鳩戟

營業中

休息中

知道葵廣多💛店，專登去支持下，其中一間超多人排隊既就係呢間FreeHcaKe💛佢主要係賣唔同口味既梳乎厘，而且價錢唔貴，值得推介💫721黑白是良芝梳乎厘pancake $28/塊我揀既口味係Oreo 芝士奶蓋，奶蓋味唔會太甜，帶有淡淡既奶香，而梳乎厘空氣感十足，一塊兩人分都夠飽肚😽除左梳乎厘之外，仲配埋是日精選雪榚：蜜瓜味🍦雪榚口感比較實身，淡淡既蜜瓜香配上鬆軟既梳乎厘好食😋雖然要排下隊，但店內貼滿靚靚既閃卡同文宣，一路排隊一路睇，就好快到我😂「黑白是良知」希望大家都多啲幫襯下呢啲小店，以行動支持佢地啦💪🏻

🥲疫情仲係嚴峻，新一年大家都要健健康康，人無事先做到世界冠軍架😘 不過當然唔可以忘記同路人，一定要繼續撐良心小店💪🏻💪🏻家下都仲係夜晚6點就無堂食，咁出完街想醫肚又可以去邊呢? 不妨黎葵廣掃街啦😉😉💛之前已經經介紹過唔少葵廣良心小店，而今日就黎到新開嘅「9戟 FreeHcake」試下,小店係被捕手足開, 除左睇店名就係同路人之外，門面都記錄左運動嘅點滴，而野食名都好有意思!👍🏻我地就試左➡️ 721黑白是良知梳乎厘pancake，係Oreo + 芝士奶蓋味道，梳乎厘pancake非常鬆軟，但又唔會好似糊仔咁，仲好有蛋味，真心好食!😋Oreo 鋪滿pancake仲同芝士奶蓋好夾，芝士味好出但又唔會太膩。而且每款pancake都會送是日精選雪糕，對比市面上普遍近百元以上既梳乎厘pancake, 9戟堅係抵食😋😋🔸721黑白是良知梳乎厘pancake (一件 $28)❗️不定時Giveaway及更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.

🥞老闆上年社會運動中不幸被捕 現時正在候審階段😞老闆開呢間pancakes 店比女朋友係因為將來即使罪成亦能夠為女朋友提供經濟上嘅支持火魔Green object 梳乎厘Pancake （焦糖青提子梳乎厘Pancake）$28/1 $38/2 $45/312點多去到 未有人等住 叫完之後等左幾分鐘就有🤣超快我叫左2件 $38😍真係好抵 一食落去超級空氣感👍🏻🤣不過略嫌蛋味不足同埋雪糕冇得自選口味 今次呢個係配左哈密瓜口味雪糕🍦🍈好清新 呢個價錢真係好抵😋大家快d幫襯下

/係出面食開疏乎厘pancake價錢都七八十蚊落樓，今次去到葵廣掃街就係推薦呢間cp值好高嘅小店🤩，最平$28就有交易，而且可以1件/2件/3件購買，咁就可以留肚掃多轉街🤓～/疏乎厘一共有四款味道，有Oreo芝士奶蓋🍪、焦糖青提子🍇、格格脆芝士奶蓋🍼、同楓糖菠蘿🍍，每個別名都好特別㗎要明就會明💛，每款疏乎厘pancake都會附送當日精選嘅雪糕🍦～/721黑白是良芝疏乎厘pancake🥞 2件 $38即叫即整稍等咗5分鐘就有啦，熱辣辣震騰騰嘅疏乎厘林灑上大量嘅芝士奶蓋😛，再鋪滿大量Oreo碎同朱古力醬🍫，造型真係滿分💯，疏乎厘內裏夠濕潤唔會死實實，可能加咗芝士奶蓋嘅關係整體唔會過甜，帶有輕微芝士鹹香味道幾夾😍，不過蛋味就唔算好出眾啦，當日嘅雪糕係哈密瓜口味🍈，味道都幾清新，咁嘅價錢有pancake加雪糕買嚟過吓口癮係唔錯嘅選擇😋～

