鱷魚泰國餐廳 (已結業)

今日搵個同事傾野，跟住係九龍城周圍行搵地方食野，突然見到呢間餐廳之後朋友話好想入去食，於是就走左入去試下。小鳥等愛小鳥等愛係餐廳嘅自創菜式，以蝦膠打成圓狀再附一隻蝦做尾巴，師傅再得岩岩好，一啲都唔會乾身，啖啖係鮮嫩嘅蝦膠，最外層嘅皮都仲炸得岩岩好，粉唔會太厚又夠多汁，餐廳果然係即叫即整。生菜包(豬肉)生菜入口要夠脆，豬肉炒得夠晒香草味又夠晒熱，份量亦都好足唔會太小，不過，作為一個一邊傾偈一邊食嘅主菜真係唔錯架。青咖哩(豬肉)青咖哩最緊要係香濃，呢個咖哩廚師整得真係唔錯，咖哩味道又夠香濃同時真係有唔小豬肉係入面架，而且入口唔會辣，味道反而有一點香甜，非常好多唔太食辣嘅人黎試下。烤餅(薄荷餅)將咖哩配合烤餅係一個絕配，餐廳嘅烤餅全部即叫即整，保證新鮮又熱辣辣嘅同時又夠軟身，咖哩香濃味道配合烤餅真係令人一試難忘二個人食幾樣野已經食到飽晒，真係好滿足，而且走嘅時候仲要留意到原來餐廳仲有好多野食，搵日有時間再黎試下先得 

好耐都冇食話泰國菜，所以一放工就同老婆大人去泰菜林立既九龍城搵食，行行下就見到門口有隻好cute鱷魚，又幾新淨，所以就入去試下，叫左幾款必食菜式(有生蝦刺身，冬陰功湯 ，炒通菜，炒聖子，牛仔骨)樣樣都非常有水準，啱晒我口味，而且食材新鮮，價錢合理，下次可以同一班老友再 encore 。馬拉盞炒通菜 份量充足又夠味冬陰功湯有正宗泰國味道， 非常適合鍾意食辣嘅人。生蝦刺身係我最愛，個醬汁都好正呢個炒聖子非常惹味，正！d 芒果好好味牛仔骨非常嫩滑食泰國嘢絕對唔少得整杯珍多冰

老公生日指明要食泰菜, 只好去小泰國 - 九龍城吃飯咯! 不過, 太忙的妻子沒時間去BOOK檯 (...太不要得!), 去到九龍塘就找間不錯的WALK IN吧! 選了這間鱷魚泰國餐廳~ 也有不少人光顧~ 餐廳明亮整潔! 牆身有一大幅男人跟鱷魚的戰鬥畫添~~ 好有東南亞風情!! 細細密密的MENU, 有超多泰菜可以選擇!!!!!一時之間真的無從入手~ HAHAHA!!!未點野食已經開始肚餓了~我地決定點一個肉、一個海鮮、一個湯、一個菜~咁樣就易D做選擇啦!!!!! XDXD去食泰菜, 當然一定要點個生蝦刺身 ($98) !!蝦的尺寸不大不小, 可以一口吃掉, 肉質彈實, 有口感, 不會"霉dum the"..... XD同埋!! 個醬汁真係好好味~~~食完生蝦, 我都要keep住個汁, 配其他野食XD泰菜必點之二: 冬陰功湯 ($78, 小)黎到比想像中要大份!! 可以分到4-5小碗下邊有火爐, KEEP住滾, 好熱騰騰,入便都有幾多料, 有蝦、菇、香茅、蔬菜......味道都有小辣, 加上酸酸地, 好開胃!! 泰式燒牛仔骨 ($88) 實物無咁黑架XDXD 唔知點解我影到好似好

