鳴橋燒肉料理 (已結業)

約左幾個好耐冇見既朋友食飯,為左方便決定去旺角，朋友就開openrice睇下有咩好食，見到呢間「鳴橋燒肉」評價幾好，就走去試下!呢間係砵蘭街近油麻地，8點幾去到喺門口等左一陣就有店員安排入座。店內位置雖然不大，但亦有梳化卡位能夠坐得舒適！燒盤上有牛油紙，唔會咁易燒焦同痴底。整體黎講，食物款式不少！刺身款式多，而且全部都好新鮮同大件！話明係燒肉，肉類選擇亦非常多，而且厚薄適中容易燒，連和牛粒都快熟入口即溶，個人比較鍾意係牛肋肉，有鹽燒同汁燒，兩款都一流！炸物方面亦很出色，大大隻炸蝦天婦羅，炸物唔會太厚粉！我地加$40升級，特大帆立貝同虎蝦等海鮮，帆立貝一定必食，大大粒啖啖肉，一定要encore！整體上食物款式不少，質量不錯，等候食物既時間亦好快，完全沒有漏單情況！下次真係要帶埋老婆同衰仔來！衰仔最愛就食牛肉！

今日約左朋友食飯，我想食日本野，佢又想食韓燒，本身都諗住就朋友食韓燒，點知朋友就 suggest 食呢度，佢之前食過話有烤肉又有刺身食. 咁好？當然試下啦！一坐底，我就 order 刺身喇. 因朋友唔食生野，呢碟刺身係我一個人食曬. 平時一田買刺身，呢個份量已經要百幾蚊啦. 而且佢既質素絕不比一田差. 抵食！特別係馬刀貝，超爽口又好滑，我 encore 左2次呀另外三文魚都係超新鮮，美味！只係食刺身都食到半飽，要慢慢烤下海鮮&蔬菜比個肚休息下. 虎蝦好新鮮好大隻，食食下又食左7-8隻.烤肉唔係我最愛，但我就不停幫朋友燒，自己就每樣試少少，都好味既！另外呢度仲有自家羅漢果茶解熱氣. 夠貼心.最後食埋芝麻雪糕，大滿足！

今日在旺角工作，所以放工也在附近行街，剛好舊同事也收早，約一起行街食飯，行下行下就到油麻地附近，肚仔餓要搵食， 經過看門口餐牌覺得不錯就入去了~一坐底即時拿紙找食物~款式也有很多~燒肉也有不同味選擇~一坐底即時入紙刺身~三文魚，北寄貝，帶子，甜蝦，馬刀貝，刺身好新鮮，我們之後也有不停追加虎蝦大隻，帆立貝肉厚大大粒（追加了兩次），龍脷柳入口即溶，牛油蒜蓉青口也新鮮~一口和牛， 鹽燒牛肋肉，燒汁牛肋肉鹽燒雞翼，地獄牛舌，肉類都是薄切的，非常快熟~每位加$40是值的~個人比較喜歡牛肋肉，無論盬燒或者燒汁都好味，朋友說牛舌也不錯，我們主要都是食牛，下次要約多幾位舊同事食多幾款~

星期六當然要去街搵下好野食啦，朋友介紹呢間位於旺角砵蘭街既鳴橋燒肉料理，燒肉刺身任食加任飲，價錢又合理，就決定來試下全部食物都分晒係點菜紙到，自己填好就交比侍應，上菜都好快，無漏單刺身都有好多款，三文魚，甜蝦，北寄貝，帶子，仿鮑魚，八爪魚等，全部都好新鮮，嫩滑，切得夠薄，不過燒肉係更加值得一試鹽燒牛舌，地獄牛舌，豬拖羅，鹽味雞翼，一口台灣腸，雞軟⻣，牛舌係最值得推薦，咬落爽口，切得薄，雞翼雞軟⻣都嫩滑個爐加咗牛油紙係底，無咁易燶香草羊架，一口和牛，牛肋⻣，豬肉，羊架腌得入口，食落無咩騷味，大件，和牛更加係入口即溶，好淋，多春魚，虎蝦，帆立貝，麻吉燒，三文魚⻣，多春魚都好新鮮，魚子飽满，虎蝦大隻彈牙，帆立貝超大粒，鮮甜。

