鳩戟

營業中

休息中

今日逛葵廣想食下甜品途經見到呢間小店整緊pancake好似好好味咁！就揀咗呢間嘅黑白是良芝/芝士奶蓋oreo pancake試吓有分1層/2層/3層pancake第一次食叫住1層試下水溫先落完單之後，好快就整好咗Pancake旁邊仲附有雪糕賣相好+超多奶蓋Pancake本身軟綿綿勁好食！夾埋奶蓋+涼浸浸嘅雪糕一齊食完全係Perfect！✨食到咁上下發現一層根本唔夠食😭要叫2-3層先夠淨返好多奶蓋同雪糕，然後兩樣撈埋食，又得喎✨下次試埋士多啤梨味先～💕

一見到Menu就已經知道呢間鋪係良心小店，因為梳芙厘嘅名都好特別😆，叫咗一個火魔Green Object 焦糖青提子梳芙厘try try，可以揀一層、兩層或者三層，即叫即整，我哋落完單，行咗一個圈，10分鐘左右返嚟就啱啱好，梳芙厘嘅口感好軟綿綿，散發住蛋香，香甜嘅提子同焦糖好夾，而且配有乳酪雪糕，所以甜得嚟又唔會覺得膩🤤，難得搵到一間價錢貼地又高質既梳芙厘pancake店，大家點可以唔過嚟支持下💛

#戟 💛依間黃店真係要大大力介紹💫店主係被捕手足 開店係因為驚就算真係定佐罪 都仲可以俾到經濟支持女朋友😢🥺🥺所以大家一定要去大大力懲罰佢😤😤店舖仲將啲嘢食名定晒做關社運事件 明嘅人一定就明‼️‼️環境🤩喺2樓好多嘢食嘅個角落頭 ✨見到疏乎厘嘅製作過程😚好衛生 仲要店員嘅服務態度都好好❤️❤️店舖係店內仲痴緊文宣💛大家要大大力懲罰‼️‼️7.21 黑白是良知梳乎厘Pancake一層 $28💰（7/10）黑白是良知就係Oreo同埋芝士奶蓋加埋 Oreo碎真係有好多🤤🤤係晒芝士奶蓋上面 再加佐啲朱古力醬😻😻一見到真係流晒口水💦 而個梳乎厘俾到小編好大嘅驚喜✨✨係好軟好厚 食落去超級有口感‼️蛋味仲要好香 做到有空氣感嘅效果😋😋芝士奶蓋方面 小編見到之後真係嘩佐一聲😚😚因為真係好多好多😻😻 鍾意食奶蓋嘅朋友一定會俾到你大大嘅滿足感🤤🤤🤤💛奶蓋好似瀑布咁流落去梳乎厘到🙈但略嫌啲奶蓋有少少唔夠味同埋太晞🙊🙊🤏🏻但整體嚟講會令到個Pancake冇咁甜 會Balance返🤩🤩而配料方面 店舖一向都係配 軟雪糕🍦仲要有唔少好評 🤩但係小編去嘅嗰一日 佢哋啲雪糕已經冇晒 🥲🥲所以店員轉左用朱古力格格脆 加埋菠蘿粒 做

✨點樣食推介✨⭐️良心超抵食梳芙厘⭐️⭐️葵芳黃店⭐️FreeHcake 地址：葵涌廣場2樓2010號舖🍖火魔green object (2層) $38 (9/10) 🌟好好食🌟依間舖係d有心嘅後生仔開嘅，幫襯過幾次幾次都覺得好食！首先佢地係即場整好d梳芙厘，然後用火槍係梳芙厘表面整左層焦糖🤣先再鋪提子！同埋佢好細心！會叫完no等客人返黎之後先擠雪糕🥰依下好驚喜！(因為我男朋友八掛，走去對面嘅夾公仔鋪睇到樂而忘返😒我幾驚d雪糕融曬) 講返d味道先🤣，梳芙厘軟綿綿嘅口感配上面頭d勁脆焦糖，再加埋d中和膩感覺嘅香甜提子同乳酪雪糕，真係想嗌好好味啊٩(˃̶͈̀௰˂̶͈́)و 依個價錢真係搵唔到第二個好食過佢嘅梳芙厘，我比佢💯， 希望佢地可以繼續做落去🙈，記得一年前去食，佢地嘅檔位好少人，同fd抱住試伏心態去食，結果覺得好好食😂 ，仲encore左次🤭 ，大家有機會黎葵廣一定要黎試下🙆🏻‍♀️回頭指數: 🍧🍧🍧🍧🍧(滿分:🍧🍧🍧🍧🍧)

