鱈卵屋 (已結業)

吃個小便飯，五間小店中挑這間的原因就是為了明太子，四個人揀了十碟的碟面只有手掌般大的食品，最美味就只有明太子汁焗蠔和明太子煎蛋，前者汁味夠濃，蠔身爽口，後者明太子味夠濃，可是連同薯條已是三碟唯一熱食，接下來的七碟全部是凍的，燒餅和炒烏冬只用雜菜堆砌，流心芝士球小得像一粒骰子，南蠻雞的他他醬比相片中的少三份二，再問就只給普通沙律醬，多士拼盤就只得四小片，吞拿魚拼魚子飯中的吞拿魚竟然呈瘀黑色，味噌燒豬肉有少許怪味又有少許像咸瘦肉……其實挾明太子之美名就更應該在食物質素和服務方面再加把勁啊！

野食係唔錯，只是其中一個明太子獅子狗咸左d，最不滿係一個女員工服務態度超級極度差，女友就係食左個明太子獅子狗覺得咸左d，見女店員空閒行過就問她有無茶或水，但個女店員就轉身背向我們整理其他枱面，邊說茶每位收十蚊，收錢唔緊要，十蚊比得起，但都起碼尊重下面對客人講解呀😡而且個張枱都無野要執都搵野黎執🙄送茶來的時候，因為二人枱而且還有其他食物沒太多空間，理應可能要執一執枱上碗碟謄出空間再放送來的食物或飲品，但她沒有，她直接強制放在碗碟之間，個杯茶是傾斜的🙄我和女友見到都好愕然，自問去到我地又無特別要求又無比過說話佢聽，送菜落柯打都唔該前唔該後，但都受到噤既態度，餐廳野食係唔錯，但因為呢個員工我唔會再去呢間野度食，背脊骨落😡本人從未打過食評，如果大家覺得我係打手抺黑歡迎大家上去親自感受下😒

香港少有以明太子做為主題既餐廳，所以決定黎試下。餐廳店内採用簡單整潔既裝潢，比人既感覺都舒服既。牛油果配搭吞拿魚刺身，估唔到呢個配搭艘幾夾，再加上有少少芥末既味道，成碟菜式清新得黎又開胃，係一道不錯既前菜。但係份量真係好細，同Menu都幾大分別，幾啖就食晒。呢碟多士拼盤係由2塊蒜茸多士同2塊明太子多士組成。蒜茸多士聞落好香，但食落味道好淡，無咩蒜茸味。明太子果邊就相對地出色好多，上面仲有d白飯魚帶到d鮮味出黎。有樣要讚既係2種多士都整到好香脆。明太子上湯蛋卷係必叫，d蛋好滑，而且夾落係唔會散，d明太子仲要多到爆晒出黎。呢度既鱈卵碗好貼心，怕你食得太飽所以有Jr比你揀。一開始我地仲猶疑究竟叫唔叫Jr好，到個火灸三文魚&火灸油甘魚鱈卵碗黎到既時候，我地好慶幸無叫到Jr，因爲一如既往，份量係好細，所以我都唔敢想象Jr到底有幾細。有三種食法係幾特別既，但可惜d飯好似隔夜咁，全部痴埋一舊舊，撈既時候已經好大力咁整散d飯，可惜都仲有好多整唔散。呢碟豆腐燒無咩特別，都係一個字 - 細。總括黎講，食物不太差，可惜份量小，性價比不高。

I love Mentaiko. Mentaiko is my favorite side dish in Korea. Usually Korean people eat Mentaiko with steam white rice. So it's first time to have many kinds of dish with Mentaiko. The cream Mentaiko Udon was really good. Salty  Mentaiko was really good with cream sauce. There are so many food with Mentaiko. I will visit again and try the other food on day. 