推薦: 一口和牛、牛舌用c4至c5火喉燒肉牛舌薄而嫩，地獄牛舌微辣，醬汁豐富，質感爽滑嫩口。鹽燒牛舌，相對比較大片，同樣軟熟質感，回味無窮。和牛肉彈牙肉嫩，脂肪含量高 分佈平均，記得需要注意火候別燒乾。多春魚整條完整，魚肉彈性多春，只需要放在旁邊燒，即能享受惹味又有口感的魚。若果大家喜歡元貝及大蝦，要加40元升級，份量一件滿大，也鮮，看大家自己選擇了。羊架入味，份量大，羊騷味少。五花肉五香粉灑滿肉上，不辣卻美味。黑椒腸皮脆肉香，香味四溢。雞肉肉質彈牙，份量與其他肉相對給多些，大家標示份量時要注意。這家店肉類食材新鮮，味道佳，無肉不歡的人必喜愛。

其實想食燒肉想左幾日，但一直未就到時間，又無咩心水去邊食🤔剛巧今朝做好曬野，星期五下午又比較清閒，可以食個他條午餐😎開個openrice睇下附近有咩燒肉食🤤唔想食d太粗製濫造既燒肉，見到呢間食評同相都靠得住咁，所以就黎試下位置唔係太開揚、平時都好少經過、門面都好低調；但位置其實好方便，朗豪坊行過黎只係5分鐘，有燒肉放題、有午市套餐放題款式雖然唔夠出名果幾間多，但大路野呢道都有，同埋我重點係食燒肉因為中午唔慣食生野，所以今日係主打食燒🤤帶子同虎蝦，叫左幾轉😎虎蝦新鮮爽口，帶子大大粒、鮮味十足，必試！牛肉係主角，唔會有過多醃料遮蓋味道台灣腸同地獄豬頸肉有驚喜值得一試另一主角一口和牛，牛味十足，肉汁豐富，不能錯過！中華沙律，無草青味，爽口炸餃子、天婦羅即炸，皮薄，好食有紙墊底乾淨衛生又唔黐底食埋個甜品非常完滿😌😌食厭左連鎖店既味道，小店反而有驚喜😎

突然想食燒肉放題，就有朋友介紹食呢間，所以就約埋三五個朋友一起去試試新野，不過我都真係第一次食lunch 放題。呢間鋪頭地點真係都幾容易搵到，一出油麻地轉彎再直行幾分鐘就到啦，仲要門口個招牌好特別好吸引，一睇就睇到間鋪。就算係午餐放題，佢既選擇都唔少, 肉D味道好足, 最喜歡就係佢用左牛油紙，所以燒出來的食物都唔會有陣焦味，而且燒出來的顏色都有一個大師級既感覺。除左唔同種類既肉仲要有刺身，新鮮且美味，令我地食不停手。食完甘多肉肉之後，仲有甜品，我就選擇左是日甜品，原來係一口芝士蛋糕，好香濃既芝士味，好味。總體來講，都很唔錯，值得一試。

旺角美食林立，但因為地段問題，租金昂貴自然成本落在食物之上，幸運地找到一間約$200就可以任食燒肉刺身的放題！這就是位於砵蘭街的「鳴橋燒肉」。店內位置不大，但有梳化卡位坐得舒適。是日6:30半前入座只需$178，嗜海鮮如命的我加了僅僅$40就可以升級任食帆立貝，虎蝦等美食！但不加錢的話刺身都已經有很多選擇。肉類選擇亦非常多。小食方面蟹籽沙律，枝豆亦一應俱全，當中蝦天婦羅的人好推介，鬆脆表皮包裹著彈牙蝦肉，好食雖然是任食，但刺身好新鮮，什有光澤。甜蝦我吃了大概20隻，回本了肉類則以牛肋肉最為出色，分別有鹽燒及汁燒，牛脷都新鮮爽口，但略嫌有點厚。牛肋肉厚薄適中，好入味，入口即化中意食羊架的朋友有福了，大大塊羊架任你食，食兩塊已回本。羊味濃又無羶味海鮮方面虎蝦和帶子尚算新鮮，燒好後不沾上醬汁一樣好吃帶子啖啖肉，同樣是必食之選。鳴橋其中一個賣點就是用紙來燒肉，可以吸油外又直接可以換紙，免燒焦鐵板！來到尾聲，點了一個綠茶雪糕作結，質感都很香滑，滿滿綠茶味，不錯的說維記糯米滋亦是必食，抽到香芋味最開心