好耐冇去葵廣，今日去過開去，想食甜品就去咗呢間梳乎厘班戟店，呢間梳乎厘班戟開咗喺葵廣二樓, 梳乎厘班戟有幾款口味可以選擇，同埋可以選擇要幾多件。呢間舖頭的梳乎厘班戟畀出邊抵食，出面買90幾或過百蚊嘅梳乎厘呢度28蚊就可以食到。今次我叫咗三重朱古力(兩件)，大約等咗十分鐘就有得食都算快手。 鋪頭仲有賣茶飲， 但今次冇試到留返下次再試。三重朱古力兩件，店員會在班戟表面用火槍燒出焦糖， 之後再灑上oreo餅碎然後再落一啲朱古力漿落去。 梳乎厘口感軟綿綿微濕，都做得到空氣感覺，雖然蛋味唔算好濃，但依個價錢食到呢個質數，絕對抵食。而配送的雪糕個人覺得唔太甜，味道幾好。

9cake 但啲野食一啲都唔9🤣🤣🤣叫咗一層721黑白是良知梳乎厘pancake上面加芝士奶蓋同Oreo碎另外隔離仲會有個雪糕之前網上睇每日嘅雪糕都唔同 有朱古力同哈密瓜勁驚會遇到啲唔啱口味嘅雪糕😂😂😂好好彩嗰日雪糕係乳酪雪糕酸酸地完全係牛一嘅乳酪雪糕咁😍完全可以解濟Pancake口感好輕好好食蛋香味都好香好夠以前葵廣3樓都有間食pancake嘅但嗰間就真係又貴又唔好食😂好彩而家有間新嘅又平又好食雖然佢哋嘅選擇唔算多但係叫做值得一試

經開支持下都係朋友suggest 想去先但係實在好surprise!!!.首先只係掃街鋪因為葵廣都真心多選擇ge所以朋友想食於是陪食la但估唔到又真心幾正喎！.首先個梳乎厘真係超濃蛋味又軟又好食.721黑白是良知cover up 係芝士Oreo唔會太甜我嗌左兩層omg中間層都唔會太膩係滿架係滿滿ge 滿足啊.個人覺得如果你簡單掃街嘅話只係食一層就OK啦因為仲要留肚食其他嘢但如果你想開絕對領域直接食晒佢嘅話又飽肚感或者係男仔比較大食嗌兩層就一定唔會輸會回頭啊！

位於2樓的這間甜品小店，個名一睇就知黃啦，FreeHcaKe❤️🎗🖐☝️。.有四款梳乎厘選擇，每款個名都好有趣。我就揀左A. 721黑白是良知梳乎厘pancake(Oreo芝士奶蓋），加朱古力雪糕。$38（有兩層）閒日冇人，落咗單好快就有得食。.成個賣相好吸引，淨係打卡都一流❣️Oreo脆脆鋪面，芝士奶蓋就好似瀑布流落嚟，梳乎厘好驚喜，呢個價錢做到軟身，有溫度又綿密，雖然芝士味唔算好突出但就不膩，整體味道唔差。，但都好值得一試！而且價錢唔貴，對比出邊真係好抵，性價比好高。.睇蘋果就知道是真手足，一定要大大力懲罰💪🏻💪🏻❤️

黑白是良芝一層$28三重朱古力兩層$45個雪糕同梳乎厘有水準，雪糕清新唔會太甜，食完喉嚨唔會唔舒服。加左oreo餅碎脆有口感，暖熱、軟綿。非常好食！滿佈文宣。出了新品。不時出新品，有創意花心思，又有驚喜~品名改得很有意思，現時黃店生存唔容易，特別係遇各方勢力刁難。撐黃店！聽聞年輕老闆創業故事，更是感動、佩服！店面擺有文宣、飾品，非常用心，讓人感到充滿希望。舖面唔大，但內容非常豐富，欣賞外觀就已經賞心悅目。藝術氣息濃厚。設計溫馨感人。當日，咁岩仲遇到馬屎埔陳伯，一齊撐同路人。呢間黃店，在情在理，絕對值得撐！水準高到無可挑剔！

已經食過幾次試過oreo、青提、仲有4月尾新出既雙重朱古力(寫明用hershey's架) 水準好穩定，亦都好抵食..次次都會感嘆，呢個價錢竟然買到café食成舊水既甜品 如圖朱古力醬唔會超甜配oreo碎加埋店員係你面前認真地用火槍噴既焦糖脆面仲有滑滑牛奶雪糕非常之夾我本人鍾意啲一凍一熱既甜品即係心太軟啦、窩夫呢啲配雪糕好jeng！熱熱的pancake都是我大愛 very yummy試下啦絕對值回票價而且呢間係值得撐的小店真心的

