鳴橋燒肉料理 (已結業)

門面採用簡單紅木裝潢作門框，以黑紅及燈籠作主題。選擇午市放題及升級優惠，必點大虎蝦、帆立貝、羊架等！坐位闊落舒服，店內油煙味不重，點菜後上桌迅速，店家態度爽快親切。刺身：一般放題水準，味道甜而不腥。不過這家店是燒肉推，不建議大家點太多刺身。重點推薦：牛舌：牛舌分別兩種口味，牛舌肉質幼嫩爽滑，咬下彈牙，醬汁入味，吃到停不了口！一口牛肉：肉質嫩身，咬下富肉汁，軟綿綿的口感，正！牛肋肉：牛味較重，重質結實有韌性。大虎蝦新鮮，肉質結實彈牙，大隻尺寸。帆立貝每隻大件飽滿，肉質鮮甜，多春魚每條原整，春多多口。羊架羊皮較肥，肉質結實帶濃濃脂香味。台灣腸皮脆肉嫩，標準台灣口味。雜綿天婦羅皮薄香脆，選擇多。整體來說，這家店的燒肉及燒海鮮食材算高質，以中午放題價錢實划算。當然，自助燒的方式，客人也要自己掌控生熟程度，小心燒焦，適當時候記得跟店家說更換燒烤紙。

朋友話想試吓，點知中伏，！！！一坐低就叫我地加＄40食多幾樣嘢食，仲係咁講，依度全部人黎食都會加$40，好似唔加＄40就係怪胎咁。都算！俾你！之後上菜極慢，份量又唔足，寫5件就嚟得兩件，怕洩底就唔好做放題啦！加錢既食物，永遠都唔會俾你食，點親都冇，食到枱面冇晒野，等左超級耐都未有第二轉。之後忍唔住同佢講：（我已經點第三張刺身紙都未黎，唔該幫我跟一跟），先至嚟到第二轉刺身。啲肉完全冇味道，唯一好食係個地獄牛舌，就算想試吓都千祈唔好加＄40食垃圾。唔會再嚟！服務都冇乜問題

能做到朋友最開心都是可以相聚,難得朋友仔新年仲未開工,而大家夜晚都咁忙碌就不如轉食lunch。鳴橋一向也是在我的wish list中，難得今日可以輕鬆跟友人到來，就不客氣來一個放題吧!這裡有魚生,有烤肉有海鮮，可為應有盡有。而海鮮類絕不馬虎，有虎蝦-大大隻，帆立貝-鮮甜美味。肉類也有我喜愛的羊架， 經過燒烤十分惹味。放題最大好處就是各人各自點自己喜歡的食物，大前題就是不要浪費，而且早吃的好處是也有較長時間消化，不怕長胖。

突然間好想食燒肉, 又想有得燒海鮮, 加埋又想食刺身, 咁多要求諗住好難搵, 點知行過鳴橋燒肉料理門口喺門口見到呢個平民價錢, 竟然可以滿足到我多多既要求, 緊係唔諗咁多入去食啦同大多餐廳一樣係自助形式點食物先來刺身, 都好新鮮冇乜腥味海鮮燒物, 款式都幾多架, 有虎蝦, 有多春魚, 帆立貝, 青口, 墨魚軟骨, 小墨魚然後就係食肉獸至愛有牛舌, 牛肋肉, 一口和牛粒, 豚拖羅, 雞翼, 個人特別喜歡一口和牛粒和牛好香好滑自己加d 七味粉落多春魚度, 更加惹味任飲任食好大球既芝麻綠茶雪糕是日精選甜品係芝士蛋糕

星期六放假，來到旺角食午餐，順便行下街買下野，朋友又想食返依間有得燒肉同海鮮任燒的鳴橋燒肉料理。油麻地地鐵站出口行過黎會比較近，中午餐廳未算好多人，都易搵到位。中午價錢都係每位$168,我地加咗$40 升級咗有埋海鮮放題首先上的第一碟是刺身，有三文魚，赤貝，甜蝦，北寄貝，八爪魚，帶子等，新鮮嫩滑，特別是甜蝦，肉質鮮甜海鮮拼盤，有大隻的海蝦，彈牙爽口，多春魚，春子好飽满，燒完啖啖肉，魷魚筒仔，青口，帆立貝，大隻，易燒，肉質鮮甜雞軟骨，豬頸肉，雞翼，一口和牛粒，豬拖羅等，肉質呈粉紅，新鮮優質值得一讚餐廳係用紙墊住個爐底咁燒，唔會咁易燶，店員仲會見到張紙開始燶燶地，就經常主動幫我地換紙飲品有汽水，熱茶等可以揀，冰凍解渴芝麻雪糕，綠茶雪糕，同是日甜品 芝士蛋糕，甜而不溜。

