鯛魚魚湯專門店 (已結業)

湯飯一直都係我最愛,呢度仲專賣日本鯛魚魚湯湯底,唔係唔試嘛？嘩！花多眼亂啊！又海鮮又海膽咁！一於叫個每日限量既原板時令海膽湯飯,加廣島蠔同鮑魚,另外叫多個皇帝蟹腳海膽湯飯添！湯飯用熱煱上,熱辣辣！試啖魚湯,超濃魚味,又鮮甜！海膽唔算肥美,但都好鮮甜,蠔有兩隻,鮑魚就有一隻,鮑魚好淋！飯既分量都唔少,一路食都仲keep 到好熱！皇帝蟹腳都十分足料,蟹腳燒過,好香口！整體黎講勝價比都高既,唯一既缺點就係座位比較窄,同埋餐廳連茶都冇供應,希望之後會有改善喇！

自己經常都會煲湯，唯獨是對魚湯就投晒降，一來煲唔到奶白色，二來煲完會腥，亦怕煲湯時有好多骨，所以對坊間的魚湯米線情有獨鍾。居於太古城友人告之鰂魚涌有鯛魚湯專門店，果頭星期六日唔係好多舖頭有開，既然咁講，就趁周末搵友人聚舊兼食飯。友人告之食晚餐要趁早，因為夜咗人多兼且部份限量菜式會售罄，我同友人六點半到達坐到最後一張枱，遲嚟真係要等位。友人係熟客，由佢發板。佢幫我叫咗鮑魚花膠魚肚魚湯烏冬，聽落真係好名貴，又鮑魚又花膠又魚肚。鮑魚有兩隻，食落唔講得少，真係有鮑魚味，煙韌彈牙。花膠似係花膠筒，有三至四舊，膠質唔係好重，不過話晒都係花膠，食咗感覺皮膚都會滑啲。魚肚都有三至四舊，似砂爆魚肚，質地軟腍，吸湯能力高。奶白魚湯用鯛魚淆製，感覺上冇落味精，味道比較清甜鮮美，冇咁濃郁。手打烏冬也不錯，質感煙煙韌韌。呢個價錢食到鮑魚花膠魚肚好似好抵，性比價高。友人的皇帝蟹腳海膽湯飯，根據佢形容，蟹腳開半容易起肉，肉質鮮甜，海膽新鮮無腥，入口即溶，混入魚湯中有提鮮作用。另外亦叫了小食餃子雞翼，雞翼已起骨，釀入豬肉，雞翼皮香肉滑。

今天到鰂魚涌工作，直至六時才完成工作，順道與同事在附近晚餐。喜歡日本菜的同事，看到日式餐廳，就提議在這裡晚餐。由於時間尚早，內裡座位任君選擇。就座後，先看最重要的餐牌。這裡是主打鯛魚魚湯，主要版面介紹了鯛魚湯的優點，健康，養生，美容。靚湯與否，真的要試過才知道呢！            海膽湯飯   湯飯以圓鍋呈上，下方還有火來保溫。　雪白的魚湯正在翻滾，但自己眼中就只有海膽。色澤偏黃的海膽不算太大，只有手指的粗度。為免熱湯把海膽煮熟，先嚐海膽。一匙多件的海膽放入口中，慢慢MUI，慢慢嗒。軟棉棉又CREAMY的海膽，有如大閘蟹蟹膏的甘香感覺。但海膽的膽固醇没有大閘蟹膏那麼高，真的可以放心食用。　其實鍋內還有其他配料。珍珠飯粒　粒粒珍珠飯很煙韌，但未能吸收魚湯之味。唯有把珍珠米連同魚湯一同品嚐。啡色的糙米　　海帶　海帶健康有益，加在鯛魚湯內很和諧。      雞蛋鬆　粒粒淡黃色的雞蛋鬆，好似合味道杯麵裡的蛋蛋。可是，個人覺得魚湯才是主角。入口没有濃烈的鮮味，只是淡淡的魚味，還有甘味。即是家中蒸魚，有時候會遇到魚肚未有清洗乾淨，所餘下的苦味。現在鯛魚魚湯就是帶有這種微微的苦味＝甘味。　這鍋

