鳴橋燒肉料理 (已結業)

對上一次食放題，都唔太記得係幾時嚕～ 是日打算去旺角小米睇下，路過砵蘭街，見到lee間好似新開唔係好耐嘅放題，揭一揭餐牌，又好似幾好啵～ 忽然撩起我舖癮😂 忍唔住行咗入去。餐廳不算很大，但具日本風情。餐桌分兩邊，座位都頗舒適。太耐冇食放題啦，一坐低即刻劃嘢✌🏻種類與市面的相若。😂對面嘅小朋友食得好爽好盡興嘅款，仲好食得～放題當然少不了刺身啦～ 甜蝦，帶子，北寄貝，🦑，鮑片，大蝦，秋刀魚，應有盡有，鮮甜可口，性價比高啊！肉類第一round，基本上都order咗一轉。牛肋肉絕對不能錯過～ 食羊嘅朋友，可以試下羊架，但略嫌黑椒醃得不均勻😅食放題，就算再抵食，都要量力而為，食幾多order幾多，千奇咪做大shai鬼啊 🤪天婦羅等炸物也值得一讚，炸粉頗薄，隔油做得還可以。甜🍠眞係好甜！戒緊澱粉質嘅我都忍唔住encore🤦🏻‍♀️中華沙律同螺肉，最啱中場休息食，味道不過不失。Last order啦～ 😂 估唔到腸仔都係encore list之上呢！不得不提，雞翼係單骨雞翼，女士福音啊～ 食埋嗰甜品，為滿足嘅放題劃上完美句號。

今天晚上既想食魚生，又想食燒肉，於是選擇了一次過可以滿足我兩個願望的「鳴橋燒肉料理」！餐廳提供刺身及燒肉放題，一個價錢，就享受兩種放題！刺身的種類不多，但勝在應有的都有，例如三文魚，甜蝦，帶子等，而且十分新鮮！相比之下，燒肉的種類就非常多，雞牛豬羊，以至海鮮魚蝦青口，應有盡有！誠意推薦的食物：一口和牛，肉味濃郁，入口即溶。鹽燒牛舌，非常爽口，口感一流。海鮮類的虎蝦，大大隻，肉質爽口彈牙，鮮味十足！

食過之後 會忍唔住寫食評🤢🤢🤢滿心歡喜係朗豪坊飲完野就搵食 見到有19x個讚 價錢又唔貴 仲有好多人讚好抵食（平價高質肉blablabla) 就一於試下。可以做到咁質素唔係間間餐廳可以做到🤢🤢日式燒肉放題？？？ 我以為BBQ自己夾一盤野... 算.. 可能優質肉呢... 留意右面果片肉有個好啦風嘅名我唔記得.. 但係豬肉片撒芝士粉？（無言）咁樣煎豬未熟啲粉燶晒啦大哥（邊個諗架）唔緊要試下其他囉... 煎完啲肉放入口... 點解全部一樣味嘅？大陸串燒起碼有孜然粉... 呢盤野係無味嘅....說好的優質肉呢？？？ 自家製涼茶我估計係即沖板藍根.... 我當佢平都算，下面係戲肉！！！留意！ 我想講唔係上面啲肉係果塊燒板！餐廳係係換上面張紙ONLY! 個邊係萬年污垢！我是睇到旁邊有員工執枱發現佢地只係換左張紙.... 食物質素唔好我覺得一分錢一分貨但衛生問題真係好難接受！！！ 我同朋友睇到就停止繼續燒飲埋最正常嘅罐裝忌廉埋單就走了.... 我第一次（希望係最後一次）遇到呢啲咁劣質嘅放題.. 希望唔好以身犯險！小心網上評價19x個讚都可以係假的！

在旺角行行吓街突然下起傾盆大雨，決定在附近的餐廳解決晚餐順便避雨。這餐廳提供燒烤放題，限時兩小時。食物種類也不小，我們更加＄40升級為皇牌放題可以任食更高級嘅食品首先上菜有魚生刺身，我嘅最愛為甜蝦同埋北寄貝。這裏的燒烤爐會鋪上牛油紙，感覺比較衛生而且不會黏鍋。工作人員亦很樂意為你換新嘅牛油紙。燒烤必叫嘅項目有牛舌 雞翼 一口牛，食物本身就有調味所以不用再加添額外嘅調味料。

