鳥捌

營業中

休息中

性價比極高的餐廳，就連身邊一班九龍朋友都會專登揸車入去食。由店面的裝修和營業前的食材準備都看得出小店有非常用心的在經歷。餐前叫了象拔蚌刺身和生蠔，兩者入口都非常新鮮肥美，另外叫了十幾款串燒，真的實話實說 每一款都非常好吃，絕對可以媲美日本的燒鳥店。必點提燈，一串一次過放入口，將蛋漿和雞潤融入一起吃口感非常有層次，回味無窮。另外，雞腸雞腎都一定要點，兩者都經過醃製前者口感軟嫩，后者爽口惹味，。雞掌心第一次吃也讓我很驚喜，不旦外貌可可愛愛的，也很好吃，口感和雞軟骨相若，有脆又香口。但心急人士可能不太適合在這裏用餐，因為是即叫即燒的原因等候時間會較長。當晚我們已經吃的很飽了，埋單後才發現師傅還有兩款串燒未上，不過熱呼呼又美味的燒烤值得等待。三個人平均消費每人500幾左右 性價比極高，同樣的食材在港島九龍區吃應該是雙倍價錢。另外仲有omkase套餐選擇，價錢都合理，下次一定會再過來試。

元朗日式燒鳥稀有部位~第一次黎到呢間居酒屋，所有關於雞既稀有部位，你想像得到，想像唔到既部位都可以食到🤣 雞掌心、雞冠、雞提燈、心血管、甲狀腺…如果唔想諗食咩，可以揀廚師發辨，價錢都合理，Staff 會同你傾下計，感覺好似朋友！不過地方唔係太大，坐吧檯會感覺有D人迫人咁。食左太多野了，講D 有印象既：🌟$42雞蠔肉 | 雞髀厚肉位置，好彈牙🌟$58 提燈 | 由卵巢、輸卵管連接未孵化的蛋，一定要一啖食！蛋黃仲係流心🌟$32 雞冠 | 燒完有D似雞皮，脆脆地🌟$32 掌心 | 有雞軟骨的爽脆，又有D煙韌，多重口感🌟$52 白鱔 | 唔洗講，皮脆肉彈牙，必食🌟$32 心血管 | 好有彈性，烤過之後有D酥脆🌟$32 甲狀腺 | 粉粉地，個人鐘意爽D既野🌟$34自家免治雞肉棒 |感覺軟骨唔夠多，如果多D 會好食D🌟$68 燒蟶子皇 | 岩岩好，好鮮甜🌟$58 雞湯烏冬 | 烏冬好特別係一大塊的，不過湯底比較淡！🌟$58 乳鴿脾 | 你以為得個脾，其實都好多肉，燒得岩岩好，皮脆肉嫩下次會再黎食！～🏠店名：鳥捌 Torihachi🚘地址：元朗教育路146號興業樓地下1號舖

話說朋友生日，book咗8:30兩位，到8:10先打嚟講話8:30俾唔到位我，問我可唔可以9:00先嚟，我同佢講已經出咗門口差不多到，佢話真係俾唔到位，問我一係取唔取消🤔真心好搞笑，俾唔到枱都唔係咁遲先話俾人哋聽，仲要人哋講話已經差唔多到，都堅持話交唔到枱。🙃🙃夜麻麻都成八點幾，book枱嗰陣時講到明朋友生日，點再去搵第二間食生日飯😒所以最尾都照去咗，諗住朋友生日唔好搞到唔開心，點知去到簡直係惡夢😤😤佢根本上一批客完全係未交枱，佢純粹叫咗上一班客迫埋喺一個位置，然後俾咗張枱我😩😩去到個環境勁嘈，本身book呢啲餐廳諗住可以傾吓偈，打下卡。點知完全嘈到聽唔到個朋友講乜，最尾食食吓仲俾人撞跌咗杯嘢飲，搞到個朋友成身濕晒🤬🤬🤬🤬🤬🤬認真講句，去得呢啲地方都預咗唔係平，但係起碼要有基本服務，第一次打差評，冇諗過唔係因為食物，而係因為服務。同埋老實講句，佢啲串燒質素唔算好對得住個價錢。已經叫身邊啲朋友唔好去，希望唔好有下一個有啲咁嘅經歷🫣食完飽晒，成肚火🔥🔥