之前去咗旅行，好耐冇同屋企人去食晚飯，所以就收咗工去附近食下飯啊。最近有一間魚湯泡飯好似好紅，我哋都慕名而來，果然真係有啲人排隊，要等下位。皇帝蟹腳海膽湯飯＄168呢個係成間餐廳做主打，啲海膽唔會有一浸韓國海膽嘅花生怪味，幾香。皇帝蟹腳吃起來啖啖肉，而且帶少少鮮甜香味。而且份量都好足！湯底係魚湯，味道清甜而且新鮮。仲有一啲昆布同埋木耳配料，吃起來更加有口感，食完都幾飽。煎餃子魚湯烏冬＄72魚湯烏冬嘅湯比起湯飯更加濃郁，超級好味。烏冬大概是稻亭烏冬，口感特別彈牙有韌勁。旁邊的餃子有五隻，肉香十足，有辱有才，外皮也不厚。蒜片牛粒＄78每一粒都做得剛剛好，調味適中之餘，裏面還帶點粉紅色，不會過數，能夠保持水份，口感軟熟。鱈魚魚腐$38@5件第一次吃，咸中帶甜，外皮香脆，裏面的口感比較有彈性，比平日吃的更加特別。蜂蜜桃園＄24蜂蜜分子+白桃果醋蜂蜜果園＄24蜂蜜分子+蘋果果醋看起來其實好相似，裏面的爆爆珠爆了之後就是蜂蜜的味道。主要是其中一款是白桃香味，另外一款是蘋果香味，真的很大杯！一個人要喝很久才喝完XD

坐低左2分鐘，個侍應重覆3次叫我貼埋張枱坐，直至我同張枱之間得2cm佢先滿意,我當然唔嗌野食即走。如果要坐到咁，根本唔會食到野囉! 間鋪細就唔好擺到D枱咁密囉！！公平講，之前食過食物係中上，但真唔會再去Here I recap in English . Nothing happen until I have seated for 2 minutes, the waiter urge me to sit close to the table until there is only a 2cm gap between my abdomen and the table .

最近食煎炸野太多，面上開始有豆豆， 於是朋友就介紹我去鯛魚湯專門店食飯，補一補佢！鯛魚湯對於皮膚特別好，所以大受女生歡迎皇帝蟹腳海膽湯飯係呢度所有嘅湯底都係以鯛魚為主打，湯底勁濃味，海膽亦都好新鮮，而且份量都唔細，仲有原隻蟹腳好好肉地，而且餐廳好細心將蟹腳剪開一半，方便進食，加上你食緊嘅時候有細火慢慢幫你保溫，包你食每日啖飯都充滿着熱辣辣的鮮味吉列豬扒烏冬吉列豬扒炸粉好薄而且豬扒本身夠肉身，食落夠口感，而湯烏冬口感好煙煙韌韌，吸晒鯛魚湯嘅鮮味