約左幾個大學同學在九龍城飯聚，當然又係食泰國嘢呢~~~我要遲少少才到，但電話又冇晒data，上唔到網check地圖，打左俾其中一個，佢就淨係話南角道近大馬路，同埋門口有鱷魚公仔，認住佢就入來好運的我果然好快就搵到了!!有呢隻鱷魚又係幾易認~~餐廳門前放了食物圖片的餐牌，讓人不禁食指大動餐廳白色牆身以一幅鱷魚瓷磚畫裝飾，及鑲了優雅的花卉圖案，甚有特色原來晚市9點後 仲有折扣同 送小食的優惠呢!!坐低原來朋友們已經點左菜，留返一款俾我選，她們點了 泰國菜必食的冬蔭公湯($78)、蝦餅拼春卷($78)、泰式炒金邊粉($68)、脆肉炒芥蘭($68)，見都點得幾清，那我就選 泰式燒豬頸肉($78) 吧~~~~冬蔭公湯($78)我們點了細size的，餐廳安排原爐上，湯加熱時，湯中香料味道徐徐滲出，那種酸辣香氣誘人，冬蔭公味道微酸帶辣，十分開胃脆肉炒芥蘭芥蘭炒得爽脆， 不會有青澀味蝦餅併春卷春卷炸很鬆脆不油膩蝦餅金黃，而且十分彈牙配埋泰式甜酸辣醬，蝦膠鮮甜又開胃不過食時真係要小心，可能因即炸關係，第一啖差點㷫到泰式金邊粉Pad Thai 係我食泰國菜每次都會點的仲一定要加埋青檸汁就最正宗Pad Th

新嘗試網上定位非常之方便😬。這間新的泰菜館和其他泰菜館裝修差不多但這兒員工態度友善誠懇，對我們的問題回答得非常之詳😃食物也不錯尤其馬拉盞炒通菜非常惹味非常香😋蝦餅春卷也非常香口「正」👍🏼除咗喜愛的咖喱炒蟹和其他泰國菜館有點不同比較甜一點。整體來說會有下次的泰國菜館👍🏼👍🏼

九龍城，是泰國美食薈萃之城。朋友住在這裡，十分了解這區的泰菜餐館，新開的，味道好的，應該瞭如指掌。 所以這次就交由九龍城朋友發牌，大家今晚就在此晚膳。店門貼有餐牌及食物照片，看來價格合理呢！　選了3-4人份量的F餐，有沙律，小食，明爐魚，炒飯，青菜，再散點冬蔭公及飯品。肉碎粉絲沙律　這款酸酸辣辣的開胃前菜，照計很安全。誰知一試，超辣。可是朋友卻表示不辣。原來朋友是夾粉絲為主，而自己所夾的是以肉碎為主。辣味的來源就是肉碎。真的很辣！要馬上喝清水來平復一下。冬蔭公海鮮湯   來到泰國餐廳，怎能没有冬蔭公呢！所以另外單點了這個泰國特色湯。湯內有冬蔭公必備的香茅，南薑，紅辣椒，青檸葉，還有菇及大蝦。正常的冬蔭公湯，本該是酸辣鮮甜為主。可是剛才的肉碎粉絲沙律十分辣，對比之下，這個冬蔭公不太辣，反而覺得味道以鮮甜為主。泰式炸蝦餅拼春卷　　香口炸炸小食，春卷內裡的粉絲帶點辣味，接近胡椒的香辣。脆肉炒介蘭　炸五花腩＋介蘭，是這晚的膳纖維。啡色的脆肉其實不太硬，肥瘦相間部份還是軟棉棉的。翠綠的介蘭比較嫩，咬落不起渣，無需太多牙力。明爐烏頭魚烏頭與芹菜，南薑，香茅，梅子及湯，置於魚形烤盤上，以小燭台保持溫