喺居酒屋, 唔單止係品味嘢食, 重要係有個舒服嘅地方畀你輕鬆咁同fd gathering. 其中鳥捌係其中一間我最鍾意嘅居酒屋.元朗唔係我經常踏足嘅地方, 但係入到元朗, 要食嘢嘅話我一定會諗到鳥捌. 佢畀我印象好深刻係因為, 我第一次見到見到一間居酒屋係鑽研雞嘅部位鑽研得好深. 雞嘅掌心, 雞腳筋, 雞腸, 雞嘅橫膈膜.. 所有你諗唔到嘅地方都有得食. 而且menu仲會一直更新. 每次嚟到都會有新嘅驚喜. 除此之外, 呢度staff畀人感覺相處好輕鬆, 就好似多一班朋友同你一齊食飯咁.覺得生蠔係居酒屋嘅必嗌菜式, 而呢度嘅生蠔都同樣出色. 今次我就揀咗釜石生蠔, 大隻之餘仲好creamy. 同埋佢有加埋自己嘅醬汁, 相得益彰. 仲嗌咗當季限定嘅秋刀魚刺身, 燒秋刀魚就食得多, 秋刀魚刺身真係第一次食. 唔好睇平時啲秋刀魚好似瘦長冇咩肉咁, 但係呢個刺身嘅魚肉都頗為厚實同鮮味. 基本上都唔需要有咩醬料去調味. 最後剩低嘅魚頭同成條魚骨仲可以請師傅去炸返嚟食, 真係一啲都唔嘥.今次好好彩可以食到當季嘅白子, 因為老細話而家已經係季尾. 同埋佢嘅酒盜青瓜好驚喜哋好食, 青瓜上邊個醬汁係由吞

好想食串燒，今晚嚟到呢間居酒屋，喺元朗廣場對面，近輕鐵站，好方便。海葡萄芒果沙律～加埋師傅調較嘅酸汁，好清新，配搭一流，芒果清甜爽口，好味好開胃燒雞蠔肉，係雞髀厚肉位置，好彈牙，味道好正，推介😗😗燒白鱔，皮脆肉彈牙，唔會乾晒有汁👍🏻👍🏻雞心血管/雞心/雞腸，聽見好驚，原來係咁好食，粉粉地又彈牙嘅口感，係咁過癮，真係唔知原來係可以食得，果然係燒鳥高手👍🏻👍🏻食完忍唔住再來多兩串嘅心血管🤤燒羊架，簡直係世一！！唔係誇張，真係好！好！好食！燒得好香好有肉汁，係高水準之作，食羊嘅朋友一定要嚟鳥捌試吓🤓🤓雞肉捧拌雞蛋雞捧有軟骨配合，爽口之餘，有肉味，燒得剛剛好，再拌高級雞蛋、師傅調較醬汁，再昇華幾級，真係不得了👍🏻👍🏻再來多串芝士翠肉瓜，好夾好味，原來可以咁食🤨👍🏻今晚簡直係大滿足，鳥捌係燒鳥居酒屋，好適合三五知己朋友飯聚，飲吓酒，食串燒，真係放鬆心情嘅好去處😊