一直好迷戀明太子既我由幾年前就會係自己開心/唔開心既時候特意自己一個走黎享受下。蛋捲好多層，鬆軟配住鹹同微辣既明太子，好食！最近開始注意飲食，開始儘可能低糖/偽keto diet晚上儘可能唔食澱粉，咁岩鱈卵屋有低糖menu，真係好明白我心💖最後揀左牛油果三文魚盤。淋上明太子醬真係相得益彰！感覺又滿足又唔會太肥☺️走澱粉即係無得食佢個好好味三文魚油甘魚明太子飯三食就係啦😭d米粒粒分明，所有搭配恰到好處，無食過既朋友快d去食！

周圍都有位置，但給了一個很窄嘅位，問女侍應可否調位， 他說給以book嘅人仕 (我也是book的) 隔離打邊爐嘅熱氣吹過來， 冷氣又細， 熱到想快快走， 全程聽到隔離枱傾計，好似食快餐， 埋單六百！

WOWWW!!!上網揾下有咩好食 結果被我發現哩間野😍😍朋友們都有興趣 所以決定一齊嚟試試 哩間野全部的食物都離不開明太子😊☺️記得要book位喔 哩間野都幾full下 一入座就安排四人座位給我們 一坐下我先看地下 發覺不太乾淨 印象會有點扣分 之後睇餐牌 太多食物都想吃了 最後點了六樣😊☺️明太子棒棒 有四條 炸得剛剛好 唔會太燶 好似係類似魚蛋的物體包住明太子 係好好好食👍🏽😍推介喔明太子烏冬 係熱食的 有紫菜 明太子 白飯魚乾 撈埋一齊食真係好好食 每一啖都會食到明太子 正呀🤩🤩烏冬的質感軟熟 彈牙 不錯喔炸雞🍗真係麻麻地 點解會係淋左嘅 同埋入面啲肉又真係薄左啲嘅 整體嚟講 哩個真係麻麻地喔 不過個醬又真係幾好 哈哈煙三文魚 煙得好香呀 勁有魚油香的味道 肉質好嫰滑 配上兩條秋葵 可以減低油膩感 這個都不錯👍🏽👍🏽可以trytry吧明太子卷蛋 有六舊 好香呀😍🤩蛋質好滑呀 明太子又勁多 小妹真係一啖過食 勁🈵️足 好想再encore喔👍🏽👍🏽無得輸 真係no1食物唔記得叫咩名 只記得哩碟野都唔平 $128 但係壽司卷入面的食材都幾新鮮又好肥美 是三種不同的刺身呢 小妹覺得口感也不錯喔

年廿九雖然是情人節，但我們兩個晚上都各有各忙，我在街站拉票，她在店裡工作。結果，我們再次相見時已經是晚上十時了！我們決定去吃宵夜！！銅鑼灣有不少很晚的時候還在營業，所以今日就選擇了一間，我們剛在一起的時候去過的餐廳。我們今日叫魷魚明醬，鱈卵鰻魚飯，明太汁燒雞翼，燒明太子漬之三文魚鰭腩，牡蠣明太子奶油鍋。明太汁燒雞翼這個有點辣！我不太能吃辣，所以吃完後有點噴火的感覺。燒明太子漬之三文魚鰭腩因為想要多點魚，所以叫了這個試試，有點辣，但沒雞翼那個辣的。鱈卵鰻魚飯有三種食法，首先將所有餸菜撈在一起。然後第一次不加任何東西就吃，第二次就加一點配料下去再吃，第三次加一些湯落去再吃。魷魚明醬這個看起來有點像泡菜魷魚，不過這就是不同的，不會太辣，明太子的味道很不錯。牡蠣明太子奶油鍋這個煮好後感覺那些蠔吃下來也很滑的，可能是因為奶油的關係。明太子的味道不太重，反而奶油味更重一點，吃旺菜是吸收到的奶油味更好。手工啤酒我問了哪個最重麥味，這個就是最甘甜的，倒出來都真的比較深色的。我很喜歡，但我女友就不喜歡了：Ｄ宵夜吃了大概六百幾元，尚可接受，不知是不是因為情人節，更送了兩盒明太子和兩張可喝酒精飲品的飲品卷供