𝘍𝘳𝘦𝘦𝘏𝘤𝘢𝘬𝘦 @ 𝘬𝘸𝘢𝘪 𝘧𝘰𝘯𝘨 - 𝘏𝘪𝘨𝘩𝘦𝘴𝘵 𝘱𝘳𝘪𝘤𝘦-𝘱𝘦𝘳𝘧𝘰𝘳𝘮𝘢𝘯𝘤𝘦 𝘳𝘢𝘵𝘪𝘰 𝘴𝘰𝘶𝘧𝘧𝘭é 𝘪𝘯 🇭🇰👧🏻_葵廣一日遊💛係葵廣掃左咁多鹹小食 係時候食翻個甜品😼嚟到葵廣2樓 發現一間賣疏乎厘班㦸嘅小店 而且性價比極高 唔使$30 就有一件疏乎厘加雪糕💁🏻‍♀️ 加多$14仲有一杯由台灣手足包製茶包嘅果茶❣️🌟721 黑白是良知疏乎厘𝘗𝘢𝘯𝘤𝘢𝘬𝘦一件 （𝘚𝘦𝘵 𝘈，𝘖𝘳𝘦𝘰芝士奶蓋）$28+$3 （乜配料都有，包括𝘖𝘳𝘦𝘰芝士奶蓋、提子、格格脆、楓糖菠蘿）等咗大約10分鐘就有新鮮製造嘅疏乎厘pancake 賣相唔錯 食落去仲暖暖地 oreo碎加埋芝士奶蓋呢個組合食你竟然一啲都唔膩口🙀 pancake超級無敵fluffy同好有蛋味 而且我地加左配料 所以一覺得太甜就可以食下隔離嘅水果 好滿足😻雪糕我就覺得不過不失喇 嗰日我試嘅係蜜瓜味 個人覺得個味有少少假 同埋似雪笆多個雪糕 不過總括而言成個set絕對係對得住佢個價的🙌🏻

Freehake💛🍮之前佢新開張時我都有出post介紹過，但食完之後都念念不忘，🍰成日經過葵廣都食其他野食飽哂所以食唔落梳乎厘，今次終於再戰，試埋其他味同埋睇下保唔保持到質素先，😇果然冇令我失望，可以話係我食過Top3好食既梳乎厘！🔥火魔Green Object梳乎厘Pancake焦糖青提子味($28)👍👉向左至最左滑動有Menu"梳乎厘好有空氣感 仲有超香蛋香味""梳乎厘仲有配朱古力雪糕 最中意呢種一冷一熱既感覺"

之前見到網上依間💛店既推介 就特登去一轉葵廣 點知第一次去就不幸摸左門釘 不過好在今次去就開左門位置上好易搵 就係美食區入面 貼有好多文宣既 餐牌方面 價錢是超抵的 一件pancake最平都只係$28 仲要包埋雪糕 加$14就可以加配一杯水果茶 最最最重點係 水果茶是由台灣手足親手包製 值得一試 可惜今次因為本身飲左野無加配到 下次再加配今次點左「721黑白是良知疏乎厘pancake 」 ，其實即係Oreo芝士奶蓋味 ， 作為超愛奶蓋既我 當然是order依個 。 等唔係好耐 新鮮出爐既pancake到 賣相相當吸引 Pancake相當鬆軟 出面賣既都要成$30-40以上 依度連$30都唔洗就可以一過口癮🤪（講到好似賣廣告咁😅） 不過真係抵食又好食 想過下口癮既人不妨一試 雪糕方面 坦白講其實我係食唔出 不過牛奶味都幾濃 咁既價錢真心抵 下次再有機會要試下格格脆芝士奶蓋pancake先😋😋

今日叫左個oreo梳乎里，有蛋味，好食（唔記得左加3蚊要其他配料orz）。至於雪糕，本身期待會係咩味（見有人食左蜜瓜味話好香，但我地唔係）食左都唔知食左乜好似無咩味又有小小甜，兩個人都對雪糕「？」。另外再要左果茶，果茶係可接受但唔係話好正下次一定要encore程度，但跟梳乎厘，$14就有一杯野飲都抵啦。總體係ok會再幫襯

果日得登入葵芳掃街，見到呢間有名氣既班戟店就即刻買，因為朋友未到我驚食唔曬，所以只叫了一片pancake…結果一陣風咁就食完😂個奶蓋汁幾好食，可惜得一片唔夠喉，奉勸大家唔好只買一片啦。個朱古力雪糕偏硬身，唔易溶可以慢慢食。

葵廣小店子，可愛的店面，一班年輕人整作，一定要一試可選一件二件或三件大胃王如我 當然揀最抵的$45/3件Oreo碎碎加鬆軟梳乎厘 還有朱古力軟雪糕味道不錯，梳乎厘蛋味重。雪糕質地比較似雪笆。下次試埋其他幾款先

