鳳城1954 (MegaBox)

營業中

休息中

中國菜中，粵菜系有分廣州菜、潮州菜、客家菜及順德菜。當中順德菜，又名鳳城菜，是中菜的佼佼者。順德魚農產品富庶，再加上在中國歷史上自南宋時代經濟活動已經非常活躍，加上人文薈萃、文化發展迅速，順德菜亦因而盛名。鳳城酒家是香港享負盛名的順德菜館，已有數十年歷史，除了傳統的菜色外，還會推陳出新，不時推出時令菜譜，例如最近的大閘蟹、蛇羮等，不過筆者還是最愛傳統的菜色。今餐有點心，包括蟹粉豆苗餃及鳳城水餃，小菜有1954蝦多士、大良炸鮮奶及蜆芥鯪魚球，主食有牛仔骨陳村粉，而甜品是西米焗布甸。蟹粉豆苗餃絕不欺場，大大隻的餃子，用料十足，不過蟹粉不算太多。鳳城水餃也是大大隻的，不過由於水餃在市場上實在太多，未見有特別的驚喜。1954蝦多士是以每件計，麵包上的蝦是完隻蝦，十分新鮮彈牙。大良炸鮮奶是必食的，因為已經不是很多酒樓會提供，這裏的炸鮮奶是鹹食，鮮奶饀有些䓤，炸皮非常鬆化。蜆芥鯪魚球略嫌魚肉的彈牙力一般，但蜆芥汁不算太鹹，而且有成隻的蜆肉，十分滿足。牛仔骨陳村粉黑椒味濃，與陳村粉一起食洽到好處。西米焗布甸也是必食的，在市場上也不算多見，布甸內有蓮蓉，但甜度適中，就算已經吃得飽飽的，也不會覺得太膩。

今晚同朋友搵個地方食下飯傾下計 ，咁岩行過， 等佐15分鍾就入得..入到職員有禮招呼帶位， 座位寬闊很方便我們傾偈，食物方面， 夠晒特色，打卡一流， 上菜速度適中， 今晚叫咗爆羔大閘蟹非常好食，仲有蟹粉小籠包，非常Juicy，喺入面全部都係蟹粉湯😋⋯⋯記得小心燙口..仲有炸蟹鉗，入面真係有蟹肉，識食一定要食懷舊蛋白杏仁茶…而家好少地方有得食，呢個真係一定要試，甜度適中，仲會有合桃酥，下次一定會再黎！唯獨是唔方便去廁所在酒樓外面

與時並進的款式同口味，主打菜款為「順德菜」。圖片入面係酒樓為左打入「下午茶」時段而推出的點心，記憶中佢都恒常化左。豬包好似係叉燒包？順德菜的特色，就係工序多。簡單黎講就係手工款。一定要係老師父先做到，隨著未來愈黎愈多老師父退休，只會愈黎愈難食到。鳳城就係不停地創新，希望可以企得穩，繼續係未來做到落去。呢方面係好難好難既，疫情對佢地的打擊都好大。🍳食物質素：非常好。真心好好食。不過價錢亦的確係比普通的茶樓高少少。我覺得係好值既。如果唔係成日去飲茶，偶然去一次我覺得絕對ok。🍴推薦搭配：真係可以隨便叫都好食。我影出黎的呢幾款全都係好食既，去到果時睇心情叫就得。🪑環境座位：MegaBox呢間好大，唔洗怕無位坐。🚗交通：MegaBox💰人頭費：150~200左右

未食到已經味道已經一肚氣到走左!!下午茶時段唔係太多人，比起其他酒樓服務員尚算足夠。入坐左15 分鐘冇人理過我地,連問飲咩茶都冇。最後有個呀姐見到先問，同俾茶我地。我地好快連隨就俾埋落單紙。再等左15分鐘覺得奇怪點解連落單紙都冇。就問d 呀姐，究竟有冇落到單？ 呀姐就唔耐煩咁答"唔係冇人理你，你遞咗紙就得啦",轉個頭個呀姐走黎又問我哋落咗邊張紙嘅單😥佢再走返去收銀處。。。我哋見唔對路，就走過去收銀處問個阿叔，個疑似經理嘅阿叔，惡返我哋轉頭話：落咩單呀" 超唔好脾氣。最後我哋決定唔食就走!鳳城價錢相對其他酒樓偏貴，但服務態度好好好差。根本唔需要俾錢買難受。

