鳳城1954 (MegaBox)

營業中

休息中

今日溜冰後餓到打哂鼓，又唔想食咁普通既野，結果就比另一半捉左去食High Tea🫣一講High Tea 以為係西式，去到原來係中式😳可能當日係平日啦 餐廳唔多人 坐得好舒服Tea set有抹茶流沙包、叉燒包、奶皇包、蝦餃、燒賣、鹹水角、鳳梨酥、芒果布甸加錢叫了一碟乾燒伊麵另外仲加多左一個西米焗布甸

星期六中午時間去食 要等幾張枱環境都闊落好坐 但點心認真麻麻地$78得6件嘅大良炸鮮奶，係咸嘅，入面仲有啲葱？可能我孤陋寡聞食開甜版，呢款同我認知嘅炸鮮奶真係有啲出入而且只係微暖，炸得太油，搞唔掂食咗一件都唔想再食三式炸物 $42 呢款一落單完無耐就上菜，即係整定嘅，咁當然唔係熱辣辣啦味道都係正常發揮咁，個叉燒酥入面有啲芒果茸幾特別包羅萬有 $50可以試哂三款包，造型都cute流沙同綠茶包都好流沙～唔錯不過綠茶嗰款就真係綠茶味嚟，唔係抹茶 如果奶味重返啲應該仲好食彩虹蝦餃都ok最後，等咗勁耐先上嘅 炸粉果追咗幾次單啲姐姐好似都冇點幫我跟咁😅呢款就終於係熱嘅炸物啦，但唔試都無損失，無乜特別總結：五款點心埋單$320，食第二間/第樣嘢好似開心啲

[ 鳳城1954 ]之前同屋企人去過主打傳統順德菜嘅鳳城酒家食飯，而今次嚟到megabox行街之餘，仲去咗呢間鳳城1954品嘗新派順德菜🤤✿ 金皮炸子雞 🐔$188/半隻呢款係鳳城招牌菜，炸子雞炸得外脆內嫩。✿ 招牌鳳城炒飯 $138炒飯飯底口感清爽，粒粒分明，乾身唔油膩，材料跟揚州炒飯差不多，有蝦、叉燒、蛋&蔥，但仲加埋番茄粒，質感較濕潤，容易入口，特別開胃好味。✿ 包羅萬有😆$50溶岩流沙包、青趣奶黃子&豬嘜叉燒包各一個。菜式加入小朋友喜歡嘅動物元素，點心外形討喜，而青趣奶黃子入面係流心抹茶，抹茶味非常濃，相當特別。✿ 美肌3.6桃膠奶凍 $39呢款糖水非常足料，有蓮子、桃膠、杞子、龍眼、紅棗，好味又養顏🧏🏻‍♀️🧏🏻‍♀️✿ 彩棉芒果布甸 $39呢款凍食甜品外貌好靚，有色彩繽紛嘅綿花糖係面，下邊喺甜甜嘅芒果布甸🥭芒果肉都幾甜😋😋總結🫦餐廳將傳統順德特色小菜改良，而且用餐環境簡約舒適，係品嘗順德菜嘅好體驗👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鳳城1954地址：九龍灣宏照道38號MEGABOX 7樓6號鋪電話：39052299✿✿✿✿✿✿✿✿✿✿✿✿✿✿✿✿✿✿✿✿✿✿

今天午飯時候，一行三人，來到這間鳳城1954， 點這裏的招牌鳳城炒飯， 飯炒得非常乾身，蝦亦相當新鮮及大隻，沒有油膩的感覺，份量也很足，供四人吃也可以。還有金皮炸子雞半隻，送到的時候，已經聞到炸子雞的香味，大家忍不住立時夾了幾塊，所以相片是在吃了幾塊之後才拍的。 雞皮炸得非常脆口，肉質也很鮮嫩，烹調技術很好。魚湯魚腐浸菜苗，清清淡淡，不過不失。最後，當然要吃這店的西米焗布甸， 外皮韌韌的，蓮蓉餡料香滑份量又夠，有些甜，未完可接受。總的來說，這是一頓不錯的午餐。

我琴日帶媽咪,呀婆同呀女(BB)去megabox既分店食午餐,當時入坐係13:32,一坐底冇幾耐張枱就有隻曱甴爬過,我叫媽咪即刻拍死佢,之後叫侍應抹枱因為我呀公係順德人,所以呀婆食咗好多年順德菜我先帶佢嚟試下,點知佢不停話唔好食我地叫咗呢d野：煎釀鯪魚 d肉梅,條魚好腥炸鮮奶 點解係咸既?仲有蔥(大良炸鮮奶係甜)蟲草花燉竹絲雞湯 好咸順水魚湯龍躉泡飯 d魚好細粒,好小,有骨有鱗,又凍灌湯餃 一般咸水角 ok煎蘿蔔糕 ok豬嘜叉燒包 ok杏仁茶 第二樣嚟到,由熱變凍(正常甜品最後出)最後埋單800幾