鮮魚熬製出來的湯會呈奶白色，味道鮮濃，用作做湯底的話更分分鐘會由襯托品晉升為主角﹗今天晚上我就來到鰂魚涌的鯛魚魚湯專門店，一試湯底是否真功夫。 這晚雖然下著雨，但入座率也算不錯，店內一角橫放了張長檯，應該幾適合平日Lunch時間多人一齊食。 Menu中的主菜大約分為4類：鯛魚湯、鯛魚湯料理麵、鯛魚湯飯及鯛魚定食，但萬變不離其宗，一切都離不開鯛魚。 吉列豬扒魚湯烏冬 $85奶白色的魚湯無花無假，甫上檯已聞到其魚香足以蓋過炸豬扒的酥香，先喝一口魚湯，味道既鮮且甜，真的會令你自動自覺將每條烏冬都以湯送入口。配料方面份量頗多，木耳及海帶的爽口，跟幼滑烏冬相映成趣。至於吉列豬扒，單看顏色已知火候還差了一點點，炸得略嫌未夠金黃，而且粉漿較厚，顯得本來已屬薄身的豬扒更加薄。 餃子雞翼 $38我眼中的功夫菜，師傅要先將雞翼去骨，中間再釀入餃子餡料，過程中絕對不能將雞翼外表弄至有任何破損。所以不要以為$38/兩隻雞翼便等於所費不菲，技巧及心機差了一點點便做不成這個菜。雞翼漲卜卜兩邊都燒到有點焦香，食落亦覺飽滿，充滿油香。 蜂蜜桃園 $24飲落不太覺有蜂蜜的味道，反而蜜桃味很突出，原來蜜糖味是蘊藏在爆

魚湯同海膽都是我喜歡的食物，卻從未能想像到呢兩樣風馬牛不相及嘅嘢可以同時存在，最新有間新食店就做左呢個配搭，聽落覺得有啲伏，不過又敵唔過好奇心，約左朋友去試下。吉列日本蠔$58: 新鮮炸起的吉列蠔，鬆脆而無油膩感，咬落爆汁蠔味鮮濃無腥味，做得好出色！煎餃子$38: 餃子輕輕煎過，所以外皮未到脆嘅狀態，但就無咁熱氣同油膩，一貫日本餃子味道，細細隻，同吉列蠔一樣，送左唔少沙律菜，比較健康，仲好細心咁加上芝麻醬，明顯知道係用來食唔係裝飾的，沙律算新鮮可食。鯛魚濃湯海膽湯飯 加海蝦$138+$18: 首先比左個火爐，放上鍋係咁滾，鍋內已經放埋飯，堆在中間，海膽就在飯上面，無浸入到魚湯，所以魚湯滾都唔會煮熟海膽，細心嘅設計。因為我怕食滾燙食物，所以滾起後要求拎走個爐，唔想keep住沸騰嘅溫度，店員要求用湯淋一淋啲海膽先，我地都照辦。幸好淋幾下熱湯亦無將海膽變熟，仍然係咁鮮嫩滑溜，好甜美，問一問原來係韓國馬糞海膽，質素好好，好新鮮。另加的海蝦都好新鮮，蝦味足，值得叫埋黎食！個魚湯就如預期中好濃好鮮甜，無味精又唔鹹，每日用左大量嘅鯛魚去熬煮，熬到奶白色，已經隔晒魚肉魚骨，可以放心咁享受個湯，當海膽同

日式鯛魚湯專門店，在門口已經聞到他的魚湯名了。本來以為魚湯一定會很腥，但這間小店給我一個不同的感覺。貴為全香港獨家的鯛魚湯專門店，愛嘗試新奇食物的我當然要來一試。海膽皇帝蟹腳魚湯湯飯上台的時候用一個小火爐盛着，唔怕凍哂！用上皇帝蟹腳，都有肉！湯頭除了有魚的鮮味愛還有蟹的鮮味。海膽雖不是屬頂級的海膽，但加入魚湯後仍無損鮮味。而且追加了鯛魚片，鮮味非常！咬下去魚肉感覺實在，沒有溶溶爛爛的感覺！鮑魚花膠魚肚湯飯一如既往好鮮味的湯底，呈乳白色！鮑魚有兩隻，而我真心推介的是魚肚，因她把湯汁吸哂，咬落去湯汁充滿成個口！花膠炆得好淋，女士必試養顏的法寶！追加的象扙蚌又好新鮮！不得不提的是，當拍照時間過了後，發現湯汁的表面已經起了一層薄薄的膜，夠哂真材實料！吉列炸豬扒小店的炸豬扒令人驚喜，炸粉的厚度恰到好處，豬扒很大件，而且咬下去的時候層次分明，的確能以平民的價錢，媲美日式大連鎖店的質素。點上吉列醬，酸酸地，真的十分惹味！總結來說吃完感覺好健康、而且每樣材料也是真材實料，令人有值回票價的感覺！炸物鬆脆非常，令人驚喜，甚至比食過的日式連鎖店好，所以如果仲有空間一定要點炸物！