今日喺油麻地做完嘢，早餐都未食，咁啱行過呢間鳴橋燒肉料理，激起咗我瘋狂食肉嘅慾望午市有套餐同放題，咁當然要食放題啦原來唔單止有燒肉，仲有刺身、炸物、烏冬同甜品任食肉類有好多選擇，不過我都係集中食牛肉，有牛柳粒同牛舌，叫幾多俾幾多，唔會姑寒淨係俾少少仲有海鮮可以燒，有海蝦、多春魚、帆立貝、蒜蓉青口，不停encore多春魚，燒到乾乾地好香口唔會腥用牛油紙隔住嚟燒，比較衛生，同埋雖然店員好忙，但一叫要換牛油紙都即刻嚟換，仲好好態度，抵讚雖然主要係食燒肉，但刺身質素都唔錯，三文魚同埋帶子刺身最正，鮮甜肥美，但當然唔可以同高級日本料理比較啦仲有炸物天婦羅，即叫即炸熱辣辣，一口蕃薯細細粒又夠甜食燒肉炸物食到有啲油膩，仲有枝豆間下場，鹹鹹地好刷口總要有啲澱粉質落肚先夠飽，一口地獄烏冬細細碗，夠辣啱晒重口味嘅人最後仲有甜品任食，芝麻同綠茶雪糕、雪米糍同埋一口芝士蛋糕，甜一甜個口呢度食物選擇多，上菜夠快，店員服務殷勤，比坊間唔少放題好

韓燒就聽得多，日燒真係好少見，同朋友都是日式食物的fans，聽到有隱世日燒，而且仲是限時放題，咁我地當然要食啦！個人最喜歡「一口牛肉」，肉質真的好鮮滑，入口即融呢！另外，十分喜歡燒羊排，肉質很juicy，而且啖啖肉，真的好抵食！而且，難得放題不只限燒烤，還有日式刺身，如三文魚、甜蝦等，簡直一次滿足兩個願望！甜品方面，有美味清甜的芝麻雪糕和抹茶雪糕，飯後甜品而言，算是非常高質呢！整體上，我地食到滿載而歸，環境都幾舒服，中午150元限時兩小時任食，真係幾適合朋友gathering一齊去食！希望有機會再食下個晚餐！

講起日本燒肉，相信大家一家食過，但燒肉加刺身放題相信一家吸引得多!是日開心大發現左朗豪坊附近，有一間叫「鳴橋」既燒肉店。而5-6:30pm入座只係$178，加入$40升級仲可以食埋海鮮!環境方面就唔算大,但有卡位梳化總算坐得舒服!刺身方面種類唔算多，但港人至愛甜蝦同三文魚當然有!肉類方面非常多選擇，醃料有分鹽燒同燒汁兩種口味。牛肋肉同牛脷我都好推介燒肉之前先叫魚生開開胃，雖則係放題，但三文魚同甜蝦都好厚身同新鮮!除左魚生,仲有小食如蟹籽沙律同味付螺肉!味道都好唔錯!中意食天婦羅既朋友一定要試炸蝦天婦羅，外皮鬆脆，蝦肉彈牙!有驚喜!大量小食絕對可以滿足唔同口味既人!先講牛肋肉，肉切得夠薄，短短燒個20秒左右口感會入口即溶!好唔錯!牛脷反而有d厚,有d失望。雞翼夠哂大隻,可惜醃料未夠入味,要食既時候再點燒汁。雞軟骨三尖八角，比較難燒，但味道唔錯!外國閒閒地食個羊架$100-$200,呢度俾$178任你食!大大件又醃得入味,而且冇咩羊既膻味一口腸size的的骰骰，不知不覺就會食好多條!由於我地加左$40升級，所以可以點海鮮。當中虎蝦同帶子都好隻,好抵食!雖則係冰鮮貨,但口感好厚實!鳴橋最值得