一早在網上訂了位，11時多不用等位已可以入坐。今天安排了坐在窗口位，以Megabox高樓層為賣點，遠眺九龍灣的景色，心情暢快！經討論後點了7道點心，每款點心都各有特色：首先上菜的是 <<龍蝦湯鮮竹卷>>，龍蝦湯頗鮮味，鮮竹卷又是吸湯之味，入口甘香！其後的 <<黑松露野菌餃>> 及 <<鳳城水餃>> 均不錯。<<黑松露野菌餃>>香濃菇菌味再添黑松露香味。<<鳳城水餃>> 亦含大隻的蝦肉作餡料，鮮甜無比，非常足料！煎炸組合登埸！蘿蔔絲酥餅、咸水角、香芒叉燒酥都很香口。特別是叉燒酥添加了芒果蓉，非常解油膩！<<安格斯霸王>> 及 <<金藏牛肉球>>，同樣是牛肉，卻有兩種食法，非常可口！最後，以 <<鮑魚燒賣>> 作結！大顆又足料的鮑魚燒賣，為一餐「飲茶」畫上完美句號！總結：點心質素不錯！中等價位，坐位闊落舒服，窗口景氣一流！

見到咁多好評就嚟試下…. 叫哂啲得意精緻造型嘅點心…. 最後中大伏係良野雞卷、炸鮮奶！油到不得了都算，個炸雞卷係有浸油益味… 英文寫係豬做，但其實係一舊粉包住紅色蠟腸去炸… 好難食！ 炸鮮奶我認知係甜嘅，但佢呢舊入面有啲蔥、鹹鹹地冇乜味，又係油到爆。包點可愛但味道一般，埋單$388…. 場地熱、嘈吵、外圍商場地方涼過裡面… 位同位中間窄…. 試一次打卡可以，但唔會再嚟食*餐後油到kam kam聲，要即刻飲齋啡同茶清下…

鳥籠入邊嘅點心有流沙包鳳梨酥燒賣布甸等等，味道都可以，如果呢個價錢同埋用嚟打卡嘅話咁食物質素唔算太着重係可以嘅，好食既。另外腸粉都OK，係個陳村粉個排骨鹹咗少少，但係配埋無味既陳村粉嚟食，都可以。總體都係滿意既。值得一讚係佢個燒賣真係好大粒，食哂4粒都飽😬😬

高級粵菜一九龍灣鳳城在九龍灣MegaBox食肆林立，餐廳們要做到客似雲來絕不容易，用客似雲來來形容鳳城，就絕不為過，今天我這個饞嘴的人，又要再到鳳城吃個飽。首先點了我最愛的燒雞，這兒的燒雞一向皮薄，皮下沒有皮下脂肪，肉質細嫩的，皮脆脆的，有點像吃薯片。上次我試過這兒的水餃，也是很不錯的，今天的水餃也是皮薄，餡料足，很大件。還有伴食的生菜也十分爽口。今天試了新菜式，就是涼瓜炒鴨片，涼瓜很爽口，厚肉，但不會苦，反而很清甜可口，鴨片嫩滑，味道剛好。甜品方面，我們點了芒果布甸及桃膠奶凍。在這炎熱的夏天，芒果布甸透心涼，又香又滑，又有芒果肉，好味。我自己比較喜歡桃膠奶凍，因為桃膠，蓮子，各式豆類，我覺得很養生口，很有營養，真好，又好味，又有益。我們都很滿意今晚的菜式，大家相約中秋節前後再來一聚。❤️鳳城1954 (MegaBox) (九龍灣)九龍灣宏照道38號企業廣場5期MEGABOX7樓6號鋪#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機

胡椒豬肚雲吞湯辣辣地，幾好味，豬肚在家弄很複雜，出街食最好，雲吞配豬肚很特別，想不到原來也十分好吃竹葉鮑魚糯米雞未食過，糯米雞竟然有鮑魚🎉咁特別一定要試試！這個糯米雞包得很靚，做得精緻而且餡料多。特搜蒸籠有鮑魚燒賣、鮮蝦餃、紅棗膏櫻花蝦燒賣燒賣、溶岩流沙包。一個點心有多種款式，而且燒賣也有兩種口味，不是普通的豬肉燒賣。一款是有鮑魚，另外一款是櫻花蝦，口味特別。流沙包賣相好得意，鮮魚的外表加兩隻心心眼，又睇得又好食。見平星期一至五下午茶有靚靚雀籠套餐，兩位用只是$98，有流沙包、奶黃子，叉燒包，燒賣、蝦餃等等，都幾吸引，下次等我試試！

呢間係megabox既酒樓，唔做早市，11點先開，我同屋企人11點半先黎到，非常之多位，唔洗等，窗口位係可以睇曬成知九龍灣既景，非常靚，點心全部都係30幾蚊起，但係唔係冇原因，佢既野食出得快，水準唔錯，我地叫左金光炸粉果，鳳城水餃，溶岩流沙包，春風德意腸，龍蝦湯鮮竹卷，佢個炸粉果好特別，外皮好似d煎堆，入面就係鮮蝦，龍蝦湯鮮竹卷好食，龍蝦湯好濃，鮮竹卷浸埋落去吸曬d龍蝦湯，非常入味，其他點心都好食，不過就唔算叫做特別