食物質素: 整體尼講算係唔好食 只係又未話去到難食既地步 不論肉類海鮮定甜品都係╮(╯▽╰)╭ 食物種類: 清單上有既種類都幾多既 跟住入座唔夠1分鐘就有一個女服務員過來講左一句野"+$40就可以叫星級食物 尼親既客人都一定會加錢架!" 姐係點?我唔加就係另類?(#ﾟДﾟ) 咁唯有照加啦～¯\_(ツ)_/¯ 之後好順口咁問左佢一句"今日有咩係完全無貨無得叫架?" 佢答我"今日無野係無貨架 樣樣都有 你見張紙有寫既 你叫左就會有”( ̀⌄ ́) 結果食左半個鐘就同我地講尼樣無果樣又無(╯‵□′)╯︵┻━┻服務態度: 個女服務員真係極品 問佢拎多個夾同多對筷子都要問好多野 先肯黑住面拎過尼(Ｔ＿Ｔ) 跟住我比紙佢叫野食 佢見到我但無過尼 淨係叫另一個男服務員去服務我地 仲要每一次都係 女既就企系到 男既做緊野都要過尼 喂認真講句 你係唔想做野就咪返工啦 或者唔想服務我地既咪開聲囉 唔通又要為難你咩(￣Д￣)結論: 學方東昇咁講"一試無妨 再試投降" 依家我加多句"如果時間可以重尼 我會選擇唔尼"

看了之前的好評，也看了彈得一文不值的負評。究竟事實如何，親自一試便知。整體而言，食物種類算多，剌身、天婦羅質素都OK。在眾多肉類之中，我最喜歡羊架及一口牛，燒好後味道剛好，不淡也不鹹，而且肉質鬆軟，不會韌。至於魚柳，真係淡而無味，要蘸燒汁才OK。另外，那些已醃的肉，味道較濃，愛吃濃味的朋友應該喜歡。最後就係「地獄」醃肉，辣味夠，喜歡辣的可以一試。服務方面不錯，就是人多時會漏單。

今次嚟到油麻地呢到食日式燒肉放題，店鋪呈日式裝修，座位都好舒適，食完又無油煙味放題午餐食物種類唔算少，有刺身、小食、燒物、海鮮、炸物、飲品等，全部都是任飲任食，有部分食物要加$40升級先可以選。等燒期間梗係先食刺身啦，叫咗帶子、八爪魚、鮑片、北寄貝同甜蝦刺身。帶子刺身又甜又綿，雖然細粒，但任叫就無所謂啦～八爪魚刺身鮮爽；北寄貝同甜蝦好新鮮。燒物類十幾款選擇，當中推介牛舌切得薄，食落爽口彈牙，雞翼雞軟⻣都嫩滑，一口和牛，牛味濃郁，吃起來有口感，海鮮類推介帆立貝夠大粒同甜。基本上都唔洗蘸醬都夠味。炸物類做得唔錯，炸蝦天婦羅、餃子、小番薯都外皮鬆脆，即叫即炸夠晒熱。甜品方面，有雪糕、一口cheesecake 同雪米滋

鳴橋燒肉店於晚上6點前，價格合理，多加40元，還可選虎蝦，帶子，魚生等。款式多，還可無限添加。食材新鮮，牛，雞，豬，羊等俱備。侍應能盡快為客人落單，令客人有充裕時間進食。座位都算舒適。

唔好俾好評呃到！我就係俾好評呃入黎！d肉好臭，好大雪味，碟肉上枱好似成堆xx咁，其實放好少少唔係好多功夫姐...飲完一碗味噌湯，想食個烏冬點知所謂清湯烏冬係味噌湯.......好頭痛 (說好的清湯呢？！服務態度其實算ok，係得後生女態度差，我都係問佐一句姐，"等下啦"語氣差到，唔講以為我欠佐佢，個女仔個樣又唔係黑面個d，但係一開口真係嚇死人，無下次，大家唔好俾好評呃入黎啊！！！激鬼氣，咁既價錢，咁既服務，食茶記唔好？