九龍城又新開一間泰國餐廳, 門外貼上唔少新優惠套餐, 吸引左我地今晚前去幫襯... 店內裝修跟傳統既泰國餐廳與別不同, 地方不大, 但一般泰國餐廳既食物款式呢度都有齊~ 我地今日就order左個2-3人份量既套餐, 都係HK$238加一~ 野飲就要另外Order, 價錢都係HK$20-40左右一杯~【泰式炸蝦餅拼炸魚餅】 炸物外表比較乾身, 沒有油膩感. 入口脆卜卜, 蝦餅鮮甜彈牙, 配上甜酸醬, 令人食落更加開胃惹味~ 而炸魚餅同樣鮮甜, 帶點香茅味, 夠哂香口!!【青咖哩雞】 青咖哩入口較甜, 辣味慢慢慘出, 但唔算好辣, 雞肉已被去骨, 不過份量比較少...【牛油薄餅】薄餅烤焗得好香脆可口, 沾點青咖哩汁食, 超正!!! 【冬陰海鮮湯(細)】 呢個細size有6個飯碗既份量, 入面除左大量既配料外,仲有秀珍菇,魷魚,兩隻已被去殼既蝦球,同埋兩隻大大隻既青口, 呢個冬陰湯望落色水唔係好紅, 意為唔太辣, 點知第一啖, 辣味開始係舌頭上擴散, 辣味十足!! 建議唔食得辣既朋友係ORDER時同店員講減少一下辣度~【脆肉炒芥蘭】 芥蘭好爽脆, 雖然D肉肥油層比較厚, 但肉質較林同入味.

重口泰國菜-食泰菜梗係去九龍城啦，司令住左附近咁多年，其實啲泰國餐廳都試得九九十十啦，尼間新開既泰菜，又點可以唔試下喎。-青木瓜沙律($58)青木瓜沙律入口真係嚇親司令，因為真係好重口，又酸又辣，拍得住係泰國街頭食到既味道😍，上面仲有幾隻蝦做配料，但個木瓜沙律實在太驚喜啦，啲蝦落唔落其實都冇所謂😎。-冬蔭公($78)冬蔭公叫左個細份既，三四個人都夠份，飲落唔錯，帶少少creamy既感覺，而且好足料，睇圖就知隻蝦有幾大啦，但司令略嫌辣椒皮多左啲😂。-海南雞($108)海南雞斬得好靚仔，半隻已經好多肉食，外皮做得好滑而雞肉唔鞋口，又唔會話有好多皮下脂肪，夠清爽，好想配返個油飯食🤔。-鮮菠蘿炒飯($98)食泰國野，司令通常都會叫Pad Thai或者菠蘿炒飯😚，今次前菜叫左好多，就唔食咁多澱粉質啦，剩係叫左個菠蘿炒飯，例牌係由半邊菠蘿裝住，炒飯大堆頭，超多海鮮，多到好易山泥傾瀉😂，飯炒得有鑊氣粒粒分明，又熱辣辣，可以一戰！

青木瓜沙律 $58食泰菜，餐前必食青木瓜沙律開下胃。入面有生蝦、青木瓜、紅蘿蔔同花生碎，味道夠酸夠辣，比一般食開嘅惹味👍🏻，水準幾高。冬蔭公湯 (小) ($78)份量比想像中細，撈起兩隻大頭蝦之後已經無咩湯飲😂，不過味道都唔錯嘅，香茅同南姜味好香，辣度適中，如果再酸少少會更好。豬肉碎生菜包 ($68)揀左豬肉碎黎配生菜包，加入左切碎嘅豆角同洋蔥，食落好爽，整體調味偏鹹，包住生菜黎食就岩岩好。泰式海南雞 ($108)雞皮好爽口，雞嘅脂肪唔多，食落唔會有油膩嘅感覺，雞肉嘅部分好嫩滑，雞味都幾鮮，唔會有雪藏雞嘅感覺。不過個醬汁味道就普普通通，無咩特別，都係一般酸酸甜甜嘅汁，如果味道再豐富啲就更好。