今日又來支持一下鳥捌居酒屋串燒，之前食過好正，上次傾開偈佢哋會有啲時令野，好期待每次餐牌都有啲唔同what?呢度好食就一定，竟然仲做深宵飲酒優惠？下次真係要同啲朋友嚟飲番幾杯，今日家庭樂食嘢先今日師傅推介嘅生蠔係室津生蠔同釜石生蠔，日本生蠔歐洲澳洲嘅生蠔感覺有啲唔同，醬汁經過處理，帶出蠔嘅鮮味今日最想介紹嘅時令推介，秋刀魚二食，首先嘅食法係刺身，好鮮味啊，果然係時令嘅，魚油好濃郁，呢隻秋刀魚唔同普遍食開嘅三文魚，特別鮮甜的，必食，過咗就冇跟住都係季節限定海葡萄同芒果沙律，好清新又醒胃每一條串燒上枱時，職員都會耐心講解係咩部位點樣整，全部燒到啱啱好，外皮香脆，鎖住肉汁燒得剛剛好，呢度主要係食雞，嚟到呢度食先知全部位都有唔同嘅口感，雞腳筋，雞隔膜，都好正當然唔止串燒雞啦，其他肉一樣出色，特別喜歡呢個燒羊架，一啲都唔騷，入邊仲係粉紅嫩色，咬落爆汁頭先咪講過秋刀魚二食先係最推介，第二式係用天婦羅方法煮，呢個食法我都係第一次，真係用心製作，將紫蘇葉上天婦羅粉炸，配上時令秋刀魚，香脆得來不失魚鮮味！香箱蟹！我上次來都冇個喎，果然係次次驚喜，呢度唔時令嘅嘢冇得食，剛剛從日本空運，蟹肉好鮮甜，蟹膏齒頰

難得元朗開咗有質素嘅燒鳥，但係服務態度令人卻步。食物味道非常好，餐廳環境都好好，有氣氛。廚師態度好好，但個waiter態度好差好串，冇乜基本禮貌，食個飯都要受氣咁🥲🥲

這間位於元朗舊木綿校服位的鳥捌，晚市主打刺身、串燒等，亦都有廚師發辦，全部都用了時令食材，新鮮好味。蟹膏豆腐蟹膏鮮甜味充斥味蕾，跟豆腐一濃一淡互相輝映。火炙深海池魚池魚表皮燒至香脆，魚肉爽口鮮甜，而且味道濃郁。蕃茄沙律沙律酸甜開胃，蕃茄清甜。燒螢光魷魚時令的魷魚燒至焦香，入口爆汁。雞頸肉& 五花腩兩者完全不油膩，而且爽口。燒鱔& 馬友一夜干鱔肉新鮮彈牙，一夜干燒至皮脆帶魚油脂香，必食推介。大蝦天婦羅炸至金黃香脆，蝦肉新鮮彈牙。雞肝& 雞腎用了本地新鮮三黃雞內臟，雞肝嫩滑，雞肝有咬口。A4牛肋條表面焦香，肉質有牛油脂香略帶咬口。日本青椒仔、燒粟米青椒仔表面焦香；粟米帶牛油香。日本番薯番薯生炸至熟，入口外脆肉軟糯，香甜好味。鵪鶉蛋咬開中間呈流心狀，充滿蛋香。雞白羽衣烏冬&明太子飯糰雞白湯用了新鮮雞殼及雞腳等熬制而成，入口鮮甜膠質豐富，烏冬沾滿了湯汁，更爽更滑。飯糰燒至表面焦脆，中間帶點咸香味。最後食埋個焦糖菠蘿，十分豐富的一餐。