係朗豪坊聚會完結。朋友話泊底部車係砵蘭街，要去入咪錶，原來泊咗係鳴橋過幾個車位，於是乎因利成便，幫襯鳴橋。依家天氣好熱嘛，唔想係條街到蕩，快快趣入鋪頭先囉！再講，已經唔係第一次幫襯鳴橋，上一次幫襯鳴橋，服務唔錯價錢平，所以再幫襯。話就話燒烤放題，其實佢地都有魚生，天婦羅炸物同烏冬等提供。最初都擔心，會唔會對住個烤爐會好熱，但原來一d都唔熱，因為鬼我好鬼怕熱嘛！法式香草羊架，仍然同上次一樣咁入味，騷味接受，虎蝦大隻同新鮮，一口和牛粒未燒熟外相已經好吸晴，入口牛肉味充足無渣，正！d香港人好鬼無手尾，離開嘅時候只識開門唔識閂門，搞到冷氣走哂，唉......

是日星期三平日,只有三至四枱有客食物品質尚算中等,而羊排更是不停添食只是以今時今日放題的標準,是不合格的,原因是他準許每次下單的份數是人數的三倍,那麼我只填六人份量牛肋肉,最後只是給予四片,試問這是甚麼的玩法.如此有幾樣食物都是如此,雞軟骨那些下難野的一人份量就多得嚇人.如此小家,就拜託不要打正旗號做放題😓

以前想和好久不見的朋友見面吃飯的時候，總會選擇鳴橋，因為有我最愛吃的刺身，而且品質也不錯，也有質素很高的燒肉。特別推介這裏的牛柳粒。今次也不例外，和友人見面的時候，第一間餐廳便提議到鳴橋吃刺身和燒肉。一坐下，我們便叫了自身，三文魚，帆立貝，甜蝦，這些必叫的刺身。還有各樣的肉類都叫了一點。因為我們只有兩個人，所以我們能要的份量不多。這裏的服務也很周到，看見我們只有兩個人也不會怠慢我們，很快便把所點的食物送到，還給問我們有沒有其他需要。侍應一邊提醒我們把肉類快速地燒好，以免用作燒肉的鍚紙燒焦，一邊提醒我們應先吃什麼才能好好感受到食物的美味。牛柳粒的肉質很柔嫩，很快的燒熟了表面的那層，吃下去剛剛好，肉汁也鎖住了在裏面。刺身也很新鮮，不用點太多的芥辣和豉油也很好吃。最後不得不提是這裏的雪糕，個人很喜歡抹茶，所以點了兩個，也一如以往的有濃濃的抹茶味，很好吃。

服務頗算快，而且員工都幾細心，除左收空碟速度有待改善，大致中上。環境不錯，頗有情調，不過上菜速度望可加快。食物方面，推薦食一口和牛及蝦天婦羅，和牛比其他燒肉店好好多。

話說朋友生日一行7個人去食， 主要係見近黎啲食評回復好評， 以為有所改善。可惜本性是難移， 廣告打手堆出黎既好評又一次令食客失望。已經係平日， 又唔滿客， 加錢升級話有帶子呀果啲刺身， 黎左頭一轉之後就無出現過。點極都唔出現， 直接問就話無貨， 總之推薦食物都要咩無咩， 咁加錢升級黎做咩。做得咁小氣， 學咩人做放題

雖然減肥成日掛係口唇邊，不過偶然都好想放縱下做食肉獸！入到舖頭枱唔係好多，七點未到已經幾乎坐滿人！食物種類唔算特別多，但都唔少！基本既都有齊！有刺身，野菜，炸物，飯麵，肉類，海鮮，和食等等都有！我地今日兩個女仔食，每樣叫咗少少試下！叫咗三文魚，馬刀貝，帶子，北寄貝，甜蝦，雖然樣樣好細份，不過勝在樣樣都十分鮮甜！☺️☺️ 食完一刻已經想encore! 已經準備叫第二份刺身！食住刺身期間就燒住肉類先！我地都係每樣都試下，羊架醃得好香，雖則我唔食羊，不過一路燒都聞到好香！雞翼看似簡單既食物，醃黎食應該唔會醃得唔好食，我覺得最重要係無雪藏味！而呢間燒肉放題肉類去得咁快，佢都無雪藏味😍😍👍🏻 一口和牛係幾高質好食👍🏻 其餘肉類就不過不失啦！海鮮類都好正！帶子大大粒！飲品方面，除咗有罐裝汽水，仲有自製熱茶同埋涼茶！呢間食物上得快，而且服務好好，keep住有留意主動換紙燒野食！👍🏻