坐低個半鐘 寫左差唔多10張紙 黎得4張紙既野野飲又黎錯哂 食物係幾好食 到佢last order 4個人都仲係得果五成飽 上菜速度極慢 同侍應講過 都係話今晚爆場所以等耐啲 但係等到last order都係未到 總括唔值得黎食

見到評價幾高，又燒肉又刺身。係唔錯嘅，加多$4x upgrade。刺身幾好，帶子必點。燒一口牛好正，牛味勁香。燒帶子同牛舌又係必食，唔韌。生日送三文魚腩，超大碟，魚油超勁，又肥美，不過食一舊已經超級膩，唔食魚嘅人食一舊就會止步。

天氣凍，食得太多火鍋，今次就食燒肉放題啦 ^_^網上見到這間價錢合理，又在旺角，交通方便，於是便約友人聚聚。雖然沒有華麗的裝修，但夠寬敞、坐得舒適。我們平日六點入座，所以價錢較平 ($178 加一)，另再加 $40 升級皇牌放題 (即多了6種食品)。有鹽燒/七味牛肋肉、虎蝦、帆立貝、刺身帶子、馬刀貝及法式香草羊架。食物種類很多，有刺身、和食、炸物、燒肉類、海鮮等，仲有多款飲品及甜品選擇。因太凍關係，所以一坐下，即叫熱柚子茶飲先，怎料給我們一壺 燒肉等太久，所以食刺身先 ^_<刺身新鮮，不錯！前菜，蟹籽沙律，開胃！開始燒食物喇 我最愛吃一口和牛，牛肉肉質嫩滑，入口即溶，食完又再點 另一款愛吃是鹽燒三文魚骨，香口 當然唔少得虎蝦啦，加$40，主要都想食它 ^_<虎蝦大大隻，食落好爽口，仲好新鮮！到最後，當然要食甜品及雪糕啦！我們點了「意大利芝士蛋糕」、「胡麻雪糕」及「雪米糍」。一口意大利芝士蛋糕，非常貼心！知道我們食得太飽，又想食甜品，這樣一口就恰到好處 胡麻雪糕，雪糕當然好味啦 每次放題，到最後必食雪米糍，尤其香芋味，最好味！

以240嘅價錢黎講首先食品種類不多， 食品醃制也不是十分出色。場地私隱度不足， 亦代表著這並不是與朋友聚餐的好地方。同樣的價錢可以有其他更加好的選擇。最逗趣的便是他們的甜品了， 一個芝士cake 分5份，就叫做5人份量。

暖笠笠抵食日式放題燒嘢食天氣凍凍地, 除咗打甂爐最好就係燒嘢食. 一邊燒一邊食, 不知幾咁暖笠笠! 之前上網睇咗, 貪佢任食之餘又唔貴,  早食仲平D, 啱哂我!! 日式放題, 當然要食下前菜開胃: 螺肉、中華沙律同蟹子沙律!! 未燒嘢食, 先要食埋刺身.份量足,款式多又夠新鮮, 食兩ROUND已經抵返啦! 由於叫做加$40, 當然要叫哂來燒下! 嘩! 虎蝦大大隻! 燒到咁正, 本身肉質夠實淨, 當然好食!帆立貝大大隻, 又夠新鮮,又亦夠彈性! 燒到兩面金黃色就剛剛好! 青口唔係好大隻, 食得出有牛油,加埋少少蒜蓉, 一口一隻! 一定要有心機燒嘅仲有羊架! 有羊味, 但唔酥! 一口和牛, 我整靚哂六面, 食到唔停口! 牛舌我個人鍾意食厚身少少. 食到咁上下, 仲有人會主動埋來幫我地換紙, 服務一流, 我地仲要食埋烏冬,飯, 湯, 菜.......勁多嘢食 有得任飲啤酒汽水, 食飽仲有甜品, 任食埋單連加一 $240 , 以旺角區來講真係抵食!!! 