話說我同朋友約食飯，朋友話想食燒肉，好啦，就上網搵下睇下，見咁多好評就決定簡呢間，我地加左40蚊升級，會有多6樣食物可以簡，燒物有蝦有牛肋肉有帆立貝，仲有帶子刺身，另外果兩樣燒物已經唔記得左係咩啦！！我地先叫刺身燒物食，刺身係ok嘅，跟住我地開始食燒肉啦，佢個爐上面放左張紙，其實我唔知張紙嘅用處，但咁樣燒嘅嘢會無左燒果個味道，同埋d食物會變得無咁易熟，牛肋肉個size好細塊，諗住都會好出色，點知好難食，無味，口感好似食緊擦膠咁，咁個心唔憤氣就叫埋牛柳塊同一口牛試下，呢兩個係好少少，起碼咬得爛先，青口係無殻架，帆立貝，餃子同天婦羅蝦都叫不過不失，但我以後都唔會再黎呢度食，完全比d食評呃左，大家如果想黎食真係要諗清楚呀！！！！

I can't say this restaurant is delicacy but consider the excellent location and fair price this is definitely a good place for highsch buddies gathering. We were seated very quickly even the shop was actually quite full when we arrived. The only bad was that the a/c wasn't working super well that night.They actually provide all kinds of meat you can usually think of for BBQ and they are all well seasoned. Tasty treats for lazy bones! The seafood was unexpectedly huge! Look at the pic of the pra

工作日的晚上一下班立刻趕到旺角同朋友聚餐，因有朋友說天氣開始秋涼，便建議一同去這間佢試過並覺得價錢與食物也不錯的日式燒肉店。雖然搜尋到這間店是在旺角，但朋友告知其實在油麻地地鐵站出口再行去是比較近，所以也很方便找到並很快便到達店鋪。到了之後便立刻查看餐牌，朋友介紹可加錢試多6款升級食物之後食物便每一款肉類、海鮮、刺身都先點了一遍 ：刺身款式都不少，味道也是外出吃放題的味道，最後刺身我們都點了三遍。然後二後不說試試特地點的升級食物，個人最喜歡的是大大粒的帆立貝同用了香料調味的羊架。除了燒烤的食物再點多幾次外，最後一些小吃也點了來試試，有個人喜愛的小番薯，而要推介的是胡麻雪糕，作為燒烤後消火的好選擇👍🏻

週末放假，當然是相約同我一樣中意港飲港食的同伴齊齊去覓食啦😎今次我們選擇呢間評價睇落幾好的放題，有海鮮，炸物，刺身和燒肉等不同種類，能滿足我不同口味的慾望🤤海鮮：有鮮味虎蝦，大粒帆立貝，小墨魚和牛油蒜蓉青口等。燒肉：鹽燒牛舌和地獄牛舌，還有一口和牛，是我大為喜愛，大為推薦。它肉質嫩滑，在咀嚼中滲透出美味的肉汁。就連我朋友都異口同聲說好吃！所以我們點完又再點👍一口和牛鹽燒牛舌刺身：有熱門刺身如三文魚，馬刀貝，甜蝦，鮑片和帶子等，款款都很新鮮和鮮甜。厚切三文魚刺身賣相色澤鮮明和口感新鮮，滿足到平日愛吃三文魚刺身的我。最後，雪米糍也是我頗喜歡的飯後甜品其中之一，可惜忘記了影相留下回憶。這間食店的服務員提供不錯服務態度，有求必應，令我們感覺良好。