入座之後，睇到入邊冇乜人。 坐咗15分鐘都冇人比茶我。 想搵個人落單都難，五六個員工行行企企。 落完單過咗15分鐘，想問啲嘢食嚟未，佢仲串返我轉頭。 原來我張單一路都冇落過。 態度惡劣，唔會再嚟

星期日朝早，唔算太多人，5分鐘唔洗可入座！今次黎鳳城主要想食反懷舊炸粉果同蝦多士….可惜…味道差價錢貴…伏爆！1） $30一件蝦多士，完全無蝦味！唔好食！2） 炸粉果， 入面嘅料完全同以前食開嘅唔一樣，全部係又實又無味嘅蝦，皮唔夠酥脆，可以講幾難食！浸粉果嘅湯似室溫清水，無味！3）蝦餃- 又係炸粉果嘅概相同料， 50幾蚊4粒，荀都無一粒！又係唔爽又無鮮味！難食！4）咸水角 - 得個樣，黎到係唔熱，咬落成口油！啲餡料都幾難食！5）牛肉腸粉- 勁難食，皮厚，牛肉用炒牛河嘅牛肉片，又咸又唔好食，唔知食緊咩…6） 麻椒魚皮- $70幾蚊，又係是但到送比你都唔想食， 魚皮一塊黏住一塊，又碎濕濕，應該放左一段時間，只係食到麻辣醬味…極度懷疑佢嘅點心係批發反黎，以咁嘅價錢，我食公x點心重好…

鳳城點心都算精緻得來，價錢相宜。點心大多係新潮有造型，而且耐唔耐重會換下款，好多都好打卡able，一家大細同小朋友一齊尼飲茶一定好開心。味道都係非常唔錯，做得好過一般酒樓，環境碗碟都乾淨，食得更放心！

到咗話冇位，跟住叫你等30分鐘，跟住之後俾你一張兩個人都坐唔落嘅枱叫你三個人坐，佢當你乞兒，一樣比咁多錢係俾啲咁嘅枱你，坐簡直係乞兒餐廳，唔使比錢咩？咁正垃圾餐廳，佢同你講坐就坐就冇得坐，超級唔尊重客人酒樓

非常差的一次體驗滿心歡喜和家人一起來食晚上7點坐低，到9點還沒上齊菜已經催趕多次，平均15分鐘先來一道菜全場只有四位服務員完全無服務可言菜色味道一般，細份炸物完全不及格六碟餸裡面一個粉漿打天下不值得黎食

今日同家人一齊黎到九龍灣，這邊都好多嘢食選擇；我媽媽鍾意飲茶，所以我哋選了這間酒樓！估唔到有驚喜！😍😍😍環境都幾舒服，乾淨明亮，早去未午餐時段都幾休閑點心選擇唔算多，但款式好特別又可愛造型，好味又得意😍（豬豬叉燒包）軟軟的包配叉燒餡又唔會太甜炸物（春卷、腐皮卷、鹹水角）3個炸物各有特色，我個人覺得春卷最好食，蝦爽皮脆口😎點心拼盤這個又是一籠包了不同款式點心，彩虹蝦餃蝦幾大隻，燒賣我試了一粒（魚乾那件）爽口的口感，滿滿的材料，我媽話紅棗糕唔會好甜；奶黃包的心心樣阿囡爭住食🤣🤣🤣（煎蘿蔔糕）都唔錯，不過咸了點（芝麻糕）彈牙，喜歡配了椰絲花生，口感更豐富（魚鬆炆米粉）這個好適合媽媽同阿囡，唔會乾身、多汁、魚鬆多又香，配了脆肉瓜粒，唔錯

從前鳳城是家吃點心的傳統酒樓、老品牌尤其油麻地那家確實寫下了經典和歷史由客人在外邊自取點心、炸物和糕點，點心亞姨蓋印在點心紙，或者場內遊走中的點心車叫賣…人大了，偶然總會想保留這一切！現在的鳳城已變得完全不一樣囉！新裝修、新menu、新派… 價位也定高了點下午茶時段人流少，味道是Ok但被新式酒樓同化了的鳳城，失去了原有的特色椰王也好像沒在賣了？而且新定價亦顯得有點進取同樣預算 還不如吃其他別的