好朋友請食飯，我當然應邀啦，難得相聚，我們今晚去油麻地食韓燒門口幾靚，應該食物唔差想食好野，要另加40元才能食羊架啦刺身：三文魚新鮮，鮑片都好，甜蝦鮮美，馬刀貝爽口，帶子細細粒易咬炸物，蝦，地瓜，蕃薯，香脆燒烤；豬肉，羊架，牛肉，豬頸肉，黑椒腸，蒜溶腸，慢慢烤，放上七味粉，黑椒就更好味海鮮燒起非常香，特別帆立貝，大大粒，好海鮮味顏色變靚就自然熟，食得啦三文魚好香，油少少，但都好味飲品任飲地方細細都坐滿晒人，有時坐在樓梯位誠的台，侍應會企系你隔離，我朋友坐走廊位，好似被監視食野；而且食物選擇太少啦，入去要另加錢才有多些食物，侍應話全場都有升級，客人點都要升啦。

又是見朋友的時間, 近期有多個飯局, 今日就食燒肉啦!刺身味道很棒，三文魚肥美厚身烤肉推薦有調味的幾款，喜歡牛舌和豚拖羅天婦羅也很不錯，推薦南瓜和蝦的天婦羅一口甜薯很好吃其他一般般啦

食物及環境很普通，不似預期咁好食，價錢勉強可以接受啦！但服務可以接受！飲品及刺身選擇太少。燒肉的食物種類還可以接受，甜品雪糕很難食。勝在地點方便就腳，但我不會再光顧！

呢排每日都ot，今日終於都正常時間收工，所以即call朋友約埋係旺角行街購物減壓，行到油麻地附近已經好肚餓， 成條街有好多食肆， 經過呢間又有燒肉又有刺身，岩哂我地口味！成人平日每位$208，星期五六日都只係加$10。一坐低即刻填紙仔， 刺身唔夠五分鐘已經到啦！非常快，好新鮮！燒肉類我地主要點牛肉，因為我地非常之喜歡食牛。力推牛肋肉，分兩種口味：鹽燒同燒汁。個人喜歡鹽燒，牛味會更突出。另外鹽燒雞翼都係賣飛佛！炸物亦不錯，天婦羅蝦大大隻， 所有炸物粉漿薄薄，新鮮炸起熱辣辣上枱！另加$40蚊升級任食肥厚帆立貝同虎蝦，帆立貝大隻唔縮水，非常之超值！飲品都有唔少選擇，仲有自家製涼茶，食完燒肉飲返杯涼茶或者熱綠茶，油膩熱氣罪惡感大減！甜品方面有雪糕，有芝麻味同綠茶味選擇，亦有糯米糍同一口芝士蛋糕！我哋2個女仔其實都食咗好多野，肉食咗三轉， 刺身又食咗三轉，炸物都兩轉食，這餐真係好飽好滿足，呢個價錢真係非常超值！

上午考完試，lunch當然要去慶一慶祝啦今日搵食去了油麻地一間叫「鳴橋燒肉料理」，門口望下個價錢ok — $168/位再望下有咩食，種類都算多，就入左去坐喇！入到去檯面有張menu話有個升級放題優惠(+$40)，有大虎蝦、帆立貝、牛助肉、帶子(刺身)、馬刀貝、羊架我同朋友諗都唔諗就自薦升級第一碟上檯：刺身整體來說，全部都好新鮮！值得特別一提的是，帶子同甜蝦夠鮮甜北寄貝同馬刀貝就好爽口刺身絕對可以encore第二、三碟上檯：海鮮 & 肉類雖然得兩個人食，不單止encore刺身，我地食左好多肉，差唔多叫晒成張肉類menu再試埋呢度d天婦羅，全部都即叫即製，上檯個陣熱辣辣，炸粉厚度岩岩好！唔算太厚又唔會薄到一夾就散晒~飲品都係任飲，呢款既蘋果汁同提子汁都有。最後last order個陣，梗係食埋個芝麻雪糕先走啦中間我地有個小插曲，我地見到有班外國人有大有細拖住幾個喼入黎食野。食到一半，佢地放低左d行李係餐廳，大夥兒出左門口影相，影完就走左老闆真係好人，服務一流！好有人情味！