近排聽講元朗木綿校服舊址開左間新既日式居酒屋小店，所以襯第二日放假特登過去試，估唔到勁多人爆曬場，好彩等左陣就有2個位😆———————🐽 蕃茄沙律個醬汁涼涼地，好開胃，加上啲生菜同番茄一齊食好爽口🐽 小長井生蠔、一夜干燒馬友、燒白鱔、燒長芋生蠔十分鮮甜，生蠔嘅鮮味好突出，啲蠔肉好飽滿一夜干燒馬友同燒白鱔都燒得啱啱好，啲魚肉好鮮甜，仲有啲微微嘅炭燒嘅味道，味道好濃縮🫶🏻🐽 燒牛舌、燒A4和牛牛肋條、燒日本五花腩、燒雞頸燒牛舌、A4和牛牛肋條同燒日本五花腩都燒得好香，油脂分泌好平均，每一啖都滿口油香🐽 燒雞全翼、燒雞肝雞肉類嘅燒烤都十分入味，例如燒雞頸同燒雞全翼，因為都係用三黃雞既源固所以啲肉質特別嫩滑🐽 燒淮山、秋葵天婦羅、青椒仔天婦羅燒蔬菜方面，我哋揀咗燒長芋同淮山，啲芋身好軟糯，淮山口感好爽脆，平時好少食到🫰🏻秋葵同埋青椒仔天婦羅，啲外層薄得黎好酥脆，內層熱嘅嫩度啱啱好，味道好香！🐽 雞白湯烏冬湯底用左新鮮雞骨6小時黎熬製，湯底濃得黎唔會太鹹，白布烏冬亦好Q彈

今日同朋友嚟到元朗食燒鳥安排咗坐bar枱 可以一路望住師傅燒除咗main menu 仲有本日推介 係師傅搜羅返嚟嘅新鮮貨我哋除咗燒鳥之外 都揀咗好幾款蟹膏豆腐 $28燒過嘅蟹膏好香再加埋三文魚籽 口感同味道 都好正小長井(生蠔) $68又肥美又鮮甜螢光魷魚 $48旁邊嘅係酸麵豉醬 幾特別日本空豆 $48都係第一次見咁大嘅豆燒稚鮎魚 $58燒得幾香口太刀魚4片 $100油脂好豐富 燒完之後更加香A4和牛肋條 $68燒和牛真係無得輸 好香 好juicy雞掌心 $32雞掌心就係雞腳中間嗰舊肉每隻雞得2粒 好矜貴我都係第一次食 食落有彈性 幾爽口 再加埋啲醬汁 好好味雞尾 $28雞冠 $32燒到好脆提燈 $58一咬落去 啲蛋漿(?)爆出嚟 口感好過癮雞肝 $32雞白子 $48日本豆腐 $36 燒到外面脆卜卜 入面就好嫩滑再加埋啲脆醬同乾蔥 好惹味白鱔 $52味道好鮮 皮好脆 而肉質就好彈牙鳥捌雞汁鳥冬 $68依個烏冬絕對係MVP!!!日式版嘅Carbonara 雞汁好鮮好甜🥹配埋忌廉同芝士 同好多煙肉 醬汁好夾好滿足比起普通嘅Carbonara更加多層次 更加好食🦦仲要只係$68 份量夠2個人

$780/人 +1服務費包以下食物蟹膏麵豉醬豆腐-清新嘅豆腐味，再加蟹膏同麵豉醬嘅鮮甜同鹹香，面頭仲有d大既三文魚粒空豆-外型同一般荷蘭豆嘅加大版，清脆爽口螢光魷魚 配麵豉醬-係一款開胃菜，口感爽脆深海磁魚-肉質細緻爽口，魚肉纖維幼細味道香甜帆立貝- 肉質方面，柱肉厚實且呈圓柱形，而裙邊會呈波浪，口感也會較滑身，口感鮮甜黑曹魚-油份較低，肉質結實脆口，魚味則較清淡 野菜沙律-fresh 既搭配，內裡有蕃茄青瓜同蔥絲肉類串燒六串雞腎-質韌脆嫩雞白紙-烤左之後口感會更綿密也多了點炭香味甲狀腺-呢個完全係將串燒推到極致，食到呢個刁鑽部位👍🏻 甘香濃郁，入口即化雞掌心- 雞腳嘅中間個肉球，勁有心思，而口感同雞軟骨九成相似，只係少咗軟骨嗰part雞尾-腍腍軟軟有彈力雞豪肉配 柚子胡椒醬，係雞既背脊肉，口感鮮嫩紫蘇葉天婦羅-紫蘇葉聽得多，天婦羅嘅食法都係第一次，味道清淡，不帶油膩的食材，通過天婦羅既麵衣同油炸香氣突出紫蘇葉嘅香味沙追魚魚天婦羅-肉質較滑，魚味較重，薄薄既天婦羅粉漿包著，輕炸唔會太油膩，亦不太厚粉，香脆鮮味可口稚尖魚天婦羅 春季先有，體形細長，味道鮮美，無腥味、骨少菜類2串淮山-口感