晚餐都有點心🤤🤤本身係蒸籠內上碗時都沒有穿餡的灌湯餃值得尋找的味道湯在餃入面乞丐蒸雞😋金針雲耳蒸雞好入味酸菜魚😋最正係杯人蔘烏龍茶😋😋😋😋心思思想買返屋企沖，但最後比人阻止了🥺九龍灣呢間唔駛等位😁有泊車優惠🤝🏻環境近窗邊望出外既境都可以但大枱就見到要坐另一邊價錢：並唔算係大眾化，大部分中價偏高價位。但都好多人食緊。等外面吉枱。食物：個酸菜魚都滑但未夠濃味，魚片夠鮮沒有魚腥味，但湯底可以濃味一點，本身有水晶粉。金針雲耳蒸雞真係推薦一食👍🏻灌湯餃必點，唔係平但都會必食，回憶的味道👅期待下次再試其他食物每人平均350-400/位

呢排阿仔放暑假，成日都會嚟Megabox比大細放電，呢間鳳城，地方夠大，景觀不錯，食物部分年紀細都食得，加上約埋長老，佢哋喜歡中餐，呢度係又要親子又要食好嘢嘅推介。雀籠下午茶平日抵食98，咸點甜點都有齊，豬包阿仔阿女見到都會雙眼發光，做工精緻可愛，叉燒包味道正常，綠茶就有點苦澀，奶皇流心熱食最驚喜。島籠中層蝦餃燒賣都好味，夠大粒又彈牙。下層有咸水角，煙韌大隻又夠脆。雀仔係鳳梨酥，芒果布甸正常，布甸上的彩色龍鬚糖幾驚喜。口水雞辣，不過夠惹味，肉質嫩。春卷皮夠脆，足料。味道不俗，推介。煎釀鯪魚鯪魚多厚夠大塊，有d骨，食果陣要小心，汁料多，不錯。春風得意腸粉皮夠皮，包住脆皮蝦腸，口感一流。大良炸鮮奶脆皮唔厚，厚度適中，包住鮮奶，鮮奶夠滑，不錯。干燒伊麵麵質彈牙，夠鑊氣，個味道較淡。

鳳城1954(Megabox)之前已經來過幾次，覺得食物質素非常高，所以今日同屋企人再來光顧。環境不錯，枱同枱之間唔會太迫，四個人或以下坐窗邊卡位，望下風景更好。金皮炸子雞每次必食，十級推介，好味到震！雞皮炸得香脆，肉質鮮嫩，一d都唔乾，重食到雞油同肉汁，個個爭住食。1954蝦多士蝦膠彈牙，多士鬆脆，不過油多左少少。金磚豆腐真正做到外脆內軟，外皮香脆，豆腐滑，加埋調味粉，令人想一食再食。金光炸粉果原來配湯食，都幾特別，外皮脆，咬落去粉果煙韌，饀就略淡。福建炒飯蛋炒飯底香，d飯粒粒分明，用料豐富，汁多，味道一流。

mega box真係無乜好食，搭lift個時望下水牌，見到鳯城兩個字，一早已經想試下呢個老字號轉換成時下流行架點心店模式會點。原本想試多幾款點心，但有人比個孖寶吸引左，呢種港式酒樓下架推廣手法，老實又真係幾吸引，佢呢度仲可以揀幾種魚類配搭個炸子雞。環境幾好，人唔太多，睇落乾淨又唔嘈，係方便傾計。窗外望住零碳天地，意外個夜景幾靚，好啱拍拖。15蚊一位茶，就試下叫個荔枝紅茶，一放落好香荔枝味，飲落好舒服，適合唔鐘意茶溼味人仕。個茶壺無爛無塞，倒茶無滴水，呢個係睇到一個中餐廳質素架地方。茶葉有用茶袋包住，代表有心去做好個餐廳。上湯炸粉果，要等大約10分鐘至有，出到黎好熱。係即炸而非炸定架表現。外皮金黃，咬落清脆不黏牙，聞落有奶香味。同蒸粉果不同，裏面包2隻蝦。上湯有落韭黃，提味之餘又增加賣相。粉果浸一浸個湯再食，又係叻架食法。炸子雞等大約20分鐘，更加好。唔係預炸至好食。一上枱無任何調味可以點，證明對隻雞好有信心。雞骨見紅，唔係新鮮都冰鮮，唔使食雪藏雞😊雞皮金黃通透，但又不肥。碟上流滿肉汁。食落肉係嫩口，夠juicy。雞皮夠脆，但可能半隻係切左再炸/淋油，原雞淋油可能仲正，雞內殼夠味，但唔會