前排一月餐廳做咗個明太子放題嘅promotion，鍾意食明太子嘅我見到即刻心心眼！😍好在趕得切喺一月尾黎試一試呢個放題。佢個叫法係食明太子放題，另外每人要加一款小食同埋飲品，所以其實都唔係真係好平。嘢飲就叫咗個sake set，可以試到三款唔同嘅sake，每款味道都幾獨特，唔錯！主角明太子終於出場啦！佢一兜嘅份量都唔少，足夠我送一碗飯。味到就少少辣，撈落熱辣辣嘅白飯一齊食都好好味。佢個set仲會跟每人五碗白飯添！不過其實我個人覺得係食唔到五碗咁多嘅，因為食得太多明太子其實都有啲溜。小食我哋就叫咗一個炸雞同埋一個玉子卷。玉子卷就中間包左名太子一齊整，而炸雞個醬亦都撈左明太子，都幾特別呀。食完呢餐，滿足左我呢舖明太子癮，我覺得可以一段時間唔使食明太子住啦！🤣🤣

朋友們都係明太子既fans，所以黎到銅鑼灣點可以唔黎鱈卵屋？我就係第一次黎，一直都好想試依度既蛋卷，對其他食物都好期待～大約6點半到，無咩人，店鋪比我想像中細... 靜靜地，環境唔錯。我地叫左5樣野食：首先黎既明太子薯仔沙律同蛋卷都因為太肚餓無影到相，兩樣都好好食！沙律好開胃，薯仔配上鹹鹹辣辣既明太子同沙律菜，好夾！蛋卷既蛋味好香，夠厚，口感一流之後叫左低糖南蠻炸雞，一碟6件，d皮夠薄夠香口，連埋沙律醬好食～仲有特色和風忌廉烏冬。烏冬上有紫菜同明太子，可以撈埋落忌廉湯一齊食。略嫌太淡...最後就係鱈卵碗，我地叫左三文魚拼油甘魚，都幾新鮮～整體既味道都唔錯，鐘意明太子既人不妨一試～但係份量太少喇，唔大食既我地完全食唔飽...希望份量會有所改善。

明太子唔係人人都鐘意食..而我就係屬於鐘意食但又唔係每一間嘅明太子都接受到。而呢一度係我非常接受嘅明太子專門店。差唔多有6成食物都會加入明太子，但味道變化萬千，選擇非常多！今次第三次嚟，每一次都試餐牌上唔同嘅食物，基本上好難搵到一樣唔好食😂😂當然，有某幾款一定要encore la!! 🐆🐆🐆🐆🐆🐆🐆🐆🐆🐆🐆🐆🐆🐆🐆🐆Encore之選1❤️ 蛋卷超嫩滑，配搭埋明太子match指數爆燈✨Encore之選2❤️ 一上菜以有陣陣香味飄出，隔離枱見到都即刻忍唔住落單😂價錢只需$55..你無睇錯！但分量係極多..性價比極高。可惜我唔好三文魚籽，但眼見同行朋友食到啖啖滿足新菜式😍😍上一次嚟都未有，比個名吸引左😬一上菜我諗起梳乎厘，其實係蛋白嚟😬佢會不斷慢慢發漲，漲到好似綿花糖口味好得意！之後仲可以追架帶子，菜同埋附送嘅拉麵煮，湯底仲係豬骨湯🤗前排成日聽人話牛油果沾上刺身醬油食,口味=食三文魚😂今次就試下2野樣野一齊食，居然出現左另類嘅口感牛油果嘅fresh加上豐富魚油香，清新雞翼切半，方便食用鳥冬口感QQ撈埋明太子，醬汁辣辣地，唔會有膩嘅感覺...呢個係今次最欣賞嘅初嚐菜式😍牛燒得剛剛好，好嫩。醬汁內加