九龍城新開泰國菜，有好多抵食套餐！！啱晒三心兩意既人～～ 姐係我哈哈。套餐之外 另加左呢個泰國菜必食既泰式鳳爪！鳳爪份量好多 而且比起出面一般既辣勁多！好重口味 如果你唔係好食得辣就小心少少啦蝦餅拼魚餅。蝦餅感覺都係來貨唔係店舖自己做 所以同九龍城其它泰國菜鋪個d一樣 不過炸醬都算厚魚餅唔知點解口感有點兒奇怪 整體過下口癮就算 不過不失青咖喱雞 配 牛油薄餅青咖喱所以唔辣 椰汁味唔算重 反而香草味道好搶，雞肉唔嫩 用既似乎係雞胸肉。。用雞脾肉好食好多薄餅牛油完全唔夠，食落好乾 唔夠香口 非常一般脆肉炒芥蘭，芥蘭好老。。雖然炒得幾惹味 但菜唔夠嫩 真係有點兒浪費

香港普遍嘅泰國餐館都幾好食，依間都唔例外，見佢係新開，當然要試下啦！青木瓜沙律醬汁味道都偏辣，配埋香甜爽口嘅青木瓜，非常開胃，上面嘅兩隻生蝦，都幾新鮮，有彈牙口感，作為頭盤不錯！生菜包好多時食生菜包，餡料都唔係似普通嘅炒肉碎，冇咩泰國風味！依家嘅餡料就唔同，夠哂香辣，有辛嘅感覺，見佢粒粒肉碎外層多好似包住香料咁，望到都覺得辣！青檸辣椒明爐烏頭魚醬汁幾香，食落唔係幾夠酸同辣，魚肉質較實身，唔夠香滑，普普通通、不過不失！冬陰公材料好多，飲落咸度好夠，味道香辣，層次豐富，食到有鮮味！

當你完全唔識嗰間餐廳嘅時候，我相信佢嘅名又或者佢有一個特別嘅標記，又或者有人介紹，先會想去食。而呢間餐廳令我想試下佢嘅原因係因為佢有一個好特別嘅名，佢擁有一個好霸氣嘅名，鱷魚。鱷魚聽落去個名又有氣勢又好似好威咁，而且行到去店舖門口，佢仲有一個好可愛嘅鱷魚標誌喺度添。呢間鋪頭開咗唔係好耐，有好新淨嘅感覺，而入邊嘅裝修簡潔。用嘅餐具都會配襯返鱷魚嘅顏色，就係綠色啦。先來一個冰亮嘅椰青椰汁冰先，清清甜甜。呢度嘅食物同一般嘅泰國餐廳都差唔多，講得出嘅都會有。而我覺得呢度比較多嘅就係除咗泰國出名嘅紅咖喱，同埋青咖喱之外，佢仲會有啲喺馬來西亞引入嘅咖喱。今次我試咗一個叫做噴靚咖啡廳。見到佢個名非常特別，首先當然係有問吓店主係啲乜嚟。原來就係話呢隻噴靚咖哩你係馬來西亞入去泰國架，所以佢嘅味道會混合左馬來西亞同埋泰國。第一啖食落去嘅感覺會係比較甜，同埋係比較傑身。雖然上面有一層紅油喺度，會令到人覺得好似好辣咁樣，但係如果你咁諗就錯喇，佢只有輕微嘅辣。食嗰時記得攪勻埋上面d椰汁。個咖喱加埋個椰汁味會更加香。我最鍾意呢個咖喱嘅係佢有好多花生嘅碎粒喺入面，食嗰陣時候會有啲花生嘅口感，咬落去又香口，好味。食咖