聞說鯛魚湯好有益，見價錢合理，就去試下！一出鰂魚涌MTR行多5分鐘就到，晚上7時左右，都仲有小小位。皇帝蟹腳海膽湯飯 $168呢個係招牌！一定要試下！上菜係用熱鍋加火慢慢滾熱，食太慢都唔怕會變凍。鯛魚湯做底，魚鮮味濃，但唔會有腥味，係冇味精，同時都有陣香濃既胡椒味，好易入口，Ｄ飯煮到小小爛，可以更容易吸晒魚湯味，讚。蟹腳切成４塊，蟹肉好厚身，好新鮮,似去食自助餐果d咁，放左入個鍋到本身以為會好奇怪，仲d肉冇變老！而海膽同個圖一樣，咁兩大條，唔覺有腥味，屬於新鮮！$168 合理!我仲加左帶子$ 18一隻，帶子好大隻，大過個湯匙。好想知道鯛魚咩味，就叫左黎試下，熟左既鯛魚好似打邊爐D魚咁，但完全冇骨，只有魚鮮味。廣島生蠔魚湯烏冬　$78好滑身的烏冬，生蠔有兩大隻,好新鮮，其實$78出面食好難食到有兩大隻生蠔既烏冬。煙三文魚18兩大片。小食　餃子雞翼 ( 2 隻 ) $ 38，饟雞翼肉嫩，餃子一口咬，都有誠意。加$ 9轉左杯凍滴漏奶茶，特飲半價，叫左杯 $ 12凍蜂蜜果園，有爆蜂蜜珠珠，幾甜幾滋潤！食到好飽,成肚都係魚湯...

Went here because I love fish.They serve fish maw which women love because of the collagen.Started with the beef cubes which was juicy and tender.The oyster rice pot came with big plump strong tasting oysters.The noodle was my favourite because the fish gas bladder was big and generous however the fish maw wasn't soft enough.I will probably come again because the fish broth they serve is rich and strong.

因為係附近番工,平時都已經好想試呢間餐廳,可惜佢好旺場,番工lunch時間唔夠,於是等到放工就同同事黎食飯呢度最出名就係佢個鯛魚魚湯,基本上9成既菜式都係用呢個湯底皇帝蟹腳海膽湯飯先飲一啖湯,湯係鯛魚湯鮮味十足,鯛魚味好濃因為好鐘意食海膽,而呢度既海膽都冇令人失望海膽份量都不少,好鮮味,冇腥味,都算幾滑身蟹腳非常新鮮,大隻厚肉,而最重要係啲肉好輕易就拆左出黎,唔會食到好狼狽加上佢搵個爐熱住,咁你食每一啖都係熱辣辣,而海鮮都唔會咁易變腥花膠魚肚湯鳥冬同樣係鯛魚湯,個湯好多膠質,可能因為有花膠係度既關係,好似吸收左好多骨膠原咁魚肚索哂啲湯汁,令佢變得好鮮味而花膠本身係冇味既,質地軟身烏冬好彈牙好爽口,想飲多啲湯就一定要叫鳥冬!吉列炸豬扒鳥冬雖然比較普通,不過炸得不錯炸粉唔太厚,而豬扒又夠厚身,而且唔油連旁邊既沙律菜都好好味,加左芝麻醬果然係冇得輸