2017最後一日，早上去完AIA玩，返屋企前諗起明太子專門店鱈卵屋，決定walk in 碰碰運氣。店面比想中細，枱與枱距離很近，說話大聲一點都會被鄰桌聽到。牛油果赤身明太子沙律-粗粒牛油果與赤身再配上結合兩者的明太子醬，十分惹味。如赤身再凍一點，味道會更佳。明太子玉子-外貌平平無奇，一口咬下，玉子充滿蛋汁，明太子醬把味道提升另一層次。配上蘿蔔蓉又有其他滋味。單骨雞中翼-一客只有5支，即是2.5隻雞翼，份量太少。可幸的是雞翼外脆內滑，調味十分惹味。炸豚肉芝士捲-芝士份量不多，豚肉肉汁欠奉。沒有驚喜。油甘魚明太子飯-這個飯有3款食法。1，原味把所有材料拌勻。2，加入6小格不同調味料，包括芝麻，紫菜，蔥粒。3，最後加份小樽內的高湯。粗粒油甘魚十分新鮮，明太子醬份量足夠。跟著方法試了3款味道，最喜愛還是原味。

接咗肥髀之後，在銅鑼灣搵食，呢間食評唔錯，打電話去訂位仲有位，去到門口，店內地方唔大，格局似西餐廳，多過食日本傳統菜嘅餐廳，不過店內有雪櫃放啲牙膏狀即食明太子！我去福崗玩都買過類似嘅，我哋坐近門口二人枱，桌椅較迫！食物除魚卵之外仲有唔少選擇！落單後食物陸續到！明太子煎蛋（$82）賣相靚，同照片好像，唯一係明太子顏色淡咗啲！蛋一層層包裹住明太子，蛋又熱又甜，明太子鹹味微辣，好惹味！鱈卵碗三文魚拼三文魚子（$159）好豪華，賣相靚，一碗有三次食法，撈勻食原味，第二次食跟上嘅蔥、紫蘇、芝麻調味，第三次落熱湯再食，每次層次都更好味，三文魚子唔夠飽滿，不過唔腥，三文魚淋身肥美，配上鹹明太子、蛋絲同新鮮荀粒！好清爽肥美！好味溫泉蛋（$38）肥髀食薯仔沙律（$48）粉紅色薯波軟滑，加了明太子嘅鹹味好味！惹味青瓜（$38）青瓜清爽多汁，加上木魚片碎、芝麻，好香好惹味，不過調味要多啲更好，食到底嗰幾塊唔夠味！西班牙特飲（$48）肥髀飲，賣相靚，我試咗一啖，提子味較假之外都正常！多士拼盤（$48）賣相靚，烘得香脆，鹹魚子多士第一次食！香脆鹹香！和風都香脆！不過唔惹味店員有禮，雖然唔多說話，不過好勤快，我分

自從去左日本九州品嚐過明太子之後，對他 - “明太子“念念不忘。知道鱈卵屋進駐香港，緊係要去朝聖啦！牛油果三文魚盤三文魚夠新鮮又夠厚，同牛油果是"最佳拍檔" 。配以明太子醬，非常清新、好味。豚肉、雞肉、豆腐鍋鍋中放了很多明太子，增添湯的鮮甜味，豚肉同雞肉都算可以，不鞋，很稔。明太子蛋卷不槐為此店人氣No.1 。 蛋卷很嫰滑，中間夾住明太子，食起來好食到難以形容，一個字~wonderful 最後order 左碗白飯加入鍋中煮了幾分鐘，即時變成明太子米粥，哇……碗粥非常鮮甜呀！ 又享受了一頓滿足的飯局。

同友人去開銅鑼灣 因為我地都鍾意食明太子所以特登上OPENRICE 搵到尼一間餐廳.一入到去地方都算大 員工好友善然後我地叫左一個明太豚肉烏冬配秘制牛油醬汁 佢一上碟係用鍋裝住 熱辣辣然而上面有明太子!!  份量都好足夠佢上面仲有一個溫泉蛋一篤佢就會流晒D蛋黃出黎撈埋D烏冬食就一流烏冬都好爽口 唔會太軟同太敢而且豚肉都煮得好香! 整體黎講都算不錯之後叫左一個溫泉蛋豆腐燒餅因為我同友人都未試過食豆腐燒餅睇落去好似好吸引! 有D似大阪燒既感覺一食落口有濃郁既明太子味, 加埋D醬汁 配搭得幾好溫泉蛋都有滑嫩口感 食蛋既朋友一定要試下