我諗住keep住熱好d 叫佢幫我加火啦，點知就好似煲到太少湯喇，所以可不跟番佢本身個份量，唔洗加火。 個湯飯好入味，所有魚湯都入晒落d飯粒到，好香好好味。一煲入面已經有2隻鮑魚仔同3-4件花膠，都算幾足料。$116有咁名貴gei食材都真係幾抵食。另外個吉列豬扒烏冬相比之下就失色少少喇。因為個烏冬吸唔到魚湯，就冇咁濃味，淡左少少。不過我諗係因為我食完個湯飯先會咁覺得。

we had some tonkotu and karage set dishes that were well priced and tasty. the question for extra sauce was immediately answered and the staff is friendly and english speaking. since it was lunchtime we had to wait a couple of minutes but were quickly seated. Although we were as well politely asked to free the space as soon as we were done. efficiency is key😀

魚湯魚湯，貓貓天生就愛吃魚的。經過這魚湯店舖，店名名字很特別，鯛字並不是有邊讀邊的，不是讀周字，而是和一個粗口字同音，假若約朋友吃飯，在鯛魚店等吧！挺霸氣的。看見他們的下午茶餐牌，有我最愛的烏冬套餐，價錢也非常經濟實惠，實在忍不住進去朝聖一下。經過服務員介紹之後，發現原來下午茶烏冬的湯是豬骨湯，原因因為魚湯的成本較高，事實也合理的，一分錢一分貨吧。特意上網翻查鯛魚的特點，原來他是海魚，是棲息在近海暖溫性底層魚類，烹調的方法繁多，最常見是用來煲湯，還有香煎、清蒸、炭燒或酥炸。哦！怪不得魚湯的價錢比較貴了吧！而我是專程來吃魚湯烏冬的，幸好他們的鯛魚烏冬是全日供應，我就點了鯛魚片烏冬(鯛魚湯) ＄68，加四件花膠＄30，而我愛人就點了下午茶套餐雜菌炒牛肉烏冬(豬骨湯) ＄42。大約10分鐘，豬骨湯雜菌炒牛肉烏冬先上枱，超級大碟的炒肥牛認真誇張，他不但有外在美，也非常有內在美，不至於入口即溶，但肥牛鮮嫩可口，實在無懈可擊，冬菇絲再配合牛肉的獻汁一起炒，非常野味，極力推介。另外我的鯛魚湯鯛魚片烏冬上枱，白白的外表不太吸引，但就非常有內涵，鯛魚湯鮮味濃郁，明顯沒有添加任何味精，鯛魚肉亦沒有任何骨絲

平日去左鰂魚涌呢個陌生地方食晏 約左個朋友 佢未得就搵下 周圍有乜食 見到呢間野好多人 就揀呢間等位 但係未齊人唔入得坐架。入左坐就叫野食 平均一個$60既烏冬 仲有其他好多既選擇 唔係淨係得烏冬 湯飯都吸引 下次可以再試。咁就叫左呢個蟹棒八爪魚鯛魚魚湯手打烏冬湯底真係有濃濃既魚湯味道 味道係好濃 足料 但係唔係好似鯛魚 同埋其實係有師傅既味道。手打烏冬味道唔錯 但係又唔算好好咬口 蟹棒正常味道啦 反而佢個八爪魚真係好好食 配合個湯真係好好味我朋友叫左個花膠魚湯羽衣烏冬羽衣烏冬就其實一點都不似烏冬係反而有點似刀削麵咁我冇食呢個 見到d料都好足聽佢講就話幾正下次會試下既

本身唔係住開鰂魚涌附近，所以放學過黎都花左唔少時間🙈慶幸嘅係呢間烏冬店都近地鐵店，好方便，好快揾到。去到餐廳大約8點半，當時餐廳都坐滿8成位，好彩唔洗等位👍🏿因為之前search過都知呢度幾出名，好多人排隊等位。入到去坐左喺卡位入面，感覺上都幾迫，枱與枱之間又冇乜空間，冇地方擺袋，不過可以理解嘅。然後落單嗌左一個三文魚烏冬同一個豬扒烏冬，上菜嘅時候係一盤過飲品食物一齊上，好似喺foodcourt咁嘅。先評論食物素質，魚湯都清甜，麵唔太淋，不過配三文魚的話，味道唔夠濃。另外，豬扒份量好多，大大件，但皮同肉分離，好難夾起，感覺唔夠新鮮，切左件每件都好大件，唔方便食。飲品方面，最印象深刻嘅係，杯凍朱古力好濃味👍🏿👍🏿👍🏿服務方面，員工態度服務都好好，我地有時周圍望下環境，都有問返我地係咪需要幫忙，走嘅時候，都有問返客人滿唔滿意食物素質👍🏿👍🏿👍🏿整體而言，食物價錢尚算合理，食物素質味道尚可接受，如果大家就腳的話，可以一試👉🏿