疫情解封，一家人決定高高興興外出用餐。咁多餐廳眼花撩亂👽，決定揀間最似模似樣既去試下。排左大幾15分鐘隊就有位，都算快。一入餐廳發覺裝修幾好，完全唔似茶餐廳，當然，佢菜式價格都唔似。我地一家四口胃口都唔算大，所以只係叫左幾個小菜。🌻🌻先上一碟炸魷魚，正常水準，可能即炸上到黎仲好熱，但略嫌味淡，份量都算多。🍜🍜然後就黎左一碟雞同一碟魚，隻雞好出色，食得出係廣東人做既雞，好有鮮味，雞味極濃，嫩而不油，唔洗一陣就成碟清哂👏🏻碟魚就正常貨式，我覺得花椒可以落多d。🤡最後再食個包墊下肚，完！🌞

🇭🇰鳳城1954·呢間我地之前去過兩次架啦 但係去到唔係太多人等位就係無開 係第三次先終於食到🥹我自己覺得佢啲野食都唔錯 不過佢就唔係樣樣點心都好味 大家嗌之前上網再睇下會穩陣啲🙊😈·紫砂茶壺燉螺頭湯$78 l 鳳城餃餃者$42我自己最鍾意佢個螺頭湯 雖然佢真係偏貴少少 但係佢個湯係真係超甜 超足料 而且佢係真係好夠熱 飲落去好舒服 佢入邊嘅螺頭都好大粒 好好食🥰之後食鳳城梗係要嗌佢個鳳城水餃 佢呢個都好好食 佢係超級飽滿 而且入邊嘅蝦好新鮮 成粒啪入口個感覺好正🦐🤤🤤·包羅萬有$50 l 鮑魚燒賣$52 l 吉法灌湯餃$42點心方面佢個包羅萬有其實係有綠茶奶皇包 叉燒包 同埋流沙包 佢三個包都好鬆軟 我自己幾鍾意 尤其係佢個綠茶奶皇包係真係超濃綠茶味🍵個流沙包都係真係起晒沙 食落好好味之餘唔會話太漏🤤而且我好鍾意佢一樣一件咁 可以一次過試曬😎😎之後佢個鮑魚燒賣都唔錯 佢入邊粒蝦好新鮮 而且個肉餡調得唔錯 上面嗰粒鮑魚口感都唔錯🐷最後個灌湯餃真係超級巨型 而且佢入邊都幾多料 個皮都唔會話太厚 不過我個人就唔係好鍾意佢個湯 佢飲落係似羨汁多啲既 我覺得有啲太漿口🙊🙊·一口野雞卷$78 l

平日lunch 嘅時間约左朋友，唔full, 環境理想，枱與枱距離合理，没有傳統酒樓嘅喧鬧及人多！食物係想走decent 少少嘅路線，不是sell 抵食大件，如牛肉腸粉會標榜係用安格斯牛肉，點心伴碟會用上食用花，還有熱門老牌食物蝦多士及鳳城水餃等，價錢比一般酒樓高，尤其碟炒。點心味道正常好味，但甜品質素一般，唔會有幸福感比到你，當日點了西米焗布丁及楊枝甘露，芒果酸，布丁表面唔夠焦！同鳳城舊舖差好多，兩樣甜品似没了靈魂，可惜！但用餐環境及服務可補不足，想同朋友食飯暢聚，總可一試同家人聚會，建議去舊舖穩陣D😂

自從我和老公搬到新屋之後，便再很少外出吃飯，今天難得「出城」來到九龍灣，當然立即去酒樓飲茶了，而今次我們便嚐試了這間新派酒樓，點了一些賣相可愛漂亮的點心No.1【脆皮BB鴿】$68BB鴿基本上只是皮+骨而已，並沒有什麼肉可以品嚐，果然是名副其實的「BB鴿」，沒想到到餐廳的招牌菜竟然是這種質素No.2【西米焗布甸】$39我見很多人都推薦這款甜品，所以我們便點了一份嚐試一下，可惜西米布甸無論是口感抑或質感都和坊間的有些分別，整體味道怪怪的，我們吃了一口便已經想放棄了No.3【彩虹蝦餃】$52餃皮都算薄身之餘，蝦肉的份量亦十分多，而且蝦肉也爽口彈牙，鮮甜可口，名副其實的「皮薄餡靚」，同時餃皮顏色比較特別，大家可以嚐試一下No.4【櫻花蝦燒賣】$42雖然燒賣的賣相比較普通和平實，但是味道卻相當有驚喜，豬肉餡料十分柔軟嫩滑，鮮美多汁，而櫻花蝦則咸香四溢，滋味非常，同時櫻花蝦的精華更完美滲透進豬肉中，美味得讓人口舌生香，回味無窮No.5【1954 蝦多士】$48由於蝦多士是即叫即製的關係，所以外皮十分香脆可口，而肉質則嫩滑可口，香甜美味，雖然它和我之前品嚐過的貴價酒樓蝦多士還有一段距離，但以這個價