放工搵個同事傾野係九龍城跟住周圍行搵地方食野，跟住突然見到呢間餐廳朋友話好想入去食，今日咁岩見到就走左入去試下。泰式小食拼盤所有嘅小食一啲都唔會乾身，件件都好嫩滑，而且連最外層嘅皮都仲炸得岩岩好，夠晒嫩身又夠多肉汁，餐廳果然係即叫即整。青檸烏頭只要係餐廳消費夠200元就可以係餐廳指定嘅5樣野食揀一樣，烏頭入口要夠濃味，而且夠晒熱，份量亦都好足，不過本身個青檸味道唔會令人難以接受，作為一個傾偈嘅主食真係唔錯架。青咖哩(豬肉)咖哩最緊要係香濃，呢個青咖哩廚師整得真係唔錯，咖哩味道又夠香濃同時真係有足料嘅豬肉入面架，而且入口唔會辣，味道反而有一點香甜。蒜蓉包將咖哩配合蒜蓉包係一個絕配，餐廳嘅蒜蓉包全部即叫即整，保證新鮮又熱辣辣嘅同時又夠脆身，咖哩香濃味道配合蒜蓉包真係令人一試難忘二個人食幾樣野已經食到飽晒，真係好滿足 

九龍城一向都係泰菜集中地，行過見到一間裝修好qq嘅新餐廳，而且套餐仲好抵食，三百蚊樓下就可以食到兩個人飽住咁走泰式串燒豬牛雞各一 串燒燒得好香，外部有些微焦香，內裏每種肉質嫩滑當中首推牛肉，牛肉味濃，而且肉質嫩蒜蓉炒通菜 串燒燒得咁好食嘅時候，普通一個小菜又點會考到呢度嘅大廚 蒜蓉味濃，可惜通菜有點老，但整體十分滿意椰汁雞湯 第一次試泰式椰汁雞湯，除左椰汁味，香茅味亦相當重 入面嘅餸除左雞，仲有雞髀菇同香茅等等香辛料泰式臘腸蝦醬蛋炒飯 炒飯好多餸，佢除左臘腸、蝦醬、蛋仲有肉鬆同大蝦整個飯好香口好惹味大菜糕、泰式糯米糍 呢個餐仲包埋甜品 大菜糕分上下兩層，上面係椰汁，下面係芒果味qq彈牙質感，味道天然 但最讚嘅係糯米糍 ，上層係煙煙韌韌嘅糯米，下面係西米露，中央仲包住粒芒果感覺好有層次，係令人好滿意嘅 一個句號

已經有一段短時間沒有吃泰國菜了，朋友表示早前經過九龍城，發現有一間新開的泰菜店正進行優惠，9時後全單7折，晚市即送5選1，而且套餐價錢非常便宜，所以我們放工後便來試試。 可能是新開張的關係，再加上這一區有大量的泰國菜店，我們730PM來到餐廳，人客不算很多。 餐廳的佔地不大，但就是給人舒適的感覺，白色的牆身鑲了閃亮的花卉圖案，還有綠色的玻璃瓶及茶杯，所有的物品都是用心配搭出來，務求多人大自然的感覺。吃泰國又怎能沒有椰青，椰汁味道清甜，椰子汁挺多，幾乎裝得滿滿的，喝時可把嫰滑的椰肉一拼刮出享用，感覺更加滋味。泰式炸蝦餅拼炸魚餅 - 個人認為這個雙拼真的超級好吃，蝦餅炸至金黃香脆，入口時會發出脆卜卜的聲音，而蝦餅挺厚身的，蝦肉口感結實得來又帶點彈牙，相當新鮮，吃時沾點甜酸醬就已經非常好吃。 炸魚餅的味道很特別，它不會像平日吃到的，入口會帶點甜辣味道，相反，這個魚肉一點都不辣，而魚肉內放了大量泰式香草，令味道變得清新，充滿泰國特色。 鹹魚炒芥蘭 - 芥蘭的味道不錯，就是不會過鹹，而且色調翠綠，入口亦非常爽口，不過，就是油份多了一點點而已。 濕炒海鮮河粉 - 濕炒河粉送上來時，我確