呢間小店店主係一位候審手足 係呢個咁迷茫 對於未來一切都係未知之數既時候 籍住懲罰黃店 支持下同路人 當以另一個方式證明條路唔止你一個💪🏻721 黑白是良知梳乎厘Pancake (Oreo 芝士奶蓋平時食梳乎厘pancake=食空氣 食完好似無食過咁 如果係餐廳食仲要百幾二百蚊😪依家連梳乎厘pancake 都成為掃街小食仲要二三十蚊都食到😲😲😲佢地既pancake都係滿滿空氣感 🌬但會食到有陣陣蛋香 亦會有d野咬下 唔係吸一啖空氣就完 ☃️☃️ 奶蓋整得都唔錯 咸咸甜甜咁 再加埋餅碎 多左層咬口🥰🥰但佢個雪糕⋯係蜜瓜味⋯仲要係帶冰感個種雪糕⋯真係唔岩我口味尤其是蜜瓜味 同件pancake真心唔太夾🥲我同朋友仔share 都覺得個雪糕麻麻地🥲最後雪糕⋯無食晒⋯sorry⋯😢

🏪葵廣不嬲都卧虎藏龍，今次幫襯呢間甜品小店位處2樓，就係同新都會連埋一齊果層，係鄧媽媽再行入去果個小食corner入面角落既鋪頭🖼睇佢既menu都好簡單，主要係得4款唔同toppings既pancake，店員話茶飲都係最近先加入黎試試，嘗試增加收入🥞今次試Oreo芝士奶蓋梳乎里pancake配雲尼拿雪糕，2層賣38蚊，落咗單5分鐘就已經有得食，呢個速度嚇親我，我仲諗住梳乎里要等好耐，可能因為多人幫襯所以都有keep住整黎備用。 🍪Oreo脆脆佈滿係雙層pancake上面，芝士奶蓋就由個頂好似瀑布咁流落下層，雪糕係軟雪糕，食落好幼滑。Pancake仍然保持温熱，口感算綿密，但芝士奶蓋唔太夠味，比較失望。將雪糕放係pancake上面一口食哂有幸福感，因為冷熱之間既感覺好過癮🍦

望到網上很多好評所以滿心期待想去支持黃店😆特登去葵廣幫襯但卻很失望，只能說時機不對。網上話即叫即整熱辣辣但我平日時段2:00左右去到卻是另一回事。店主打開個爐蓋拎出一早己整好一盒盒的疏乎厘pancake😢已經係凍曬仲點會好食有空氣感。叫左焦糖青提的款式、用火槍燒完的確上層係微脆但因疏乎厘已經又凍又淋、燒完係融融地...食落口感好差😣附送的雪糕食完都唔知係咩口味😂口感吾差但卻是謎之雪糕、見網上介紹可能係蜜瓜味店主心情亦看似麻麻所以黑面亦有點不耐煩、可能因為我只買了一件同fd分，但我都只係想試下先怕中伏、點知真係中伏、仲諗住好食會再幫襯...如果想幫襯最好繁忙時間去，咁就唔會整好喺度等人買，熱辣辣應該好食好多。

FreeHcaKe主打梳乎厘pancake，$38有兩層仲加埋雪糕真係好抵食！梳乎厘pancake比一般厚實，但依然做到軟綿綿嘅感覺，而且蛋味好香！而雪糕口味冇得揀，要睇當日口味，今次呢個就配咗蜜瓜雪糕，一開始食有啲似雪葩，唔會好甜，蜜瓜味都唔會好假，都幾好食😋•🥢721黑白是良知梳乎厘Pancake $38/兩件黑白配搭其實係Oreo同芝士奶蓋，滿滿嘅Oreo碎鋪係最面，下一層係芝士奶蓋，奶蓋比較稀，會流落下面兩層嘅pancake，芝士味唔太突出，但整體幾夾又唔會好甜～•🥢火魔Green object梳乎厘Pancake $38/兩件雖然冇晒青提子，但又想食焦糖面，所以照叫咗呢款😛 焦糖面好脆，而pancake軟綿綿，有兩種好大對比嘅口感，但焦糖面燶咗少少，焦香味有啲突出，有少少扣分😢

💬：⁣⁣⁣⁣ 良心梳夫厘PANCAKE 店~⁣出面食既梳夫厘PANCAKE閒閒地都要成一百蚊份，味道又唔係話好好食。而依間良心小店既PANCAKE CP值好高，好味又抵食！⁣⁣⁣⁣⁣▫️港朱澳工程梳夫厘PANCAKE ($38/2件)⁣=格格脆芝士奶蓋pancake！而每款Pancake都會配送軟雪糕，佢既軟雪糕好出色，可可味濃得黎唔會好甜同膩。而主角既PANCAKE非常鬆軟！蛋味好香，pancake帶有少少鹽咸味。CP值高！⁣⁣(4/5分）⁣⁣⁣⁣⁣⁣