朋友係元朗地膽，推介我去呢間新開嘅型格居酒屋，鋪面設計有型，餐廳內有大概10個吧位、兩張四人枱，適合小型包場活動。食物選擇豐富，除咗主打串燒，有時令刺身、沙律、一品小食、炸天婦羅及主食等…酒類款式亦眾多； 前菜點左酒盜芝士 $58，忌廉芝士配醃咗嘅雞內臟，鹽辛味道濃郁有咬口。🐓餐廳選用本地三黃雞，呢種雞肉質嫩滑、脂肪豐滿、味道鮮美，非常適合用嚟做串燒。燒鳥嘅選擇不遜於日本，有多款部位/內臟供應，建議大部份用鹽燒 ，可以食到靚食材嘅原汁原味。鍾情燒鳥嘅我可以盡情點！🍢🍗全部即叫即燒，皮脆肉嫩，大熱款式有：（$28-$34）雞軟骨/雞皮/雞翼/雞肉大蔥 特別推介：自家製免治雞肉棒- 醬汁惹味香濃，撈咗雞軟骨同生雞蛋，多重口感雞心/雞臀/雞肝 - 內臟鮮味十足無雪味，外脆內軟雞胸軟骨- 雞胸肉同骨一齊食特別有口感 雞頸 - 爽口得嚟帶點脂肪，食到油脂嘅甘香雞尾 - 一入口就充斥住脂肪邪惡嘅香氣以下🌟稀少部位🌟則限量供應，每一款都可以食到獨有嘅口感：（$32-$48）雞蠔肉- 每隻雞近大腿兩塊小而圓嘅肉，軟嫩多汁掌芯 - 鳳爪中間嗰粒肉，串埋一串，別有口感背肝 - 特別爽口嘅潤，食落彈牙雞白子

餐廳主打用雞唔同部位做成既串燒。連氣管、雞冠呢d平時唔會食既部位都搖身一變成為美味既菜餚，而且仲堅持使用每日新鮮劏既三黃雞，雖然位置唔當眼，但絕對值得一試螢光魷魚螢光魷魚質感鮮嫩，配上酸麵豉醬汁更能突顯鮮味，十分開胃。蟹膏豆腐蟹膏豆腐內裏滑嫩，蟹膏燒過後更凸顯鹹香味。燒雞翼燒雞翼肉質嫩滑，燒烤得略帶焦香，味道鮮美。燒雞氣管燒雞氣管肉質爽脆，燒得恰到好處。燒雞冠燒雞冠好爽口，燒到微微焦香，配上少少鹽更能突顯出味道。燒雞掌心燒雞掌心外脆內嫩，燒得香脆可口。燒雞橫隔膜燒雞橫隔膜肉質鮮嫩多汁，肉咪香濃。燒雞腎燒雞腎烤得剛好，肉質鮮美燒雞頸燒雞頸肉質細嫩，燒烤後帶有焦香味燒雞蠔肉配胡椒鹽燒雞蠔肉十分鮮美，雞皮脆卜卜而雞肉仲保留到肉汁，再加上自家製的胡椒鹽，味道更上一層樓。燒雞心血管燒雞心血管肉質滑嫩爽口燒雞子用既係新鮮雞子，唔同平時打邊爐見到果d急凍火雞子，口感綿密提燈 即係輸卵管同未成形既蛋黃，配埋甜甜既醬汁，味道一流燒大蔥雞肉雞肉嫩滑多汁，大蔥燒得夠時間帶出左佢既甜味同香氣，增添左雞肉嘅風味。雞湯烏冬呢一碗雞湯烏冬，個湯底鮮甜，烏冬爽滑，而且用既係羽衣烏冬，比一般烏冬更加掛湯，食落更鮮味燒免