呢間喺葵廣嘅梳乎厘班戟大家應該見過唔少次 黃到金嘅小店 終於到我去支持下🥰.港朱噢工程梳乎厘pancake🤎 $41呢個味即係格格脆芝士奶蓋😍佢可以揀一舊兩舊或者三舊pancake 😛今次揀咗兩件$38 再+$3有齊晒所有配料 一定要加🤩有青提子同埋楓糖菠蘿🍇🍍本身應該仲有Oreo碎碎 不過嗰日冇晒😭好幸運 老闆竟然比我決定雪糕口味🙌🏻我揀咗蜂蜜牛油味 幾特別 係用咗韓國直送嘅粉漿嚟整🥰雪糕唔係好軟滑creamy好dense嗰種 佢係偏冰感❄️個味就甜甜地咁 又唔係好食到蜂蜜同牛油個味🙈pancake好fluffy好濃嘅蛋香味🥚食落有啲似熱香餅🤣不過好奇怪 正常應該係同一兜粉漿整嘅 但係上下兩層個味有啲唔同🧐整體嚟講 口感味道都唔錯 價錢咁平真係相當抵食❣️

💛 FreeHcaKe 💛..............................聽到個名都知咩料啦😈呢間喺正茶理史對面好易搵食黃店一於用翻最黃嘅畀錢途徑 就係GUMPAY！首先入咗錢先 入咗嘅錢可以喺同一商戶下次再用畀錢同入錢都係掃一掃QR Code就搞掂🥰而且可以享受到商戶嘅優惠架啦 超正呀！大家快啲去  睇下你嘅心水黃店有無參加啦！.🔅想知黃店原因請Dm💛..............................🍽港朱噢工程梳乎厘 $38@2🍦 配韓國朱古力雪糕（👏🏻8.5/10）.今次我地叫咗兩件梳乎厘 佢係疊埋一齊嘅大家叫三層就會再疊得高啲 影相靚啲🥳面頭有啲芝士奶蓋 可可粉 格格脆 超靚😍梳乎厘好鬆軟 好似食緊棉花糖咁嘅口感🥞熱辣辣梳乎厘配埋凍冰冰雪糕食真係勁正🤩.🍽水蜜桃雜莓乳酪 加配價$16（👏🏻7/10）.飲落都好清爽 好似益力多+水蜜桃茶咁🍑本身expect係比較杰身嗰種 但出到嚟比較稀類似可爾必思嗰種feel 夏天飲會好解渴！...............................

✨好耐無去葵廣,見開咗間梳乎厘班戟店[𝐅𝐫𝐞𝐞 𝐂𝐚𝐤𝐞]諗住去試吓，順便去填吓個肚同埋支持吓啲小店😝......‼️.💬格格脆芝士奶蓋 $38 （2件）首先想講,買既時候唔記得加3蚊另外加啲配料🙈，因為本來我想加有Oreo餅碎😅，激死🥺⋯⋯講返個班㦸,雖然唔算好空氣感,但口感可以,有蛋味,但唔算香濃,如果蛋味再濃啲就更好🥺,至於個奶蓋都算滑好creamy,唔會好甜,整體黎講按依個價錢有班㦸又有雪糕過下口癮真係試得過抵食‼️..葵芳葵富路7號葵涌廣場2樓2010號舖..

Oreo芝士奶蓋梳乎厘pancake 2件配雪糕 $38名為：721黑白是良知梳乎厘pancake👍🏻行葵廣一定要食嘢係常識吧！行下見到梳乎厘pancake，仲要係$38，仲要係黃店💛，仲要唔洗排隊😛點可以唔買嚟食！pancake本身軟淋淋有蛋香味，加埋Oreo芝士奶蓋ichiban，再加上哈密瓜味雪糕，雪糕唔係好甜，啱晒我！食完都覺得好幸福，好過食某啲知名pancake店，又要排長龍又要貴（雖然我冇食過，因為見到條龍就會走人😂）仲要呢個真係超抵良心價啦！另外，店主係真手足，詳情自己睇蘋果😛，希望店主平安度過困境😊身為有良知嘅你，去到葵廣唔食就打你pat pat呀吓！下次試埋佢啲嘢飲先，聽其他食評都好似唔錯👍🏻

黃店一定要支持，是一間轉角位小食鋪，冇堂座，只提供外帶。有疏乎厘班戟和飲品賣。疏乎厘班戟口味和飲品都有幾款可以揀。今次叫左個焦糖疏乎厘班戟和奶蓋士多啤梨乳酪，價錢都好平民。焦糖疏乎厘味班戟都好match 推薦。仲有些小水果和雪糕配搭賣相精美。疏乎厘班戟可以揀1至3舊，要多舊都係加多幾蚊。另外叫左杯奶蓋士多啤乳酪，飲品只有一款Size, 奶蓋薄身，味道偏酸，本人喜歡酸的飲品，所以可以接受，整體滿意！！！