跟客戶開完會，又到午飯的時候。獨個兒吃完才返公司，簡簡單單來個湯烏冬。小人的午餐是汁燒雞扒配手打烏冬餐，魚湯魚味甚勁，但卻是淡的。粗烏冬粉味濃，煙煙靭靭。豆卜絲最索湯，是碗內最好的配料。燒雞扒肉質緊密，幸未至於鞋，汁不夠多，偏甜，但小人覺得跟湯烏冬是兩件事，做不到互相襯托的效果。店內充斥陣陣魚味，未必個個受得了；畢竟証明到是一間貨真價實的魚湯專門店呢。

有幾間食肆在這兒是很容易路過而不知的，因為他們的門面比較隱密，似乎也有很多穿西裝的食客是喜歡在這兒躲懶的。今天吃的是下午茶，沒有試魚湯的機會，因為預設是用豬骨湯的。但餐牌寫了如果想吃辣的，可以加$5轉辣湯。下午茶餐牌選擇不多，似乎也不能自由配搭，簡單點說就是有豬，牛，雞三種選擇。當然，三者的煮法也有少許不同的。要了一個吉豬湯烏冬，吉豬是另上的。吉豬用上隔油碟上，很有誠意。吉列豬扒十分有份量，大件又厚，而且已經整齊又均勻地砌開了好幾塊。配上少許沙律作為清新的配菜，十分不錯。可看到豬扒已經炸得全熟，裡面的紋理清晰可見。而事實上，一件吉列豬扒是否好吃，除了外面那層炸漿的處理外，就是能否鎖住肉汁。這兒的吉豬看上去賣相十分不錯，金黃色而絲毫沒有一絲燶，咬下去麵包糠十分鬆脆，蛋黃漿不厚，真的只是僅僅發揮了"膠水"的角色。反而是選料的豬扒十分有料到。是一塊有肉汁又大塊的豬肉。肉質嫩而有彈性。聽友人說，這兒之前做的是肉燥湯，十分油。現在可能已經改成了較清淡的豬骨湯，配以昆布配料。湯底略淡，但也不算油。烏冬是彈牙偏厚身的一類。夾下去，完全沒有易碎的感覺，反而有點回彈。吃完整碗烏冬，你會發覺沒有半丁點的碎

今日同同事再一次嚟到呢度食午飯其實一入鋪頭已經聞到濃濃嘅魚湯味, 如果怕魚味嘅人會覺得好魚腥味今日試咗鮑魚花膠呢個湯飯聞落去真係好重魚腥味, 不過食落完全冇呢個感覺魚湯飲落好鮮甜, 而且內裏的確有花膠同埋鮑魚架! 好足料整體味道都OK, 中午飯食花膠同鮑魚感覺有啲奢侈🙈不過間唔中一次都可以😆😆😆

今日我在門口等開門，有位小姐出來準備開門，放易拉架和把準備牌換上營業中等等，當他準備完畢放上營業中牌後，他只轉身回舖頭拉上木門，一句都冇問我是否食午餐，我當然亦冇在這食午餐，可能真係好好食，但這服務態度，再好食我也不會食！

好鍾意飲湯嘅我，突登搵有湯嘅地方試下！之前已經鎖定咗要呢間餐廳，今日終於黎試下啦～今晚叫咗兩款嘢，當然係試推介食品：鮑魚花膠魚肚湯飯 及 鯛魚片羽衣烏冬先講講個湯飯，比起烏冬，湯飯的湯比較濃，可能因為有火熱著，所以感覺比較良好！鮑魚好夠味，但真係食唔出係咪自家煮的，花膠好大嚿，但覺得有點硬，魚肚厚身吸味，唔錯！整體唔錯，但比個建議，就係脆米方面，預先放下的脆米都淋晒，如果可以用小碟另上會比較好點，等再熱點時先放下，感覺會更好！鯛魚片羽衣烏冬，湯係好味的，但唔夠濃～調魚唔係全熟，啱啱好，這個超讚羽衣烏冬有點似刀削麵，好易淋，但都ok的！整體係唔錯的，唔怕魚腥的人一定會鍾意的！不妨可試試