呢晚又夜收😩😮‍💨老公等我收工，係屋企附近搵到間隱世小店！仲會開到凌晨！即入去飲番杯食串燒😋.日本番茄 $48牛旁漬 $34雞腎 $28煙肉車厘茄 $26煙肉芝士 $36A4和牛肋條 $68煙肉廣島蠔 $42馬友 $58秋葵 $18日本五花腩 $32蟹肉麵豉 $28海花蝦 $32沙鎚魚 $26大葉天婦羅 $32鯛魚薄切 $138菠蘿 $28雞湯鳥冬 $38.一坐低就叫清酒🤣店員勁好詳盡介紹，揀好杯就開始飲🍶坐喺吧枱度好期待師傅嘅嘢食🥰前菜沙律🥗開胃，大讚日本蕃茄鮮甜多汁👍🏻 鯛魚薄切靚靚擺盤，口感煙韌配酸汁好鮮味！伴碟仲有紫蘇葉、海帶、蓮芋、小菊花，一齊食更加清新🤤再來牛蒡漬厚身爽口.到天婦羅🍤和串燒時間😍全部都好高質，即燒即食，熱到辣咀🤣➡️煙肉廣島蠔juicy爆汁肥美鮮甜勁正➡️沙鎚魚炸得好好👍🏻脆卜卜魚嫩滑鮮味➡️大葉天婦羅即炸紫蘇葉，加上三文魚子入口即爆，口感好正😋 ➡️招牌菜馬友，風干一晚熟成，真係外脆內軟，魚好滑身🤤➡️ 海花蝦🍤 好大條厚肉鮮味➡️ 日本五花腩，上面放咗薑、蔥、蒜蓉，口味較濃，見到肥膏好邪惡但咁先正🤣➡️ 蟹肉麵豉出面炸紫菜入面全部都係蟹肉🦀，勁好食🤤➡️ A4和牛肋條有

元朗美食特別多而最後則光顧了這間串燒店無論食物、飲品🍻、服務和氣氛都是一絕令我食完有馬上再光顧的衝動餐廳提供多款菜式選擇有大量特別部位串燒亦有時令餐單🌈螢光魷魚🦑時令螢光魷魚超肥美食落會有少少爆醬口感配上麵豉醋酸酸地好開胃太刀魚又稱日本牙帶魚🐟爽身彈牙又有咬口經火炙🔥之後令魚油更突出油脂非常豐富非常香日本空豆即是蠶豆超大條的空豆每粒豆都脹卜卜好肥大味道相當清新海藻秋葵沙律🥗加入了柚子醋酸酸味味好開胃的一道前菜而令我最期待的串燒環節實在令我非常驚喜雞類方面用的是本地三黃雞🐔這間串燒店提供了多個特別部位可以嘗試好特別好新奇💫有很多都是我從未品嚐過的雞掌心醬油味非常突出用了多隻雞腳製成掌心爽口彈牙兼帶有膠質非常美味甲狀腺口感有少少似內臟腸類有少少筋膜、油脂和粉狀口感層次相當豐富雞冠👑超級香脆好香口好似雞皮咁脆但又唔會太重油膩感雞蠔肉呢款串燒一定要食呀外皮燒到金黃色勁香脆肉質比雞腿肉更嫩滑多汁配上柚子鹽味道清新又惹味雞氣管又一道非常特別的菜式每條氣管燒到好乾身好脆送酒一流🍻雞心、雞腎、雞頸和雞屁燒得剛剛好簡簡單單以鹽🧂調味已經好突出估唔雞頸都會啖啖肉而且好嫩提燈由輸卵管、雞潤和未成熟雞蛋三部分