係鰂魚涌做完野，今晚打算同同事食完飯飯才回家，我們走到附近一間日式店。門口看看是以鯛魚湯底作招來，有麵、有烏冬、有飯、也有小食， 看似不錯，我們就進去一嚐。 最後我們點了鮑魚花膠魚肚魚湯烏冬日式帶子魚湯飯餃子雞翼帶子湯飯上來時更有一個鍋爐熱著看著熱呼呼的湯飯，冒著蒸氣，食慾大增帶子大大粒，魚湯味道非常濃，很鮮，混著飯一起吃味道又甜又鮮。 另一碗非常好料鮑魚有2隻，花膠魚肚有好幾塊，10分足料烏冬又滑又彈牙，配上魚湯，非常香，好正！ 小吃餃子雞翼十分飽滿啖啖肉，惹味又有口感！ 一碗湯飯，一碗湯烏冬，一碟雞翼，湯底真的很重要，鮮魚湯味令人回味。 

奶白鯛魚湯@鯛魚魚湯專門店鰂魚涌 海堤街6-16號龍景大廈地下3A舖鯛魚在日本是貴價魚，就算是人工飼養也不便宜，野生更是價值不菲了。因在附近返工，發現了此鯛店。湯煮到奶白，甘甜中喝出魚味，完全沒有腥味聽朋友極力推介這間魚湯店，一嘗後果真沒錯跟朋友約了今晚晚上食，我們先點了明太子沙律，這個沙律跟平時食開的分別係有更好的㬭感、沙律變為粒粒狀、入面本身就配上了少量的wasabi和沙律汁，味道更佳，份量上比我們預期的為多皇帝蟹腳海膽湯飯來到這間店，非食不可。除了魚湯鮮味外，更重要的是，欣賞呢間店鋪對食材既處理，平時食蟹要拆、要剝開個殻，但係基本上呢間店準備給你的蟹腳都較為大隻，而且係啖啖肉，可以好輕易就食到，不用大費周章，抵讚👍當你食呢個湯飯，鮮味的魚湯，配上一啖海膽湯飯、一啖蟹腳湯飯，除了係味蕾的响受，亦深深感受食得是福 😆😆鮑魚花膠湯飯，絕對係女仕必點之選，相信鮑魚、花膠應該煮的時間正好，食上去口感正好，配上好清、鮮味既魚湯，每啖都覺得有一啖啖的骨膠原吞下肚，進補之選小食方面，則點了個雞塊唐揚，脆脆的雞塊，不油不膩，相信係即席炸出黎，一來這個雞塊不是即是上台，都等了15分鐘才有，二來亦是熱

朋友在鰂魚涌上班，說公司附近開了一間「鯛魚魚湯專門店」，經常客似雲來，一位難求，說不如一同去試試。 我們周五晚到達，果然座無虛設。看餐紙的介紹，鯛魚湯相當有益健康，滋潤養顏又容易吸收，是女士們的恩物；餐廳每天都要用上大量鯛魚及配料熬製十多個小時，才得出現在奶白色的湯底。 打開餐牌，這裡獨沽一味 -- 鯛魚湯飯或烏冬，不過卻會用上不同的配菜，大部分都是海鮮，而且還可以加錢追加如花膠、鮑魚、魚肚、海蝦等矜貴海鮮，價錢由$18至多30不等。 皇帝蟹腳海膽湯飯 ($168，追加鮑魚$28)見到這個由$168減價至$138，就用省了的錢追加一隻鮑魚吧。等了大約十分鐘，充滿魚香的湯飯終於上桌，湯底呈奶白色，而且用火爐一直加熱著，不怕魚湯放涼後變腥。 呷一口湯底，好濃的魚味，飯粒都吸收了魚湯，吃起來滿口鮮味。海膽應該來自加拿大，好大的一塊，鮮甜香滑；皇帝蟹腳味道偏鹹，不過勝在啖啖肉；鮑魚炆得軟腍入味，很值得追加。除了這些海鮮，伴菜還有一些腐皮、雲耳、昆布和紹菜等，材料豐富。 鮑魚花膠魚肚魚湯湯飯 ($138)朋友更滋陰，叫了這款又花膠又魚肚的，花膠腍得好腍，魚肚最吸湯，所以都很好吃，而且它價錢相